ཟླ་གཞོན།
དབྱངས་ཅན་ལྷ་མོ་ཞལ་ཐང་ཞིག།
རྗེ་བཙུན་སྒྲོལ་མ་ཟངས་སྐུ་ཞིག།
རྒྱ་བཟའ་བལ་བཟའ་འཇིམ་སྐུ་ཞིག།
གེ་སར་འབྲུག་མོ་གཏམ་རྒྱུད་ཅིག།
བདེ་བའི་ཡང་སྙིང་རོལ་མྱོང་བའི།།
ཆུང་འདྲིས་རོགས་ལས་མཛེས་པ་སུ།།
ལུས་ནི་ཕྲ་ལ་མཉེན་ཞིང་ལྕུག།
སྐད་ངག་དྭངས་ལ་རྣ་བར་འཇེབས།།
མཆུ་ནི་དམར་ལ་སྲབ་མཐུག་རན།།
མིག་ཟུང་གོར་ལ་འོད་མདངས་མཆེད།།
ཆུང་འདྲིས་རོགས་ལས་མཛེས་པ་གང་།།
སྐྲ་ལོ་ནག་ལ་རིང་ཞིང་ལྡེམ།།
ངོ་གདོང་དཀར་ལ་དམར་མདངས་ཆེ།།
སྐེད་པ་ཕྲ་ལ་རེག་བྱ་འཇམ།།
ནུ་མ་ཟླུམ་ལ་ཆེ་ཞིང་གཏོས།།
རྨོངས་སྤུ་སྲབ་ལ་གྱེན་དུ་གཟེངས།།
ཆུང་འདྲིས་རོགས་ལས་མཛེས་པ་སུ།།
བརླ་གཉིས་ཕྲ་ལ་རེག་པར་འདོད།།
ཨོང་ཤ་རིལ་ལ་ལྷེམ་ལྷེམ་འགུལ།།
ལྕེ་རྩེ་ཕྲ་ལ་དྲི་ངད་མཆེད།།
སོ་ཕྲེང་མཛེས་ལ་སིལ་སྒྲ་འབྱིན།།
མཁུར་ཚོས་དམར་ལ་བཀྲག་མདངས་མཆེད།།
ཆུང་འདྲིས་རོགས་ལོ་མིག་གི་དཔྱིད།།
གྲྭ་བས་རིག་ན་སྡོམ་པ་འགུལ།།
སྐུ་ལོས་མཐོང་ན་ཁ་ཆུ་བཞུར།།
དཔོན་པོས་རིག་ན་ཕྱིར་མིག་ལྟ།།
སློབ་མས་རིག་ན་དཔེ་ཀློག་དོར།།
རྒན་པས་རིག་ན་ཡིད་ཀྱིས་སྨོན།།
གཞོན་པས་རིག་ན་གཅིན་པ་འཆོར།།
རོགས་ལོ་ལྷ་མོ་གསོན་པོ་ཞིག།
མཛེས་མའི་འགུག་ཤུགས་འདི་འདྲ་བ།།
ཞལ་ཐང་དབྱངས་ཅན་ལྷ་མོར་མེད།།
ཟངས་ཀྱི་སྒྲོལ་མར་ཡོད་རབས་མེད།།
རྒྱ་བཟའ་བལ་བཟར་ག་ལ་ཡོད།།
གེ་སར་འབྲུག་མོར་དེ་ལས་མེད།།
རོགས་ལོ་མཛེས་མའི་ཡང་རྩེ་ཡིན།།
2015.8.26 ཉིན་ཧོར་ནས་བྲིས།