གཅན་ཡེ་རྒྱམ།
ཨ་རིའི་ཝེ་སི་ཀོན་སིན་ནང་བཞུགས་བོད་རིགས་རྣམས་ཀྱིས་གསུམ་བཅུ་དུས་དྲན་སྲུང་བརྩི་བྱས། །
ཕྱི་ལོ་༢༠༡༢པའི་ཟླ་གསུམ་པའི་ཚེས་བཅུའི་ཉིན་གྱི་ཆུ་ཚོད་བཅུ་བའི་སྟེང་ཝེ་སི་ཀོན་སིན་གྱི་བོད་རིགས་དང་བོད་དོན་རྒྱབ་སྐྱོར་བ་མི་སུམ་བརྒྱ་ལྷག་མལ་ཌེ་སིན་གྲོང་ཁྱེར་སྤྱི་ཁྱབ་ཁང་གི་མདུན་དུ་འཛོམས་ཏེ། ཨ་རིའི་རྒྱལ་གླུ་དང་བོད་ཀྱི་རྒྱལ་གླུ་ལེན་བཞིན་གྲོང་ཁྱེར་སྤྱི་ཁྱབ་མཆོག་གིས་ཨ་རིའི་རྒྱལ་དར་དང་བོད་ཀྱི་རྒྱལ་
དར་བསྒྲེངས་འཛུགས་བྱས། དེ་ནས་གསུམ་བཅུའི་དྲན་གླུ་དང་མི་དམངས་ལངས་གླུ་ཕུལ་རྗེས་བོད་རྒྱལ་ཁབ་བསྟན་སྲིད་མི་རིགས་དང་བཅས་པའི་ཆེད་དུ་རང་སྲོག་བློས་བཏང་གནང་མཁན་བོད་རིགས་སྤུན་ཟླ་སྤྱི་དང་། ཉེ་ཆར་རང་ལུས་མེར་བསྲེག་འབུལ་མཁན་ཚོར་མྱ་ངན་གུས་འདུད་སྐར་མ་གཅིག་ཞུས།
དེ་ནས་མཛད་རིམ་ལྟར་ས་གནས་སྤྱི་མཐུན་ཚོགས་པའི་ཚོགས་གཙོ་ཁམས་ལུང་རིན་པོ་ཆེ་མཆོག་གིས་དུས་དྲན་ངོ་སྤྲོད་ཞུས། མཐོ་སློབ་ཀྱི་སློབ་མ་བསྟན་འཛིན་ཚེ་རྒྱལ་དང་བཀྲ་ཤིས་ཚེ་རིང་གཉིས་ནས་བཀའ་བློན་ཁྲི་བའི་གསུངས་འཕྲིན་ལྗགས་ཀློག་ཞུས།
བཟང་མོ་ལགས་ནས་མངའ་སྡེ་སྲིད་སྐྱོང་མཆོག་གིས་གསུམ་བཅུའི་དུས་དྲན་ཉིན་མོ་འདི་ནི་བོད་ཀྱི་ཉིན་མོ་ཞིག་ཏུ་སྲུང་བརྩི་ཞུ་བཞིན་ཡོད་ཅེས་དང་། བོད་དེ་རྒྱ་གཞུང་གི་བཙན་གནོན་འོག་ཡོད་པར་ཆ་བཞག་གི་ཡོད་ལ། རང་དབང་ལ་དགའ་མཁན་ཚོས་འགྲོ་བ་མིའི་ཐོབ་ཐང་རྡོག་རོལ་ཏུ་མི་གཏོང་བར་བོད་མི་རིགས་ལ་སེམས་གསོ་དང་རོགས་རམ་ཡོང་བའི་འབོད་སྐུལ་ཞུ་བ་སོགས་ཀྱི་གསུང་འཕྲིན་སྒྲོག་སྦྱང་གནང་།གྲོང་ཁྱེར་སྤྱི་ཁྱབ་ཇའོ་ཕེ་རི་སི་Joe Parisi མཆོག་ནས་ང་དེ་རིང་ཁྱེད་རང་ཚོ་མཉམ་དུ་བོད་ཀྱི་གསུམ་བཅུ་དུས་དྲན་སྲུང་བརྩི་བྱེད་ཐུབ་པར་དགའ་བོ་བྱུང་སོགས་དང་། དེ་རིང་བོད་ཀྱི་རྒྱལ་དར་འདི་ཀ་ས་གནས་སུ་བསྒྲེངས་འཛུགས་བྱས་པ་རེད་དེ། མི་འགྱང་བར་བོད་ཀྱི་སའི་སྟེང་དུ་འཛུགས་ཐུབ་པ་བྱེད་དགོས་ཡོད། ང་ཚོས་ཁྱེད་རང་ཚོ་བོད་མི་རིགས་ཀྱི་ཆེད་རོགས་པ་མུ་མཐུད་དུ་བྱེད་རྒྱུ་ཡིན་སོགས་ཀྱི་དམ་བཅའ་ཡང་གནང་སོང་། བོད་དོན་རྒྱབ་སྐྱོར་བ་ལོའེ་སི་ Luis Maetino མཆོག་གིས་ཨ་རིའི་གྲོས་ཚོགས་ཀྱི་མཐུས་མི་སྐུ་ཞབསSenatorHarb Kohl མཆོག་གི་གསུང་འཕྲིན་ནང་ང་དེ་རིང་དངོས་སུ་བཅར་མ་ཐུབ་ཀྱང་། ང་རང་བོད་ཀྱི་འགྲོ་བ་མིའི་ཐོབ་ཐང་ལ་གདུང་སེམས་མཉམ་བསྐྱེད་དང་། རྒྱ་མི་ལ་སྐྱོན་བརྗོད་བྱེད་མཁན་ཞིག་ཡིན་ལ། ད་དུང་ཡང་མུ་མཐུད་དུ་བྱེད་རྒྱུ་ཡིན་ཞེས་པའི་གསུང་འཕྲིན་སྒྲོག་སྦྱང་བྱས། དབུས་ཨ་རིའི་གྲོས་ཚོགས་ཀྱི་མཐུས་མི་ལྕམ་སྐུ་ཊའ་མེ་ Tammy Baldwin མཆོག་གིས་གསུང་འཕྲིན་སྐུ་ཚབ་Keith Nevitt ནས་སྒྲོགས་རྒྱང་གནང་། དེའི་རྗེས་ས་གནས་གཞོན་ནུ་ཚོགས་གཙོའི་བཀའ་སློབ་གནང། དེ་ནས་བོད་རང་བཙན་སློབ་ཕྲུག་ཚོགས་པའི་བཀའ་སློབ་དང་། བདེན་ཚིག་སྨོན་ལམ་དང་བཅས་པ་གྲུབ་མཚམས་ངོ་རྒོལ་སྐད་འབོད་ཀྱི་མགོ་བཙུགས་ནས་ཡིག་ཆ་བཀྲམས་པ་སོགས་མཛད་རིམ་ཡག་ཐག་ཆོད་བྱུང་སོང་ལ། མཐའ་མཇུག་རྒྱལ་ཚོགས་མདུན་དུ་ཟས་བཅད་ངོ་རྒོལ་ལ་བཞུགས་མཁན་ཤིང་བཟའ་རིན་པོ་ཆེ་སོགས་ལ་རྒྱབ་སྐྱོར་མཚོན་བྱེད་ཞལ་འདེབས་འསྡུ་རུབ་ཀྱིས་ཨ་སྒོར་༤༦༠་༠༠བྱུང་བ་སོགས་ཀྱི་གནས་ཚུལ་ཡོད།
ཧ་ཅང་ཡག་པོ་བསྒྲུབས་འདུག་ན་སེམས་ནས་བསྔགས་པར་བྱའོ། །
རིང་གཞན་གཉིས་ལ་་་ཐུགས་རྗེ་ཆེ་་་་བདེ་མཐའ་མྱུར་དུ་གསལ་བར་ཤོག བོད་རྒྱལ་ལོ།
ཨ་རི་ནས་ལས་འགུལ་འདི་ལྟ་བུར་སྤེལ་བར་སྙིང་ནས་རྗེས་སུ་ཡི་རངས་ཡོད། ཐུགས་རྗེ་ཆེ།
ཁ་བྲོ། ཐུགས་རྗེ་ཆེ་ཞུ
ཁྱེད་ཚོའི་རྒྱལ་གཅེས་ལྷག་བསམ་ལ་རྗེས་སུ་ཡི་རང་དང་སྙིང་ཐག་པ་ནས་ཐུགས་རྗེ་ཆེ་ཞུ།
གསུམ་བཅུ་དུས་དྲན་།
ཆོས་ཁ་གསུམ་པོ་ཡོངས་ཀྱིས།
ང་དགུའི་གསུམ་པའི་བཅུའི་ཉིན།
སྒེབ་ལངས་མི་ལོ་ཅུ་ཕྲག
ལྔ་དང་ལོ་གསུམ་རིང་ལ།
རྒྱ་དམར་གུང་བྲན་གཞུང་ལ།
ཁ་གཏད་བཅོག་བཞིན་བཅོག་བཞིན།
དྲང་བདེན་དགའ་བའི་མི་རིགས།
རྒྱབ་སྐྱོར་སྣ་མང་ཇེ་མང་།