ང་ཡི་སྐྱོ་བ་ཁུར་བའི་གཙང་བོ།

འདྲེ་གླེན་པ།

དབྱར་ཀ་ཚེས་སོང་
ཡིང་ཧཱ་མེ་ཏོག་འཐོར་སོང་
གྲོང་ཁྱེར་གྱི་རླན་པ་ཁུར་བའི་ཁྱེད་ཀྱིས
མེ་འཁོར་གྱི་ལྕགས་ལམ་སྟེང་དུ་ལོ་རབས་དགུ་བཅུ་དྲན

ཐག་རིང་གི་ལོ་ཟླ་ཡལ
སྒོ་འགྲམ་གྱི་སྡོང་བོ་རྒས
ནུབ་ཀྱི་རྒྱ་མཚོ་ཆེན་མོའི་སྐྱེ་བ་ཐེངས་དགུར་བརྗེས་པས
ཁྱིམ་གསོས་ནེ་ཙོ་གཅིག་པུས་སྐྱོ་རོགས་འདུག་རོགས་བྱས་སམ

ཉི་འོད་ཀྱིས་འཁྲེང་ཞེན་ཁྱེར་ཏེ་ནུབ
གཙང་བོས་ཀྱང་སྐྱོ་གདུང་བསྣམས་ཏེ་བཞུར
ཁྱེད་རང་མེ་ཏོག་གཅིག ཉི་འོད་གཟེད སྐྱོ་གདུང་བཟས
མནའ་ཚིག་མ་དོར་བར་དཔྱིད་ཀའི་རླུང་བུ་དང་མཉམ་དུ་ཕྱིར་ཡུལ་ལ་ལོག

25/10/21 བྲིས།
7/11/21 བཅོས།