ཨོ་ཤོ་ཡིས་བརྩམས། ལོ་མ་རྒྱལ་གྱིས་བསྒྱུར།
དེར་སྒོམ་པར་མཛོད་ཅིག
ཕ་རོལ་བསུས་ཏེ་རང་སེམས་སུ་འཛུལ་བར་བྱོས།
གང་ནས་ཀྱང་བཀག་མ་བཟོ།
ལམ་འགྲོ་བ་ཞིག་ཡིན་པས།
རྒྱུན་དུ་རང་ཉིད་ཡངས་པོར་གནས་ཏེ།
རང་ཉིད་ལ་ཟྭ་བརྒྱགས་པ་དང་།
རང་ཉིད་ལ་སྒོ་གཏན་པར་མི་བྱའོ།
རང་ཉིད་ཀྱི་སྒོ་མོ་མ་བརྒྱགས།
དེ་ནས། བརྩེ་བ་ནི་འབྱུང་ངོ།
སྙིང་དང་སྙིང་འཕྲད་དུས། བརྩེ་བ་ཡོད།
བརྩེ་དུང་ནི་རྫས་འགྱུར་རིག་པའི་སྣང་ཚུལ་ཞིག་སྟེ།
ཡང་རླུང་(Hydrogen) ་དང་སྲོག་རླུང་(oxygen)་འཕྲད་པ་དང་མཚུངས།
ཆུ་ནི་དེ་གཉིས་འཕྲད་སྦྱོར་ལས་བྱུང་བའི་ཆོས་སོ་མ་དེའོ།
ཁྱོད་ལ་ཡང་རླུང་ཅི་འདོད་འདོད་དུ་ཡོད་ཀྱང་།
ཁྱོད་ལ་སྲོག་རླུང་ཅི་འདོད་འདོད་དུ་ཡོད་ཀྱང་།
ཁྱོད་རང་སྐོམ་པའི་གདུང་དུས།
དེ་གཉིས་ཀྱིས་སྐོམ་གདུང་སེལ་མི་ནུས་སོ།
སྙིང་དང་སྙིང་འཕྲད་དུས།
གསར་བྱུང་གི་ཆོས་ཤིག་གྲུབ་བོ།
དེ་ནི་བརྩེ་བའོ། ཆུ་དང་འདྲའོ།
ཐམས་ཅད་ཀྱི་སྐོམ་གདུང་སེལ་ཐུབ་བོ།
ཐོལ་གྱིས། ཁྱོད་ལ་ཚིམས་པ་ཞིག་སྐྱེ་ཡོང་།
དེ་ནི་བརྩེ་བས་བསྟབས་པའི་རྣམ་པ་ཞིག
ཁྱོད་ལ་ཅི་ཡང་འཐོབ་སོང་བ་དང་མཚུངས།
ད་ནི་འཐོབ་བྱ་གང་ཡང་མེད་དོ།
ཁྱོད་ཀྱི་ཕུགས་དོན་གྲུབ་སོང་།
ད་ནི་ཕུགས་དོན་གང་ཡང་མེད་དོ།
ལས་དབང་ཡོངས་སུ་རྫོགས།
ས་བོན་མེ་ཏོག་ཏུ་གྱུར།
ཡོངས་སུ་བཞད་པའི་མེ་ཏོག་ཏུ་གྱུར་རོ།
འཕགས་ཀྱི་ཚིམས་པ་ནི་བརྩེ་བའི་རྣམ་པ་དེའོ།
སུ་ཞིག་ནམ་དུ་ཡང་བརྩེ་བ་ན་གནས་དུས།
འཕགས་ཀྱི་ཚིམས་པ་ན་གནས་སོ།
བརྩེ་བ་ནི་མཐོང་བར་མི་འགྱུར་གྱི།
ཚིམས་པ་དང་བདེ་བློ་དེའི་འཁོར་ན་ཡོད།
དབུགས་ཀྱི་འབྱིན་རྔུ་རེ་རེ། དུས་ཀྱི་སྐད་ཅིག་རེ་རེ།
ལུས་ངག་ཡིད་གསུམ་ཚིམས་ཤིང་བདེའོ།
བརྩེ་བས་ཁྱོད་རང་ཆོག་ཤེས་སུ་བཀོད་དོ།
བདག་གིས་དེ་ལྟར་བརྗོད་ན། ཁྱོད་རང་མཚར་ངེས།
གཏན་ཚིགས། སྲེད་པ་ནི་རྔམ་པའོ། མི་བདེ་བའོ།
ཁྱོད་ལ་མེད་སྟབས། ཁྱོད་རང་སྲེད་ཅིང་ཆགས།
གང་ཞིག་ཡོད་ན་བསམས་ཏེ། ཁྱོད་རང་སྲེད་ཅིང་ཆགས།
དེ་ཡིས་མི་བདེ་བ་བསྟབ་བོ།
སྲེད་པ་ནི་མི་ཚིམས་པའོ།
ཨོ་ཤོས།
སྡུག་བསྔལ་ལས་ཐར་པ་ལ། སྒོམ་མ་གཏོགས། གཞན་གང་གིས་ཀྱང་། མི་ཕན་གསུངས་པ་མང་ངོ་།།
ཀརྡོ་གཉེར་ཕྱག་པ་ལགས་སུ་བཀའ་འདྲི་ཞུ་རྒྱུར། ཨོ་ཤོ་ཡིས་བརྗོད་བཞིན་ཡོད་པའི་(No-mind) ཟེར་བའི་སྒོམ་དེ་ཅི་འདྲ་ཞིག་ཡིན་་ནམ། ནང་བའི་གཞུང་ན་དེ་དང་ཆ་འདྲ་ཡོད་དམ།
སྔགས་བླ་མེད་ནང་ལ། ཀུན་རྟོག་བརྒྱད་ཅུའི་རླུང་དགག་ན། ཞེས་པའི་ཀུན་རྟོག་ལ་སྦྱར་ན། ནང་ཆོས་བླ་མེད་དང་གཅིག་མཚུངས་སུ་གྱུར་པས། ཨོ་ཤོའི་ ནོ་ མ་ཡིནཌ་ དོན་འདི་རེད་ཅེས། ནང་ཆོས་དང་སྦྱར་བ་ཤིནད་ཏུ་དཀའོ།། ལོ་རྒྱལ་ལགས།། །།