འདི་ནི་གློག་བརྙན«སྒྲོལ་མའི་སྐེ་རྒྱན»གྱི་དྲིལ་སྒྲོག་འདྲ་པར་རེད།
གངས་ལྷ་མེ་ཏོག་མི་རིགས་གློག་བརྙན་རིག་གནས་སྒྱུ་རྩལ་ཁྱབ་སྤེལ་ཚད་ཡོད་ཀུང་ཟིས་མ་དངུལ་བཏང་ནས་ཕབ་སྐྲུན་བྱས་པ་དང་བོད་ཀྱི་གློག་བརྙན་འཁྲབ་ཁྲིད་པ་ཞི་བདེ་ཉི་མས་འཁྲབ་ཁྲིད་བྱས་པའི་གློག་བརྙན«སྒྲོལ་མའི་སྐེ་རྒྱན»ཞེས་པ་དེའི་སྒྲིག་བཟོའི་ལས་མཇུག་མིག་སྔར་ཡོངས་སུ་གྲུབ་ཟིན།
གློག་བརྙན་འདི་ནི2010ལོའི་ལོ་གསར་སྐབས་སུ་ཕབ་སྐྲུན་བྱས་པ་ཞིག་ཡིན་ལ། གློག་བརྙན་འདི་ལས་བོད་རིགས་བུ་མོ་ཞིག་གིས་འཚོ་བ་དང་། མཛེས་སྡུག་ལ་རེ་སྨོན་བྱེད་པའི་ཡིད་སེམས་འགུལ་བའི་གཏམ་རྒྱུད་ཅིག་མཚོན་ཡོད་པ་དང་། བརྩེ་བ་དང་བྱམས་སེམས། བྱིས་བློ་དང་བབ་ཆགས་སོགས་ཀྱིས་ཁེངས་པའི་དྭངས་གཙང་ལྷད་མེད་ཀྱི་གཏམ་རྒྱུད་ཅིག་ཡིན། གློག་བརྙན་འདིའི་འཁྲབ་སྟོན་པ་གཙོ་བོ་ནི་གསར་སྐྱེས་འཁྲབ་སྟོན་པ་དམ་ཅན་སྒྲོལ་མ་དང་། བྱིས་པའི་འཁྲབ་སྟོན་པ་གྲགས་ཅན་སྒྲོལ་མ་རྒྱལ། ད་དུང་འཁྲབ་སྟོན་པ་གྲགས་ཅན་ཆོས་དབང་སྒྲོལ་མ་སོགས་ཡིན་ལ།འཁྲབ་ཁྲིད་པ་ཞི་བདེ་ཉི་མས་ཀྱང་གློག་བརྙན་འདིའི་ནང་དུ་འཁྲབ་སྟོན་བྱས་ཡོད་ལ། འདིས་གློག་བརྙན་ཡོངས་ལ་བལྟ་རྒྱུ་ཆེ་རུ་འགྲོ་བའི་ནུས་པ་ཐོན་ཡོད། རོལ་དབྱངས་རྩོམ་མཁན་གྲགས་ཅན་གསང་བདག་གིས་བརྗོད་བྱའི་གླུ་དབྱངས་དང་རྒྱབ་ལྗོངས་རོལ་མོ་གསར་རྩོམ་བྱས་པར་མ་ཟད། གསར་སྐྱེས་གླུ་མ་ཚེ་འཛིན་སྒྲོལ་མས་བརྗོད་བྱའི་གླུ་དབྱངས་བླངས་ཡོད་པ་དང་།ན་གཞོན་གླུ་བ་འབྲོང་སྐྱེས་བསོད་ནམས་རྒྱལ་གྱིས་བརྙན་སྐྲུན་པའི་འགན་འཁུར་བ་དང། ན་གཞོན་འཁྲབ་ཁྲིད་པ་རྡོ་རྗེ་རྒྱལ་མཚན་གྱིས་འཁྲབ་ཁྲིད་པ་གཞོན་པའི་འགན་འཁུར་ཡོད།
གློག་བརྙན་འདི་སྟོན་མགོ་རྩོམ་པའི་མཛད་སྒོ་ལོ་མཇུག་ཏུ་གནའ་མཁར་ཟི་ལིང་ནས་གཟབ་རྒྱས་ངང་བསྡུ་རྒྱུ་རེད།
མཚོ་སྔོན་བོད་སྐད་རླུང་འཕྲིན་དྲ་བ་ལས་དྲངས།
གློག་བརྙན་གསར་པ་སྒྲོལ་མའི་སྐེ་རྒྱན་དེ་ ག་ན་ན་ཉོ་ཐུབ་ལེ་ཡོད་དམ་།
མཚོ་སྔོན་བོད་སྐད་རླུང་འཕྲིན་དྲ་ཐོག་ནས་བལྟ་ཐུབ་ཞི་ཡོད་ལེ་ཨེ་རེད་།
དཔེ་ཡག་པོ་རེད།
ད་དུང་ཐོན་ཡོད་ལེ་མི་འདའ་།