ཧི་མ་ལ་ཡའི་འཕྲུལ་སྨྱུག
ནང་བཅུད་ཀྱི་སེམས་ཅན་རྣམ་གཞག་ལ་དཔྱད་ན། དེང་གི་ཚན་རིག་པའི་མཐོང་བ་དང་ཆེས་མི་མཐུན་ས་གཅིག་ནི། འགྲོ་བ་རིགས་དྲུག་ཅེས་མི་དང་དུད་འགྲོ་གཉིས་ཀྱི་ཐོག་ཏུ་གོ་རྒྱུ་རིག་རྒྱུ་མེད་པའི་སེམས་ཅན་མི་འདྲ་བ་བཞི་བརྩི་རྒྱུ་རྙེད་ཡོད་པ་འདི་རེད། འདི་ཡང་ནང་པ་སངས་རྒྱས་པ་ཁོ་ནས་རྙེད་པ་མིན་པར། གནའ་རབས་ཀྱི་ཆོས་ལུགས་ཡོད་ཚད་ཕལ་ཆེར་ཁ་གཅིག་མཐུན་ལྟ་བུར་གྱུར་འདུག རྒྱ་གར་དུ་སངས་རྒྱས་ཆོས་ལུགས་མ་དར་གོང་ནས། ལྷ་ཡུལ་དང་དམྱལ་ཡུལ་གཉིས་པོ་ནི་རླུང་ལྟར་གྲགས་ཤིང༌། རིག་བྱེད་ཀྱི་གཏམ་རྒྱུད་ཕལ་མོ་ཆེ་ཡང༌། ལྷ་དང་དམྱལ་བ་པའི་རྟོགས་བརྗོད་ལྟ་བུར་གྱུར་ཡོད། དཔེར་ན་ཆུ་བོ་གང་གའི་ཆུ་མགོ་ལྷ་དང༌། ཆུ་རྔ་དམྱལ་ཡུལ་དུ་ཟུག་པར་བཤད་པ་ལྟ་བུ་སྟེ་བགྲང་བས་ག་ལ་ལང༌།
མཁས་དབང་ར་སེ་དཀོན་མཆོག་རྒྱ་མཚོས། གནའ་བོའི་རྒྱ་གར་བ་རྣམས་ཀྱི་སེམས་ནང་གི་ལྷ་ཡུལ་དེ་ནི། མངའ་རིས་གངས་དཀར་ཏེ་སེའི་གཡས་གཡོན་ཙམ་ཡིན། ཞེས་གསུངས་པ་ནི། ཕལ་ཆེར་བདེན་པ་ལྟ་བུར་འདུག་ལ། དེ་ལྟར་ན་ཁོ་ཚོའི་སེམས་ནང་གི་དམྱལ་བ་དེའང༌། བྷང་༡ག་ལའི་མཚོ་ཁུག་དེ་ཙམ་ལས། ཞེད་སྣང་ལངས་དགོས་པའི་ས་ཆ་གཞན་པ་ཞིག་མིན་པ་འདྲ། ༼ཞེས་བྲིས་པ་རྣམས་ཀྱང་འོལ་སྤྱོད་ཙམ་དུ་མཐོང་སྟེ། ནང་ཆོས་ཀྱི་ཨ་ལོང་ནང་ཚུད་པའི་ཐེག་པ་ཆེ་ཆུང་གསང་སྔགས་དང་བཅས་པའི་ནང་དུ། འགྲོ་བ་རིགས་དྲུག་ཁོ་ནར་ངེས་པའི་ཐོས་ཆུང་གིས་སྨྱུག་རྗེས་ཤིག་ཐལ་སོང་བ་མ་ཟད། རིག་བྱེད་ཀྱི་གཏམ་རྒྱུད་ཕལ་མོ་ཆེ་ཡང༌། (ལྷ་དང་དམྱལ་བ་པའི་རྟོགས་བརྗོད་ལྟ་བུར་གྱུར་ཡོད། དཔེར་ན་ཆུ་བོ་གང་གའི་ཆུ་མགོ་ལྷ་དང༌། ཆུ་རྔ་དམྱལ་ཡུལ་དུ་ཟུག་པར་བཤད་པ་ལྟ་བུ་སྟེ་)ཞེས་པའང་ཟོལ་ཚིག་ཏུ་ངེས་ཏེ། གྲུབ་མཐའ་འདི་དང་འདིའི་ཚད་ལྡན་གྱི་སློབ་དཔོན་འདི་ཞེས་བྱ་བའི་དཔེ་དེབ་འདིར། བརྗོད་ཚིག་འདི་འདྲ་ཞིག་བྲིས་ཡོད་ཅེས་པའི་ཁུངས་སྐྱེལ་མ་བཀོད་པར། སོ་སོའི་གང་དྲན་གྱིས་འོལ་སྤྱི་རྣམས་གོང་འོག་མང་པོ་ཞིག་ཏུ་བཀོད་པ་ལས་ཀྱང་དཔོག་པར་སེམས་སོ།།༽
བགྲང་བས་ག་ལ་ལང༌། ཞེས་པའི་ལང་། ལྡང་གི་ཟུར་ཆག་གཞུང་ཆེན་འགའ་ན་གསལ་ཡང་། དེ་ལ་ལྡང་། ཞེས་འབྲི་ན། དིང་སང་། འདང་། ཞེས་མང་པོས་འབྲི་བ་དེ་ནོར་བར་སྒྲ་རིག་པའི་གོ་བ་ལ་ཕན་ནོ།།
ཆུ་བོ་གང་གྷའི་མགོ་འཇུག་ལྷ་ཡུལ་དང་དམྱལ་ཡུལ་ཟེར་བ་དེ་གོ་རྒྱུ་འདུག
མགོ་ལྷ་ཡུལ་རྩ་གསུམ་གྱི་གནས་གངས་དཀར་ཏི་སེ་ཞང་ཞུང་གི་ཡུལ་དང། འཇུག་རྒྱ་གར་འཕགས་ཡུལ་དམྱལ་ཾཁམས་བཅོ་བརྒྱད་ལས་ཚ་དམྱལ་བརྒྱད་ཡིན་གསུངས་པ་འདྲ།
བན་དེ་བ་ལགས། ཆུ་མོ་གངྒཱའི་མགོ་ལྷ་ཡུལ་སུམ་ཅུ་རྩ་གསུམ་གྱི་གནས་གངས་དཀར་ཏི་སེ་ཞང་ཞུང་གི་ཡུལ་དང༌། འཇུག་རྒྱ་གར་གྱི་ཡུལ་དེ་དམྱལ་ཁམས་བཅོ་བརྒྱད་ལས་ཚ་དམྱལ་བརྒྱད་ཡིན་པ་ལུང་དང་རིགས་གང་ཞིག་ཡོད་དམ།????????????????????????????????????????????
གངས་དཀར་ཏི་སེ་ནི་ལྷ་ཡུལ་དང་སུམ་ཅུ་རྩ་གསུམ་གྱི་གནས་ཡིན་པར་ཧིན་དྷུ་བ་མང་པོས་དད་གུས་བྱེད་པར་མ་ཟད་ད་ལྟ་ཚན་རིག་ཞིབ་འཇུག་པས་བོད་ཀྱི་ཆོས་ལུགས་པ་དག་གིས་བཤད་པའི་སུམ་ཅུ་རྩ་གསུམ་དང་རི་རྒྱལ་ལྷུན་པོ་ཟེར་བ་ནི་གངས་ཏི་སེ་ཡིན་པར་བཤད་ཀྱི་ཡོད། ཧིན་དྷུ་བ་རྣམས་ཀྱིས་བོད་བཙན་བྱོལ་ལ་ཡོང་དུས་ཁོང་ཚོ་བོད་མི་ནི་ལྷ་ཡུལ་ནས་སླེབས་པར་ཡིད་ཆེས་ཀྱིས་བོད་པའི་རྐང་པ་དཀྲུས་ཤུལ་གྱི་ཆུ་ཡན་ཆོད་འཐུང་རབས་རྒན་རབས་པ་ཚོས་བཤད། རྗེས་སུ་རིམ་པས་བོད་མིས་ཆེ་ཤའམ་རྔ་མ་རིང་པོའི་ཤ་ཟ་བར་མཐོང་སྟེ་སྐྱུག་བྲོ་བ་རེད་ཟེར། ཆུ་བོ་གང་གྷ་དང་པོའམ་འགོ་དེ་ནས་རེད། དེ་བྱེད་དུས་ལྷ་ཡུལ་ནས་བབས་པ་རེད། བོད་རྒྱུད་ནང་བསྟན་པའི་མཛོད་སོགས་ནས་དམྱལ་བ་ནི་རྡོར་རྗེ་གདན་གྱི་འོག་ཏུ་ཡོད་པར་བཤད་དེ་བྱེད་དུས་གང་གྷ་དེ་རྒྱུད་ལ་བབས་པ་རེད་དོ།་ད་དུང་ལུང་དགོས་ན་མཛོད་ནང་ལ་གཟིགས། རྡོར་གདན་གྱི་ཞབས་འོག་ཏུ་ཡོད་པར་དཔག་ཚད་དང་བཅས་པར་བཀོད་འདུག་པས་ལུང་དེའི་འཐུས་ས་ཡོད། ལུང་ཡོད་ཚར་ན་ལུང་དེ་རྣམ་དག་ཅིག་ཡིན་དུས་རིག་པ་ནི་རང་བཞི་གྱིས་བསྒྲུབ་ཡོང་གི་རེད་དོ། ཧཧཧཧཧ
བན་དེ་བ་ལགས། ཚ་བ་མདའ་སྨྱུག་གིས། དཔེར་ན་ཆུ་བོ་གང་གའི་ཆུ་མགོ་ལྷ་དང༌། ཆུ་རྔ་དམྱལ་ཡུལ་དུ་ཟུག་པར་བཤད་ཅེས་པ་ལ་དཔག་ན། ཆུ་བོ་དེའི་རྔ་མ་དེར་རྒྱ་གར་རྡོ་རྗེ་འཁེལ་མིན་གྱི་ཐེ་ཚོམ་ཞིག་ཀྱང་ཡོད་པར་སྙམ།
དེའི་སྐོར་གཡུགས་ཤོག མ་ཎི་རེ་བགྲང་ཞིང་བཞུགས་ན་བདེ། རྗེས་སུ་ཆག་སྒོ་ཡོང་སྲིད་འཁྲུལ་སྨྱུག་ལགས།