ང་ནི་གདོང་དམར་བོད་ཀྱི་རྒྱུད་པ་ཡིན། (གཞས་ཚིག)

Comments (4) on “ང་ནི་གདོང་དམར་བོད་ཀྱི་རྒྱུད་པ་ཡིན། (གཞས་ཚིག)”

1. ཡག་པོ་འདུག འདི་ལ་དབྱངས་གཅིག་རག་སོང་།

2. ཆང་སྐྱེས།

   ཕ་ས་གསེར་གྱི་ལུང་པ་རྒྱང་ན་ཡོད།།
   ཕ་མའི་གདམས་ངག་ཟབ་མོ་སྙིང་ན་ཡོད།།
   ཕ་སྐད་གཙང་མའི་འགྱུར་ཁུགས་ངག་ན་ཡོད།།
   ང་ནི་གདོང་དམར་བོད་ཀྱི་རྒྱུད་པ་ཡིན།།

   དབྱངས་གསལ་སོ་བཞི་གཏན་གྱི་མདུན་མ་ཡིན།།
   སུམ་རྟགས་དག་གསུམ་བོད་ཀྱི་གཅེས་ནོར་ཡིན།།
   སྙན་ངག་ཟློས་གར་འཚོ་བའི་ཁ་སྣོན་ཡིན།།
   ང་ནི་གདོང་དམར་བོད་ཀྱི་རྒྱུད་པ་ཡིན།།

   འབྲོག་པའི་རྩྭ་ཐང་ང་ཡི་རྩེད་ཐང་ཡིན།།
   རོང་གི་སྒོ་ཞིང་ང་ཡི་རྩེད་ར་ཡིན།།
   ཞིང་འབྲོག་གཉིས་ཀ་ང་ཡི་ཁྱིམ་གཞི་ཡིན།།
   ང་ནི་གདོང་དམར་བོད་ཀྱི་རྒྱུད་པ་ཡིན།།

   གངས་དཀར་རི་བོ་བདག་གི་རུས་རྐང་ཡིན།།
   རྨ་འབྲི་གཙང་གསུམ་ང་ཡི་ཁྲག་རྒྱུན་ཡིན།།
   ཁྲི་ཤོར་རྒྱལ་མོ་ཁོ་བོའི་བླ་མཚོ་ཡིན།།
   ང་ནི་གདོང་དམར་བོད་ཀྱི་རྒྱུད་པ་ཡིན།།

3. བློ་བཟང་ལགས་ཀྱིས་བདག་གི་གཞས་ཚིག་འདི་ལ་ཞིབ་དག་བྱས་པ་དང་དབྱངས་གཅིག་རེག་སོང་ཞེས་པ་ལ་ཐུགས་རྗེ་ཆེ་ཞུ།

4. བློ་བཟང་ལགས་ཐུགས་རྗེ་ཆེ