བཀྲ་ཤིས་ཀྱིས།
——–
ཉིན་ཤས་གོང་ཨ་རིའི་གསར་འགྱུར་ཞིག་ཏུ་༧གོང་ས་མཆོག་ལ་བཅར་འདྲི་ཞུས་པ་ཞིག་མཇལ་རྒྱུ་བྱུང་། ངས་བཅར་འདྲི་དེ་ལ་འདི་འདྲའི་དོ་སྣང་སྤྲོད་དོན་ནི། ༧གོང་ས་མཆོག་གིས། “ངོས་ཀྱིས་ཡོངས་གྲགས་ཀྱི་ཐོག་ནས་ང་ཚོའི་བྱེད་ཕྱོགས་དེ་ལམ་ལྷོང་མ་བྱུང་བ་ཞིག་ཡིན་པར་ངོས་ལེན་བྱེད་ཀྱི་ཡོད། I publicly accept failure of our approach.”ཅེས་གསུངས་འདུག་ལ།
༼བཅར་འདྲིའི་སྐར་མ་གཉིས་ཀྱི་མཚམས་ཙམ་ལ་གསུངས་འདུག༽
དེ་ལ་གསར་འགོད་པས་༧གོང་ས་མཆོག་ལ་ “ཁྱེད་ཀྱིས་ཡོངས་གྲགས་ཀྱི་ཐོག་ནས་དབུ་མའི་ལམ་གྱི་བྱེད་ཕྱོགས་དེ་ལམ་ལྷོང་མ་བྱུང་བ་ཞིག་ལ་ངོས་ལེན་གནང་གི་ཡོད་དམ།”ཞེས་དྲིས་སྐབས། ༧གོང་ས་མཆོག་གིས། “ལགས་ཡིན། དེ་ནི་ལམ་ལྷོང་མ་བྱུང་བ་ཞིག་ལ་བརྩི་ཡི་ཡོད། that is considered failed.”ཅེས་གསུངས་འདུག དབྱིན་ཡིག་གི་ཚིག་ Fail ཟེར་བ་འདི་ལ་ལམ་ལྷོང་མ་བྱུང་བ་ཞེས་བྲིས་ན་འགྲིག་མིན་མི་ཤེས། དབྱིན་བོད་ཚིག་མཛོད་གསར་མའི་ནང་། “མ་ཐུབ་པ། དོན་དག་འཆུག་པ། གོ་མི་ཆོད་པ། ལས་དོན་མ་འགྲུབ་པ།”སོགས་སུ་བཀྲལ་འདུག བྱས་ན། “ངོས་ཀྱིས་ཡོངས་གྲགས་ཀྱི་ཐོག་ནས་ང་ཚོའི་བྱེད་ཕྱོགས་དེ་ལམ་ལྷོང་མ་བྱུང་བ་ཞིག་ཡིན་པར་ངོས་ལེན་བྱེད་ཀྱི་ཡོད།” ཅེས་བསྒྱུར་ན་འགྲིག་གམ། ཡང་ན། “ངོས་ཀྱིས་ཡོངས་གྲགས་ཀྱི་ཐོག་ནས་ང་ཚོའི་བྱེད་ཕྱོགས་དེས་གོ་མ་ཆོད་པ་་ངོས་ལེན་བྱེད་ཀྱི་ཡོད།” ཅེས་ཟེར། གང་ལྟར་༧གོང་ས་མཆོག་གིས་དབུ་མའི་ལམ་ནི་ཧྥེལ་ཆགས་པ་ཞལ་བཞེས་གནང་འདུག
ཁ་སང་ད་ལྟ་ཚོགས་བཞིན་པའི་གྲོས་ཚོགས་ཀྱི་གསར་འགྱུར་འགའ་བཀླགས་པ་ཡིན། གསར་འགྱུར་དེ་དུས་བབ་དྲ་བ་ན་འདུག “ དེ་རིང་གྲོས་བསྡུར་གནང་སྐབས་བཀའ་མོལ་ཁ་ཤས་ས་མཚམས་ལས་བརྒལ་འདུག་བསམ་པའི་ཚོར་ཤུགས་ཆེན་པོ་བྱུང་སོང་། ད་ལྟའི་བཙན་བྱོལ་བོད་གཞུང་གི་ལངས་ཕྱོགས་ལམ་དབུ་མའི་ཐོག་འགྲོ་བཞིན་ཡོད་ཀྱང་། དབུ་མའི་ལམ་དང་འགལ་བའི་བསམ་ཚུལ་གྲོས་ཚོགས་འདིའི་ནང་བྱུང་བ་རེད། དབུ་མའི་ལམ་གྱི་སྲིད་བྱུས་ལ་འགྱུར་བ་གཏོང་དགོས་ན། ཁ་སྔོན་ནས་ཞུས་པ་བཞིན་བརྒྱུད་རིམ་ཚད་ལྡན་ཞིག་གི་ཐོག་འགྱུར་བ་གཏོང་དགོས་ཀྱི་ཡོད། འགྱུར་བ་བཏང་ཚར་བའི་རྗེས་སུ་ག་རེ་ཡིན་ནའང་གསུང་ཆོག་གི་རེད། གོ་སྐབས་གང་ཤར་ལ་གསུང་བསྡད་ན་རྒྱ་ནག་དང་རྒྱལ་སྤྱིའི་ཐོག་བོད་མི་ཚོར་ལངས་ཕྱོགས་བརྟན་པོ་མི་འདུག་ཟེར་བའི་བསམ་ཚུལ་ཡོང་མི་སྲིད་པ་མིན་སྟབས། དེ་ཚོར་ཐུགས་འཚབ་གནང་དགོས་པ་རེད། བོད་ནང་བྱུང་བའི་གནས་ཚུལ་དང་མི་མང་གི་རེ་འདུན་ལ་སོ་སོའི་འཆར་སྣང་ལྟར་འགྲེལ་བཤད་རྒྱག་སྐབས། གྲོས་ཚོགས་ནང་གཟབ་གཟབ་གནང་དགོས་ཀྱི་འདུག་ ” ཅེས་བཀའ་བཀྱོན་གནང་འདུག
ད་༧གོང་ས་མཆོག་གིས་དབུ་མའི་ལམ་ལ་གྲུབ་འབྲས་མ་བྱུང་བར་ཞལ་བཞེས་གནང་བ་དང་། གྲོས་ཚོགས་ཀྱིས་༧གོང་ས་མཆོག་གིས་ཞལ་བཞེས་མ་གནང་བའི་ལམ་ཞིག་ལ་བསྐྱོད་བཞིན་པ་འདི་ཅི་ཞིག་རེད། ༧གོང་ས་མཆོག་གིས་གྲོས་ཚོགས་ལ་འདི་འདྲའི་བཀའ་བསྩལ་ཡོད་དམ། ཡང་ན། གྲོས་ཚོགས་ཀྱིས་༧གོང་ས་མཆོག་གི་དགོངས་པ་ལ་འགྲེལ་བཤད་གཞན་ཞིག་རྒྱག་གི་ཡོད་དམ། འདི་འདྲའི་དྲི་བ་མང་པོ་ཞིག་གིས་ང་ཚོ་མནར་ཡོང་གི་འདུག
སྤྱི་མཐུས་ལྷན་ཚོགས་ཀྱིས་དེ་སྔའི་བོད་ནང་ཛ་དྲགས་ཀྱི་གནས་ཚུལ་བགྲོ་གླེང་དང་བསམ་ཚུལ་རྗེས་རེས་ཕན་ནུས་ལྡན་པའ་ིགྲོས་ཆོད་ཅིག་གི་སྟེང་ལ་འཛེག་ཐུབ་པར་སྨོན་ ཁ་ནས་བརྒྱ་བཤད་སྟོང་ལག་ལེན་ནམ་མཁའི་མེ་ཏོག་ལྟར་གྱུར་སོང་ན་དེའི་ཉིན་གྱི་སྤྱི་མཐུས་ཚོའི་དུས་ཚོད་ཆུད་ཟོས་སུ་སོང་བ་རེད།
བཀྲིས་ལགས། ༸གོང་ས་མཆོག་ལ་བཅར་འདྲི་ཞུས་པ་དེ་འདིར་འཐུས་རོགས་གནང། ཡང་ན་དྲ་རྒྱའི་ཁ་སྦྱང་འདིར་བཀོད་རོགས་གནང།
༸གོང་ས་མཆོག་གིས་ད་བར་དུ་དབུ་མའི་ལམ་ལ་གྲུབ་འབྲས་མ་བྱུང་བ་ངོས་ལེན་བྱས་པ་ཙམ་ལས་མ་འོངས་པར་གྲུབ་འབྲས་མི་འབྱུང་བ་ངོས་ལེན་བྱས་མི་འདུག དེ་བཞིན་དུ་དབུས་བོད་མིའི་སྒྲིག་འཛུགས་ཀྱི་ལང་ཕྱོགས་ལའང་འགྱུར་བ་གཏོང་དགོས་པའམ་ཡང་ན་ངོས་ལེན་མེད་པའི་དགོངས་དོན་གང་ཡང་མི་འདུག འདི་འདྲའི་སྐད་ཆ་ལ་ཞིབ་ཆ་བྱེད་རྒྱུ་གལ་ཆེ་བ་མ་གཏོགས་སྤྱང་ལྟོགས་ཤ་ལ་ཐུག་པ་ལྟ་བུ་ནམ་ཡང་བྱེད་རྒྱུ་མེད།
༧གོང་ས་མཆོག་གི་དབུ་མའི་ལམ་གྱི་གྲུབ་འབྲས་མ་སོན་པ་འམ་failed.ལམ་ལྷོང་མ་བྱུང་བ་གསུངས་པ་དེ་ད་བར་རྒྱ་ནག་གི་ཕྱོགས་ནས་བཟང་ཕྱོགས་ཀྱི་རྣམ་འགྱུར་གང་ཡང་མ་སྟོན་པ་མ་ཚད་རང་སྐྱོང་ལྗོངས་དང་ཁུལ་མིང་ཙམ་ཡོད་པ་དེ་ཡང་མེད་པ་བཟོ་དགོས་པའི་དམིགས་ཡུལ་འཛིན་བཞིན་གསལ་བསྒྲགས་བྱེད་མུས་ཡིན་པ་དེའི་ཆ་ནས་རེད་སྙམ། གཞི་རྩའི་ཆ་ནས་བོད་དོན་ལ་གྲུབ་འབྲས་རྩ་བ་ནས་མ་བྱུང་བ་མ་རེད། འོན་ཀྱང་དོན་དངོས་ཁ་ཡོད་ལག་ཡོད་གྱི་གྲུབ་འབྲས་སོན་མེད་པ་མ་ཟད་། གཞིས་བཞུགས་བོད་མི་དག་གི་དངོས་འདོད་ལ་རྒྱབ་སྐྱོར་ངོ་མ་དེ་བྱས་ཐུབ་མེད་། དངོས་ཡོད་གནས་སྟངས་འདི་དག་ལ་ངེས་པ་ཏུ་བསྐྱར་ཞིབ་གནང་གལ་ཆེ་མོད་ཉིན་ཆར་གྲོས་ཚོགས་ཀྱི་བགྲོ་གླེང་ནང་དཔལ་ལྡན་སྤྱི་འཐུས་ཚོགས་གཙོ་མཆོག་གི་དེ་རིང་གྲོས་བསྡུར་གནང་སྐབས་བཀའ་མོལ་ཁ་ཤས་ས་མཚམས་ལས་བརྒལ་འདུག་བསམ་པའི་ཚོར་ཤུགས་ཆེན་པོ་བྱུང་སོང་བཤད་པ་དེ་དབུ་མའི་ལམ་ལ་བསྐྱར་ཞིབ་གནང་རྒྱུ་འདོད་པ་མེད་པའི་རྣམ་འགྱུར་གསལ་ཤོས་དེ་རེད་། གལ་སྲིད་ང་ཚོའི་གཞུང་གི་སྤྱི་འཐུས་ཤིག་གི་དགོངས་འཆར་དེར་མཚམས་ལས་བརྒལ་ཡོད་ན་གྲུབ་འབྲས་མ་སོན་པའི་ལམ་བུ་དེར་མཁྲིག་འཛིན་ཁོ་ན་བྱེད་རྒྱུ་ལས་ཐབས་གཞན་མེད་པ་ཡིན་ནམ་བསམ་པའི་དོགས་པ་རང་བཞིན་དུ་སླེབས་ཡོང་གི་འདུག། དེ་ཡང་ཆེས་གསང་བ་ལྟར་བུ་ཐ་ན་བོད་རིགས་མང་ཚོགས་ཀྱི་མ་ཤེས་པའི་ཆབ་སྲིད་གྱི་ཕམ་ཉེས་ཤིག་ཡིན་ནམ་སྙམ།
བཀྲིས་ལགས་ཀྱིས་༸གོང་ས་མཆོག་གི་གསུང་རྗེན་པ་ལུང་འདྲེན་གནང་སྟེ་གོ་རྟོགས་སྤེལ་གནང་བར་ཐུགས་རྗེ་ཆེ་ཞུ་བ་དང་ཆབ་གཅིག མཆན་འགོད་འགའ་ཞིག་གིས་དེ་ལ་ལུང་དོན་བཞགས་གནང་འདུག་པའང་རང་གི་
མངོན་འདོད། དུས་བསྐལ་པ་མ་སྟོངས་བར་དུ་དབུ་མའི་ལམ་ཁོ་ནའི་གྲུབ་འབྲས་ལ་ལོངས་སུ་སྤྱོད་འདོད་ཀྱི་རེ་སྟོང་འཆང་བ་ཙམ་དུ་ཟད་ཀྱི།ཕྱི་ལོ་ཉིས་སྟོང་བརྒྱད་ལོའི་དམིགས་གསལ་ཚོགས་ཆེན་གྱི་མཐའ་མའི་གྲོས་ཆོད་སྐབས་དུས་ཚོད་ངེས་ཅན་ནམ་ལོ་ཚད་ཀྱི་རྒྱས་བཅད་ཞིག་ཡོད་པ་ནམ་མཁའི་འཇའ་ལྟར་ཡལ་བའི་ཟོ་ལྟ་སྟོན་པར་མངོན།
༸གོང་ས་མཆོག་གིས་དུས་བསྐལ་པ་མ་སྟོངས་བར་ངེས་པར་དུ་དབུ་མའི་ལམ་མམ་བོད་ས་ཡོངས་འཛིན་སྐྱོང་གཅིག་གི་འོག་མིང་དོན་མཚུངས་པའི་རང་སྲིད་རང་སྐྱོང་ཉག་གཅིག་དོན་དུ་གཉེར་དགོས་ཞེས་ནམ་ཡང་གསུངས་མི་སྲིད་པས། སྲིད་གཞུང་མི་རྟག་པར་སྲིད་ཇུས་ཀྱང་མི་རྟག་པ་འཛིན་དགོས་པ་ལས་རྟག་བརྟན་ཐེར་ཟུག་གི་སྲིད་ཇུས་འཛིན་མི་ཉན། གང་ཡིན་ཞེ་ན་དགའ་ལྡན་ཕོ་བྲང་གི་སྲིད་གཞུང་ལའང་འགྱུར་བ་གཏོང་དགོས་ངེས་ཀྱི་དུས་སུ་འཕྲལ་དུ་འགྱུར་བ་བཏང་བ་མིག་མཐོང་ལག་ཟིན་ཡིན་པའི་ཕྱིར་རོ།།
གོང་ས་མཆོག་གིས་རྒྱ་བོད་གཉིས་ཕན་གྱི་དགོངས་པ་བཞེས་ཀྱང་རྒྱ་གཞུང་གིས་གོང་ས་མཆོག་དང་དབུ་མའི་ལམ་ལ་དགག་པ་ག་ཚོད་བརྒྱབ་ཡོད་པ་རེད།
བརྗོད་གཞི་འདི་གནད་འགག་ཅིག་ཏུ་མཐོང་། གྲོགས་པོ་ཚོས་བགྲོ་གླེང་མང་ཙམ་གནང་རོགས།