སྐུ་ཞབས་ཕུ་རོ་ཐས་རོ་(Mr Prothero)ལགས་ཀྱིས་བོད་མི་དག་གིས་རང་ལུས་མེར་སྲེག་གཏོང་བཞིན་པ་ནི་རྨོངས་དད་ངང་ལྷ་དང་དཀོན་མཆོག་གི་ཆེད་དུ་འབར་བཞིན་པ་རེད་ཟེར་བ་ནི་བོད་སྤྱི་ཚོགས་ཀྱི་གནས་སྟངས་ལ་རྒྱུས་མངའ་ཅུང་ཙམ་ཡང་མེད་པའི་གཏམ་དུ་འཁུམས། བོད་མི་དག་གིས་རང་ལུས་མེར་བསྲེག་བྱེད་དོན་གཙོ་བོ་ནི་འཛམ་གླིང་མི་མང་ལ་བོད་མིའི་སྡུག་བསྔལ་ཆེ་བའི་གནས་སྟངས་ལ་དངོས་ཡོད་དང་དྲང་བདེན་གཞི་ལ་བཞག་ནས་རྒྱབ་སྐྱོར་དང་བདེན་པའི་དཔང་བོ་གནང་རོགས་ཞེས་འབོད་སྐུལ་ཞུ་བ་ཡིན།