མིག་ཆོས།
ན་ནིང་ཟླ་བཅུ་གཉིས་ཇི་ལྟར་རྫོགས་པ་ངས་མི་ཤེས།
ཟླ་གཉིས་ཀྱི་དགུན་ཟླ་གུང་གསེང་སླེབས་བྱུང་།
སློབ་ཕྲུག་ཕོ་མོ་ཡོངས་ཀྱིས་རེ་སྒུག་བྱ་སའི་དགུན་ཁའི་གུང་གསེང་སླེབས་བྱུང་།
ང་ལ་མཚོན་ན་སེམས་ཁམས་དགའ་སྐྱོ་གཉིས་ལྡན་བྱུང་བ་ནི།
བདག་ཤེས་ལྡན་མ་ཡུམ་དཔེ་སྟོན་བཞག་སྟེ་རང་རངགི་ཚང་ཕྱོགས་སུ་འགྲོ་དགོས་པས་སོ།
མ་ཡུམ་དཔེ་སྟོན་གྱི་ལས་བྱེད་ཚོས་རང་གི་ཤ་ཁྲག་ལས་ཆེད་པའི་བྱིས་པ་བཞིན་བྱམས་ཀྱིས་སྐྱོང་བ་ངས་གསལ་པོ་དྲན་གྱིས།
བརྩེ་ལྡན་གྱི་ཕྱུག་པའི་ལག་འཇམ་པོའི་ལག་པ་འཁྱུད་དེ་ཡི་གེ་བསླབ་མཁན་འདེ་ཡང་ཁྱེད་ཚོ་ཡིན་ལ།
ཡུན་རིང་ནད་ཀྱིས་མནར་དུས་ལྷག་བསམ་རྣམ་དག་གིས་བརྩེ་བ་སྐྱོང་མཁན་འདི་ཡང་ཁྱེད་ཚོ་ཡིིན།
ཡིག་འབྲུ་ར་རེ་རྣམས་མི་ཤེས་སེམས་འཚབ་སྐྱེས་ཏེ་ལག་འགུལ་དང་གཟུགས་འགུལ་གྱིས་ཞིབ་ཅིང་ཕྲ་བ་བསླབ་མཁན་འདི་ཡང་ཁྱད་ཚོ་ཡིན།
ཁྱེད་ཀྱི་བཀའ་དྲིན་དང་དར་དཀར་ཀྱི་གཡོ་བའི་ལྷ་བསམ་དཀར་པོ་དག་ནག་ནོག་ཡི་གེ་ནང་བཀོད་ན་བཀོད་མི་ཚར་ལ།
ཁྱེད་རྣམས་ལ་བཤད་ན་བཤད་མི་ཚར།
མ་ཡུམ་དཔེ་སྟོན་སློབ་གྲྭའི་གཟི་བརྗིད་རླབས་ཕྲེང་དག་ཆུ་མོ་ཡར་རླུང་གཙང་པོ་ལས་རིང་།
ཁྱེད་ཚོའི་གཟི་བརྗིད་དག་གཏིང་བརྗེད་དུ་ཕྱིན་ཐབས་བྲལ།
དགུན་ཁའི་ཟླ་གཉིས་ཕྱེད་ཀའི་འགྲུད་བཞུད་རིང་མོ་འདེར་
མ་ཡུམ་དཔེ་སྟོན་སློབ་གྲྭ་ལགས་ངའི་རྨི་ལམ་དུ་ཁྱོད་ཁོ་ན་རྨིས་བཞིན་ཡོད།
ངའི་རྨི་ལམ་དུ་ཁྱོད་ཁོ་ན་རྨིས་བཞིན་ཡོད།
འདམ་སྐྱེས་པད་མའི་མེ་ཏོག་ལགས།
ཤེས་བྱའི་བང་མཛོད་ཁེངས་པའི་མ་ཡུམ་དཔེ་སྟོན་ལགས།
ཉིན་ཞིག་ང་ཁྱོད་དང་ཁ་བྲལ་དགོས་བྱུང་ན་ནི།
ངའི་མི་ཚེ་ནང་གི་ཆེ་ཉོབ་སྣང་ཚ་བའི་ཉིན་མོ་ཞིག་ཡིན།
ཡིན་ནའང་འཇིག་རྟེན་གྱི་ཆོས་ཉིད་ལས།
གོ་ལ་ནང་དུ་ཡོད་པའི་སྐྱེ་བོ་སུ་འདྲ་ཞིག་ཡིན་རུང་སྐྱེས་པའི་རྗེས་སུ་འཆི་རྒྱུ་རེད།
སྐྱེ་བོ་སུ་ཞིག་སྐྱེས་པའི་རྗེས་སུ་རང་གི་སྤུན་གྲོགས་བཞག་སྟེ་བྲལ་རྒྱུ་གཏན་ནས་མི་དགའ།
དེ་བཞིན་ང་རང་བརྩེ་བའི་མ་ཡུམ་དཔེ་སྟོན་བཞག་སྟེ་འགྲོ་རྒྱུ་གཏན་ནས་མི་དགའ།
འོན་ཀྱང་ང་ཁྱོད་དང་ཁ་བྲལ་དགོས་དུས་སྙིང་དབུས་ནས་སུན་སྣང་དང་སྐྱོ་སྣང་ཞིག་སྔར་མེད་སྐྱེས།
འདི་ལོ་ལོ་མཐའ་ཡིན་དུས་ལྷག་པར་དུ་ཁ་ཞེ་གཉིས་མེད་ཀྱི་དགེ་ལས་བཟང་པོ་ཡིད་ལ་དྲན་བྱུང་།
ངའི་དགུན་ཟླ་རིང་མོ་ཁྱོད་ཁོ་ན་རྨིས་བཞིན་ཡོད།
ངའི་རྨི་ལམ་དུ་དཔེ་སྟོན་ཁྱོད་ཁོ་ན་རྨིས་སོང་།
ངའི་མ་ཡུམ་དཔེ་སྟོན་ལགས།