དབང་སྡུད།
གྲོང་སྟོད་རྒན་པོ་དབང་དུ་སྡུས།།
གྲོང་སྨད་རྒན་མོ་དབང་དུ་སྡུས།།
བུ་ཚ་བུ་མོ་དབང་དུ་སྡུས།།
ཇ་དང་རྩམ་པ་ཆར་ལྟར་ཕོབས།། ཕཊ་ཕཊ་ཕཊ།
ཟིལ་གནོད།
རང་ཡུལ་བསྐྱུར་པའི་རྟོགས་ལྡན་ངས།།
དབྱར་དགུན་མེད་པར་གཞན་སྒོ་འགྲིམ།།
ཟླ་མཚམས་གཅིག་ཀྱང་འདུག་མ་ཚུགས།།
ངོ་ཚ་མེད་པར་ཟིལ་གྱིས་ནོན།། ཕཊ་ཕཊ་ཕཊ།
སྐྱབས་འགྲོ།
དཀོན་མཆོག་རིན་ཆེན་རྣམ་གསུམ་ནི།།
ཡེ་ནས་དྲན་ནི་མི་ཤེས་པའི།།
གྲོང་ཆེན་ཕྱུག་པོ་ཐམས་ཅད་ལ།།
མ་ཤི་བར་དུ་སྐྱབས་སུ་མཆི།། ཕཊ་ཕཊ་ཕཊ།
སེམས་བསྐྱེད།
གཞན་དག་རྣམས་ནས་ཅི་རེ་བ།།
བདག་ལ་ལྟོ་གོས་འཛོམས་པ་དང༌།།
ཅི་འདོད་ཅི་མཁོ་བྱིན་ན་ཡང༌།།
ད་རུང་ལོན་པར་སེམས་བསྐྱེད་དོ།།
རྣལ་འབྱོར།
ཤ་ཆང་རྙེད་པས་ལྟོ་འགྲེང་སྟེ།།
འདིར་ཚོགས་ཕོ་མོ་མཛེས་པ་ཡི།།
ལུས་ཀྱི་བ་སྤུ་གཡོ་ནུས་པའི།།
འདོད་ཆགས་རྒྱས་པར་བྱིན་གྱིས་རློབས།། ཕཊ་ཕཊ་ཕཊ།
ལུས་སྦྱིན་དངོས།
མིག་བགྲད་ལྟ་སྟངས་ཧྲིག་གེ་ཧྲིག།
སེམས་འཁྲུག་ཅི་དྲན་འདི་དྲན་མེད།།
འདྲེ་འདྲ་ཡོད་སྲིད་མེད་སྲིད་ཀྱང༌།།
ཅི་མཁོ་རྙེད་པའི་ཁ་མགོན་གྱིས།། ཕཊ་ཕཊ་ཕཊ།
འདི་སུས་བྲིས་པ་རེད།
གྲོང་ཉུལ་གྱི་གཅོད་པ་འགའ་ཞིག་ལ། ཟབ་གནད་ཀྱི་དམིགས་སྒོ་རྒྱུན་འཁྱེར་བཞུགས་ཞེས་པ་ འདི་རྙིང་མའི་མཁས་པ་རྫ་དཔལ་སྤྲུལ་གྱིས་བྲིས་པ་ཞིག་རེད།
འདི་འདྲ་ཞིག་རྫ་དཔལ་སྤྲུལ་གྱི་གསུང་མིན་པ་ལོས་ཤེས།
ཡིན་རུང་གྲོངཉུལ་བ་ཚོར་སྨད་ར་མཚང་ལ་ཕོག་པ་ཞིག་བྲིས་འདུག
ཡ་ད་འོ་ན་བསྟོད་ར་ཞིག་ཐོངས་དང་