ཚེ་རིང་སྐྱིད།
(ཚེ་རིང་སྐྱིད་ནི་ཨ་རིའི་ཀོ་ལིམ་རྦེ་ཡ་གཙུག་ལག་སློབ་ཁང( Columbia University )་དུ་ཤེས་ཡོན་ཡར་རྒྱས་ཀྱི་སྐོར་ལ་སློབ་གཉེར་གནང་མཁན་བོད་རིགས་གཞོན་ནུ་མ་ཞིག་ཡིན། )
བརྩེ་དུང་ལ་བཅངས་བའི་རེ་འདུན་དང་། ཤེས་རིག་ལ་སྙེག་པའི་ཆོད་སེམས། མི་རིགས་ལ་དུང་བའི་བརྩེ་སེམས་སྟེ །འདི་ལྟར་རང་ག་ལ་ཡང་དྲག་ཏུ་འབར་ལ་སྟོབས་ཀྱིས་ཕྱུག་པའི་འདོད་སྲེད་འདི་གསུམ་གྱིས་ངའི་་མི་ཚེའི་ཁ་ལོ་བསྒྱུར་ལ་དབང་དུ་བཟུང་། བདེ་སྐྱིད་ཀྱིས་རབ་ཏུ་བཟི་ལ་ལུས་ཀྱི་དབང་རྩ་དྲག་ཏུ་འབར་བའི་ཚོར་བ་རྣལ་མ་དེའི་ཆེད་དུ་ ངས་བརྩེ་དུང་འཚོལ་བཞིན་ཡོད་ལ།འདི་ལྟར་བརྗོད་ཀྱིས་མི་ལང་ལ་བཅུད་ཀྱིས་ཕྱུག་པའི་ཚོར་བ་འདིའི་ཆེད་དུ། ང་ནམ་ཡང་དཔའ་མི་ཞུམ་ལ་མགོ་མི་སྒུར་ཏེ། ཐ་ན་འདི་ལྟ་བུའི་ཚོར་བ་སྐད་ཅིག་གི་ཆེད་དུའང་ངས་ཡོད་ཚད་བློས་གཏོང་ཕོད་ལ་གཏོད་འདོདཀྱང་ཡོད། ངས་ཤེས་རིག་ལའང་འདི་ལྟར་བརྩེ་དུང་ལ་བཅངས་བའི་འདོད་སྲེད་ལྟར་འཚོལ་བཞིན་ཡོད་དེ། ངས་ནམ་ཡང་རྟོགས་པར་དཀའ་ལ་རྙོག་འཛིང་ཆེ་བའི་མིའི་རིགས་ཀྱི་སེམས་ཁམས་རྟོགས་འདོད་ལ། བགྲང་ལས་འདས་ཤིང་རྒྱང་ཐག་རིང་བའི་སྐར་ཚོགས་དག་གང་གི་ཕྱིར་དུ་ཆེམ་ཆེམ་དུ་འཕྲོ་ཞིང་སིབ་སིབ་ཏུ་འདར་བ་ཡང་ཤེས་འདོད། དེ་བས་ངའི་འདི་ལྟར་ཡ་མཚན་གྱི་རྡོག་པོ་འཁུར་ཏེ་བརྩོན་འགྲུས་ཀྱི་རྟ་ཕོ་བཞོན་ནས་ཤེས་རིག་གི་ཐང་ཆེན་དུ་བཞུད་པ་ཡིན་ལ། མཛེས་སྡུག་གི་བཅུད་ཀྱིས་ཕྱུག་བའི་བརྩེ་དུང་དང་ནུས་རྩལ་གྱི་སྟོབས་ཤུགས་མངའ་བའི་ཤེས་རིག་གིས་ང་ལ་སྔར་མ་མྱོང་བའི་བདེ་སྐྱིད་དང་ལོངས་སྤྱོད་སྟེར་མོད། འོན་ཀྱང་གནག་ནག་གི་རྗེས་སུ་འབྲངས་ཤིང་སློབ་སྦྱོང་གི་གོ་སྐབས་བྲལ་བའི་བྱིས་པ་ཚོའི་མདུན་ལམདང་། དམར་གཞུང་གི་གཉའ་བར་གནོན་ཅིང་ཡོད་ཚད་ལ་རང་དབང་མེད་པའི་བོད་རིགས་ཀྱི་ལས་དབང་དྲན་ན། ངའི་འཚོ་བ་དེ་སྔར་ལྟར་བཅུད་ཀྱི་དབེན་ལ་སེམས་ཁོངས་དེ་སྡུག་གིས་གང་། ངས་མི་རིགས་འདིའི་ལས་དབང་གིས་ཁ་ཕྱོགས་སྒྱུར་འདོད་ལ་གཉའ་རུ་ཐེག་པའི་སྡུག་བསྔལ་གྱི་རྡོག་ཁྲེས་དེ་ཡང་ས་རུ་འཕེན་འདོད།ཡིན་ཡང་ང་ལ་དེ་ལྟར་ཀྱི་སྟོབས་ཤུགས་མི་ལྡན་ལ་འཇོན་ཐང་ཡང་མེད། དེ་བས་ང་འདི་ལྟར་སྡུག་བསྔལ་གྱིས་མནར་ལ་རེ་ཐག་ཆད། འོན་ཀྱང་འདི་ནི་ངའི་མི་ཚེ་ཡིན་ལ་ངས་དེ་ཡི་རིན་ཐང་ཡང་སྔར་ནས་རྙེད་དེ། གལ་སྲིད་ལས་དབང་གི་བགོ་སྐལ་ལམ་སྔོན་བསགས་ཀྱི་བསོད་ནམས་ཤིག་ཡོད་ན་ང་སླར་ཡང་འདི་དག་གི་ཆེད་དུ་ཐེངས་གཅིག་འཚོ་འདོད།
ཧྲ་གི་ཧྲ་གི ཤུ་རེ་བྱོས། སློབ་གྲྭ་ཞུགས་མ་དི་མོ་དེ་བཤད་ཀིན་བསྡད་ན་མི་ཧྲ། དེ་བས་སློབ་སྦྱོང་ལ་འབད་བརྩོན་བྱོས་དང་དེས་དགའ་ནི་རེད། སློབ་གྲྭར་འགྲོ་ཡིན་ཡོད་ཟེར་ན་དགའ་ནི་ཟིག་རེད།
ཨ་རོགས་ཁྱོད་མཛེས་མ་ཚེ་རིང་སྐྱིད་ཡིན་ན་ང་ཁྱོད་ལ་དགའ་གི་རེད།
I love you!
བོད་མོ་འདིས་ཀོ་ལོམ་བྷི་ཡ་གཙུག་ལག་སློབ་ཁང་ན་སློབ་གཉེར་བྱེད་ཀྱིན་ཡོད་ཟེར་བ་གོ་དུས་དགའ་སྣང་ཞིག་དང་སྐྱིད་སྣང་ཞིག་བྱུང་།
རྒྱུ་མཚན་ཅི་ཡིན་ང་རང་ངོས་ནས་ཀྱང་ཤེས་མ་སོང་།
མིང་གྲགས་ལྡན་པའི་གཙུག་ལག་སློབ་ཆེན་ཞིག་ན་བསླེབས་ཡོད་དུས་དེ་མཚུངས་ཀྱིས་ཤེས་རབ་བསྐྱེད་ནུས་ཀྱི་དཔྱད་གཏམ་འདྲ་སྤེལ་ཐུབ་ན་དགེ་མཚན་ཆེན་པོ་ཡོད་སྲིད། དཔེར་ན་རྡོ་སྦིས་བློ་ཡོན་དང་རྔ་བ་རྒྱལ་ཁམས་པའི་དཔྱད་བརྗོད་རེ་ཟུང་སྤེལ་བ་ལྟར།
དགོངས་དག གོང་གི་རྩོམ་ཡིག་དེ་རིགས་ངས་དུས་རྒྱུན་ཀློག་གི་མེད་པ་ལྟར་དེ་རིང་འདི་ཡང་ཀློག་མེད།
འོན་ཀྱང་མཆན་འདི་བཞག་དགོས་བྱུང་།
འདི་དོན་ངོ་མ་སུས་རྩོམ་རེད། གླེན་བཤད།
སྐྱ་ཀ་ཁ་ལགས། རྩོམ་གྱི་ཁ་བྱང་གི་འོག་དེ་ག་རང་ན་ཚེ་རིང་སྐྱིད་ཅེས་རྩོམ་མཁན་གྱི་མིང་བྲིས་མི་འདུག་གམ། ཞི་མོ་ཡག་ཆོར་དི་མོ་དེ་བཤད་མི་ཉན་ཡ།
འོ་ད་ཡིན་ན་ཚེ་རིང་སྐྱིད་ནེའུ་ཡོག་ན་ཡོད་ནི་འེ་རེད། ཡང་གསར་འགོད་པའི་ལས་ཀ་དེ་གཡུག་དང་ནི་འེ་རེད། ངའི་བསམ་ཚུལ་བྱས་ན་བྱ་བ་གཅིག་ལ་ཤི་རེ་བྱས་ན་རེད། ཡར་ལ་གཅིག་འཇུས། མར་ལ་གཅིག་འཇུས། འདི་ནི་ང་ཚོ་བོད་པ་དང་ཁྱད་པར་དུ་ཨ་མདོ་བའི་གཤིས་ཀ་ཅིག་རེད། མིང་སྟོང་པ་ཆེན་པོ་རྐྱང་རྐྱང་བརྗེ་བོ་རྒྱབ་བསྡད་ན་དོན་དག་དེ་གང་ཕྱོགས་ལ་འགྲོ་གི་ཡོད་མེད་ཡང་མི་ཤེས་ཀི་ཡ།
http://www.youtube.com/watch?v=MkahfUomtpM
ཁྱེད་རང་ལ་གླུ་དབྱངས་འདི་ཕུལ་ཡོད། ཁོམ་དུས་ཁོམ་དུས་ག་ལེར་ཉན་ན་སེམས་པ་ཅུང་ལྷོད་དུ་འབབ་པར་རེ་བ་ཡོད། བོད་ལ་བུད་མེད་ཁྱེད་རང་ལྟ་བུ་མི་ཉུང་བ་ཞིག་ཡོང་རྒྱུར་རེ་བ་ཆེན་པོ་ཡོད།
very good.
ཚེ་རིང་སྐྱིད།་འདི་ནི་ང་ཚོ་ཚང་མའི་ལས་དབང་རེད། གལ་ཏེ་ལས་དབང་ལ་ཁ་ལོ་སྒྱུར་བའི་ཉིན་མོ་ཞིག་ཡོད་ན། གལ་ཏེ་ལས་དབང་གི་ཉིན་མོ་དེ་ལ་དབང་སྒྱུར་བའི་ཐབས་ཤེས་ཤིག་ཡོད་རྒྱུ་ན། ང་ཚོ་ཚང་མ་འདི་ལྟར་ཚོ་མི་དགོས་ཚོ་མི་དགོས་པའང་སྲིད།
ངའི་མི་ཚི་ཞེས་པའི་རྩོམ་ཡིག་འདི་བཀླགས་པའི་རྗེས་ལ་གུས་བདག་ལ་དམིགས་གསལ་གྱི་བསམ་ཚུལ་གསར་པ་མང་དག་ཞིག་
རྙེད་སོན་བྱུང་རྒྱུ་མཚན་གང་ལ་ཞེས་ན་དེང་སྐབས་ཕྲན་ང་ངའི་མི་ཚེ་ཞེས་པའི་བརྗོད་གཞི་འདི་སྒང་ལ་སྣོད་བསམ་བྱེད་བཞིན་ཡོད།།
ཀུན་གྱི་ཤིས་ལ།
བརྩེ་དུང་བཅངས་ཆེས་མྱ་ངན་ཆེ། །
ཤེས་རྒྱའི་བློ་ཕྱེས་བདེ་བ་ཆེ། །
རང་ཡུལ་སྡོད་དུས་གཞན་ཡུལ་ཐད། །
གཞན་ཡུལ་སྡོད་དུས་རང་ཡུལ་དྲན། །
ཁྱོད་རང་གི་སྟོབས་དང་ནུས་པ་ཇི་ལྟར་ཤུགས་ཆེ་ན་དེ་ལྟར་དུ་ལས་དབང་ཟེར་བར་ཁ་ལོ་སྒྱུར་ནུས་ལ། ཁྱོད་ཀྱི་ནུས་སྟོབས་ཅི་ཙམ་ཞེན་ཅིང་ཉམས་དམའ་ན་དབང་གིས་ཁྱོད་ལ་དེ་ལྟར་དུ་གང་དགར་ཁ་ལོ་བསྒྱུར་བར་བྱེད་དོ།།
འདི་ནི་ལས་དབང་ལ་རྒོལ་སྟངས་ཤིག་གམ། རང་ཉིད་རང་གི་མགོན་དུ་སེམས་པའི་ཐབས་སམ་དོན་དངོས་ཀྱང་ཡིན་པར་སེམས་སོ།།
ཀརྨ་རྡོ་རྗེ་ལགས་ཀྱི་གསུང་ལ་བྲོ་བ་འདུག
བརྩེ་དུང་བཅངས་ཆེས་བརྩེ་དུང་བྲོ་བ་བརླག།
ཤེས་རྒྱ་ཆེ་ཆེས་གོལ་ལམ་འཆོལ་བ་མང་།
གང་དུ་འདུག་ཀྱང་གནས་བཟོད་མི་བདེ་བ།།
འཁོར་བའི་གནས་སུ་ཤེས་པར་གྱིས་ཤིག་ཨང་
དྲ་རོགས་ཡོངས་ཀྱིས་ངས་ཆེས་ཐོག་མར་་བྲིས་བའི་ང་ཡི་མི་ཚེ་ཞེས་པའི་རྩོམ་ཐུང་འདི་ལ་གདེང་འཇོག་དང་རག་འདེབས་གནང་བ་ལ་ངས་ལག་ཟུང་ཐལ་མོ་སྙིང་ཁར་སྦྱར་ནས་ཐུགས་རྗེ་ཆེ་འབུལ་ཞུ།
འདི་རུ་འགྲེལ་བཤད་བྱེད་འོས་པ་ཞིག་ནི་བོད་ཀྱི་མཛངས་མ་ཚེ་རིང་སྐྱིད་མིན་ཏེ།ང་ནི་ཕ་ཁྱིམ་སྦྲག་ནག་གྲུ་བཞི་རུ་ལུས་ཀྱི་ལྟེ་ཁྲག་འཕོས་ཤིང་ལུས་ཀྱི་ལང་ཚོ་འབྲོག་ཁུལ་དུ་རྒྱས་པའི་འབྲོག་མ་དཀྱིས་མ་ཞིག་ཡིན་ལ་སྒྱུ་རྩལ་གྱི་བགྲོད་ལམ་དུགོམ་པ་དང་པོ་སྤོ་མཁན་ཞིག་དང་ཆེས་རྨང་གཞི་བ་ཞིག་ཡིན།
ཡ་ད་ཡིན་ན་ཤི་ཐ་ཡ་། མྱི་ཚང་མས་ཁ་གླས་ནོ་མིན་ནས་། སྡེ་བྱི་མས་ང་མཛངས་མ་ཚེ་རིང་སྐྱིད་མིན་ཟེར་ནོ་འི་གོ་གི། ཚེ་རིང་སྐྱིད་གཉིས་ཡོད་ས་རེད་།
ཨ་རོག་མེ་ཆ་ལགས་་་་ཚེ་རིང་སྐྱིད་མང་ནི་རེད་ཡ་་ངའི་སྙིང་སྡུག་མའི་མིང་ལ་ཚེ་རིང་སྐྱིད་རེད་ཀོ
ཨ་རོད་རྩམ་དགའ། ཁྱོད་ལ་ཡང་སྙིང་སྡུག་ཅིག་ཡོད་ནེ། ཡོད་ན་ཧྲ་གི་ཡ། ངས་ཁྱོད་ཕོ་ཧྲེང་ངེར་ལུས་རྒྱུ་རེད་འདོད་ཡོད་ཡ། དེང་སང་རླུང་རྟ་རྒྱུགས་ཀོ་ནི་མིན་ནམ།
རླུང་རྟ་རྒྱུགས་དུས་རྒྱུགས་ཚོད་མེད་ཀི །
མཛེས་མ་ཆ་བོ་འདུས་ནས་འོང་གི །
རླུང་རྟ་མེད་དུས་མེད་ཚོད་མེད་ཀི །
མཇེ་ངན་འདི་ལ་ལངས་རྒྱུ་མེད་ཀི །
སྡེ་བྱི་མོའི་རྩོམ་ལ་ལྟ་རྒྱུ་སྐྱུར་བཏང་ནས། ཆ་ལེ་ཆོལ་ལེ་ཏག་ཏག་བཤད་ནས་ཡོང་གོ་གི འེ་མྱི་སྡུག་ཆོ
མཛཻས་མ་ཚེ་རིང་སྐྱིད་ལགས་
ཁྱེད་མཆོག་མཐོ་སློབ་འདི་རུ་བསློབ་གཉེར་བྱེད་རྒྱུ་རག་པ་ལ་ཕྲན་དགའ་ཚོར་ཤིན་ཏུ་ཆེ།།
གང་ཡིན་ཟེར་ན་ཁྱེད་མཆོག་ནས་མཐོ་སློབ་འདི་རུ་བོད་མི་རིགས་ཀྱི་སླད་དུ་ལས་དོན་སྣན་མང་ཞིག་་སྤེལ་བའི་
དྭངས་གཙང་མཆོག་འགྲཡུར་གྱི་རེ་སྨོན་ལན་བརྒྱ་ཡོད།།
སེར་གཙང་འཇམ་དབྱངས་པས།།