ཟུངས་ཁྲག
མིག་ཆུ་དེའི་དབང་གིས
ངའི་སེམས་པ་འདི་བྲག་རྡོ་ཞིག་གིས་བརྫིས་ནས
གཤོག་ཟུང་གི་འདབ་མ་ཆད་པས་རྣམ་ཤེས་ཀྱི་འཇའ་ཚོན་བཞིན
རླུང་བུས་དེད་པའི་སེམས་པ་དེ
བྲག་ངོགས་སུ་བོར་བའི་གཏམ་བརྒྱུད་ཅིག་དང་འདྲ་བར
ཟུངས་ཁྲག་གི་རྒྱུ་བ་བྲག་ལ་འཐིམ་པས་ངའི་ཡབ་མེས་ཀྱི་རྣམ་ཤེས་དེ
ད་དུང ངའི་སེམས་ངོགས་ཀྱི་འཇིག་རྟེན་དེ་བརྟོལ་གྱིན་འདུག
གས་ཆག་དེའི་དབང་གིས
ངའི་སེམས་པ་དེ་འཁྱག་རོམ་གྱི་བསྣོན་པའི་བྲག་རྡོ་ཞིང
འཕར་ལྡིང་གི་དབུགས་རྩ་དལ་པོར་རྒྱུ་བའི་་མཐའ་མཇུག་དེར
དབུགས་ཀྱི་རྒྱུ་བ་ཆད་ལ་ཉེ་བའི་སྐབས་སུ ད་དུང
འདྲེན་བྱེད་ཀྱི་ངོས་སུ ་ཁྱེད་ཞལ་གྱི་འཛུམ་མདངས་འཆར་གྱིན་འཆར་གྱིན
ངའི་མཁའ་དབྱིངས་ཀྱི་འཇིག་རྟེན་ན་སྨག་རུམ་གྱི་བཅིངས་པའི་དུག་རླུང་དེ
ད་དུང་ངས་མ་ཤེས་པར ང་སུ་ཞིག་གི་དོན་དུ་འཚོ་གྱིན་ཡོད་པ་དེ་བས་མ་ཤེས
2015.1.23 ཉིན་གྱི་དགོང་མོར་ཤག་ཏུ་ཤར་མར་བྲིས།
མི་རིགས་ཀྱི་བདེ་དོན་བསམ་པའི་དཔའ་བོ་གླེང་ན། བདག་པས་གཞན་གཅེས་པའི་སེམས་སྒོམ་ན། མུན་པའི་གླིང་ན་འོད་འཕྲོ་བ་ལྟའི་གསུང་རྩོམ་དག་ཀློག་ན། ཁྱེད་ཀྱིས་མགྲིན་པ་ལས་རང་ཤག་ནས་འགྱེར་བའི་རང་མོས་སྙན་ངག་ཟེར་བ་རེད་ཡ། ངོ་མ་དོན་སྙིང་ཡོད་ཀྱི། དཔལ་དོན་གྲུབ་རྒྱལ་ལ་འགྲན་འོས།