སྤོབས་པ་མཐའ་ཡས།
ད་ཡིན་ན་བཤད་རྒྱུ་མང་པོ་ཞིག་འདུག་ཀྱང་ཐོག་མར་གང་གླེང་དགོས་སམ། ཉེ་སྔོན་དྲྭ་གྲོགས་ཡེ་ཤེས་ཡིན་ནམ་གཅིག་གིས་གློག་བརྙན་མཛུབ་དཀྲིས་རྒྱལ་པོའི་Lord of ringsསྐོར་ཅུང་ཙམ་ཞིག་གླེང་འདུག ངས་གློག་བརྙན་དེ་ཐེང་གཅིག་བལྟས་མྱོང༌། གློག་བརྙན་དེས་ངའི་སེམས་པ་ཡོངས་སུ་འཕྲོག་སོང༌། གློག་བརྙན་དེ་འཁྲབ་ཡུལ་ནེའུ་རྫི་ལིན་ཌི་ཡིན་པ་འདྲ། རི་བྲག་གངས་རི། གཙང་པོ་དང་མཚེའུ་ཁོར་ཡུག་གི་བཀོད་པ་ཁོ་ནས་ཀྱང་ཡིད་དབང་འདྲེན་ལ། རང་རེས་རྒྱུད་སྡེའི་ནང་གི་བྱང་ཕྱོགས་ཤམ་བྷ་ལ་དེ་ཡང་དེ་དང་ཆ་འདྲ་བ་རེ་མིན་ནམ་སྙམ་པ་བྱེད། འཆར་ཡན་རྟོག་བཟོའི་སྒྲུང་གི་ནང་དོན་ཡང་ཧ་ཅང་རྒྱ་ཆེན་པོ་ཉམས་འགྱུར་ལྡན་སྟབས་རང་རེའི་གེ་སར་སྒྲུང་གི་གྲུ་གུ་གོ་རྫོང་དང་བདུད་འདུལ་སོགས་ཀྱི་བརྗོད་བྱ་རེ་ཡང་ཡིད་ལམ་དུ་འཆར་བར་བྱེད། དྲྭ་གྲོགས་ཚོའི་ཁྲོད་གློག་བརྙན་འདི་གཟིགས་མྱོང་མཁན་ཡོད་ན་མྱོང་ཚོར་གང་བྱུང་གླེང་རོགས་དང༌།
ངས་སྔོན་མར་གླེང་བ་ལྟར་སྦས་ཡུལ་གྱི་མི་དེ་དག་གིས་རི་ཚོགས་གཅིག་ལ་གཅིག་སྦྲེལ་གྱི་ཉེན་བརྡའི་མེ་ལྕེ་སྦར་སྟངས་དེ་གཅིག་པོ་ཡང་གློག་བརྙན་གཞན་ནས་མཐོང་དཀོན་ཞིང་ཡིད་དབང་འདྲེན་པའི་གློག་བརྙན་གྱི་སྒྱུ་རྩལ་དང་གཏན་དུ་ཡལ་བའི་སྔོན་བྱུང་གི་ལོ་རྒྱུས་སུ་འདུག
སྒྱུ་མ་མཁན་གྷན་རྡ་ཧྥི་གྲིབ་མའི་གྲོག་རོང་ལ་འདྲེས་དྲུད་འགྲོ་སྐབས་ཁྱེད་ཀྱི་སེམས་ལ་དངང་འཚབས་སྐྱེས་བྱུང་ངམ། མཛུབ་དཀྲིས་ཀྱི་ནུས་པས་བུ་ཞིག་སྲོག་ཆགས་གྷོ་ལུམ་ལ་འགྱུར་ཚུལ་དེ་ཡང་འདྲ་ཆགས་པོ་མི་འདུག་གམ། ནུའོ་རྫི་ལིན་ཌའི་ཡུལ་ལྗོངས་མཛེས་པོ་ཞེ་དྲགས་འདུག་ག
དེའི་ཡུལ་ལྗོངས་དེ་ལ་མཛེས་པའི་ཆ་གཅིག་པོ་མ་ཡིན་པར་དངོས་གནས་སྒྱུ་འཕྲུལ་གྱི་གཡོ་ཇུས་ཡོངས་སུ་རྫོགས་འདུག