བོང་སྟག་རི་ལུ།
རི་བོ་མཐོན་པོའི་རྩེ་མོ་དེ་ལ་དར་ལྕོག་འཛུགས་མཁན་ང་ཚོ་ཡིན། གཙང་བོ་དམའ་མོའི་ཆུ་གཞུང་དེ་ལ་རྡེའུ་འབུམ་སྤུངས་མཁན་ང་ཚོ་ཡིན། གཡུ་ལོ་སྔོན་མོའི་སྤང་ཐང་དེ་ལ་ཁྱིམ་གཞི་བཅའ་མཁན་ང་ཚོ་ཡིན། དང་པོ་མཐོ་སྒང་ཨ་མ་དེ་ཡང་བདག་གིར་འཛིན་མཁན་ང་ཚོ་ཡིན། སྐྲ་སེར་སྤྲེའུས་རྔ་མ་བཅད་ནས་རིགས་རྒྱུད་སྤེལ་མཁན་ང་ཚོ་ཡིན། མདའ་དང་མདུང་གི་རྩེ་མོར་བསྐྱོད་ནས་རང་ས་འཛིན་མཁན་ང་ཚོ་ཡིན། ཀི་དང་རླུང་རྟ་ལན་གསུམ་བསྐྱོད་ནས་དགྲ་ངོ་ལེན་མཁན་ང་ཚོ་ཡིན། མི་རིགས་གཞན་པའི་བཙན་གནོན་ཁྲོད་ན་དཔུང་རྡང་སྦྲེལ་མཁན་ང་ཚོ་ཡིན། མཛུབ་གུ་ལྔ་བཅངས་ཁུ་ཚུར་བྱས་ནས་ཁོག་དཔུང་འཛིན་མཁན་ང་ཚོ་ཡིན། སེམས་པ་དམར་པོ་སྐྱེས་སུ་ཕུལ་ནས་ཕྱི་རབས་སྐྱོང་མཁན་ང་ཚོ་ཡིན། གསེར་ཏོག་སེར་པོ་ཐང་ལ་འཕངས་ཀྱང་ཤུགས་རིང་མེད་པ་ང་ཚོ་ཡིན། འབྲེལ་སྒྲ་ལྔ་བོ་མེད་པར་བཏང་རྗེས་མ་སྣུབས་ཡོད་པ་གི་ཡིག་ཡིན། སྔོན་ཆད་སུམ་གཉིས་ས་ཡི་དཀྱིལ་འཁོར་དབང་དུ་སྡུད་མཁན་ང་ཚོ་ཡིན།བར་དུ་གསལ་བྱེད་གསེར་ཡིག་སུམ་ཅུ་མཛོད་ལ་ཉར་མཁན་ང་ཚོ་ཡིན། ལོ་ཟླ་དམར་པོའི་ཆག་འཇིག་ཁྲོད་ནས་སེམས་ལ་འཛིན་མཁན་ང་ཚོ་ཡིན། སེམས་ལ་བཟུང་ཞིང་སེམས་ཁུར་བྱས་ཏེ་གསར་སྤེལ་བྱེད་མཁན་ང་ཚོ་ཡིན། ཕ་ལོ་མང་པོ་ཚོང་ལ་སོང་ནས་ཕྱིར་ཡོང་མེད་པའི་གཏམ་ཐོས་ན། མ་ལོ་མང་པོའི་མིག་ཆུ་བཞུར་ནས་མི་སེམས་སྡུག་པའི་གཏན་བརྗོད་ན། ཕ་ལོ་མ་ལོའི་གཏམ་རྒྱུད་བྲིས་ཏེ་དབྱངས་ལ་འགུག་མཁན་ང་རང་ཡིན། ཟླ་ཕོགས་སྟོང་གསུམ་རུམ་ལ་བཅུག་རྗེས་འདང་རྒྱག་ཅན་པོ་ང་རང་ཡིན།