ཟླ་འདིའི་ཚེས་ ༡༧ ཉིན་བཀའ་ཁྲི་གསར་པ་གཙོས་བོད་མི་མང་སྤྱི་འཐུས་ལྷན་ཚོགས་ཀྱི་ངོས་ནས་མ་འོངས་པར་བོད་ཀྱི་སྐད་ཡིག་སྲུང་སྐྱོབ་སྐོར་ལ་ཉམས་པ་སོར་ཆུད་དང་མི་ཉམས་གོང་འཕེལ་ གཏོང་ཐབས་ཀྱི་སྐོར་ལ་བོད་ཀྱི་མཁས་པ་དང་ཤེས་ཡོན་པ། དྷ་སའི་གཡས་གཡོན་གྱི་དགོན་སྡེ་དང་སློབ་གྲྭ་ཁག་གི་སློབ་སྤྱི་སྐོར་ཞིག་བཅས་ཆེད་དུ་གདན་ཞུས་ཀྱིས་གྲོས་མོལ་རང་བཞིན་ཅན་གྱི་བགྲོ་གླེང་ཞིག་གོ་སྒྲིག་བྱ་འཆར་ཡོད་པ་དང་བགྲོ་གླེང་དེའི་མཇུག་འབྲས་ཀྱི་བསམ་ཚུལ་ཕྱོགས་བསྡུས་ཀྱིས་དེར་ཡོད་པའི་གདན་ཞུའི་སྐུ་མགྲོན་དང་ཚོགས་ཞུགས་པ་ཡོངས་ཀྱི་མཚན་རྟགས་བཀོད་དེ་བཀའ་ཁྲི་གསར་པ་དང་བོད་མི་མང་སྤྱི་འཐུས་ལྷན་ཚོགས་སུ་དབུལ་རྒྱུ་ཡིན་པས་དེར་དོ་སྣང་ཡོད་རིགས་རྣམས་དུས་ལྟར་ཕེབས་རོགས་ཞུ་ཞུ།
གདན་ཞུའི་སྐུ་མགྲོན་ནམ་བགྲོ་གླེང་པ།
དགེ་བཤེས་ལྷག་རྡོར། ན་གཱ་སངས་རྒྱས་བསྟན་དར། ཤེས་རབ་དར་རྒྱས། བློ་གྲོས་དཔལ་བཟང་། དགེ་འདུན་རབ་གསལ། ཆུང་ཚེ་རིང་། ཆབ་བྲག་ལྷ་མོ། རེ་མདོ་སེང་གེ། གཟུངས་ཕྱུག་སྐྱིད། འོད་ཟེར། པ་སངས། གསར་འགོད་མཐུན་ཚོགས་ཀྱི་ཚོགས་གཙོ་དང་ཚོགས་གཞོན།
དྷ་སའི་གཡས་གཡོན་གྱི་སློབ་གྲྭ་དང་དགོན་སྡེ་ཁག་གི་སློབ་སྤྱི།
བརྗོད་བྱ། བཀའ་སྤྱི་གཉིས་ཀྱིས་བསྒྲུབས་པའི་འདས་ཟིན་པའི་སྐད་ཡིག་སྲུང་སྐྱོབ་སྐོར་གྱི་དགེ་སྐྱོན།
བརྗོད་བྱ། མ་འོངས་པར་བཀའ་སྤྱི་གཉིས་ཀྱིས་ངེས་པར་དུ་བསྒྲུབ་དགོས་པའི་སྐད་ཡིག་སྲུང་སྐྱོབ་ཀྱི་ཐབས་ལམ་དང་དེ་ལག་ལེན་བསྟར་ཕྱོཊ།
དུས་ཚོད། ཟླ་འདིའི་ཚེས ༡༧ ཉིན། རེས་གཟའ་ཉི་མ། ༼ཞོགས་པའི་དུས་ཚོད་ ༩ ནས་ཕྱི་དྲོའི་དུས་ཚོད་ ༤ བར། ༽
འཚོགས་ཡུལ། བོད་ཀྱི་དཔེ་མཛོད་ཚོགས་ཁང་།
གོ་སྒྲིག་པ། བོད་ཀྱི་སྐད་ཡིག་རྒྱུན་འཛིན་ཚོགས་པ།
༢༠༡༡ ༧ ༡༢ ཉིན། བོད་ཀྱི་སྐད་ཡིག་རྒྱུན་འཛིན་ཚོགས་པས།
བོད་ཀྱི་སྐད་ཡིག་རྒྱུན་འཛིན་ཚོགས་པ་མཆོག་ལ།
ཁྱེད་རྣམས་ཀྱིས་བོད་ཀྱི་སྐད་ཡིག་ཆེས་ཆེར་ཉམས་རྒུད་དུ་འགྲོ་བའི་གནས་ལུགས་འདི་འདྲ་ལ་གཟིགས་ཏེ། བོད་རིག་གཞུང་སྐད་ཡིག་འདི་ཉམས་གསོ་མཛད་ཐུབ་ན། བོད་རིག་གཞུང་ཡུན་རིང་གནས་པ་དང་། བོད་མི་རྣམས་གཅིག་འགྱུར་འབྱུང་བ་ལ་ཕན་པར་ངེས། དེ་ཡང་མཁས་དབང་དགེ་འདུན་ཆོས་འཕེལ་གྱིས་འདི་ལྟར་གསུངས་ཏེ།
དེས་ན་ད་དུང་ཡང་རང་རེ་རྣམས་ཇི་སྲིད་བསྟན་བཅོས་ཀྱི་ཐ་སྙད་དང་ཆོས་སྐད་ལ་ཆ་འཇོག་བྱེད་པ་དེ་སྲིད་དུ་བོད་ཡུལ་ཡོངས་རྫོགས་ཀྱི་སྐད་རིགས་ཀྱང་གཅིག་ཏུ་གནས་པ་ཡིན་ཞིང་། དཔེར་ན་ཆོས་སྐད་དུ་བྲིས་པའི་གླེགས་བམ་ཞིག་མངའ་རིས་ནས་ཨ་མདོའི་བར་དུ་འཁྱེར་ཡང་། ཐམས་ཅད་ཀྱིས་ལྷོགས་ཤིང་གོ་ཐུབ་པ་ཡིན། དེ་མིན་དིང་སང་མཐའ་མི་འགའ་ཞིག་གིས། དབུས་ཀྱི་ཕལ་སྐད། ལ་དྭགས་ཀྱི་ཕལ་སྐད་སོགས་སྣང་བ་གང་དྲན་གྱི་སྐད་མཛོད་དང་གླེགས་བམ་སྡེབས་པ་འདི་རིགས། བརྒྱ་ལ་དར་སྲོལ་ཆེ་རུ་སོང་ན། ཡུལ་སོ་སོའི་ཕལ་སྐད་མི་འདྲ་བའི་རྐྱེན་གྱིས་བོད་ཀྱི་སྐད་སྤྱི་ཡང་དུམ་བུར་ཆད་དེ། ནམ་ཞིག་ན་ཡུལ་སོ་སོའི་སྐད་དང་ཡི་གེ་ཕན་ཚུན་བརྡ་མི་འཕྲོད་པ་ཞིག་འོང་ངེས་ལ། སྐད་ཡིག་སོ་སོར་གྱེས་པས། བསམ་འཁྱེར་དང་སྤྱོད་ལམ་སོགས་ཀྱང་ཐ་དད་དུ་སོང་སྟེ། མཐར་བོད་ཀྱི་རིགས་དང་རྒྱལ་ཁམས་རྩ་བ་ཉིད་ནས་སིལ་བུར་འགྲོ་བའི་རྐྱེན་དུ་འགྲོ་བ་ལགས། གལ་ཏེ་ཕལ་སྐད་གསར་པ་དེ་ལྟ་བུ་ཞིག་བོད་ཡུལ་ཀུན་ཏུ་དར་བའི་དབང་དུ་བྱས་ན་ཡང་། རང་ཅག་གི་ཆོས་སྐད་དུ་བྲིས་པའི་མདོ་རྒྱུད་རིག་གནས་ཀྱི་གཙུག་ལག་རྒྱ་མཚོ་ལྟ་བུ་འདི་ཀུན་རིམ་གྱིས་སུས་ཀྱང་མི་གོ་བའི་གླེགས་བམ་གྱི་ཕུང་པོ་ཙམ་དུ་འགྲོ་ངེས་པས། སྲོལ་ངན་འདི་འདྲའི་ཕྱོགས་ལ་ཐམས་ཅད་ཀྱིས་བག་ཟོན་དགོས་པ་ལགས།
ལྷ་ས་ཧོར་ཁང་སྤར་མ། ཤོག་གྲངས། ༣༢
དིང་སང་འབྲི་བ་པོ་ཕལ་ཆེ་བས་དགོངས་མོ་ལ་དགོང་མོ་དང་། བཀའ་སྩལ་པ་ལ་བཀའ་བསྩལ་བ་དང་། རྒྱུ་ཆ་ལྡང་བ་ལ་རྒྱུ་ཆ་འདང་བའམ་རྒྱུ་ཆ་འདེང་བ་དང་། འོང་བ་ལ་ཡོང་བ་དང་། ལེགས་ལ་ལགས་དང་། རྗེས་འཇུག་ང་དང་། འ་ ར་ ལ་ དབྱངས་མཐའ་ཅན་གྱི་མིང་མཐའ་ལ་པ་ཐོབ་དགོས་པ་དག་ལ་ཡང་། བ་ཡིག་འབྲི་བ་དང་། བསྡུས་ཡིག་འགའ་ཞིག བཀྲ་ཤིས་ལ་བཀྲིས་དང་། བཀའ་དྲིན་ལ་བཀྲིན་དང་། རྗེས་འཇུག་ག་དང་དེ་ལ་ཡང་འཇུག་ས་ཡོད་པ་ལ་ཊ་འབྲི་བ་དེ་དག་མ་འབྲི་གྲོགས་ཞེས་འབྲི་མཁན་དག་ལ་ཞུ་བ་དང་། བོད་ཀྱི་མིང་ཚིག་དག་་འབྲི་མཁན་དག་གིས་སོ་སོའི་ལུང་སྐད་ཙམ་ཁོ་ནར་མ་ཡིན་པར་བཀའ་བསྟན་གསུང་འབུམ་སོགས་ཀྱི་་ཡིག་སྐད་དང་མཐུན་པ་ཞིག་མཛད་ཐུབ་ན། དགེ་འདུན་ཆོས་འཕེལ་མཆོག་གིས་བོད་ལ་ཤ་ཚས་གསུངས་པ་ལ་ཡང་རྩི་བཀུར་ཞུ་བར་འགྱུར་ངེས་ལགས།
ལག་ལེན་བསྟར་ཕྱོཊ། ཀློག་པ་པོ་ཚང་མས་ཊ་དེ་གས་ཡིན་པ་ཤེས་མི་ཐུབ་
ཁྱེད་ཚོའི་བགྲོ་གླེང་དེ་གྲུབ་པའི་རྗེས་སུ། བགྲོ་གླེང་ཅི་བྱུང་སྐོར་གྱི་གནས་ཚུལ་གསལ་བོ་ཞིག་དྲ་ཐོག་ལ་འཇོག་རོགས། དེ་རེ་བ་ཡིན།
སྐད་ཡིག་གི་གནད་དོན་འདིའི་སྐོར་ལ་བསམ་ཚུལ་མང་པོ་ཡོད་། ཁྱེད་ཚོ་ཁ་དྲོ།
ཡག་པོ་རེད། འོན་ཀྱང་གོ་བསྡུར་བྱེད་སའི་མི་ཤེས་མྱོང་ཅན་སྐད་བཏང་ན་ལེགས། འདིའི་ནང་ཁ་ཤས་ཤིག་ནི་སྐབས་འཚོལ་བ་དེ་འདྲ་རེད།
རྣམ་པ་ཚོ་ཕེབས་པར་དགའ་ཡོད།
ཐུགས་རྗེ་ཆེ།
ཐུགས་རྗེ་ཆེ་ཞུ།
དྲྭ་བདག་ལགས། རིགས་གཞུང་ལ་ཞབས་འདགས་ཆེད་གང་ནུས་ཀྱིསའབད་བརྩོན་བྱེད་རྒྱུ།