རས་པ།
སེམས་ཀྱི་འདུན་པ་འགོག་མེད་པ།།
བརྩེ་བའི་ཁ་བ་གངས་ཀྱིས་བཞུ།།
མཇལ་འཛོམས་སྤྲོ་བའི་གཟི་འོད་ཀྱིས།།
དགུན་འཁྱག་སྣང་བའི་སྐྱོ་བ་སྦྱིན།།
བསླུས་སམ་འདོད་པའི་སྣ་ཐག་བཞག།
གར་འགྲོ་ངེས་མེད་མགོ་ཡོམ་འཁོར།།
རྫུན་ནམ་གཏད་སོ་བྲལ་བའི་སེམས།།
ལོ་བརྒྱའི་ཤུལ་གྱི་མཁར་རོ་འདྲ།།
མཐོ་བ་བཙན་རྫོང་སྙེགས་པའི་ཤུལ།།
སྤྲོ་དགའི་མཚན་ཐུན་དུངས་པས་བཟི།།
དོ་ནུབ་མཚན་ནམ་རིང་མོ་ཞིག།
འཁྱོལ་དཀའི་སྣང་བ་འདི་ཀོ་ཅི།།
སེམས་དང་བསམ་པ་སྦྲེལ་བ་འདྲ།།
ཡིད་ཀྱི་སྣེ་ལ་རྡོག་པ་ལྕི།།
ཡིད་དང་ཡིད་ཀྱིས་ཤེས་པ་འདྲ།།
དྲན་སྣང་གཅིག་པུ་གཏམ་དུ་བྱས།།
སྙན་ཐུང་འདི་ཡག་པོ་འདུག
རེད་་རེད་་་་དངོས་ཡོད་དང་བསྟུན་ནས་འཚོལ་སྙེགས་བྱེད་དགོས་པ་ནི་བདེན་པ་རེད། ཡིན་ནའང་། མི་རྣམས་ཀྱིས་སེམས་ཁོང་དུ་གསང་སྦས་བྱེད་པའི་རང་ཉིད་ཀྱི་བརྩེ་བ་དེ་ཕྱི་གསལ་ནང་གསལ་བྱས་ནས་བསྟན་མ་ཐུབ་པ་ཅི་འདྲའི་ཡིད་སྐྱོ་དགོས་པ་དང་། དངོས་ཡོད་དང་ཡང་འགལ་བ་ཞིག་མ་ཡིན་ནམ།