གྲོག་མ་ལ་མིག་མེད་པ་ཨེ་ཡིན།

Comments (25) on “གྲོག་མ་ལ་མིག་མེད་པ་ཨེ་ཡིན།”

1. ཚན་རིག་པས་གྲོག་མ་ལ་མིག་འདུག་ཅེས་བརྗོད་ན་ཁས་ལེན་མ་བྱས་རང་བྱས་རེད། ཁོང་ཚོས་ཕྲ་མཐོང་འཕྲུལ་ཆས་བེད་སྤྱོད་བཏང་སྟེ་བཤད་པ་ལས་ཚོད་དཔག་བྱས་པ་མ་རེད། །ཤིག་ལའང་མིག་ཡོད་ན་གྲོག་མར་ཀྱང་མིག་དགོས་རྒྱུ་ལྟ་བུ་རེད། །

2. སྲོག་ཆགས་གྲོགས་མ་ལ་མིག་ཡོད་པ་ཚན་རིག་གིས་བཤད་པ་ལ་ཡིད་ཆས་བྱེད་དཀའ་བ་ཡིན།ཚན་རིག་པས་རྟགས་དཔྱད་བྱས་ནས་མིག་རྙེད་ཡོད་ན་ཁུངས་ལྡན་ཨེ་ཡོད།ཚན་རིག་པའི་རྗེས་འབྲང་ཙམ་མིན་པར་རང་ཉིད་ཀྱིས་དཔོད་དགོས་རེད།གཞི་ནས་ངེས་ཤེས་སྐྱེས་ན་ཕལཆེར་འགྲིག་འགྲོ་གི་རེད།སྔོན་མཁས་དབང་ཚོ་ལ་ཟུར་ཟ་ཙམ་མ་ཡིན་པར་དཔྱད་པ་བྱེད་རོགས།

3. འ་རོ་གྲོག་མར་མིག་མེད་ཅེས་པ་ནི་དབང་ཤེས་ལྔའི་ནང་གི་མིག་ཤེས་ཀྱི་རྟེན་བྱེད་པའི་མིག་དབང་རང་མཚན་པ་མེད་ཅེས་པ་རེད་མ་གཏོགས། གཟུགས་མཐོང་བྱེད་ཀྱི་ཤེས་པ་མེད་ཅེས་པ་མ་རེད། དཔེར་ན་སྦྲུལ་ལ་རྣ་དབང་མེད་པས་མིག་གི་དབང་བོ་དང་རྟེན་བརྟེན་པའི་འབྲེལ་བ་ཅན་གྱི་ཤེས་པ་ཞིག་གིས་སྒྲ་གོ་བར་བྱེད་པ་ཡིན་ཞེས་གསུངས་ཡོད་པ་རེད། འོན་ཀྱང་དེ་མིག་ཤེས་ཡིན་མིན་དཔྱད་གཞིར་གྱུར་ཡོད།རང་རེའི་བོད་ཀྱི་རིག་གཞུང་ནང་ཅི་ཕྱིར་སྲོག་ཆགས་ཕྲ་མོ་དག་ལ་དབང་བོ་ལྔ་ཚང་མིན་བརྟག་དགོས་བྱུང་བ་རེད་དམ་ཞེ་ན། དེ་དག་ལ་རྟེན་པའི་དབང་ཤེས་ལྔའི་རྣམ་གཞག་གཏན་ལ་འབེབས་ཕྱིར་རོ། དེས་ན་གྲོག་མར་མིག་མེད་པར་མཁས་པའི་བཤད་པ་རྫུན་དུ་མ་བསྒྱུར་བའི་སྔོན་ལ་རང་ཉིད་ལ་མིག་ཡོད་པར་བགྱི་བ་གལ་ཆེ་སྙམ། རང་གི་མི་ཤེས་པ་གཞན་འགེབ་ཟེར་བ་འདི་རེད།

4. བོད་ཀྱི་མཁས་པ་རྣམས་ཀྱིས་དཔྱད་པ་ནི་ལུག་ཆུ་ལ་མཆོང་ཚུལ་རང་རེད། དེ་མིན་གྲོག་མ་ལ་མིག་ལོས་ཡོད། དེ་ཚན་རིག་གིས་མིག་མཐོང་ལག་ཟིན་བྱུང་བ་རེད། བོད་ཀྱི་མཁས་པ་རྣམས་ཀྱིས་གྲོག་མ་ལ་མིག་ཡོད་མེད་དཔྱད་པ་ཕྲ་ཞིབ་བྱས་ཚུལ་ཡོད་དམ་ཁ་རྒྱུན་ཙམ་གྱིས་སྒྲོགས་པ་རེད། དཔེར་ན་བོད་ཀྱི་མཁས་པ་བླ་སྤྲུལ་དགེ་བཤེས་མཁན་པོ་ཚོས་མུ་སྟེགས་ཀྱི་གྲུབ་མཐར་ཉིན་གཅིག་ཀྱང་སྦྱོང་བ་མ་བྱས་པར་མུ་སྟེགས་རྟག་ཆད་གཉིས་ཀྱི་མཐའ་ལ་ལྷུང་ཚུལ་དང་རང་ཉིད་མཐའ་ཐམས་ཅད་ལ་གྲོལ་ཚུལ་རྐྱང་རྐྱང་བཤད་པ་ལྟ་བུ་རེད། དེ་ལ་བོད་ཀྱི་གཏམ་དཔེར། ཤོག་ཐོག་ཏུ་བྲོ་བརྡུང་ཚུལ་ཅེས་བཤད་པ་རེད།

5. གྲོག་མའི་མིག་ནི་ང་ཚོའི་མིག་ནང་བཞིན་མེད་ཙང་མིག་མེད་ལབ་པ་རེད། དེའི་ཚབ་ལ་ཅིག་ཡོད་པས། མིག་ཡོད་པ་གྲུབ་མི་ཐུབ། དེ་བཞིན་སྦྲུལ་ལ་ཡང་ཨམ་ཆོག་གམ། རྣ་བའི་རྣ་ཤེས་མེད་པ་འདྲ། དེའི་ཚབ་ལུས་ཀྱི་ཚོར་ཤེས་བེད་སྤྱད་བགྱིན་ཡོད་པ་འདྲ།

6. གྲོག་མ་ལ་རྐང་ལག་མེད་ལབ་དགོས་སམ། ང་ཚོའི་རྐང་ལག་ནང་བཞིན་མེད་པའི་ཕྱིར་ཁྱབ་པ་འགྲིག དེ་བཞིན་གྲོག་མ་ལ་གཟུགས་པོ་མེད་པར་ཐལ། ང་ཚོའི་གཟུགས་ནང་བཞིན་གྱི་གཟུགས་པོ་མེད་པའི་ཕྱིར་རྟགས་དོན་གྱིས་གྲུབ། ཁྱབ་པ་ཁྱེད་ཀྱིས་ཁས་བླང་གིས་གྲུབ་པའི་ཕྱིར། ཧ་ཧ་ཧ་ཁྱབ་ལོག་ལུང་པ་གང་འདྲག་བཞག།

7. དིང་སང་གི་མི། མིག་གཉིས་ཀ་ལོང་བ་དེ་ལ། མིག་ཡོད་པར་ཐལ། རང་གི་མཛུམ་མོས་ཚགས་པར་ཀློག་པའི་ཕྱིར། ཟེར་ན། ལན་ཅི་ཡོད།

8. ཧ་ཧ་ཧ་སུས་ཁས་ལེན་བྱས་སོང་ངམ། ཁས་ལེན་མེད་པའི་རྟགས་བསལ་རེད་ད་་་དེ་ལ་རྟོག་གེ་བས། འདྲེ་ཤར་སྒོར་བཞག་ནས། གླུད་ནུབ་སྒོར་བཏང་སོང་ཟེར་བ་རེད། ཀློག་ན་མིག་གིས་ཀློག་དགོས་པ་མ་རེད་་་་བློར་འཛིན་གྱིས་ཀློག་ཆོག་གི་རེད། ཧ་ཧ་ཧ་ཡང་ཁྱབ་ལོག་གཅིག་འདྲག་སོང།

9. དོན་འགྲུབ་ཀྱིས་ནོར་བ་རེད། ཀརྡོས་ཅི་ཡང་ཤེས་ཀིན་མ་རེད། ན་ལན་ཌའི་ཆོས་རྒྱུད་ཀྱི་ངོས་ནས་བཤད་ན་་་གཅིག་གིས་གཉིས་ཤེས་མ་ཡིན་སྟེ། དབང་པོ་སོ་སོར་ངེས་ཕྱིར་རོ།་་་ཞེས་ཟེར་བ་རེད།

   རྣ་ཤེས་ཀྱིས་གཟུགས་མི་མཐོང་། མིག་ཤེས་ཀྱིས་སྒྲ་མི་གོ་ཅེས་པའི་དོན་རེད། སྦྲུལ་གྱི་མིག་གིས་སྒྲ་ཐོས་ཀྱི་ཡོད་ན་དཔལ་ན་ལན་ཌའི་ཆོས་རྒྱུད་ཚན་རིག་དང་མ་མཐུན་ཚར་སོང་བ་རེད་དོ། བདག་རྐྱེན་མིག་དབང་ལ་བརྟེན་པའི་ཤེས་པ་དེ་ལ་མིག་ཤེས་ཟེར་བ་དང་བདག་རྐྱེན་རྣ་དབང་ལ་བརྟེན་པའི་ཤེས་པ་དེ་ལ་རྣ་ཤེས་ཟེར་བའི་འདོད་ཚུལ་འདི་ནི་དཔལ་ན་ལན་ཌའི་ཆོས་རྒྱུད་ཀྱི་འདོད་ཚུལ་རེད།

10. ས་པན་གྱིས་་་སྲོག་ལྡན་གྲོག་མ་མིག་མེད་ཀྱང། སྲོག་ཆགས་གཞན་ལས་ལྷག་པ་མགྱོགས།་ཅེས་གསུངས་པ་དང་།
    དགེ་ཆོས་ཀྱིས་་གྲོག་མ་མིག་མེད་བདེ་བའི་ཆེད་དུ་རྒྱུགས་་་ཅེས་གསུངས་པ་གཉིས་ནོར་བསྡད་པར་བརྒྱ་ཆ་བརྒྱ་རེད། བོད་ཀྱི་མཁས་དབང་ཚོའི་ཆེད་དུ་ཕྱོགས་ཞེན་བྱས་ནས་གྲོག་མ་ལ་མིག་མེད་མདོག་མདོག་བཤད་ན་་་མངོན་སུམ་ལ་བསྙོན་གྱི་ཡོད་པ་དང་། རིག་པ་དང་འགལ་བའི་གྲུབ་མཐའ་ཆགས་འགྲོ་གི་ཡོད་པ་རེད། བོད་མཁས་པའི་ཆེད་དུ་ཕྱོགས་ཞེན་གྱིས་རིག་པ་དང་འགལ་བའི་གྲུབ་མཐའ་ཁས་ལེན་ན་སྨྲ་བ་པོ་ཚད་མའི་སྐྱེ་བོ་མིན་པར་རྗེ་བདག་ཉིད་ཆེན་པོས་གསུངས་ཡོད་རེད།་་་ཧཧཧ

    དེ་ལས་་་་ས་པན་དང་དམ་པ་དགེ་ཆོས་གཉིས་ཀྱིས་གཞི་གང་བཞག་ནས་གྲོག་མ་མིག་མེད་རེད་ཅེས་བརྗོད་པ་རེད་དམ། གཞུང་གང་ལ་བརྟེན་ནས་གསུངས་པ་རེད་དམ། གཏན་ཚིགས་གང་ལ་བརྟེན་ནས་ཐག་གཅོད་པ་རེད་དམ། དྲི་བ་འདི་དག་གི་དྲི་ལན་རྙེད་དགོས་ཀྱི་གལ་ཆེན་རེད་འདོད་དོ

11. སྔ་མོའི་མཁས་བ་ཚོ་ལ། མཚན་རིགས་ཀྱི་ཕྱོགས་ཙམ་པ་ཡང་མེད་པ་བསྟན་པ་ཙམ་རེད། ཡིན་ན་ཡང་རིག་གནས་ཆེ་ཆུང་བཅུ་ལ་མི་མཁས་ཚུལ་བཤད་མི་ཕོད།
    ཤེས་དགོས་ན་ཡོད་ཚད་ཤེས་དགོས་བ་དང་། མཁྱེན་དགོས་ན་འདི་ཕྱི་གཉིས་ཀ་མཁྱེན་དགོས་བ་ཞིག་ཨེ་ཡོད་ནི་ཨ། དེ་འདྲ་ཞིག་མ་བྱུང་ན་མི་མཁས། མི་མཁྱེན་མདོག་མདོག་བཤད་ནས་དུས་ཚོད་སྐྱེལ་ན། ངོ་ཚ་ཉོས་མཁན་ངོ་མ་ནི་ང་ཚོ་ལས་གཞན་མེད་པ་གསལ་བོ་རེད་འདོད། དྲ་རྐྱང་ཚོ། དྲ་ལྡོམ་ཚོ། ཧ་ཧ་ཧ།

12. བོད་ལ་ཡོད་པའོ་གྲོག་མ་ལ་མིག་མེད་པ་རེད་།
    རྒྱ་གར་ལ་ཡོད་པའ་གྲོག་ལ་མིག་ཡོད་པ་མ་ཚད་
    མིག་ཧ་ཅང་ཆེན་པོ་ཡོད་ས་རེད།ཧ་ཧ་སྐུ་རྩེད་ཞུས་ཡིན་
    ནོ་།

13. ་་་་་་་་་ ཀརྡོས་ཅི་ཡང་ཤེས་ཀིན་མ་རེད། ན་ལན་ཌའི་ཆོས་རྒྱུད་ཀྱི་ངོས་ནས་བཤད་ན་་་གཅིག་གིས་གཉིས་ཤེས་མ་ཡིན་སྟེ། དབང་པོ་སོ་སོར་ངེས་ཕྱིར་རོ།་་་ཞེས་ཟེར་བ་རེད། ་་་་་་་་་་་་་ཟེར།

    གཅིག་གིས་གཉིས་ཤེས་མ་ཡིན་སྟེ། །
    དབང་པོ་སོ་སོར་ངེས་ཕྱིར་རོ།་་་ཞེས་ཟེར་བ་དེ། དངོས་སུ་མི་ཤེས་གསུངས་པ་མ་གཏོགས། ཤུགས་ལ་མི་ཤེས་གསུངས་མེད། ད་སུས་ཤེས་བགྱིན་མི་འདུག ལགས།

14. ཁ་ཅིག་གི་ཀླད་པ་རྡོ་ནང་བཞིན་མཁྲེགས་པོ་རེད་འདུག ཚན་རིག་པས་གྲོག་མར་མིག་མི་འདུག་ཅེས་བཤད་ན། ཁོང་ཚོས་ཚོད་དཔག་བྱེད་ཀྱི་ཡོད་པ་མ་རེད། དངོས་སུ་ཕྲ་མཐོང་འཕྲུལ་ཆས་སོགས་བཀོལ་ནས་རྟགས་དཔྱད་ཡང་ཡང་བྱེད་ཀྱི་ཡོད་པ་རེད། རིའི་རྒྱལ་པོ་རི་རབ་ཟེར་བ་ཞིག་མི་འདུག་ཟེར་བ་དེའང་ཁོང་ཚོས་ཚོད་དཔག་བྱས་པ་མ་རེད། དེ་འདྲ་ཞིག་གོ་ལ་འདིའི་ཐོག་ཏུ་རྙེད་རྒྱུ་མེད་པས་དེ་ལྟར་བརྗོད་པ་རེད། བོད་ཀྱི་བླ་ཆེན་ཞིག་ཨ་རིར་ཕེབས་ནས་གསུངས་ཆོས་ཤིག་གི་སྐབས་སུ། ཟླ་བའི་ནང་དུ་འཇིག་རྟེན་འདིའི་མི་བགྲོད་ཡོད་ཟེར་བ་དེ་རྫུན་མ་རེད། དེ་འདྲའི་རིགས་ལ་ཡིད་ཆེ་ནམ་ཡང་བྱེད་མི་རུང་ཞེས་ནན་མོ་གསུངས་འདུག འོན་ཀྱང་ཉན་མཁན་ཕལ་མོ་ཆེས་དེང་དུས་ཀྱི་ཚན་རིག་ལ་ཡིད་རྟོན་བྱེད་པ་ལས་བོད་ཀྱི་བླ་མ་དེར་ཡིད་རྟོན་ག་ལ་བྱེད། དེ་དུས་གསུངས་ཆོས་ཞུ་མཁན་མགོ་སེར་ཞིག་གིས་ང་ལ་དངོས་སུ་བཤད་སོང་། །

15. གཟུགས་མེད་ཁམས་ལ་ལེགས་སྦྱར་དུ་ཨཱརཱུཔྱདྷཱ་ཏུ་ཟེར། ཨཱ་ཡིག་ཀུན་དང་ཉུང་བར་འཇུག་པས་ན། གཟུགས་མེད་ཅེས་པ་གཟུགས་གཏན་ནས་མེད་པ་མ་ཡིན་པར་གཟུགས་ཕྲ་བ་མིག་གིས་མཐོང་དཀའ་བས་ན། གཟུགས་མེད་ཁམས་ཞེས་པ་དཔེར་ན། སྐེད་པ་ཕྲ་མོའི་བུད་མེད་ལ་སྐེད་མེད་མ་དང་། བུ་ངན་པ་ཕ་མ་ལ་ཕན་མི་ཐོགས་པས་ཕ་མས་བུ་མེད་ཟེར་བ་ལྟར། འབུ་གྲོག་མ་ལ་ཡང་མིའི་མིག་རྗེན་པས་མཐོང་དཀའ་བས་མིག་མེད་པར་བཤད་ཀྱིས། མིག་གཏན་ནས་མེད་པ་མ་ཡིན་པར་འདོད་དགོས་སོ།

16. འོ་ཡ།

17. གྲོག་མ་མིག་མེད་པའི་རིགས་གཅིག་ཡོད་པའང་མཚན་རིགས་པས་བཤད།

18. གྲོག་མ་ལ་རིགས་མང་པོ་དེ་འདྲ་ཞིག་ཡོད་ན་གྲོག་མ་ཚང་མ་ལ་མིག་ཡོད་པ་བཤད་དཀའ། ཚན་རིགས་པས་རྟགས་དཔྱད་བྱེད་ས་ནི་གྲོགས་མའི་རིགས་གཅིག་གཉིས་ཤིག་ཡིན་རྒྱུ་རེད། མགོ་མ་ཚོས་གོང་ནས་ལྕེ་ལ་སྙབ་མ་འདུག ད་དུང་ལྟད་མོ་མང་པོ་ག་ལེར་མཐོང་རྒྱུ་ཡོད་རྒྱུ་རེད། ཚན་རིག་པ་སྔོན་མ་དག་གིས་གཅིག་རེད་ཅེས་ཐག་བཅད་ཟིན་པ་དེ་འདྲ་རྗེས་ཀྱི་ཚན་རིག་པས་ནོར་འཕྲུལ་ཡིན་པར་ར་སྤྲོད་བྱས་པ་མང་པོ་རེད། དེས་ན་ཚན་རིག་པས་གཅིག་བཤད་པ་ཙམ་གྱིས་ཡིན་པའི་ངེས་པ་ཅང་མེད།

19. མི་འདི་ཚོ་བཤད་རྒྱུ་ཞིག་མང་གི་ལ། གྲོག་མ་གཅིག་ལ་མིག་ཡོད་ན་ཡོད་གོ་ཆོད། གྲོག་མའི་རིགས་ཡོད་ཚད་གླེང་མ་དགོས་པ་རེད། མི་ལའང་མིག་མེད་མཁན་འདུག གཅིག་ལ་མེད་པ་ཙམ་གྱིས་མི་ཚང་མར་མིག་མེད་པར་ག་ལ་གོ །

20. རིག་པའི་རྡོ་རྗེས་ལུང་རྟོགས་སྟེང་དུ་མེ་ཆར་ཕབས་འདུག

21. འབུ་གྲོག་མ་ལ་མིག་མེད་ལབ་མཁན་ཐོག་མ་དེ་ས་སྐྱ་པཎྡི་ཏ་ཡིན་ས་རེད། དེ་ནི་ཁོང་གིས་འབུ་གྲོག་མར་མིག་རྩ་བ་ཉིད་ནས་མེད་པར་གསུངས་པ་ཅང་ཨ་ཡིན་ན། འབུ་གྲོག་མའི་རང་གཤིས་ལ། གྲོག་མ་གཉིས་ཕན་ཚུན་ཐུག་དུས་ཐོད་ཐུག་གམ་ཡང་ན་གདོང་ཐུག་རེ་བྱས་ནས་འགྲོ་སྲོལ་ཡོད་པ་རེད། བྱེད་ཚུལ་དེ་ལ་བལྟས་དུས། གྲོག་མས་མིག་གིས་མ་མཐོང་ནས་གདོང་ཐུག་བྱས་པ་འདྲ་པོ་ཡོད་པའི་རྒྱུ་མཚན་གྱིས། མིག་མེད་གྲོག་མ་རྟ་བས་མགྱོགས་གསུངས་པ་ཡིན་འགྲོ། དཔེར་ན་བུ་མོའི་ཞལ་རས་ཟླ་དཀར་དང་འདྲ་པོ་འདུག་ལབ་ན་བུ་མོ་ཟླ་བ་ཡིན་མི་དགོས་པ་བཞིན་དུ། འབུ་གྲོག་མས་མིག་མེད་པ་འདྲ་པོ་བྱས་ཀྱང་གྲོག་མར་མིག་རྩ་བ་ནས་མེད་པ་མ་ཡིན་ལབ་ན་འདྲ་འདུག་གམ། སྤྱིར་སྟངས་འབུ་གྲོག་མ་ནི་སྲོག་ཆགས་ཚང་མའི་ནང་ནས་ཤུགས་ཆེ་ཤོས་དེ་རེད་ལབ་སྲོལ་ཞིག་ཡོད། དེ་ག་འདྲ་ཡིན་ནམ། འབུ་གྲོག་མ་ནི་ཆུང་ཆུང་ཞིག་མ་གཏོགས་མི་འདུག་བ། ཧ་ཧ་

22. གྲོག་མ་རྟ་ལས་འགྱོག་ཟེར་བ་དང་གྲོག་མ་ཤུགས་ཆེ་ཤོས་ཡིན་པ་འདི་ཚོ་རིག་པའི་འགྲོས་གཅིག་པ་རེད། རྟ་དང་གྲོག་མ་གཉིས་བང་འགྲན་ན་གྲོག་མ་འགྱོག་མི་སྲིད་པ་སུས་ཀྱང་ཤེས་ཀྱི་རེད་ལ། གྲོག་མ་དང་གླང་ཆེན་གཉིས་ཤུགས་འགྲན་ནའང་དེ་བཞིན་རེད། འོན་ཀྱང་གྲོག་མ་ཤུགས་ཆེ་ཤོས་ཡིན་པའི་རྒྱུ་མཚན་ནི་རང་གི་ལུས་ཚད་དང་མཉམ་པའི་གསེར་ཞིག་ཡོད་ན་དེ་ཁྱེར་ཐུབ་མཁན་ནི་གྲོག་མ་ལས་མེད་པར་བཤད་ཀྱི་འདུག་ལ། འགྱོག་ཚད་ཡང་ལུས་ཚད་དང་བབཏུན་ནས་གཞལ་དགོས་པ་རེད། དེས་ན་མི་ལ་ལས་ས་པཎ་གྲོག་མ་རྟ་འགྱོག་མ་ཞེས་ཟུར་ཟ་བྱས་པ་ནི་རིག་ལམ་མི་ཤེས་པའི་གླེན་ལྐུགས་ཀྱི་སྐད་ཆ་རེད།

23. ད་རེས་དངོས་གནས་ལུང་རྟོགས་ལགས་ཀྱིས་ཡག་པོ་གསུངས་བྱུང་། དེ་འདྲ་བཤད་ན་སུ་ཞིག་གིས་ཁྱོད་ལ་རྩོད་པ་རྒྱག་ནུས། །

24. ས་པཎ་ལེགས་བཤད་དུ།
    ་
    སེམས་ཅན་གྲོག་མ་མིག་མེད་ཀྱང་།
    མིག་ལྡན་གཞན་པས་ལྷག་པར་མགྱོགས།
    ་
    ཞེས་པར་བློ་གྲོས་རྩིངས་པ་འགའ་ཞིག་གིས།
    ་
    ས་སྐྱ་པཎྜིཏ་མཐོང་རྒྱ་ཆེ།
    རྟ་ལས་གྲོག་མ་མགྱོགས་པར་མཐོང་།
    ་
    ས་པཎ་གྱིས་བཤད་པ་ལུས་ཆེ་ཆུང་ལ་དཔགས་པས་གསུངས་པ་ལ་གོ་དགོས་པ་ལུང་རྟོགས་ཀྱིས་ཚད་ལྡན་དུ་བསྒྲུབས་པས་གོ་བ་ཆེ་བར་བསྟོད་འོས་ཀྱང་། བོད་ཀྱི་ཡི་གེའི་དག་ཆ་ལ་རྩོད་དགོས་པར་མཐོང་། མགྱོགས་པའི་དོན་ལ་འགྱོག་ཅེས་ལན་མང་དུ་བྲིས་པ་སྐྱོན་ཆེ་སྟེ། ཨ་རིའི་མཁས་དབང་གོལ་སྟ་ཨེན་གྱི་ཚིག་མཛོད་མཛོད་དུ་འགྱོག་ཅེས་པ་ལ་གནས་མ་སྟེར་ཀྱང་། བྱ་ཚིག་ཏུ། ད་ལྟ་འདས་མ་འོངས་གསུམ་ལ་རིམ་པ་བཞིན་དུ་འདི་ལྟར་བྲིས་ཏེ། འགྱོགས། བཀྱགས། བཀྱག ཅེས་སོ།

25. ཝེ་ཀེ་རིག་མཛོད་ Wikipedia ཞེས་པའི་དྲ་ངོས་ན། གྲོག་མོའི་མིག་ནི་༡འདྲེས་སྦྱོར་མིག་ཡིན་ལ་༢ལེན་ཤེལ་ཆུང་ཆུང་མང་བོས་མཉམ་དུ་མཐུད་དེ་འཆིང་འདུག འགུལ་སྐྱོད་མྱུར་མོ་མཐོང་བར་གྲོག་མའི་མིག་བཟང་། འོན་ཀྱང་། ༣འཆར་གཟུགས་ཆེན་པོ་ཐག་གཅོད་གཏན་ལ་འབེབ་མི་ཐུབ། དང་པོ་ལ་གྲོག་མའི་མིག་ནི་འདྲེས་སྦྱོར་དབང་བོ་ཞིག་ཏུ་ཟད་ཀྱི། ལྷན་སྐྱེས་ཀྱི་མིག་དབང་རང་མཚན་པ་ཞིག་མེད་པར་གོ དེ་ཡང་འབུ་སྲིན་གཞན་གྱི་མིག་དང་འདྲ་བ་ཞིག་མེད་པས་འདྲེས་སྦྱོར་ཟེར་དགོས་བྱུང་། ༢ལེན་ཤེལ་ཆུང་ཆུང་མང་བོ་མཉམ་དུ་འཐུད་ཟེར།ལེན་ཤེལ་ཆུང་ངུ་མང་བོ་ཞེས་པའི་ལེན་ཤེལ་དེ་གཟུགས་ཀྱི་རྣམ་པ་འཆར་བའི་མིག་དབང་ལྟ་བུ་ལ་གོའམ་དོན་གཞན་ཞིག་ཏུ་ཟད། དོན་གཞན་ཡིན་ན་ནི་དེར་ཟད་མོད། གཟུགས་ཀྱི་རྣམ་པ་དེ་རང་ལ་རྟེན་པའི་དབང་ཤེས་ལ་འཕྲོད་སྦྱོར་བྱེད་མཁན་གྱི་ཤིན་ཏུ་དངས་བའི་མིག་དབང་ཤེལ་ལྟ་བུ་ལ་ཟེར་ན། གྲོག་མར་མིག་མང་བོའི་སྐྱོན་འབྱུང་ངོ་། ༣འཆར་གཟུགས་ཆེན་པོ་ཐག་གཅོད་གཏན་ལ་འབེབ་མི་ཐུབ།ཟེར།གཟུགས་ཆེན་པོ་མཐོང་མི་ནུས་པ་ཞེས་པས་ནི་འབུ་སོགས་ནས་མིའི་བར་གྱི་མིག་གིས་སོ་སོའི་མཐོང་བའི་གཟུགས་ལ་ཕལ་ཆེར་ཁྱད་མེད་ཡིན་འདུག་པས་ན་དེ་ལྟ་བུ་ཞིག་དགོས་པ་ལ་དེ་མེད་པས་མིག་མེད་ཅེས་ཟེར་བར་གོ་ཆོག་གོ། དེའི་ཕྱིར། མིག་ཡོད་པར་བཤད་པའི་རྒྱུ་མཚན་གསུམ་ག་མིག་མེད་པར་འདོད་པའི་སྒྲུབ་བྱེད་ལས་དགག་པ་མིན་པར་འགྱུར་བ་སྟེ། འདྲེས་སྦྱར་དང་ལེན་ཤེལ་མང་བ། གཟུགས་ཆེན་མི་མཐོང་བ་བཅས་ཀྱིས་མིག་རང་མཚན་པ་ཞིག་མེད་མོད། མིག་ལྟ་བུའི་མཐོང་བྱེད་ཤེས་པ་གཞན་ཞིག་མངའ་བར་བཤད་པ་ཙམ་མོ། ཅལ་ལ་མ་འདོགས་ཡུན་གྱིས་དཔྱོད་ཅིག་དཔྱོད་ལྡན་རྣམས།