དཔེ་སྟོན་སློབ་ཟུར་བསྟན་འཛིན་ལྷ་བུ་ནས།
བྱམས་བརྩེ་བཀའ་དྲིན་ལྡན་པའི་སེམས་ཀྱི་ཉི་མ་ལགས།
ཁྱེད་ཀྱི་ས་ཕྱོགས་མཚམས་བརྒྱད་བདེ་སྐྱིད་འོད་སྣང་གསེལ།
ཉིན་ལྟར་ཁྱེད་ཀྱི་གསུངས་བའི་བསླབ་བྱ་ཟབ་མོ་ལས།
བུ་ངའི་སེམས་ནང་མི་བརྗེད་རྡོ་རིང་གསར་དུ་བསྐྲུན།
ནམ་ཡང་བརྗེད་ཐབས་མེད་པའི་ཕྱི་ལོ་ཉི་སྟོང་ལོར།
ཁྱེད་ལ་བཀའ་བློན་ཁྲི་པ་ཞེས་པའི་མཚན་ཞིག་ཐོབ།
ཁྱེད་ཀྱི་སློབ་ཕྲུག་ང་ཚོར་བཅངས་པའི་བྱམས་སྐྱོང་རྣམས།
འཇའ་བཞིན་གསེར་འོད་འཕྲོ་བའི་ཉི་མ་ཞིག་དང་མཚུངས།
བོད་མི་བདེ་སྡུག་གསལ་མཁན་དཔེ་སྟོན་ཡབ་ཆེན་ལགས།
ཤེས་ཡོན་དོ་ར་ཆུང་ཆུང་ཁྱེད་ཀྱི་གསར་དུ་བསྐྲུན།
ང་ཚོས་ཤེས་ཡོན་སྲིད་བྱུས་བསྒྲུབ་པར་ཁྱེད་ཀྱི་སྨོན།
ཁྱེད་ཀྱི་འཁྲུངས་སྐར་ཉིན་མོ་བཀྲ་ཤིས་བདེ་ལེགས་ཞུ།
ཕྱོགས་བཞིར་གངས་རི་བསྐོར་བའི་དཔེ་སྟོན་སློབ་གྲ་འདི།
ཕྱི་ནས་བལྟས་ན་མཛེས་ལྡན་མགྲོན་ཁང་ཞིག་དང་འདྲ།
ནང་དུ་ཤེས་བྱའི་སྒྲོན་མེ་བཏེགས་པའི་སློབ་ཕྲུག་བཟང།
ཀུན་གྱི་བསྔགས་བརྗོད་བྱེད་སའི་སློབ་གྲ་ཞིག་ཏུ་བསྒྱུར།
ང་ཚོར་བཞི་བདེ་བསྐྲུན་མཁན་མཁས་དབང་ཟམ་གདོང་མཆོག།
ཁྱེད་ཀྱི་འཛམ་གླིང་མི་དམངས་རྣམས་ཀྱི་བདེ་སྡུག་སེལ།
ཁྱེད་ནི་མུན་ནག་ནང་གི་སྒྲོན་མེ་ཞིག་དང་འདྲ།
ཁྱེད་ལ་ཞི་བདེ་གཟེངས་རྟགས་ཐོབ་པར་བུ་ངའི་སྨོན།
འཕན་པོ་སྐལ་ལྡན་ནས་འོས་སྦྱོར་ཞུས་།