རིག་འཛིན།
ངས།
ཁ་བའི་ལས་དབང་གི་ཆེད་དུ།
རང་ནུས་ཀྱི་སྟོབས་ཤུགས་ཡོད་ཚད་རྡོག་ལ་སྒྲིལ་ཏེ།
ཚེ་རབས་ཕྱི་མའི་ཁ་བའི་ཕུ་ནུ་མིང་སྲིང་ཚོའི་ཆེད་དུ།
ཆེས་ནག་པའི་ཁ་བའི་མཚན་མོ་འདིར།
ལེགས་སྐྱེས་ཀྱི་འོད་སྣང་ཞིག་འབུལ་དགོས།
ཁྱེད་ཀྱིས།
ཁ་བའི་བུ་ཕྲུག་གི་སླད་དུ།
ཁྱེད་ཀྱི་འགུལ་སྐྱོད་ཀྱི་ནུས་གས་ཡོད་ཚད་བཅད་དེ།
ཁ་བའི་ཀྱག་ཀྱོག་རྐང་ལམ་དེ།
ངོས་ཡངས་པའི་དེང་རབ་ཀྱི་ལམ་བཟང་ཞིག་ཏུ་བཅོས་པར་འཚལ།
ང་ཚོས།
ཁ་བའི་ལས་དབང་སྒོམ་བཞིན།
ཆིག་སྒྲིལ་གྱི་རུ་སྟར་ལེགས་པར་བསྒྲིགས་ཏེ།
ནང་དམེ་གཡུལ་འཁྲུག་རྒྱང་དུ་སྤྲས་ནས།
གོམ་ག་མདུན་ཕྱོགས་ནས་མདུན་ཕྱོགས་སུ་སྒྱུར་བཞིན།
རང་མདངས་ཉམས་པའི་ཁ་བའི་རྡུལ་བརྩེགས་དེ།
སླར་གསོ་བར་འཆད་དགོས།
ང་དང་ང་ཚོས།
ཁ་བ་དྲན་བཞིན།
ཁ་བའི་གཞུད་ལམ་གྱི་ཆེད་དུ།
དབྱངས་གསལ་སོ་བཞིའི་དམག་དཔུང་འཁྲིད་དེ།
ཀ་ཁ་ག་ངའི་དམག་གླུ་གྱེར་དགོས།
མཐུན་སྒྲིལ་གྱི་རོལ་དབྱངས་དང་ལྷན་དུ།
ང་ཚོས་ཀ་ཁའི་དམག་གླུ་ཆད་མེད་གྱེར་དགོས།
ང་དང་ང་ཚོ།