དྲན་དཀར་དཔལ་ཡོན།
དགེ་བཤེས་ཟངས་ཀྱི་རི་བོས།།
མེ་ཏོག་ཡོངས་འཛིན་བཏུངས་པས།།
འཇམ་དབྱངས་ལྕགས་ཞྭ་ཅན་པོས།།
ལྕགས་དབྱུག་བསྣམས་ནས་ཕེབས་བྱུང་།།
འཆི་ཁར་གཤེད་མར་བརྩེ་བའི།།
ཆོས་པ་གསེར་གྱི་རི་བོས།།
བདེན་པའི་ཕྱག་རྒྱ་བརྩལ་བས།།
ཕ་ཆོས་བློ་དོགས་མ་བྱུང་།།
ཕྱི་ལ་ཞི་དུལ་དུ་འགྲོ་བའི།།
དབའ་པོ་རིགས་ལ་མ་སྡང་།།
མི་གྲངས་བརྒྱད་པའི་སྒང་ལ།།
ང་ཚོར་གཉིས་ཀྱིས་ཆད་བྱུང་།།
མེ་ལྭ་བཟོད་པར་དཀའ་ཨང་།།
བཟོད་པའི་ཕ་མེས་ལྭ་བ།།
མིག་གིས་མདུན་དུ་ཡལ་ཚེ།།
སྐེ་རགས་ངུ་བཞིན་བཅིངས་ཡོད།།
མཁས་དབང་དྲན་དཀར་དཔལ་ཡོན་གྱི་ཚིགས་བཅད་འདི་དག་གིས་གོ་བ་མཐའ་མེད་དུ་སྟེར་ངེས།
༈ ཁ་ཞེ་གཉིས་མེད།
དམར་པོ་ཏང་གི་མི་བུས།།
དམར་པོའི་དཔུང་དམག་དྲངས་ནས།།
གངས་ལྗོངས་ཁྲག་གིས་བརྫིས་པའི།།
རུ་དར་ལྷ་སར་བསྒྲེངས་བྱུང་།།
ཆང་རག་མཛེས་མའི་མྱོས་པ།།
རྟག་པར་གླིང་ག་གཏོང་པའི།།
སྐུ་དྲག་བཙན་པོའི་བཀའ་ཡིས།།
མ་བཟློག་བཅིངས་གྲོལ་ཐོབ་བྱུང་།།
ཡོད་པའི་ཐོབ་ཐང་མི་རྩོད།།
མེད་པའི་ཁྲིམས་སྲོལ་བསྒྲགས་ནས།།
ས་བཟུང་རིགས་གཞུང་བསྒྱུར་ཡང་།།
སྐུབ་སྟེགས་བརྟན་པོར་གནས་དགོས།།
སྐུ་སྟེགས་བཟའ་ཟླ་ལོས་དགོས།།
འཇིག་རྟེན་མི་ཡི་འཚོ་བ།།
སྤྲེལ་ལད་ཁྱི་རྔ་གཡུགས་དུས།།
རེ་བའི་འདུན་པ་ཡལ་སོང་།།