ཁྲོ་གཏུམ།
༼གཞས་མ་གཡང་ཕྱུག་འཚོིའི་བྲང་གཞུང་སྐྱོམས་པ།༽
དབྱངས་འགྲོས་ཀྱི་འདེགས་འཇོག་ལས་སྐྱོམས་པའི་ཉམས་འགྱུར་དེས
འཆར་ཤེལ་གྱི་སྟེགས་བུར་ཧེད་པའི་མིག་རྡོ་གཉིས་ལ
ད་དུང་ཤར་རོགས་ཅེས་པའི་ཟབ་ཚོར་ཞིག་སྤྲས་སོང་ཐལ
ཚོར་བའི་རླབས་རྒྱུན་བར་མེད་དུ་འཕྱོ་ཞིང་འཆོངས་པ་དེས
རྩ་ལམ་ན་མཛེས་བར་འཁྱིལ་བའི་སྒུལ་ཤུགས་སུ་བརླན་ཞིང
དྲན་འཛིན་གྱི་གླིང་ཀ་འདི་ཁྱོད་ཀྱིས་བསྐྲུ་ན་པ་འདྲ་ལེ
ལྡེམ་མྱུར་གྱི་རྟོག་ལྡིང་དབྱངས་རྟ་ལ་ཞོན་ཏེ
ངག་གི་སྒྱུ་རྩལ་ལས་གླུ་སྒྲ་བཞུར་དུས
ཐོས་འཛིན་གྱི་དང་ག་འདི་ཁྱོད་ཀྱིས་ཕྱེ་བ་འདྲ་ལེ
གནའ་དེང་གི་འཁྱུར་ཁུགས་ལྷོད་བབས་ཀྱིས་ལེན་དུས
གར་སྟེགས་སུ་འཕྱན་པའི་སྒྱུ་རྩལ་དུམ་བུ་དེ
ད་དུང་མ་ཡལ་རོགས་ཞེས་པའི་བྲལ་མ་འདོད་པ་ཞིག་གིས་བཅངས་ཐལ
མཚོ་སྔོན་སྟེང་གི་བཅར་འདྲིར་བལྟས་ནས་ཟླ་གཅིག་ལྷག་འགོར་ཡོད་མོད། ད་དུང་སེམས་པའི་འདེགས་འཇོག་གིས་གཞས་མ་དབྱངས་ཕྱུག་འཚོའི་སྐད་ངག་དང་ཉམས་འགྱུར་ཟུང་སྦྲེལ་གྱི་སྒུལ་ཤུགས་ཀྱིས་སྟངས་འཛིན་བྱས་འདུག
ཞིབ་ཏུ་བཀླགས་ཟིན་པ་ཡིན། འབྲེལ་ཐབས་མེད་པའི་ཚོར་བ་དེ་བར་ཐག་གང་གིས་ཀྱང་མ་བཅད་པར་སླེབས་པ་འདི་ཀོ། མིའི་གཉུག་གཤིས་སུ་འཐིམས་ནས་ཡོད་པའི་གཅིག་ཡིན་གཤིས། དེ་ཡང་མི་སྒེར་གྱི་མཛེས་དཔྱོད་ལྟ་སྟངས་ཀྱི་བབ་ལས་མངོན་གྱི་ཡིན་ཕྱིར། ཁྱོད་ཀྱི་སེམས་དང་། མིག་དང་། རྣ་བ་སོགས་གཞས་མ་ཤིག་ལ་ངོ་བོ་དབྱེར་མེད་དུ་གྱུར་བ་ནི་སྒྱུ་རྩལ་གྱི་ཀློང་ཡངས་པོར་བགྲོད་པའི་རེ་སྙེག་ཅིག་ཅིས་མ་ཡིན།