ང་ལ་རྩོམ་ཡིག་རེའི་རྒྱབ་སྐྱོར་གནང་རོགས།
དྲ་གྲོགས་ཚོ། དུས་ཡུན་གང་འཚམ་ཞིག་རིང་ཁྱེད་ཅག་དང་ལྷན་དུ་དྲ་ཐོག་ནས་མཉམ་འགྲོ་མཉམ་འདུག་བྱེད་མ་ཐུབ་པར་འདི་ལྟར་དྲ་བའི་ཕྱི་རོལ་ནས་མི་ཁོམ་པའི་ལས་དོན་ཙག་ཙིག་གི་གསེང་དུ་ལྷུང་སྟེ་ད་དུང་ཡང་དེ་ལས་མ་ཐར་བར་ལྷག་ཡོད་པས་ཐོག་མར་ཁོ་བོའི་སྐད་ཆའི་ཚོམས་ཀྱི་སྐུ་མགྲོན་དུ་ཕེབས་མི་ཚོར་མགྲོན་བསུའི་སྣེ་ལེན་གང་ཡང་ཞུ་མ་ཐུབ་པར་དགོངས་དག་ཞུ་བ་དང་ཆབས་ཅིག དེ་རིང་འདིར་འཁྱུག་ཙམ་རིང་དྲ་ཐོག་ཏུ་ཡོང་དོན་ནི་འཆར་ཟླའི་ཚེས་༡༠ཉིན་ཏེ་༸གོང་ས་མཆོག་ལ་ཞི་བདེའི་གཟེངས་རྟགས་ཐོབ་པའི་དུས་ཆེན་ཉིན་གྲྭ་རྐྱང་ཞིག་གི་སེམས་པ་མཚོན་བྱེད་དམ། བོད་ཀྱི་སྙན་ངག་གི་ཞབས་འདེགས་སུ་དམིགས་ཏེ་སྙན་ངག་ཁོ་ནའི་ཚགས་པར་ཞིག་དཔར་སྐྲུན་བྱེད་རྩིས་ཡོད་པས་མཁྱེན་ཡངས་དྲ་གྲོགས་རྣམ་པས་ཁོ་བོར་དེ་འབྲེལ་གྱི་རྩོམ་ཡིག་རེ་བསྐུར་གནང་ཡོང་བའི་འབོད་སྐུལ་ཞུ། ཚགས་པར་གྱི་མིང་དང་འདོན་ཡུན་སོགས་ད་དུང་གཏན་འཁེལ་ཞིག་མེད་པས་འདིར་འགོད་ཐབས་མ་བྱུང་ལ། རྗེས་ཕྱོགས་གཏན་འཁེལ་བྱུང་མཚམས་ཁྱེད་དྲ་གྲོགས་ཚོར་སྙན་སྒྲོན་ཞུ་ངེས་ཡིན།རྩོམ་བསྐུར་ཡུལ། ཁོ་བའི་གློག་འཕྲིན་ཁ་བྱང་། shitsangwa@yahoo.comའབྲེལ་ཡུལ་ཁ་པར་ཨང་གྲངས། ༩༩༤༥༥༣༧༥༣༣