སྦྲ་རིགས་ཐོགས་མེད།
༡
ཁྱེད་ཚོའི་ཕུགས་བསམ་ནམ་མཁའི་མཐའ་ལས་བརྒལ་སོང་།
ཁྱེད་ཚོའི་རེ་བཞག་གཙང་བོའི་རྒྱུན་ལས་རིང་སོང་།
སྒང་བ་བོད་ཀྱི་རྒྱལ་ཁབ་འདིར།
སྙིང་སྟོབས་དང་རེ་བ་སྩོལ་མཁན།
རྒྱང་རིང་གི་སྤུན་ཟླ་གདོང་དམར་བོད་པ།
ང་ཚོ་ནམ་ཡང་ཁྱེད་ཚོ་དང་མཉམ་དུ་སྐྱོད་བཞིན་ཡོད།
ང་ཚོ་ནམ་ཡང་ཁྱེད་ཅག་གི་རྒྱབ་རྩར་ལངས་ནས་ཡོད།
༢
ཁྱེད་ཚོའི་དཔའ་མཛངས་འཛམ་གླིང་ཡོངས་ལ་བསྒྲགས་སོང་།
ཁྱེད་ཚོའི་མཛད་རྗེས་ནམ་ཡང་བསུབ་ཐབས་བྲལ་སོང་།
གངས་ཅན་ཁ་བའི་ཡུལ་ལྗོངས་འདིར།
མེ་ལྕེ་ཡིས་བདེན་པ་བརྡར་མཁན།
རྒྱང་རིང་གི་སྤུན་ཟླ་གདོང་དམར་བོད་པ།
ཁྱེད་ཚོའི་འབོད་སྒྲ་ང་ཚོས་འཛམ་གླིང་ལ་སྒྲོག་བཞིན་ཡོད།
ཁྱེད་ཚོའི་ཁ་ཆེམས་ང་ཚོས་སྙིངས་དབུས་སུ་བཅིངས་ནས་ཡོད།
༣
ཁྱེད་ཚོ་ནམ་ཡང་རྡོག་རྩ་གཅིག་སྒྲིལ་ཡིན་སོང་།
ཁྱེད་ཚོ་ནམ་ཡང་གཅིག་རྒྱབ་གཅིག་ལངས་ཡིན་སོང་།
ཆོལ་གསུམ་གཡང་གི་ར་བ་འདིར།
ཚེ་སྲོག་གི་ལོ་རྒྱུས་འབྲི་མཁན།
རྒྱང་རིང་གི་སྤུན་ཟླ་གདོང་དམར་བོད་པ།
ཁྱེད་ཚོའི་སྡུག་བསྔལ་ང་ཚོས་སེམས་གཏིང་ནས་ཚོར་བཞིན།
ཁྱེད་ཚོའི་སྙིང་སྟོབས་ང་ཚོའི་བླ་སྲོག་དང་འདྲེས་ནས་ཡོད།
གྲོགས་པོ་ཞིག་ལ་གླུ་ཚིག་ཞིག་གི་ཆེད་དུ་ཤར་མར་བྲིས
བཀླགས་ཡོད། ཡུན་རིང་ཞིག་གི་རྗེས་ནས་གཞས་ཚིག་ཅིག་མཐོང་སོང། དེ་རིང་ཁ་སང་ངས་ཀྱང་གཞས་ཚིག་འབྲི་བར་ཤུགས་སྣོན་རྒྱག་གིན་ཡོད། ཡིན་ཡང་དེ་ཙམ་ཡག་པོ་ཞིག་མི་འཁྱོངས་ཀི ཧ་ཧ་ཧ་ཧ་་་་་
རྟ་ཕོ་ཀེག་ལ་ལངས་སོང། འཚེར་སྐད་མཁའ་ལ་ཁྱབ་སོང།
རྨིག་རྗེས་ས་ལ་དཔར་སོང། བང་རྩལ་རླུང་ལ་ཐིམ་སོང།
དཔའ་བོ་མདུན་ལ་མཆོངས་སོང། འབོད་སྒྲ་ས་གཞིར་ཁྱབ་སོང།
མཛད་རྗེས་བོད་ལ་བཞག་སོང། རྣམ་ཤེས་མེ་ལ་ཐིམ་སོང།
གཞས་ཚིག་གི་ཚུལ་དུའོ།
འདི་འདྲའི་གཞས་ཚིག་གང་མང་འབྲི་བའི་རེ་བ་ཡོད། དངོས་གནས་ཡག་པོ་བྲིས་འདུག