རིགས་ཀྱི་བུ།
དེ་རིང་ང་ལ་ཁ་པར་སླེབས་ནས་གནས་ཚུལ་གོ་ཐོས་ལྟར་ན། སིད་སུ་རུ་གནས་སྡོད་བོད་པའི་ཨ་ཅག་ལགས་ཞིག་གིས་ལོ་གསར་གྱི་སྐབས་དང་བསྟུན་ནས་གཞས་སྣའི་དགོང་ཚོགས་ཤིག་བཀོད་སྒྲིག་བྱེད་གིན་ཡོད་པ་མ་ཟད་དགོང་ཚོགས་ཀྱི་སྤ་སེ་ཡང་ཟླ་བ་གཅིག་གཉིས་ཀྱི་སྔོན་ནས་བཙོང་ཚར་འདུག་ཟེར། ལོ་སྔོན་མར་ཡང་ཨ་ཅག་ལགས་དེས་བཀོད་སྒྲིག་འོག་བཙན་བྱོལ་ནང་གི་གཞས་བ་མི་ཉུང་བ་ཞིག་སྐད་བཏང་ནས་ལོ་གསར་དགོང་ཚོགས་འཁྲུག་པོ་ཞིག་ཚོགས་སོང་ཟེར། དགོང་ཚོགས་དེ་ཡོང་རྒྱུའི་ཚེས་ཉེར་བརྒྱད་སྟེ་གཟའ་སྤེན་པའི་ཉིན་དང་འཁེལ་འདུག་ཟེར། སིད་སུ་རུ་གནས་སྡོད་བོད་མི་ཚོའི་ནང་ན་སྤྲོ་ཚོགས་དེ་ལ་འགྲོ་གི་ཡིན་ཟེར་མཁན་གྱི་རིགས་གཅིག་དང་འགྲོ་གི་མིན་ཟེར་མཁན་གྱི་རིགས་གཅིག་བཅས་གཉིས་འདུག་ཟེར་ལ།
འགྲོ་གི་མིན་ཟེར་མཁན་རིགས་ཀྱིས་། ད་ལོ་ང་ཚོས་ལོ་གསར་གཏོང་གི་མེད་བཞིན་དུ་གལ་སྲིད་གཞས་སྣ་དེ་འདྲ་བཀོད་སྒྲིག་བྱས་ན། གཞས་གཏོང་སར་སོང་ནས་སྐད་འབོད་བྱེད་ཀྱི་ཡིནལབ་ཀྱི་འདུག་ཟེར། གང་ལྟར། ད་ལྟ་ཨ་ཅག་ལགས་དེས་གཞས་སྣ་བཀོད་སྒྲིག་དེ་ཕྱིར་འཐེན་བྱས་མེད་པ་འདྲ།
ན་ནིང ་༣.༡༤དུས་སུ་སུད་སི་ན་བུ་མོ་གཉིས་ཀ་བསྡད་ཡོད་ཟེར་བའི་ལྷ་སའི་རྒད་པོ་ཞིག་གིས་༣.༡༤ལ་སྐྱོན་བརྗོད་བྱས་ཏེ་CCTVབརྙན་འཕྲིན་ཁང་ནས་བསྒྲགས་བྱུང་། དེ་དུས་ང་ཧ་ལས་སོང་། དེས་ན་སུད་སིར་སྡོད་མཁན་ཚོའི་བོད་མིའི་ནང་ནའང་མི་སྣ་ཚོགས་ཡོད་འདུག་སྙམ། རྒད་པོ་དེའི་མིང་ད་ལྟ་ངས་མ་དྲན་ཐལ།
ས་གནས་འདིའི་བོད་པ་ཚོ་དང་ངེད་ཆོས་ཚོགས་ཀྱི་ཕྱི་རྒྱལ་དད་ལྡན་པ་དག་མཉམ་པོར་ང་ཚོའི་ལྷ་ཁང་དུ་འཚོགས་ནས་ཤི་གསོན་གཉིས་ཀྱི་ཆེད་དུ་སྨོན་ལམ་བཏོན་ཚར་ནས་ད་སོ་མ་ཤོད་དུ་བབས་ཏེ་གསོལ་ཇ་རེ་མཆོད་བཞིན་པའི་སྒང་ཡིན།
རང་གི་ལྟོ་ལས་གལ་ཆེན་དུ་མེད་པར་འདོད་མཁན་དག་ནི་གང་དུ་སོང་ཡང་རང་ཉིད་ལ་བོད་ཀྱི་ལུས་ཤིག་ཡོད་པ་དང་ལུས་དེ་དང་འགྲོག་ནས་བོད་ལ་འགན་ཞིག་ལེན་དགོས་པ་མི་ཤེས་མཁན་དེ་དག་ནི་གང་དུ་སོང་ཡང་། དེ་འདྲ་ཞིག་མ་གཏོགས་བྱེད་མི་ཡོང་། དངོས་ནས་མི་དེའི་རིགས་ཀྱི་མིང་དང་ས་གནས་སོགས་གསལ་བོ་ཞིག་འདྲེན་རྒྱུ་ཡོད་ན་ནི་དངོས་ནས་ཡག་པོ་རེད། དེ་མིན་ཁ་རྫུན་ལྟ་བུ་ཞིག་ཆགས་སོང་བ་ཡིན་ན་ནི་དེ་བས་ཀྱང་ཡག་པོ་མ་རེད།
མི་དེ་ཚོའི་རིགས་ཀྱི་ཁ་བྱང་རེག་ན་ཡང་། ང་ཚོས་ཅི་ཞིག་བྱེད་དགོས་སམ།
མི་དེ་ཚོའི་རིགས་ཀྱི་སེམས་ན་ཚོར་བ་ཞིག་མེད་སོང་ན་དཀའ་ནི་རེད་ཡ།
ལོ་རྙིང་གིས་མྱ་ངན་གྱི་ཁུར་བོ་ལྗིད་ཏིག་ཏིག་ཅིག་ཁུར་ནས་ག་ལེར་ག་ལེར་ཕྱིན་སོང་།
ལོ་གསར་ཡང་སྤྲོ་སྐྱིད་ཀྱི་རྣམ་པ་གང་ཡང་མེད་པར་འཁང་ར་དང་ཤུགས་རིང་གིས་བསུས་སོང་།
ད་ང་ཚོའི་མདུན་ལ་བོད་དོན་ལས་འགུལ་མང་པོ་ལུ་གུ་རྒྱུད་དུ་སྦྲེལ་འདུག
མི་ཞིག་གིས་ཁེ་གྲི་བཟུང་ཞིང་ལུག་བལ་འབྲེག་གི་འབྲེག་གི་གཞས་ཤིག་བཏང་ན་དེ་ཡང་བོད་དོན་ལ་ལས་ཀ་ཆུང་ཙག་ཅིག་བྱས་པ་ལོས་ཀྱང་ཡིན།
མི་མང་པོ་ཞིག་གི་ཁོག་ན་སྐྲན་དུ་གྱུར་པའི་སྡུག་བསྔལ་རི་འདྲ་བ་དེ་གཞས་ཀྱི་ལམ་ནས་ཕྱིར་བཏོན་པ་ཡིན་ན་དེ་ལས་ཀ་ཆུང་ཙག་ཅིག་རེད་ལབ་ན་ཡང་འཚམས་པོ་ཞིག་མ་རེད།
༄༅། སྤུན་ཟླ་ལགས། སུད་སིར་ཨ་ཅག་ལགས་དེ་གཅིག་པུ་ཨེ་ཡིན། རྒྱ་གར་སྦེང་ལོར་དུ་སྡོད་མཁན་མགོན་པོ་ཟེར་མཁན་ཁྲམ་པ་ཞིག་ཀྱང་ཡོད་པ་གོ་རྒྱུ་འདུག ཁོ་ལ་རོགས་པ་ཁག་ཅིག་ཧོང་ཀོང་ནང་སྡོད་མཁན་དེ་འདྲ་ཡོད་རེད། དངོས་གནས་ཁྱད་མཚར་ཡོད་རེད་དཱ། ཁོ་ལ་རོགས་པ་དངུལ་མ་གཏོགས་བསམ་རྒྱུ་མེད་པའི་ཆོས་འཕེལ་ཟེར་མཁན་གཞུང་གི་ལས་བྱེད་ཡིན་མདོག་བྱ་མཁན་ཞིག་ཀྱང་ཡོད་པ་གོ་བྱུང༌། ཁོང་ཚོས་སྦེང་ལོར་མཐོ་སློབ་ཁུལ་ནས་བོུ་ཁག་ཅིག་འཕྲོ་བརླག་ཀྱང་གཏོང་གི་ཡོད་པ་གོ་རྒྱུ་འདུག ད་ལོ་རྒྱ་གར་དུ་གཞས་ཀྱི་འདུ་ཚོགས་བྱ་མ་ཐུབ་རྐྱེན། ཕྱི་རྒྱལ་མཐའ་དག་དངུལ་ལོར་གྱི་ཆེད་དུ་མི་གཡོག་རྒྱུགས་ཏེ་སྡོད་དགོས་སྟབས་སྣང་བ་སྐྱིད་པའི་གླུ་འདྲ་ལེན་ཏེ་སེམས་སྡུག་སེལ་རྩིས་བྱ་གི་ཡོད་རེད། ཁོང་ཚོའི་ཁྲོད་མི་རིགས་ཀྱི་ལ་རྒྱ་དང་མི་རིགས་གོམས་སྲོལ་དེ་ཧ་ལམ་ཕྱེད་ལྷག་སྟོང་ཚར་བ་རེད། ལྟོས་དང༌། ཕྱི་རྒྱལ་དུ་འགྲོ་མཁན་བོད་པ་ཚང་མས་སྒྲ་སྙན་རེ་སྦྱངས་ཏེ་དཔུང་པར་གོན་ནས་འགྲོ་གི་མི་འདུག་གམ། ཁོང་ཚོར་གནམ་གྲུའི་སྟེང་འཛེགས་པ་ནས་བཟུང་བོད་རིགས་ཀྱི་ཤ་ཞེན་དང་ལ་རྒྱ་ཕྱེད་མ་ཟིན་ཙམ་བར་སྣང་ཁྲོད་རེ་བ་དང་དངུལ་ལོར་ལ་ཆགས་ཏེ་རྦད་དེ་བསམ་རྒྱུ་མེད་པར་གྱུར་ཚར་བ་རེད། ད་དུང་དུས་ཚོད་རིང་ཙམ་འགོར་སྐབས་སོ་སོའི་མི་རིགས་ཀྱི་ཡོད་ཚད་སྐྱོན་དུ་མཐོང་སྟེ་མི་གཡོག་རྒྱུགས་པའི་ཌོ་ལོར་ཕྲན་བུ་དེས་རང་ཉིད་གཞན་གྱི་བྲན་གཡོག་ཏུ་ཚུད་དེ་ནམ་ཡང་གཞན་གྱི་ལག་ཆུ་ཟེགས་ཏེ་སྡོད་རྒྱུ་དེ་ད་ལྟ་ཁོང་ཚོར་གོམས་གཤིས་སུ་གྱུར་ཟིན་པ་རེད། བྱས་ཙང་ཁོང་ཚོས་གཞས་ཀྱི་འདུ་ཚོགས་བྱ་སྲིད་པ་རེད་ལ། དགའ་པོ་སྐྱིད་པོ། མཛའ་གཞས་དང་འཁྲུག་གཞས་བཏང་སྟེ་དེ་ནི་ང་ཚོས་བོད་ནང་གི་བོད་མི་ཚོར་གདུང་སེམས་མཉམ་སྐྱེད་མཚོན་པར་བྱ་གི་ཡོད་ཅེས་ཤོད་སྲིད་པ་རེད། གའི་ཡོད་མ་རེད། སེམས་ཁོངས་སུ་སྡུག་བསྔལ་ཡོད་པ་ཚོས་སྡུག་བསྔལ་བསམ་ཏེ་འཐབ་རྩོད་བྱས་ན་མ་གཏོགས་ཁེ་བཟང་གང་ཡོད་དུ་རྒྱུགས་མཁན་མགོ་གཉིས་མ་ཁག་ཅིག་གིས་ནམ་ཡང་ཁེ་བཟང་ཁོ་ན་ལེན་ཏེ་སོ་སོའི་མི་རིགས་ལ་འགན་གང་ཡང་འཁུར་གྱི་མ་རེད། རེ་བ་མ་བྱེད། དེ་ལས་ངས་བཤད་པར་ཉོན་དང༌། ཨ་རིར་ལོ་སྔོན་མའི་ཞི་རྒོལ་གྱི་དྲོད་མ་ཡལ་གོང་ནས་ང་ཚོའི་གཞོན་སྐྱེས་ཚོས་དགའ་མོས་ཆེ་ཤོས་བྱེད་པའི་གཞས་པ་ཁག་ཅིག་སོགས་མཉམ་འཛོམས་ཀྱིས་མཚན་ཚོགས་དེ་འདྲ་ཚོགས་པ་རེད་ལ། ཨ་རི་དང་རྒྱ་གར་སོགས་ནང་ཡོད་པའི་ང་ཚོའི་གཞས་པ་ཡིན་ལ་མ་ཡིན་དེ་ཚོས་འོད་སྡེར་གཅིག་མཇུག་གཉིས་མཐུད་དུ་བཏོན་ནས་ཕྱི་ཤུབས་སུ་ད་ལོའི་བོད་ནང་གི་ཞི་རྒོལ་དང་འབྲེལ་བ་ཡོད་མདོག་མདོག་བྱས་ནས་ནང་དོན་དུ་གཞས་གདངས་རྒྱ་མིའི་གཞས་གང་བཏང་བ་དེ་རང་ལེབ་བཤུས་ཀྱིས་བོད་ཀྱི་རིག་གཞུང་ཉམ་ཆགས་གང་འདྲ་གཏོང་གི་མི་འདུག་གམ། དེ་ཚོ་རྡ་ས་དང་བོད་མིའི་སྲང་ལམ་ཡོད་ཚད་དུ་མངོན་གསལ་དོད་པོས་བཙོང་གི་འདུག་ལ། ང་ཚོའི་གཞོན་སྐྱེས་མང་པོས་དགའ་མདོག་ཁ་པོས་ཉན་གྱི་འདུག་པས་དེ་དག་ལ་དཀོན་མཆོག་གསུམ་གདོང་ལེན་མ་བྱས་ན་སིམ་འཛུལ་དེ་ངར་ཤུགས་ཆེ་ཙམ་མི་འདུག་གམ། དེ་ལ་གྲོགས་པོ་ང་ཚོ་ཚང་མས་ལོ་གསར་པ་ནས་འགོ་བཙུགས་གདོང་ལེན་གཅིག་བྱས་ན་མ་རེད་པས། ཁོང་ཚོའི་བོད་ཀྱི་གཞས་པ་བྱེད་འདོད་པའི་བསམ་བློ་དེ་ཡག་པོ་འདུག་ཀྱང༌། གཞས་གདངས་རྒྱ་མིའི་གཞས་གདངས་རང་རྐུ་དགོས་པའི་ཐབས་སྡུག་དེ་འདྲ་ཅི་རེད་དམ། སྐྱོ་བ་ལ་་་་་་་་་་་་་་་་་་་་་་