ཀླུ་སྨྱོན།
ཡུལ་ཤུལ་ཁུལ་རྫ་སྟོད་རྫོང་འདམ་གཞུང་ཡུལ་ཚོར་དབྱར་དུས་སུ་ཁྲུང་ཁྲུང་མང་པོ་ཡོད་རེད།ད་ལོའི་དབྱར་ཁར་ཁྲུང་ཁྲུང་ཁྱོ་ཤུག་གཉིས་ལས་ཕོ་དེའི་སྒྲོ་རུས་ཆག་སྟེ་འཕུར་ཐབས་མེད་པར་ལུས།མོ་དེས་ཉིན་མཚན་ཀུན་དུ་ཕོ་དེ་སྲུང་སྐྱོབ་བྱེད་པ་དང་།ཁྱི་དང་རྟ་ནོར་སོགས་འགྲམ་དུ་གཅར་དུས་སྲོག་བརྡོས་ཀྱིས་འགོག་རྒོལ་བྱེད་ཀྱིན་འདུག་ཟེར།མོ་ལ་འགོག་རྒོལ་བྱེད་པའི་སྙིང་སྟོབས་ཙམ་མ་གཏོགས་ནུས་པ་གང་ཡང་མེད་པས་སྙིང་རྗེ།ནམ་ཟླ་ཇེ་འཁྱག་ཏུ་གྱུར་པ་དང་བསྟུན་མཚོ་ཁ་དར་གྱིས་བཟུང་།ཁྲུང་ཁྱུ་ནི་དྲོད་སྐྱིད་ལྡན་པའི་ཕ་ཡུལ་ཏེ་ལྷོ་ཕྱོགས་སུ་འཕུར།ཁྲུང་ཁྲུང་ཕོ་དེ་སྒྲོ་རུས་དྲག་སྐྱེད་མ་བྱུང་བས་ལྷགས་རླུང་གི་ཁྲོད་དུ་ལུས།ཁྲུང་ཁྲུང་མོ་དེས་ཁྲུང་ཁྱུའི་རྗེས་ཅུང་ཟད་སྙེག་རྗེས་རང་གི་ཁྱོ་བོ་བློས་མ་ཐོངས་པར་ཕྱིར་ཁྲུང་ཕོ་དེའི་ཟུར་དུ་བབས།དེ་ནས་ཉིན་རེ་བཞིན་ནམ་ཟླ་ཇེ་འཁྱག་ཏུ་གྱུར་ཅིང་མཚོ་ཁའི་དར་ཇེ་མཐུག་ཏུ་གྱུར།མཐར་གསོན་རེ་ཆད་པའི་ཁྲུང་ཁྲུང་ཁྱོ་ཤུག་གཉིས་པོས་འུ་ཐབས་ཟད་ཀྱིས་ཕན་ཚུན་གཅིག་གི་སྐེ་གཅིག་གིས་བསྡམས་ནས་རང་དམེ་བྱས་འདུག་ཟེར།གཏམ་རྒྱུད་འདི་ས་དེའི་འབྲོག་དམངས་ཀྱིས་དངོས་སུ་མཐོང་འདུག་ཅེས་ས་དེའི་ཡིན་པའི་ངའི་གྲོགས་པོ་ཞིག་གིས་གསུངས་སོང་། གྲོགས་པོ་ཚོ་ཁྲུང་ཁྲུང་དེ་གཉིས་ལ་མཎི་རེ་གསུངས་རོགས།
སྐྱེ་བ་ཕྱི་མ་ཁྱེད་རང་ཁྲུང་ཁྲུང་ཞིག་གི་རིགས་སུ་སྐྱེ་བར་ཤོག་ཅེས་སྨོན་ལམ་འདེབས་ཀྱིན་ཡོད་དམ།
གང་དང་གང་གིས་འགྲོ་ལ་ཕན་འགྱུར་བ། །
དེ་དང་དེ་ཡི་དངོས་པོར་བདག་འགྱུར་ཤོག །
ཅེས་སྨོན་ལམ་འདེབ་བཞིན་ཡོད།
འཛམ་བུ་གླིང་ན་བྱ་རིགས་མ་འདྲ་བ་སྟོང་ཕྲག་བཅུ་ལས་བརྒལ་བ་ཡོད་པ་རེད། དེའི་ནང་ན་བརྩེ་བ་ཡོད་མེད་གཉིས་ཀ་ཡོད་པ་རེད། དེ་བས་རྩོམ་གྱི་ཁ་བྱང་དེ་འཚམས་པོ་མི་འདུག མིའི་ནང་ནའང་བརྩེ་བ་ཟབ་མིན་གཉིས་ཀ་ཡོད་པ་རེད། ཁྲུང་ཁྲུང་དང་ངང་ངུར་ལྟ་བུའི་བརྩེ་དུང་ཅན། ཁུ་བྱུག་བཞིན་རང་གི་བུ་ཕྲུག་ཀྱང་གསོ་བར་མི་བྱེད་གཞན་གྱི་ཚང་དུ་འཇོག་པའི་ཁྲེལ་མེད་པ། སྒྲུང་སྙན་པོ་དེ་ལ་ཁ་བྱང་དགོད་བྲོ་བ་བྱིས་པའི་ལབ་བརྡོལ་ལྟ་བུ་གཞི་འཛིན་ས་ཤིག་ཙམ་ཡང་མེད་པ་ཞིག་བཏགས་འདུག་ཨང་།
བླ་མ་ཀླུ་སྨྱོན་ཧེ་རུ་ཀ་རིགས་སད་པའི་མི་དབང་ཞིག་ཡིན་པས། སྔོན་ཨ་རིའི་རྒྱལ་སར་ཕུག་རོན་ནད་པ་ལ་ངུ་བ་བཞིན་དུ། ཁྲུང་ཁྲུང་བྱ་དཀར་རྣམས་ཀྱི་སྡུག་བསྔལ་དངོས་སུ་མཐོང་ན། མཆི་མའི་རྒྱ་མཚོ་འཁྱིལ་ཏེ། སྐམ་གནས་སེམས་ཅན་ཀུན་གར་སྡོད་དམ།
མགོན་པོས་ཕོ་རོག་སྤུལ་པ་མང་། །
ཁྱི་ནག་དཔལ་ལྷའི་སྒོ་ཕྱུགས་གྲག །
ཁྲུང་ཁྲུང་གླིང་གི་བྱ་མ་རྟ། །
ཕུག་རོན་ང་ཡི་བླ་བྱ་ཡིན། །
ལྷས་བྱིན་ངང་པར་མདའ་ཡིས་རྨས། །
དོན་གྲུབ་གཞོན་ནུས་བྱ་དེ་བསྐྱབས། །
ཨ་ལག་ཀླུ་སྨྱོན་གྱི་གནས་ཚུལ་འདི་བདེན་པ་རེད། འདི་འདྲའི་ལོ་རྒྱུས་མང་པོ་གོ་ཐོས་ཡོད། དངོས་གནས་སྙིང་ཡ་རེད་འདུག
རེད། ཁྲུང་ཁྲུང་སྐེ་ནག་ཅན་འདི་ཁྱོ་ཤུག་ཕན་ཚུན་བརྩེ་བ་ཟབ་པའི་དཔེ་ཡིན། དགུན་དུས། བོད་ནས་འབྲུག ཨ་རུ་ན་ཅལ། ཧི་མ་ཅལ་སོགས་སུ་བབ། སྙན་གྲགས་ཧ་ཅང་ཆེ། འདི་འདྲ་ཞིག་རྔོན་ན་རྒྱ་གར་ནང་ཚེ་བཙོན་ཡིན། ད་རེས་དེའི་གནས་ཚུལ་སོ་མ་ཞིག་བཀོད་པར་གློ་བ་དགའ།
བརྩེ་བ་ཚད་མེད་ཀྱི་འགོ་འདི་ནས་བཙུག་དགོས་པར་འདོད།
ཡིད་འགུལ་བྱུང་། སྙིང་ན་བྱུང་། ཨོཾ་མ་ཎི་པདྨེ་ཧཱུྃ།
བླ་མ་ཀླུ་སྨོོན་ལོ་ལོ། སྒྲོ་རུས་ཟེར་ནིའི་དག་ཆ་ཞིག་བྲིས་འདུག་ར། ངས་བལྟས་ན་ཁྱོ་ད་ཐང་གཉང་ཡག་བྱས་ཡོད་ནི་འདྲ་ཞིག་རེད། གཅིག་ནི་སྒྲོ་ལ་རུས་བ་མེད་པ་དང་གཉིས་ནི་དེ་འདྲ་ཞིག་རྣ་བས་གོ་ལ་མ་མྱོང་། སྒྲོག་རུས་ཟེར་ནིའི་རུས་བ་ཞིག་ཡོད་པ་དེ་ལ་ཨ་མདོ་བ་ཚོས་དེ་ལ་སྒྱོག་རུས་ཟེར། དེ་ཆག་པ་ཡིན་ན་བྱ་སྒྲོ(་སྒྱོ་)རྡེབ་མི་ཐུབ་པས། དེ་ཟེར་གྱི་ཡོད་ན་སྒྲོག་རུས་རེད། ཨེ་གོ་ཐལ། དེ་མོ་འཕྱུག་བཙོག།
ཤི་གསོན་འགྲོ་བ་རིགས་དྲུག་གི་དོན་དུ་འགྱོ་ནིའི་སྐྱབས་འཇུག་་ཨོཾ་མ་ཎི་པདྨེ་ཧཱུྃ་ཨོཾ་མ་ཎི་པདྨེ་ཧཱུྃ་ཨོཾ་མ་ཎི་པདྨེ་ཧཱུྃ།
གནམ་ཁྱོད་རང་གི་སྐད་ཆ་ནང་ལ་གོ་མི་ནུས་པ་དང་། གོ་མ་མྱོང་བ། གོ་རྒྱུ་མེད་པ་མང་པོ་འདུག
རང་གི་སྡོད་གནས་ཤེལ་ཁང་ཡིན་ན། གཞན་ལ་རྡོ་མ་གཞུས་ཟེར་བའི་རྒྱ་གར་གྱི་གཏམ་དཔེ་དེ་ཨེ་མ་བདེན།
ཡ་མེ་དཀར། གོ་མ་མྱོང་བ་དག་སྦྱོང་དགོས་བ་རེད། གོ་མི་ནུས་བ་དང་གོ་རྒྱུ་མེད་པ་རྣམས་ང་ལ་ཐད་འདྲི་བྱས་ན། ངས་ཁྱོ་ལ་ཅི་མ་བདེན་བསམ་པའི་བློ་ཁ་སྐྱེད་དགོས། དེ་འདྲ་བྱས་ན་ཨེ་འགྲིག་གི།
ཡང་་་་བླ་མ་ཀླུ་སྨྱོན་ངུས་ཡོད་རྒྱུ་རེད། ཧུཧུཧུ
ཁྱོ་ཟེར་ན་གང་རེད་དམ།
ང་དང་ཁྱོ་དང་ཁོ་གསུམ་པོ།
རྗེས་འཇུག་མེད་པས་བསྡུ་སླ་བས།
ངག་གི་སྐད་ལ་དགོས་བ་ཡིན།
དཔེར་ན་།
ངའི་མགོ་ཁྱོའི་མགོ་ཁོའི་མགོ་སོགས།
ངེད་དང་ཁྱོད་དང་ཁོང་གསུམ་ནི།
རྗེས་འཇུག་ཡོད་པས་བསྡུ་མི་ཐུབ།།
ཆོས་ཀྱི་སྐད་ལ་མཁོ་བ་ཡིན།
དཔེར་ན།
ངེད་ཀྱི་བྲིས་དང་ཁྱོད་ཀྱི་གསུངས།
ཁོང་གི་ཐུགས་དང་དབུས་གཙང་གི།
སྐུ་གྲགས་སྐད་ལ་ཞེ་སའི་ཁྱེད།
མེ་དཀར་འཐོམ་པ་སེལ་བའི་ཆེད།
གནམ་གྱིས་བསྐུར་བའི་མེ་དཀར་ཡིན།
་ད་འོ་ན་གཏམ་རྒྱུད་གསེར་ཐང་ནང་བཤད་པ་ལྟར། མུ་སྟེགས་པས། ཧ་ཧ་ཧ་ཧ་ཧ། ཧི་ཧི་ཧི་ཧི་ཧི། ཞེས་པར་ཧ་དང་པོ་ཅིག་ཅིག་དང་། ཧ་གཉིས་པས་ཉིག་ཉིག་གི་སྟོན་ཟེར་བ་ལྟར་ཁྱོད་ཀྱིས་ཀྱང་དེ་འདྲ་ཟེར་གི་འདུག
ད་གཡུག་ཞོག ཧམ་ཆེན་དྲེད་པོ་འདི་སྐྱག་པའི་ཁུག་མ་ཙམ་དུ་འདུག་པས་་་་་སྐྱག་དྲི་འཐུལ་ལེ་འོང་ཉེན་ཆེ།
ཧམ་པ་ཆེ་དང་མི་ཆེ་མི་ཤེས་མོ། སྐྱག་རི་བྲོ་ན་ཁྱོ་ལ་ཁག་ཅིག་མེད།
འོན་ཀྱང་དྲི་མེད་བྲོ་མེད་སྐྱག་པ་ཞིག། བདག་གིས་ཁྱོ་ལ་འབུལ་ཐབས་མ་ཡོད་ལགས།