གྷན་དྷིའི་འཁྲུངས་སྐར་ལ་ཕུལ།

བྱམས་པ་ལྷུན་གྲུབ།

མདའ་མཚོན་གོ་ཆའི་སྲོལ་ངན་ཆེས་དར་བའི།།
དུས་རབས་ཉི་ཤུའི་དམག་འཁྲུག་དུས་ངན་དེར།།
རྣམ་དཔྱོད་དབེན་པའི་འབྲུ་སྲིན་ཕྲ་རྣམས་ལྟར།།
འཛམ་གླིང་འཛིན་མའི་ས་ཆེན་ཟླུམ་པོ་འདིར།།
འགྲོ་བ་མི་རྣམས་ཡུལ་ལུང་རྒྱལ་ཁབ་སོགས།།
མིང་ལ་ཆགས་ཞེན་མེ་ལྕེ་དམར་པོའི་འོག།
ཇི་ལྟར་འབུ་སྲིན་ཆེན་པོས་ཆུང་ལ་བཞིན།།
སྟོབས་ཆེན་རྣམས་ཀྱིས་སྟོབས་ཆུང་ཟ་བ་དང་།།
ཐུབ་ཚད་གཉའ་གནོན་རྡུང་གསོད་བྱས་པ་སོཊ།།
ཕྲག་དོག་འགྲན་སེམས་ཆཊ་སྡང་འཁོན་འཛིན་ཁྲོད།།
ཕན་ཚུན་འཐབ་འཛིང་བརྒྱ་སྟོང་བགྱིས་དབང་གིས།།
ལས་ངན་སྐྱེ་འགྲོ་གྲངས་བས་མཐའ་འདས་པའི།།
ཞི་བདེ་ལྷིང་འཇགས་ཡོངས་སུ་དཀྲོག་པ་དང་།།
ཚེ་སྲོག་གྲངས་འདས་རླུང་འཚུབ་དམར་པོའི་ཁྲོད།།
བསྐྱུར་བའི་བསམ་ཡུལ་ལས་འདས་དུས་ངན་དེར།།
སྐྱེས་མཆོག་ཁྱོད་ཀྱིས་དཀའ་སྤྱད་གང་ལ་ཡང་།།
འཛེམ་མེད་རང་རྒྱལ་རྒྱ་གར་མི་དམངས་དང་།།
ལས་ངན་འཇིག་རྟེན་སྐྱེ་འགྲོ་རྣམས་ཀྱི་སླད།།
ཡུན་རིང་བྱམས་དང་སྙིང་རྗེའི་གནས་ལུཊ་སོཊ།།
ཐོག་མར་རང་གིས་ཉམས་ལེན་མཐིལ་ཕྱིན་མཛད།།
དལ་བུར་འཇིག་རྟེན་ས་ཆེན་ཁྱོན་ཡོངས་ལ།།
སྐྱེ་འགྲོའི་བདེ་སྐྱིད་ཉིན་བྱེད་འཕྲོ་མཛད་དུ།།
འཚེ་མེད་ཞི་བའི་ལམ་བཟང་སྲོལ་བཏོད་ནས།།
མདའ་མཚོན་གོ་ཆ་ཅི་ཡང་མི་ཐོགས་པར།།
ལོ་མང་བདེན་པའི་འཐབ་རྩོད་བྱས་པའི་མཐར།།
རྒྱ་གར་ཡུལ་གྱི་རང་བཙན་ལེན་མཛད་དང་།།
འཛམ་གླིང་ཧྲིལ་པོའི་རྒྱལ་ཁམས་གང་ས་ལ།།
འཚེ་མེད་ཞི་བདེའི་འོད་སྣང་ཡོངས་ཁྱབ་ཅིང་།།
མཚན་གྱི་སྙན་གྲགས་དབྱར་སྐྱེས་རྔ་སྒྲ་ལྟར།།
འཇིག་རྟེན་ཕྱོཊ་མཚམས་ཀུན་ལ་ཆེས་གྲཊ་པས།།
ཤ་རུས་ལས་གྲུབ་ཁྱོད་ཀྱི་སྐུ་གཟུགས་དེ།།
མངོན་སུམ་མཇལ་བའི་ཡུལ་ལས་འདས་ཟིན་ཀྱང་།།
རྣམ་དཔྱོད་ལས་གྲུབ་རིན་གཞལ་མི་ནུས་པའི།།
ཁྱོད་ཀྱི་ཞབས་རྗེས་དཀར་པོའི་སྣང་བརྙན་དག།
ནམ་ཡང་འཇིག་མེད་གོ་འཕང་རྙེད་ཟིན་པས།།
ཁྱོད་ཉིད་དག་པའི་ཞིང་དུ་ཕེབས་མོད་ཀྱང་།།
ཐུགས་ཀྱི་འཕྲིན་ལས་འཇིག་པ་མེད་པར་མངའ།།