སྲོང་བཙན།
ཉེ་ཆར་དབུས་ཆུ་བཞི་སྒང་དྲུག་གི་སྔོན་འགྲོའི་འོས་བསྡུ་བྱས་ཏེ་དངོས་གཞི་འོས་མི་ཡང་བཀྲམས་ཚར་འདུག མནའ་དེང་ཤེས་ཡོན་གཉིས་ཅན་དང་དེང་རབ་ཀྱི་སློབ་གསོ་ཐོབ་པའི་ན་གཞོན་ཡང་མང་པོ་ཞིག་སླེབས་འདུག་སྟབས་ཧ་ཅང་དགའ་བ་ཙམ་མ་ཟད་དངོས་གཞི་ལ་གདམ་ག་མ་ནོར་བ་ཞིག་བྱེད་དགོས་ཨང་བསམ་པ་ཞིག་བྱུང་།
སྔོན་འགྲོའི་འོས་བསྡུ་དང་ཉེ་སྐབས་དེར་འོས་མི་ཁྱབ་བསྒྲགས་དང་རང་ཉིད་ལང་གི་ཡིན་ཟེར་མཁན་སོགས་ཧ་ཅང་མང་བས་གང་ཞིག་འདེམ་དགོས་མིན་ཡང་ཚོད་མི་ཐིག་པ་འདྲ་ཞིག་བྱུང་སོང་། གང་ཡིན་ཟེར་ན་འོས་མི་མང་པོ་ཞིག་ཆ་རྐྱེན་འཛོམས་ལུགས་དང་བསམ་སྤྱོད་ཁུར་སྟངས་སོགས་ཧ་ཅང་ཚད་མཐོན་པོ་འདུག་ལ། དེང་རབས་ཀྱི་སློབ་གསོ་ལེགས་པོར་ཐོབ་ཡོད་མཁན་མང་བས་དབུས་ཆུ་སྒང་དེ་སྔ་ལས་འཕེལ་རྒྱས་དང་སྔ་ལས་ཚགས་ཚུད་ཡོང་ངེས་སྙམ་པ་ཞིག་འདུག སྐབས་དེར་ང་ལ་ཁྱེད་འོས་མི་ལ་ལང་ན་ཡག་པོ་ཡོད་ཚུལ་གསུང་མཁན་རེ་གཉིས་བྱུང་ཡང་། ཕྱིར་ལན་ཞིག་གང་ཡང་རྒྱག་མེད།
ངས་ནི་རྩེད་མོ་ཞིག་ལས་དངོས་ཡོད་ཡིན་པར་གཏན་ནས་བསམ་མེད། དེའི་རྗེས་སུ་ད་ལྟའི་དབུས་ཆུ་སྒང་རྒྱུན་ལས་ཀྱི་མི་སྣ་དང་མདོ་སྟོད་ཚང་གི་བཀུར་འོས་གནད་ཡོད་མི་སྣ་མི་ཉུང་བ་ཞིག་གིས་སྒེར་གྱི་འབྲེལ་ལམ་བརྒྱུད་འོས་མི་ལ་ལང་ཐུབ་ན་ཡག་པོ་ཡོད་ཚུལ་དང་དེ་འབྲེལ་གྱི་གནས་ཚུལ་དང་ལམ་སྟོན་གང་མང་གསུང་གནང་བྱུང་། སྐབས་དེར་གཞི་ནས་ངས་རང་གི་བསམ་ཚུལ་དེ་མ་ཞུས་པར་གོ་མེད་ཚོར་མེད་ངང་བཞག་ན་འགྲིག་ཐབས་མེད་པར་ཤེས་བྱུང་བས། ཁོང་རྣམ་པར་བསམ་ཚུལ་ཞུས་པ་ཙམ་མ་ཟད། རང་ཉིད་ཀྱི་ལངས་ཕྱོགས་དང་ལྟ་ཚུལ་ད་ལྟའི་དངོས་ཡིད་ཀྱི་དཀའ་ངལ་ཡང་ཆ་ཚང་ཞུ་རྒྱུ་བྱུང་སོང་།
ངས་ལོ་ཆ་ཤས་གོང་ནས་ཆུ་སྒང་འོས་བསྡུ་དེ་སྣང་མེད་དང་གོ་ཚོར་མེད་པར་དེ་མུར་བཞག་ན་མདོ་སྟོད་སྤྱི་ལ་གྱོང་ལས་ཁེ་ཞིག་མི་འདུག་ཅེས་བཤད་མྱོང་ལ་དེ་བཞིན་རང་ཉིད་ནས་ཀྱང་འོས་འཕེན་གྱི་ཆ་ཤས་བླངས་ཏེ་ཕྱར་བ་གྲུ་འདེགས་བྱས་ཁུལ་ལ། ད་དུང་འབྲེལ་ཡོད་ཚོར་འོས་འཕེན་གྱི་ཆ་ཤས་ལེན་ཐུབ་ན་ཡག་པོ་ཡོད་ཚུལ་གྱི་བསམ་ཚུལ་དང་དྲན་གསོ་གཏོང་ཐབས་བྱས་པ་ཡིན། ལྷག་པར་དུ་དབུས་ཆུ་སྒང་གི་སྤྱི་ཚོགས་ཞབས་ཕྱིའི་ལས་དོན་དང་ཆབ་སྲིད་རང་བཞིན་གྱི་ལས་ཀ་མང་པོ་ཞིག་ན་ནིང་ད་ལོ་སྤྱི་ཚོགས་སུ་ཁ་ཇེ་གསལ་དང་མདོ་སྟོད་མི་མང་ཚོ་ཡང་མགུ་པོ་འབྱུང་གི་ཡོད་སྟབས། ཚོགས་པ་འདི་སྔ་ལས་གོང་འཕེལ་གྱི་གཞི་རྩ་ཡོད་ཐོག་དེར་རང་ངོས་ནས་སྒྲུབ་ཐུབ་པ་ཞིག་ཡིན་ན་སྒྲུབ་དགོས་ངེས་ཤིག་ཡིན་པར་བསམ་གྱི་ཡོད། འོན་ཀྱང་རང་ཉིད་ནས་འོས་འཕེན་གྱི་ཆ་ཤས་བླངས་ཏེ་ཞབས་འདེབས་ཞུ་རྒྱུ་ཙམ་ལས་འོས་མི་ལ་ལང་ཐུབ་པའི་སྤོབ་པ་དང་ནུས་པ་ཞིག་མེད་པར་རང་ཉིད་ལ་ཆ་རྒྱུས་ཆེན་པོ་ཡོད། འདི་ནི་ངས་དཔའ་ཁུམ་པ་དང་རང་ཉིད་ལ་ཡིད་ཆེེས་མེད་པ་ཞིག་གཏན་ནས་མིན།
ཆུ་སྒང་ཚོགས་པ་འདི་ད་ཆ་དུས་རབས་གསར་པའི་ལམ་དུ་ཡོད་པས་རྒྱུན་ལས་ཚོ་ཡང་དུས་རབས་ཀྱི་ཤེས་ཡོན་ཐོབ་པ་ཞིག་ཡོང་ཐུབ་ན་ཚོགས་པའི་འཛིན་སྐྱོང་ཚགས་ཚུད་དང་ཕྱི་འབྲེལ་བྱེད་ཐབས། རྒྱལ་སྤྱིའི་ཆབ་སྲིད་འགྱུར་འགྲོས་དང་འགྲོགས་ཏེ་ཚོགས་པའི་ལས་དོན་གྱི་ཁ་ཕྱོགས་ཇི་བཞིན་འགྲོ་ཐབས། དབུས་སྒྲིག་འཛུགས་ལ་ཕྱོགས་གང་ཐད་ནས་གཞོགས་འདེགས་དང་མཐུན་འགྱུར་ཞུ་ཕྱོགས། མདོ་སྟོད་ནང་ཁུལ་ཆིག་སྒྲིལ་ལེགས་པོར་ཆགས་རྒྱུ་དང་དཀའ་ཁག་སོ་སོར་སེལ་ཐབས་བཅས་ལ་ནུས་པ་གསར་པ་དང་སྟོབས་ཤུགས་གསར་པ་ཡོང་རྒྱུ་ངེས་པས་སྔ་བཞིན་ཕོ་ཤེད་དང་ཨུ་ཚུགས་ཁོ་ནར་ལ་བརྟེན་མི་དགོས་པར་དེང་རབས་དང་འཚམ་པ་ཆགས་རྒྱུ་རེད།
ང་ལ་རེ་བ་དང་རྨི་ལམ་འདི་འདྲ་ཡོད་རྐྱེན་རང་ཉིད་ལྟ་བུ་དེང་རབས་ཀྱི་སློབ་གསོ་དང་ཤེས་ཡོན་ཐོབ་མེད་ཅིང་དགོན་སྡེ་སློབ་གསོ་ཁོ་ནས་མི་ཚེ་སྐྱེལ་ཏེ་ཡོང་བ་ཞིག་གིས་སྤྱི་ཚོགས་ཆེན་པོ་ཞིག་གི་ཚོགས་པའི་དབུར་སྡོད་རྒྱུ་དེ་འོས་འཚམ་ཞིག་མཐོང་གི་མི་འདུག་ལ། གལ་ཏེ་ཨུ་ཚུགས་ཀྱིས་འཛུལ་ནའང་གྲུབ་འབྲས་ཐོན་རྒྱུ་བཞག་ནས་མདོ་སྟོད་ཚོང་གི་གཞོན་རབས་ཤེས་མྱོང་ཅན་དག་གི་ལམ་བུ་བཀག་རོགས་ཤིག་ལས་དགེ་མཚན་ཞིག་མ་རིག་སྟབས་འོས་མི་ལ་ལང་རྒྱུ་བསམ་བཞིན་མེད། སླད་ནས་ཀྱང་བསམ་ཚུལ་འདི་རང་ཡིན་པས་སྤྱི་པའི་སྡིངས་ཆ་གལ་ཆེན་འདི་ཚོ་བེད་སྤྱད་དེ་རང་ཉིད་ཆེན་པོ་ཆགས་ན་བསམ་པ་རྨི་ལམ་ཚུན་དུ་ཡོང་རྒྱུ་མིན་པར་ཁ་གསལ་པོ་ཡིན།
བཀུར་འོས་གནད་ཡོད་མི་སྣ་ཚོས་གུས་ལ་བོང་བ་གསེར་གཟིགས་གནང་བ་དེས་ང་རང་སེམས་འགུལ་ཐེབས་པོ་བྱུང་། ཁྱེད་ཅག་གིས་ངེད་ལ་རེ་བ་དང་གཟིགས་པ་གནང་དོན་ཅི་ཡིན་ངེད་ཀྱིས་མ་ཤེས་པ་མིན། འོན་ཀྱང་མི་ཚེ་རང་དབང་གིས་སྐྱེལ་རྒྱུ་ཙམ་དང་རང་དབང་གི་རྩོམ་འབྲི་བ་ཞིག་བྱ་བསམ་པ་ཁོ་ན་ལས་སྒྲིག་འཛུགས་ཤིག་གི་འོག་ནས་ལས་དོན་བྱ་རྒྱུ་འདི་ངེད་རང་ལ་འཕྲོད་པོ་མི་འདུག་ལ་དེ་འདྲ་ཞིག་བྱུང་ན་བསམ་པ་ནམ་ཡང་མེད། མ་ཟད་རང་ཉིད་ད་སྐབས་སློབ་གཉེར་བྱེད་སྒང་ཡིན་སྟབས་དུས་ཚོད་སློབ་སྦྱོང་ཐོག་ཏུ་གཏོང་གང་ཐུབ་བྱེད་པ་ལས་འགན་འཁྲི་ལྕི་ལ་གལ་འགངས་ཆེ་བའི་དབུས་ཆུ་སྒང་ཚོགས་པ་ལྟ་བུའི་འགན་ཁུར་བ་ཞིག་བྱེད་ཐུབ་པ་མི་འདུག ང་ནི་མི་རྒྱུ་མ་རིང་པོ་ཅན་དང་ཁ་གཅིག་གིས་ཉ་གཉིས་འཛིན་ཐུབ་མཁན་དེ་གྲས་མིན་སྟབས་གཅིག་འཇུ་ན་གཅིག་ཤོར། འགོ་ནས་འཇུ་ན་སྔ་མ་གློད་བཞག་མཁན་དེ་འདྲ་ཡིན་པས་སྤྱི་སྒེར་གཉིས་ཀ་ལ་གྱོང་བཟོ་རྒྱུ་ལས་ཡག་ག་ཞིག་མི་ཡོང་།
དེར་བརྟེན་འོས་མི་ལང་རྒྱུ་དེ་སྔ་ཕྱི་བར་གསུམ་གང་དུ་ཡང་བཤད་རྒྱུ་འདི་རང་ཡིན། འོན་ཀྱང་རང་ནུས་བེད་སྤྱད་དེ་མདོ་སྟོད་ཚང་ལ་ཞལ་འདེབས་ཞུ་ཐུབ་པ་ཞིག་ཡིན་ན་ཕྱི་ནུབ་རྟ་རྔ་ཙམ་མེད། སྔ་ནས་བཤད་མྱོང་བ་བཞིན་གསོན་ན་ཁམས་པའི་མི་དང་ཤི་ན་ཁམས་པའི་འདྲེ་ཡིན་ལབ་པ་ད་ལྟ་ཡང་དེ་ག་བསམ་གྱི་ཡོད། གནས་ཚུལ་འདི་འདྲ་བའི་འོག་ནས་ང་རང་གིས་བྱེད་ནུས་པ་དེ་ཚོ་བྱེད་རྒྱུ་དང་ཐུགས་ཕན་སོས་པ་ཡོད་ན་བསམ་ཚུལ་དང་རྨོངས་འཆར་རྟག་ཏུ་འབུལ་ཆོག མ་ཟད་ཀླད་པ་དཀྲུགས་ཏེ་རྩོམ་ཡིག་འབྲི། རྩོམ་འབྲིའི་ལམ་ནས་སྤྱི་ཚོགས་སུ་ལེགས་སྤེལ་ཉེན་འགོག་བྱེད་རྒྱུ་དང་། གནད་དོན་ཅི་ཞིག་ཡིན་རུང་སྤྱི་ཚོགས་མིག་སྔར་འདྲུད་དེ་རྒྱབ་མདུན་གཉིས་ཀ་མཐོང་དུ་འཇུག་རྒྱུ་ནི་ང་དང་འདྲ་བའི་རྩོམ་འབྲི་བ་དག་གི་ཕྲག་ལ་བབ་པའི་འགན་ཞིག་ཡིན་སྙམ་གྱིས་གང་ཐུབ་བྱ་ན་བསམ་གྱི་ཡོད། འདི་ནི་ངེད་ལ་གཟིགས་པ་གནང་མཁན་དག་ལ་ཆེད་དུ་གུས་འདུད་དང་བཟོད་གསོལ་ཞུ་བ་ཞིག་ཆགས་ཀྱི་ཡོད། ཁ་དྲོ། བཀྲ་ཤིས།
གསོན་ན་ཁམས་པའི་མི་དང་ཤི་ན་ཁམས་པའི་འདྲེ་ཡིན་པའི་ལྟ་བ་ཙམ་ལས། བོད་དང་བོད་མི་རིགས་ཞེས་པའི་ལྟ་བ་དེ་ཁམས་རིགས་ལ་མེད་འདྲ།
ཆུ་སྒང་ཚོགས་པར་ལྟ་བ་ཡང་དག་ཡོད་ན་དེ་བོད་མི་རིགས་ལ་ལྟ་བ་ཡིན་པས་ཁྱབ། ལྟ་བ་དེ་ཁམས་རིགས་ཀུན་ལ་ཡོད་རེད་གདའ།
ཏྲེ་ཧོ་ལགས་ལ།
ཁམས་རིགས་ལབ་ན་ཅི་རེད། ཁམས་པ་ཚོ་བོད་རིགས་མ་རེད་པེ། ཁམས་པ་ཚོ་བོད་རིགས་ཡིན་ན། ཁམས་རིགས་ཞེས་རིགས་ཀྱི་གོ་དོན་ཅི་རེད། རིགས་དེར་གོ་ག་འདྲ་ལེན་དགོས།
སྲོང་བཙན་ལགས་སྔགས་བརྗོད་ཡོད་གདའ་་་་་དངོས་གནས་ད་ལྟའི་སྐབས་སུ་ང་ཚོ་ཚང་མས་སྡོག་རྩ་གཅིག་ལ་སྒྲིལ་ནས་༸གོང་ས་མཆོག་དང་བོད་མིའི་སྒྲིག་འཛུགས་ཀྱི་དབུ་འོག་དཔུང་འདེགས་ཞུ་དགོས་པ་ལས་ལམ་ནོར་མ་ཐེབས་པ་བྱེད་དགོས་་་་་་མ་གཞི་ནས་ལྡི་ལི་ཆུ་བཞི་སྒང་དྲུག་ཟེར་བའི་ཚོགས་དེས་རྟག་ཏུ་སྤྱི་ཚོགས་དཀྲུག་རྒྱུ་དང་ཡང་མིན་ན་ནང་འཁྲུག་ཀྱང་རྒྱབ་བསྡོད་མཁན་ཞིག་རེད་་་་་
ང་ཚོ་བོད་པ་གཅིག་པ་ཡིན་ཀྱང་ཁམས་རྒན་ཚོའི་རྒྱུད་ལ་དམིགས་བསལ་ཕྱོགས་རིས་ཀྱི་བཟི་བསྡད་ཡོད་པ་ལས་ཅི་ཞིག་བསགས་པ་ཡིན་ནམ། དཔེར་ན་ངའི་གཡས་གཡོན་ལ་བསྡད་མཁན་གྱི་ཁམས་པ་ཁ་ཞེས་ཤིག་ཡོད་་་་་དུས་རྒྱུན་ཕྱོགས་རིས་ཀྱི་སྐད་ཆ་མ་གཏོགས་བཤད་ཤིས་ཀིན་མི་འདུག
དྲང་པོ་བཤད་ན་ཁམས་པའི་མི་ཤེས་ཡོན་ཅན་ཚོའི་རྒྱུད་ལ་ཕྱོགས་རིགས་མེད་ཟེ་ན་ཧམ་པ་ཆེ་གྲགས་མེད་ ཡིན་ནའང་ཁམས་པའི་ནང་ལ་ཕྱོགས་རིགས་བྱེད་མཁན་མོང་བ་འདུག་ལབ་ན་དེ་ཡང་བདེན་ཤས་ཆེ།རྒྱུ་ཚན་ནི་ཕྱོགས་རིགས་ཞེས་པ་འདི་མི་ཤེས་ཡོན་མེད་མཁན་ཚོའི་རྒྱུད་ལ་ཡོང་གི་ཡོད་པས་ཁམས་པ་ལ་ཅན་ཉུང་བས་ཡིན་སྲིད་ འོན་ཀྱང་དེ་ལས་རྡོག་སྟེ་ཆོལ་ཁ་གཞན་གཉིས་ཀྱི་ཕྱོགས་ནས་མི་རྣམས་སྤྱོད་ཅན་དང་ཐབས་གོ་ས་ཡོད་མཁན་ཚོའི་རྒྱུད་ལ་ཆོལ་ཁ་ཆོས་ལུགས་ཀྱི་ཞེན་ཁོག་གི་ཁེང་སྡོད་འདུག་པས་འདི་ནི་ཧ་ཅང་ཕམ་བའི་གནས་ཞིགོ།།
ཁམས་པ་ནང་ལ་ཕྱོགས་རིས་དང་ཞེན་ཁོག་ཆེ་དྲག་པས་འཆམ་པོ་ཡག་པོ་ཁག་པོ་ཡིན་འགྲོ དཔེར་ན་ཁ་ཆེ་ནང་བཞིན་ཁོ་རང་ཚོས་ཆོས་ལ་ཞེན་ཁོག་ཆེན་པོ་ཡོད། ད་དུང་དེའི་ནང་གསེས་ལ་ཞེན་ཁོག་ཆེན་པོ་ཡོད་ཙང་ཁ་་ཆེའི་ནང་ལ་མ་འཆམ་པ་མང་པོ་ཡོང་གི་ཡོད་རེད། དེ་དང་གཅིག་མཚུངས་ཁམས་རིགས་ཡང་ད་ག་རང་རེད། མདོར་ན་ཞེན་ཁོག་དགོས་རེད། ཡིན་ནའང་ཆེ་དྲག་ན་མི་མཐུན་པའི་རྒྱུ་རུ་འགྲོ
ཁམས་པའི་ཞེན་ཁོག་སྐམ་པོས་བོད་མི་རིགས་ཕུང་ལ་སྦྱོར་དང་སྦྱོར་བཞིན་གདའ། འདས་པ་ལ་ཕྱི་མིག་ཅིག་བལྟས་ཚེ་འདས་པའི་མི་ལོ་ལྔ་བཅུའི་ནང་ཁམས་རིགས་ཀྱིས་བོད་པའི་སྤྱི་ཚོགས་དཀྲུགས་པ་ཉུང་ཉུང་མིན། ང་རང་བསྡད་ས་ལ་ཁམས་རིགས་ཡོད་པ་དང་། ཁམས་རིགས་ཀྱི་སློབ་གྲོགས་དང་ལས་གྲོགས་ཡང་མང་པོ་ཡོད། ཡིན་ནའང་ ༢༠༡༦ ལོའི་སྲིད་སྤྱིའི་འོས་བསྡུ་ཆེན་མོའི་རྗེས་ནས་ཁམས་རིགས་དེ་དག་ལ་འབྲེལ་བ་བཅད་ཟིན་པ་ཡིན། དེང་སྐབས་རོ་འཇོའི་སྐད་གོ་བ་ཙམ་གྱི་རྣམ་རྟོག་ལངས་གི་ ངས་ནི་སེམས་གཏིང་གི་སྐད་ཆ་དྲང་པོ་བཤད་པ་ཡིན། ཐུགས་ལ་ཕོག་ན་དགོངས་འགལ་མེད་པ་ཞུ།
ཆོལ་ཁའི་ཕྱོགས་རིས་བྱས་པ་སྔ་བོད་ལ་ཡོད་དུས་གོ་མྱོང་མེད། དམིགས་བསལ་མདོ་ཁམས་ས་ཆར་འཚོ་སྡོད་བྱས་པའི་བོད་མི་ཚོས་ཆོལ་ཁའི་དབྱེ་བ་གང་ཡང་མི་ཤེས། ལྷ་སར་ཐོན་ཚེ་དབུས་པ་ཚོས་བཤད་སྟངས་ལ་ཉན་ཏེ་སྐད་དང་ཆས་གོས་ལས་ཁམས་དང་ཨ་མདོའི་ཁྱད་པ་ཙམ་ཕྱེ་ཡང་། དེ་ལ་ཞེན་ཆགས་ཀྱིས་ཆོལ་ཁའི་འཐེན་ཁྱེར་བྱས་པ་མེད། བཙན་བྱོལ་ནང་ཆོལ་ཁའི་དབྱེ་བ་ཡོད་ལ་འཐེན་ཁྱེར་ཡང་ཡོད། ཞིབ་ཏུ་བསམས་ཚེ་འདི་ནི་འོག་མི་དམངས་ཚོའི་སེམས་ཀྱི་གཏིང་ལ་ཉལ་ཡོད་པའི་བག་ཆགས་རྙིང་པ་ཞིག་མ་རེད་འདོད། གོང་གི་ལས་ཀྱི་སྣེ་མོ་བ་ཚོས་གསར་བསྐྲུན་བྱས་པའི་ན་ཚ་གསར་པ་ཞིག་ཡིན་པར་འདོད། དེ་ཡང་། གང་ན་གཉའ་གནོན་ཡོད་ན་དེ་ན་ངོ་རྒོལ་ཡོད་ཟེར་བ་བཞིན། ལས་ཀྱི་སྣེ་མོ་བ་འགའ་ཞིག་གིས་ཕྲག་ཏོག་དང་དོགས་པས་ཆོལ་ཁ་གསུམ་གྱི་མི་རེ་ཟུང་དང་དམིགས་བསལ་ཁམས་པ་ཚོ་ལ་གཉའ་གནོན་དང་ཞྭ་མོ་ནག་པོ་སྐོན་རྒྱུ་མང་དྲག་པས། ཕྱོགས་གཅིག་ནས་ཁམས་པ་ནང་འཐོར་དང་ཕྱོགས་གཅིག་ནས་ཁམས་ཞེན་ཆེ་རུ་ཕྱིན་པ་འདྲ། དེ་དང་མཉམ་དུ་དབུས་གཙང་དང་ཨ་མདོ་ལ་ཡང་ཁ་གཏད་གཅོག་ས་གསར་པ་ཞིག་ཐོན་ཙམ་ལས་བྲེལ་ཆེ་རུ་ཕྱིན་ཏེ་ཆོལ་ཁའི་འཐབ་རྩོད་ཀྱི་མི་ལྕེ་རབ་ཏུ་འབར་པ་རེད། གལ་ཏེ། བོད་རྒྱལ་ཁབ་དང་མི་རིགས་ལ་བསམས་ཏེ་ཆོལ་ཁའི་འཐབ་རྩོད་མི་འདོད་ན་གོང་འོག་གཡས་གཡོན་ཚང་མས་རང་སྐྱོན་ངོས་ལེན་དང་། དོན་མེད་ཀྱི་ངལ་བ་སྤངས་ཏེ་བོད་རྒྱལ་ཁབ་དང་མི་རིགས་གལ་ཆེན་བརྩི་རོགས་གནང་། ཆོལ་ཁ་ཆོས་ལུགས་དང་། རང་བཙན་དང་དབུ་མ། གསར་འབྱོར་རྙིང་འབྱོར། ལུང་ང་ཚན་སྐད་རིགས་སོགས་ལ་ཕྱོགས་ཞེན་ནི་བོད་ལ་མི་དགོས་དོན་མེད་ཀྱི་ཁུར་པོ་རེད།
བློ་བཀྲ་ཇོ་ནུབ་ཚོར་ འདས་ཟིན་པའི་ལོ་རྒྱུས་ལ་ལྟས་ན་བོད་རྒྱལ་ཁབ་དང་མི་རིགས་འདི་ཕུང་ལ་སྦྱོར་མཁན་དེ་དབུས་ཕྱོགས་ནས་ཡིན་པ་ལོ་རྒྱུས་ཀྱིས་ཁ་གྲག་བཞིན་གདའ། སྐྱོང་རྒྱུས་རྒྱལ་ཁབ་དེ་མ་སྐྱོང་མི་དགོས་རྒྱུའི་ཆོས་སྲིད་ཟུང་འབྲེལ་གྱིས་ནང་འཁྲུག་ཁོ་ནས་མཐར་ད་ལྟའི་གནས་སྟངས་འདི་འདྲ་ལ་ལྷུང་སོང་བ་དེ་དབུས་གཙང་པ་ཚོའི་བཀའ་དྲིན་མ་ཡིན་ནམ་ ད་འུ་ཐུག་པའི་གནས་སུ་གྱར་དུས་ངན་ཁག་དེ་ཁམས་པ་ལ་མ་གཡོག་རོག་གྱིས་