གཡུ་དྲུག་དཀར། རྡ་ས།
དབྱར་ཐོག་གཅིག་གི་ཆར་བ་དེ་རིང་འབབ་པ་ཡིན་ནམ། ཆར་བ་ཤག་ཤག་སྟོབས་ཀྱིས་འབབ་གདའ། སྲིད་གསུམ་གྱི་རྔ་སྒྲ་ད་ལྟ་དུས་གཅིག་ཏུ་ལྡིར་བ་ཡིན་ནམ། དེ་རིང་ཟློས་གར་ཚོགས་པའི་རྔ་བོ་ཆེ་དེ་སྔར་ལས་ཆེ་ཞིང་། རྔ་སྒྲ་སྔར་ལས་མཐོ། ཐེངས་འདིར་རིང་ནས་སྙིང་དུ་བརྣག་པའི་འདོད་དོན་ཞིག་གྲུབ་པ་ཡིན་ནམ། དེ་རིང་ཁྱེད་ཉིད་དགའ་བཞིན་སྤྲོ་བཞིན་ཞབས་ཐང་ལ་རྒྱུག་ཡོང་ནས་བཞུགས་ཁྲི་ལ་མངོན་པར་འཁོད་སོང་།
ད་དུང་མཛད་རིམ་གྱི་དུས་ཚོད་བསྐུམས་པ་ཡིན་ནམ། བལྟས་བལྟས་རིག་རིག་ལ་ཁྱེད་ཉིད་ཆེས་མཐའ་མཇུག་གི་སྲིད་སྟེགས་སུ་ཀྲོང་ངེར་འགྱིང་སོང་། སྐབས་དེར་ཉིད་ཀྱི་གཡས་གཡོན་རྒྱབ་མདུན་ན་ཅི་ཡང་མེད་དམ། ཉི་མ་དཀར་དཀར་ལ་བཀའ་ཁྲི་གསར་རྙིང་གཉིས་དང་ཁྲིམས་ཞིབ་པ་ཆེ་བ། དཔལ་ལྡན་ཚོགས་གཙོ་སོགས་ཕྱི་ནང་གི་སྐུ་མགྲོན་སུ་ཡང་མི་སྣང་བར་རེ་ཞིག་ལ་མུན་པ་འཐིབས་པ་འདྲ་བྱུང་ལ། ཁྱོད་ཁོ་ན་ལ་ཅེར་ནས་སྟོང་ལྷང་ལྷང་གི་གནམ་ས་ཞིག་ལ་ཡར་ལྟ་མར་ལྟ་བྱེད་དུས། དེ་རིང་གི་ཆར་བ་སྟོབས་ཆེན་པོ་འདི་སུ་ཞིག་གི་མིག་ཆུ་ཡིན་པ་གཞི་ནས་རྟོགས་སོང་།
འདི་ལྟར་ང་ཡི་མིག་གིས་མཐོང་ཞིང་སེམས་ཀྱིས་མྱོང་བའི་ཆེས་མཐའ་གཅིག་གི་སྲིད་སྟེགས་སུ། ཉིད་ལ་དགའ་སྤྲོི་ཞིག་འཕེལ་བ་འདྲ་ཨང་། རྒས་ཉམས་ཤོར་བའི་ཞལ་ངོ་སྨུག་ཏེ་འདུག ཉིད་ཀྱིས་གདེང་སྤོབས་ཀྱི་ཕྱག་རྒྱ་ཞིག་བྱེད་པ་འདྲ་ཨང་། གསུང་མཐོན་པོ་ནན་ནན་བཅག་བཅག་གི་གདངས་སུ་གྱེར་སོང་། ཉིད་ལ་ལོ་རྒྱུས་དང་དུས་རབས། མང་གཙོ་གསུམ་གྱི་རྒྱབ་ལྗོངས་བཙན་པ་འདྲ་ཨང་། ཐུགས་རྒྱ་མཚོའི་ཀློང་ནས་རང་ཉིད་བོད་མི་ཞིག་ཡིན་པ་ནམ་ཡང་མི་འདོར་བའི་དམ་བཅའ་གནམ་ལ་ཕུལ་སོང་།
དེས་ན། ཉིད་ཀྱི་ཆེས་མཐའ་མཇུག་གི་སྲིད་སྟེགས་ཀྱི་མཐའ་མཇུག་འདིར། ངས་ཁྱེད་ལ་ཅི་ལྟར་སྐྱེལ་མ་བྱེད་དགོས་སམ། ངས་ཁྱེད་ལ་ཅི་ལྟར་བཀའ་དྲིན་ཞུ་དགོས་སམ།
རྒྱུ་འབྲས་མེད་པའི་ང་ཚོས་ཁྱོད་ཉིད་བྲེལ་བྲེལ་འཚུབ་འཚུབ་ངང་ལག་སྟོང་ལ་ཕྱིར་ལོག་ཕེབས་བཅུག་སོང་ཨང་།
ཅི་ཞིག་ཐོན་ཀྱང་། ཅི་ཞིག་གྲག་ཀྱང་། ཅི་ཞིག་ཡོད་ཀྱང་། ག་ཚོད་འུར་ཡང་། ཁྱོད་ལྟ་བུ་ཞིག གང་ཞིག་ནས་བསླེབ་སྲིད། ཁྱོད་ལྟ་བུ་ཞིག་ས་སྒང་སྒང་འདི་སྟེང་ན་ཁྱོད་གཅིག་བུ་རེད། ཁྱོད་གཅིག་བུས་་་་་་གང་ས་གང་དུ་་ཁྲག་རྒྱུན་གཅིག་པ་ཚོར། དབུགས་རྒྱུན་་་མགོ་བོ་འདེགས་བཞིན། རང་ཉིད་ལ་་་ད་དུང་ཡང་ཁྱོད་ཡོད་པས་་་ནམ་ཞིག་ཁྱོད་མེད་པའི་གཏམ་ངན་ཞིག་ངས་གོ་དགོས་ན་་ང་འདི་་