གཞས་ཚིག ལུང་རིགས་རྒྱལ།
ང་རང་གཉིས་ཀ་ཆ་རེད།
སེམས་པ་གཉིས་དེ་གཅིག་རེད།
འཇིག་རྟེན་མི་ཡུལ་འདི་ན།
ང་ལ་ཡོད་པ་ཁྱོད་རེད།
ང་རང་གཉིས་ཀའི་ལས་དེ།
བྲིས་པའི་རི་མོ་མ་རེད།
ཚེ་སྔོན་ལས་ཀྱི་སྨོན་ལམ།
ལག་རིས་སྟེང་ལ་བབ་རེད།
ཉི་མ་མེད་ཀྱང་འགྲིག་གི
ཟླ་བ་མེད་ཀྱང་ཆོག་གི
བུ་ངའི་མི་ཚེ་འདི་ལ།
མེད་ཐབས་མེད་པ་ཁྱོད་རེད།
སང་ལོ་གནངས་ལོ་མ་ཟེར།
ད་ལོ་རང་ལ་ཞོག་དང་།
ངེད་གཉིས་མཉམ་དུ་སྡོད་རྒྱུ།
ག་ཚོད་བྱུང་ན་སྐྱིད་པ།
མི་རིགས་ཤིག་ཤི་མི་རུང་ན་གཙོ་བོ་མི་རིགས་དེའི་སྒྱུ་རྩལ་ཉམས་མི་རུང་། སྒྱུ་རྩལ་མ་ཉམས་ན་སྐད་ཡིག་ཀྱང་མི་ཉམས། མཚམས་རེར་སྒྱུ་རྩལ་གྱིས་མི་རིགས་དེའི་རྣམ་ཤེས་སྐྱོར་བསྡད་ཡོད་པ་འདྲ་ཞིག་ཡོད་པ་རེད། དེ་བས་ང་ཚོས་ཐབས་ལམ་སྣ་ཚོགས་ལ་བསམ་བློ་གཏོང་དགོས་གི་འདུག སྒྱུ་རྩལ་ཤི་ཚར་དུས་མི་རིགས་དེའང་ཕལ་ཆེར་ཤི་ཚར་ཡོད། མི་རིགས་ཀྱི་གསོན་ཤུགས་ནི་སྒྱུ་རྩལ་གྱི་གསོན་ཤུགས་ལ་ཧ་ཅང་འབྲེལ་ཡོད་པར་འདོད།
རྩོམ་ཡིག་བྲིས་དང་མ་བྲིས།
དེབ་གྲངས་བཅོ་ལྔ་བྲིས་ཀྱང་།
ལས་ལ་གང་བསྐོས་མ་གཏོགས།
སྣང་བ་གང་ཤར་མི་འདུག
མཉམ་དུ་མེད་པའི་དུས་ལ།
མཉམ་འཛོམ་བྱུང་ན་བསམས་ཀྱང་།
མཉམ་དུ་ཉལ་བའི་རྗེས་ལ།
ལན་ཆགས་ཕྲུ་གུ་འཁོར་ཡོང་།
བུ་དང་བུ་མོའི་ལས་དེ།
སྟོན་ཁའི་ཤིང་ལོའི་ལས་རེད།
རླུང་བུ་ལྡང་ཐེངས་ཤིག་གིས།
ཤར་ནུབ་སོ་སོར་འཐོར་འགྲོ