བརྩེ་གྲོགས་མ་ལྷ་སྒྲོལ་དང་གཡང་སྐྱིད་གཉིས་ཀྱིས་རྨང་བཏིང་ཞིང་རང་རིགས་མ་ཡུམ་དག་གི་ཚབ་ཏུ་བྲིས་པ།
ཐོར་རྒོད་པ་སྤྱན་ཆབ།
མུན་ནག་ལས་ཁྱོད་ཀྱི་འཁུན་སྒྲ་ཁོ་ནས་ང་ལ་ཅི་ཡང་མི་རག་པས
མུན་ནག་ལས་ཁྱོད་ཀྱི་རྡེབ་གསིག་གཅིག་པུས་ང་རང་ཅི་ཡང་མི་ཚིམ་པས
ངས་ཁྱོད་ཀྱི་བྱད་བཞིན་གྱི་ཆགས་ཉམས་དེར་ཡང་ཡང་བལྟ་དགོས
སྙིང་ཉེ་ལགས ང་ལ་གློག་སྒྲོན་སྤར་རོགས།
མཆུ་སྦྱོར་དང་འཐམ་འཁྱུད་ཀྱི་གཡོ་འགུལ་སེམས་སུ་ཟུག་ནའང
འཕུར་མཉེད་དང་འདར་གསིག་གི་ལྕེ་རྩེ་གང་སར་ཉུག་ནའང
ང་ཡིས་ཁྱོད་ཀྱི་མིག་མདངས་ཀྱི་དྭངས་མ་དེ་མཐོང་དགོས་ཡོད
སྙིང་ཉེ་ལགས ང་ལ་ཁྱོད་ཀྱི་སྤྱན་ཟུང་གི་གློག་སྒྲོན་སྤར་རོགས།
ཁྱོད་ཀྱི་ལག་ཟུང་གིས་ང་མྱོས་བུམ་ཕུར་ཙམ་ཕུར་ཙམ་གྱི་བདེ་བ་དེ
ཁྱོད་ཀྱི་ཤ་རྒོད་དག་ང་ཡི་གང་སར་རེག་ཙམ་རེག་ཙམ་གྱི་བདེ་བ་དེ
ང་ཡི་ཤ་ཚིལ་དག་གི་བར་གསེང་ན་རྒྱུ་བའི་བདེ་བ་དེ་ལས་ཀྱང
སྙིང་ཉེ་ལགས ང་ལ་ཁྱོད་ཀྱི་སེམས་པའི་གློག་སྒྲོན་སྤར་རོགས
འཁྲིག་སྤྱོད་ཀྱི་བདེ་བ་དེ་ཤ་རུས་ཀྱི་ཚ་སྦྲིད་ཅིག་ཡིན་ཙ་ན
འཁྲིག་སྤྱོད་ཀྱི་བདེ་བ་དེ་ལུས་སེམས་ཀྱི་ཚོར་ཤེས་ཤིག་ཡིན་ཙ་ན
ངའི་དམར་ཧྲེང་གི་ལུས་སེམས་གཅེར་རྒྱུའི་ངོགས་སུ
སྙིང་ཉེ་ལགས ཁྱོད་ཀྱི་དགའ་དུང་གི་གློག་སྒྲོན་ནམ་ཡང་མ་ལྷོད་ཅིག
13/05/2011
སྙིང་ཉེ་མ།
ཁྱོད་ཀྱིས་མིག་ཟུང་ཕྱེས་དང་།
ཁྱོད་ཀྱིས་ལག་ཟུང་གློད་དང་།
ལྷིང་འཇགས་ཀྱི་མཚན་ལྗོངས་འདི་ནས།
སྲབ་འཇམ་གྱི་མལ་ཆས་ནང་ནས།
འཐམ་སྦྱོར་འཁྲིག་གསུམ་གྱི་བྱ་བ་ལ་གཞི་ནས་འཇུག་རྒྱུ་ཡིན་པས།
ཁྱོད་ཉིད་བྲེལ་ཤ་ལང་མི་རུང་།
གློག་ཞུན་མེད་ནའང་ཆོག
རྒུན་ཆང་མེད་ནའང་འགྲིག
ཡུན་རིང་དུ་དཀའ་བས་བསགས་པའི་བདུད་རྩིའི་ཐིགས་ཡོད་ཚད།
ཅི་མི་སྙམས་པར་ཁྱོད་ཀྱི་པདྨའི་སྟེང་བྱོ་ངེས་ཡིན།
སྙིང་ཉེ་མ།
ཁྱོད་ཀྱིས་མིག་ཟུང་ཕྱེས་དང་།
ཁྱོད་ཀྱིས་ལག་ཟུང་གློད་དང་།
ལྷིང་འཇགས་ཀྱི་མཚན་ལྗོངས་འདི་ནས།
སྲབ་འཇམ་གྱི་མལ་ཆས་ནང་ནས།
འཐམ་སྦྱོར་འཁྲིག་གསུམ་གྱི་བྱ་བ་ལ་གཞི་ནས་འཇུག་རྒྱུ་ཡིན་པས།
ཁྱོད་ཉིད་བྲེལ་ཤ་ལང་མི་རུང་།
གློག་ཞུན་མེད་ནའང་ཆོག
རྒུན་ཆང་མེད་ནའང་འགྲིག
ཡུན་རིང་དུ་དཀའ་བས་བསགས་པའི་བདུད་རྩིའི་ཐིགས་ཡོད་ཚད།
ཅི་མི་སྙམས་པར་ཁྱོད་ཀྱི་པདྨའི་སྟེང་བྱོ་ངེས་ཡིན།
སྙིང་ཉེ་ལགས། འཁྲིགས་སྦྱོར་དེ་སྐད་ཅིག་མའི་བདེ་བ་ཞིག་ངེས་ན
ཁྱོད་དང་ང་གཉིས་ཀྱིས་མཚན་མ་གཏུགས་པའི་བར་གསེང་ནས
ཙག་ཤེད་ལྟ་བུའི་ཚོར་སྣང་དེ་གཡའ་ཆུ་མཉམ་དུ་བཞུར
ཅི་ཞིག་སྒོམ་པའི་རྣམ་འགྱུར་གྱི་ཁུགས་སོ་ནས
བདེ་ཆེན་གྱི་འཁོར་དུ་བཞེངས་པའི་ངོ་མདངས་དམར་པོ་དེ
མཚན་མའི་འཐབ་རྩོད་ལ་རོལ་བའི་ཚོར་བག་གི་ལེའུ་ཞིག
དྲ་གྲོགས་རྣམ་པ་གཉིས་ཕེབས་པར་དགའ་ཡོད་ལགས།