འཇམ་དབྱངས་སྦྱིན་པ།
(བཀའ་ཟུར་བདེ་སྐྱིད་ཆོས་དབྱངས་ལགས་ཀྱི་དགོངས་ཞུ་དང་གསལ་བསྒྲགས་སྐོར།)
བཀའ་ཟུར་བདེ་སྐྱིད་ཆོས་དབྱངས་ལགས་ཀྱིས་ལོ་བཞི་དང་ཕྱེད་ཀའི་རིང་དགོངས་པ་མ་ཞུས་པར། ཅིའི་ཕྱིར་ཉེ་ཆར་དགོངས་པ་ཞུས་པ་ཡིན་ནམ། དགོངས་ཞུས་དེ་ནི་”གདོང་ལེན་བྱེད་དགོས་པའི་དཀའ་ངལ་ཆེན་པོ་རྣམས་ང་ཚོའི་མདུན་ཕྱོགས་ན་ཡོད་”པ་ཤེས་པའི་སྒོ་ནས། སྤྱི་དོན་ཆེད་བསམ་བློ་གཏིང་ཟབ་བཏང་ནས་ཐག་གཅོད་གནང་བ་ཞིག་ཡིན་གསུངས་པས། ཁོང་སྒེར་ངོས་ནས་འོས་བསྡུ་དང་འབྲེལ་བའི་ཆ་ཤས་བཞེས་རྒྱུ་དེ་ཅིའི་ཕྱིར་དེ་ཙམ་གལ་ཆེན་དུ་གཟིགས་དགོས་པ་ཡིན་ནམ། སྲིད་སྐྱོང་འོས་མི་གཉིས་ལ་ཁྱད་དེ་ཙམ་མེད་ན། ཁོང་གཉིས་ཀ་ཉེ་ས་ནས་གསལ་པོར་མཐོང་བའི་བཀའ་ཡི་བློན་པོ་ཞིག་གིས་འདི་ལྟར་བློ་ཐག་ཆོད་པོས་རང་ཉིད་ཀྱི་ཁེ་དབང་བློས་བཏང་སྟེ་ཐག་གཅོད་འདི་གནང་དོན་ཅི། འདི་ནི་ངས་བསམ་ན་གནད་དོན་ཆུང་ཆུང་ཞིག་གཏན་ནས་མ་ཡིན།
དེས་ན་ང་ཚོས་ངེས་པར་དུ་ཁོ་མོས་འབད་འབུངས་ཆེན་པོས་གསལ་བསྒྲགས་གནང་བའི་སྲིད་སྐྱོང་གི་ཆ་རྐྱེན་དོན་ཚན་དགུ་ཅན་དེ་འོས་མི་གཉིས་སུ་ལ་ཚང་མིན་དང་། ཡང་ན་ཕལ་མོ་ཆེ་སུ་ལ་ཚང་མིན་ཐད་བོད་སྤྱི་པ་ཨང་དང་པོར་འཛིན་མཁན་ཞིག་དང་། གཞིས་བཞུགས་སྤུན་ཟླའི་སྐུ་ཚབ་ཏུ་ཁས་འཆེ་མཁན་ཞིག་ཡིན་ཕྱིན་ཆད། འདི་ནི་བསམ་བློ་མ་གཏང་ཐབས་མེད་ཀྱི་གནད་དོན་ཞིག་ཆགས་ཡོད།
གསལ་འདེབས། དེང་རང་བློར་མི་འབབ་པའི་དོན་ཆུང་ཚེགས་ཤིག་མཐོང་ཡང་བརྟག་དཔྱད་དང་བཟོད་སྒོམ་ཡེ་ནས་མེད་པར་ཡོད་ཚད་”ཕྱོགས་རིས་”ཟེར་བའི་ཚིག་གཅིག་གི་ནང་བསྡུ་རྐྱང་བྱས་རྗེས། དེ་མཐུན་སྒྲོ་བཏགས་ཀྱི་ཅ་ཅོ་སྒྲོག་མཁན་མང་ཙམ་མཆིས་སྟབས། སྐད་ཆ་ཐུང་ཐུང་ཞིག་བཤད་རྒྱུའང་ངོ་མ་ལས་སླ་བོ་ཞིག་མ་རེད། དེར་བརྟེན། ཁྱེད་ཀྱིས་ཕ་རོལ་པོའང་ཕྱོགས་སུ་ལྷུང་བ་ཞིག་ཡིན་ཤག་གིས་གསུང་བཤད་གནང་བ་ནི་དོན་དངོས་ཐོག་འོས་འཚམས་ཤིག་གཏན་ནས་མ་ཡིན།
༩/༣/༢༠༡༦/
ཁོ་མོས་སྲིད་སྐྱོང་གི་ཆ་རྐྱེན་དོན་ཚན་དགུ་ཅན་དེ་འོས་མི་གཉིས་སུ་ལ་ཚང་མི་འདུག ཕལ་མོ་ཆེ་ཀླུ་མཁར་བྱམས་ལ་ཚང་འདུག བོད་སྤྱི་པ་ཨང་དང་པོར་འཛིན་མཁན་ཞིག་ཡིན་ན་ཤེས་གསལ་རེད་འདུག
དྲ་དཔོན་ལགས་།ངའི་སྤེལ་པའི་མཆན་བསུབས་པའི་རྒྱུ་མཚན་ཅི་ཡིན།ལན་ཞིག་གནང་རོགས།ངའི་བློ་བཟང་སངས་གེ་ལ་རྒྱབ་སྐྱོར་མ་བྱེད་པའི་ཁྱོད་ཁ་བརྡ་ཚང་ལ་ཕོག་ཐུག་བཏང་ངམ།ཡང་ན་ཁ་བརྡ་ཚང་ཡང་བློ་བཟང་སངས་གེས་ཉོས་དང་ངམ།
འུ་ཅག་གི་དམིགས་ཡུལ་གཙོ་བོ་ནི་སྲིད་སྐྱོང་འཇོན་ཐང་ཅན་ཞིག་འདེམས་རྒྱུ་དེ་རེད།
ཡིན་ནའང་ཆབ་སྲིད་ཀྱི་འགྱུར་ལྡོག་ཁྲོད་མི་སུ་བཟང་ངམ་སུ་མི་བཟང་བཤད་དཀའ་དཀའ་རེད།
བཀའ་ཟུར་གྱིས་གསུངས་བ་ལེ་བདེན་ལགས། འོན་ཀྱང་དེ་ལས་གལ་ཆེ་བ་ནི་བཙན་བྱོལ་བོད་མིའི་དམངས་
གཙོའི་འདུ་ཤེས་དང་བསམ་བློ་རེད། རང་ཉིད་ལ་རང་བློམ་དགོས་བའི་རྒྱུ་མཚན་ཞིག་དང་གཞི་རྩ་ཞིག་མེད་ཚེ་དམངས་གཙོ་ཟེར་བ་ཁ་བཤད་ཆུ་ཡི་ཝུ་བ་རེད།
བདེ་སྐྱིད་ཆོས་དབྱངས་ཀྱི་སྲིད་སྐྱོང་དགོས་ཚན་སྟོན་པ་དེ་དང་མོ་རང་གི་ལག་བསྟར་རྒྱབ་སྐྱོར་སྔ་ཕྱི་མི་མཚུངས། ཆ་རྐྱེན་དེ་དག་ཀླུ་དཀར་བྱམས་ལ་ཚང་འདུག
སྐུ་ཞབས་རྡོ་རྗེ་སྐལ་བཟང་ལགས།
སྤྱིར་ན་ཁྱེད་ཀྱི་དྲི་ཚིག་འདིར་གསལ་བཤད་ཞུ་མི་དགོས་པར་འབད་ན་ཡང་། ཁྱེད་ཀྱིས་དྲི་ཚིག་འདི་གཅིག་པོ་ཡང་ཐེངས་འགར་སྤེལ་འདུག་སྟབས། དེ་ཐད་ནས་གསལ་བཤད་མདོར་ཙམ་ཞུས་ན།
༡༽ རང་ཉིད་ཀྱིས་ཅི་ཞིག་བརྗོད་ཐབས་ཙམ་ལ་འབད་པ་ལས་འགན་ཁུར་ཅི་ཡང་མེད་པ།
༢༽ རང་མིང་གབ་སྦས་ཀྱི་ཐོག་ལ་མཆན་མིང་སྣ་ཚོགས་སྤྱོད་པ།
༣༽ གློག་འཕྲིན་ཁ་བྱང་གཏན་ཁེལ་མེད་པར་འདྲ་མིན་གང་བྱུང་སྤྱོད་པ།
༤༽ བསམ་ཚུལ་ཅི་ཡང་མི་འདོན་པར་ངོ་རྒོལ་གྱི་འབོད་ཚིག་ཡང་ཡང་སྤྱོད་པ།
རྒྱུ་མཚན་གཙོ་བོ་འདི་བཞི་ལ་བརྟེན་ནས་ཁྱེད་ཀྱི་མཆན་བུ་མང་ཆེ་བ་དགོས་དབང་གིས་ཕྱིར་འཐེན་བྱས་པ་ཡིན། དགོངས་འགལ་མེད་པར་ཞུ།
ཁ་བརྡའི་དྲ་དཔོན་ལགས་།
ད་ལྟའི་ཁ་བརྡའི་མཆན་བུ་ཡང་དགོས་དབང་གིས་སྤེལ་བཞིན་པའི་གནས་ཚུལ་ཁྱེད་ཀྱི་དེ་རིང་དྲང་མོར་གསུང་པ་ཐུགས་རྗེ་ཆེ་ཞུ།ང་རང་སྔོན་འགྲོའི་འོས་གཞིའི་སྟེང་ནས་ཚོགས་གཙོ་སྤེན་པ་ཚེ་རིང་ལ་ཡིད་ཆེས་དང་བློ་ཁ་ཕྱོགས་ཡོད་པའི་་དབང་གི།སྤེན་ཚེའི་ཁ་གཏད་ན་ལང་ཡོད་པའི་འོས་མི་བློ་སེང་གི་ཉེས་སྐྱོན་དང་གསང་བ་ཕྱིར་བཀྲམ་དགོས་པ་ནི་ངའི་འོས་འགན་རེད་བསམ།ཁྱོད་ཁ་བརྡ་ཚང་ཡང་དེའི་རྐྱེན་ཡིན་ནམ།