གཙང་བུ།
རང་དབང་ཆེད་དུ་རང་ནུས་ཡོད་ཚོད་སྤྱོད། །
རང་བཙན་ཆེད་དུ་རང་སྲོག་གཏར་མར་བཞག །
རང་སྣང་བསྟུན་ནས་རང་རྩོམ་སྣ་ཚོགས་སྤེལ། །
རང་གི་ཐོབ་ཐང་སྤྱོད་པའི་བཀྲ་རྒྱལ་ལགས། །
རང་གཞན་བརྗེ་བར་ནུས་པའི་བྱང་སེམས་མིན། །
རང་བདེ་གཅིག་པུར་འཁོར་བའི་ཀླད་མེད་མིན། །
རང་གི་དོན་དུ་གང་ཡང་བྱེད་ནུས་པའི། །
རང་ཅག་བོད་མའི་ནང་གི་ཕོ་རྒོད་ཅིག །
རང་གི་ལྟོ་གོས་ཆེད་དུ་རྒྱལ་ཁབ་བཙོང་། །
རང་གི་བདེ་སྐྱིད་ཆེད་དུ་ཕ་མ་བཙོང་། །
རང་གི་གྲགས་སྙན་ཆེད་དུ་གྲོགས་པོ་བཙོང་། །
རང་རིགས་གླ་ཚོང་དག་གིས་འགྲན་དུ་མེད། །
རང་རིགས་བོད་མི་དག་ལ་མིག་ཡོད་ན། །
རང་རིགས་ལ་རྒྱ་ཅན་གྱི་དཔའ་བོ་མཆོག །
རང་རིགས་སྙིང་སྟོབས་ཅན་གྱི་མི་བུ་ཁོ། །
རང་རིགས་རྣམས་ཀྱིས་གུས་པ་བྱེད་པར་འོས། །
བཀྲ་རྒྱལ་བྱང་སེམས་ཡིན་དགོས་མི་འདུག་ལ། །
བཀྲ་རྒྱལ་སངས་རྒྱས་ཡིན་དགོས་དེ་བས་མེད། །
བཀྲ་རྒྱལ་ལ་རྒྱ་ལྷུན་པོའི་སྤོ་ལས་མཐོ། །
བཀྲ་རྒྱས་མི་རིགས་དོན་དུ་ཅི་ཡང་མྱོང་། །
བཀྲ་རྒྱལ་ཆོས་ལ་དད་མིན་མ་ཤེས་ཏེ། །
བཀྲ་རྒྱལ་མི་རིགས་ལ་རྒྱ་ཀུན་ལས་ཆེ། །
བཀྲ་རྒྱའི་ལས་ལ་གྲུབ་འབྲས་མ་ངེས་ཏེ། །
བཀྲ་རྒྱས་རང་དབང་རྩོད་མཁན་བོད་མི་ཞིག །
༢༠༡༡ ༥ ༢༩ དགོངས་མོ་ཆུ་ཚོད་༡ པོའི་ཐོག་ཏུ་བྲིས།
གཙང་བི་ལོ་ལོ། དེ་དེ་བཞིན་ནོ།
སྟོད་འདོད་དང་སྨད་འདོད་གང་རུང་གི་དབང་དུ་ཤོར་བ་ན། ཁ་མར་འདུག་མི་ཐུབ་པ་འདི་འགྲོ་མི་སྤྱི་ལ་ཁྱབ་པའི་གཤིས་ཀ་ཡིན།