སྐལ་བཟང་སྤེན་པ།
སྲིད་སྐྱོང་ལམ་ལུགས་སྣ་ཚོགས་ཁྲོད། མང་གཙོའི་ལམ་ལུགས་དེ་བཞིན་ལྟོས་བཅས་ཀྱིས་སྤུས་ཚད་ལེགས་པ་ཞིག་ལ་ངོས་འཛིན་བྱེད་བཞིན་ཡོད་པ་ནི་སྨྲོས་མེད་རེད། ལྷག་པར་དུ། དེང་གི་དུས་སུ་སྐྱེ་བོ་མང་པོས་རང་སྲོག་ཀྱང་བློས་གཏོང་གིས། ལམ་ལུགས་དེའི་ཆེད་རྩོད་བཞིན་ཡོད།
འོན་ཀྱང་། ང་ལྟ་བུར་མཚོན་ན། མང་གཙོ་ནི་སྐབས་རེ་རལ་གྲི་སོ་གཉིས་མ་ལྟ་བུ་ཞིག་ལ་མཐོང་གིན་ཡོད། རལ་གྲི་དེ་དཔྱོད་ཤེས་མ་ཐུབ་པའི་བྱིས་པ་ཞིག་གི་ལག་ཏུ་བཞག་ཚེ། རལ་གྲི་གནམ་ལ་འཕྱར་མ་ཤེས་པར་རང་ཉིད་ཀྱི་སྐེ་གཅོད་པའི་ཉེན་ཁ་ཡོད། དེ་བཞིན་དུ། མང་གཙོའི་འོས་འགན་དང་ཐོབ་ཐང་རྣམས་ཚུལ་བཞིན་མ་ཤེས་པའམ། ཤེས་ཀྱང་ལག་ལེན་དུ་མ་བསྟར་ཚེ། སྤྱི་ཚོགས་ཁྱོན་ལ་རྙོག་གླེང་བྱུང་སྟེ། མཐར་སྤྱི་ཚོགས་ཤིག་ལ་སྟོབས་ཤུགས་སྤྲོད་མཁན་གྱི་ལམ་ལུགས་དེ་སྤྱི་ཚོགས་དུམ་བུར་གཏོང་མཁན་གྱི་རལ་གྲི་ཞིག་མི་ཆགས་པའི་ངེས་པ་མེད། གནད་དོན་དེའི་ཐད་འཛམ་གླིང་ནང་དཔེ་མཚོན་མང་པོ་འདྲེན་རྒྱུ་ཡོད། དེར་བརྟེན། མང་གཙོ་ཚད་ལྡན་ཡོང་བར་གཞི་རིམ་མི་མང་གི་ཤེས་ཡོན་གནས་ཚད་གང་འཚམ་དགོས་ལུགས་བརྗོད་པའི་གནད་འགག་ཀྱང་དེ་རེད།
ང་ཚོའི་བཙན་བྱོལ་སྤྱི་ཚོགས་ཆུང་ཆུང་འདིར་མཚོན་ན། ༧གོང་ས་མཆོག་གི་ཐུགས་རྗེ་བཀའ་དྲིན་ཉག་གཅིག་ལ་བརྟེན་ནས། ད་བར་མི་ལོ་བཅུ་ཕྲག་ལྔ་ལྷག་ཙམ་རིང་མང་གཙོའི་ལམ་བུའི་ཐོག་གོམ་བགྲོད་བྱས་དང་བྱེད་བཞིན་ཡོད་ཀྱང་། མང་གཙོའི་གོ་རྟོགས་ཡོད་མཁན་ད་དུང་ཡང་མང་པོ་མ་རེད། དེའི་དབང་གིས་ང་ཚོར་མཚོན་ན། མང་གཙོ་དང་ཆོལ་ཁ། ཆོས་ལུགས་རྣམས་ཧ་ལམ་དོན་གཅིག་མིང་གི་རྣམ་གྲངས་ལྟ་བུར་འགྱུར་བཞིན་ཡོད།
དེ་ཡང་འོས་བསྡུ་ཆེ་ཕྲ་ཆུང་གསུམ་ཅི་འདྲ་ཞིག་ཡིན་ཀྱང་། གཙོ་བོ་དེ་རང་ཉིད་ཀྱི་དགའ་ཉེ་བློ་དཀར་དང་། ཆོལ་ཁ། ལུང་ཚན་སོགས་གཅིག་པ་རིགས་ལ་འོས་འཕེན་རྒྱུ་གཙོ་འདོན་བྱེད་པ་ལས། སྤྱི་པའི་རྩ་དོན་གཙུག་ཏུ་བཀུར་མཁན་གྱི་མི་སྣ་ཞིག་ལ་འོས་བླུགས་མཁན་མེད་པ་མིན་ཀྱང་། དེ་ཙམ་མང་པོ་མ་རེད། དེ་ནི་ངས་གོང་དུ་མང་གཙོ་དང་ལུང་ཚན་རིགས་དོན་གཅིག་མིང་གི་རྣམ་གྲངས་སུ་འགྱུར་བཞིན་ཡོད་ལུགས་བརྗོད་པའི་གནད་དོན་དེ་ཡིན།
ད་ལྟའི་ཆར་ང་ཚོས་མང་གཙོའི་ཁེ་ཕན་ཆེ་ཤོས་ལོངས་སུ་སྤྱོད་པའི་དུས་སྐབས་དེར་སླེབས་གྲབས་ཡོད། དེ་ནི་གཞན་གང་ཡང་མིན་པར་སྲིད་སྤྱི་གཉིས་འོས་འདེམས་བྱ་རྒྱུ་དེ་རེད། འཁྲུག་ཆ་དོད་པའི་བརྒྱུད་རིམ་དེའི་ཁྲོད་ཚོགས་པ་དང་མི་སྒེར་ཚོས་རང་ཉིད་ཀྱི་འོས་མི་རྣམས་འབུར་བཏོན་བྱེད་ཀྱིན་ཡོད། འོན་ཀྱང་། ངའི་ངོས་ནས་བརྗོད་ན། ཚོགས་པ་བྱེ་བྲག་པ་དང་། ཆོལ་ཁ་བྱེ་བྲག་པས་ཚོལ་ཁའི་མིང་འཁྱེར་ནས་སྲིད་སྤྱི་གཉིས་ཀྱི་འོས་མི་བཏོན་པ་དེ་ནི་ནོར་འཁྲུལ་ཞིག་ལས་དགེ་མཚན་ཆེ་བ་ཞིག་ལ་མཐོང་གི་མེད།
དཔེ་མཚོན་ཙམ་བརྗོད་ན། ཉེ་དུས་དབུས་གཙང་ཆོལ་ཁའི་མིང་ཐོག་ནས་སྤྱི་འཐུས་ཚོགས་གཙོ་སྤེན་པ་ཚེ་རིང་ལགས་སྲིད་སྐྱོང་གི་འོས་མིར་བཏོན་པ་རེད། དེའི་དབང་གིས་དེང་སྤྱི་ཚོགས་ནང་་་་དབུས་གཙང་མི་མང་ལྐུགས་པ་རེད་་་ཟེར་བ་ལ་སོགས་རྒྱུག་པ་ལེབ་བརྡུང་གི་ཚིག་མཚོན་མི་ཉུང་བ་ཞིག་བཏབ་པ་དང་གླེང་སློང་ཡང་མི་ཉུང་བ་ཞིག་ཡོང་གི་ཡོད།
དེ་ལྟ་བུའི་ཚིག་མཚོན་དེ་རིགས་དང་གླེང་སློང་དེ་རིགས་ང་ཚོའི་སྤྱི་ཚོགས་འདིར་མི་མཁོ་བ་མ་ཟད། སྤྱི་པའི་མཐུན་ལམ་ལའང་གནོད་པའི་གཞི་ཆགས་ཡོད་སྟབས། མ་འོངས་པར་འབྲེལ་ཡོད་ཚོགས་པའི་མཛད་གཙོ་རྣམ་པས་ཀྱང་། དགོངས་བསམ་ལེགས་པོ་བཞེས་དགོས་པར་མཐོང་། དེ་ཙམ་དུ་མ་ཟད། མངའ་རིས་སྤྱི་མཐུན་ཚོགས་པས་ཀྱང་། དབུས་གཙང་ཆོལ་ཁས་བཏོན་པའི་འོས་མི་ལས་བརྒལ་ཏེ། བཀྲིས་དབང་འདུས་ལགས་སྲིད་སྐྱོང་འོས་མིར་བཏོན་པ་རེད། དབུས་གཙང་ཆོལ་ཁས་སྲིད་སྐྱོང་འོས་མི་གཅིག་བཏོན་པ་དང་། ཡང་ཆོལ་ཁོངས་དེ་རང་ནས་མངའ་རིས་སྤྱི་མཐུན་ཚོགས་པས་འོས་མི་གཞན་ཞིག་བཏོན་པ་དེ་ནི་ཕན་ཚུན་རྒྱབ་འགལ་མིན་ན་ཅི་རེད།
དེར་བརྟེན། ང་ཚོར་མི་དགོས་སར་ལྷག་པའི་ཕྱག་ལས་དེ་རིགས་ཚོགས་པ་དང་སྐྱིད་སྡུག་ཁག་གིས་མི་གནང་རྒྱུའི་རེ་བ་ཡོད། སྲིད་སྤྱི་འོས་འདེམས་ནི་འོས་བླུགས་ཆ་རྐྱེན་ཚང་བའི་བོད་མི་མི་སྒེར་གྱི་ཐོབ་ཐང་དང་འོས་འགན་རེད་མ་གཏོགས། མི་སྒེར་གྱི་ཚབ་ཏུ་ཆོལ་ཁ་དང་ཚོགས་པ་བྱེ་བྲག་པ་ཞིག་མདུན་དུ་ཐོན་ནས། རྔ་བརྡུང་དར་འཕྱར་བྱེད་དགོས་པའི་གནད་དོན་ཞིག་གཏན་ནས་མིན་སྟབས། མ་འོངས་པར། སྤྱི་ཚོགས་ཁྱོན་ཡོངས་ལ་གཟིགས་ཏེ། ཆབ་སྲིད་ཚོགས་པ་མིན་ཕྱིན་ཚོགས་སྐྱིད་གང་ཡིན་སོ་སོའི་གནས་བབ་དེ་གར་བཞུགས་ན་དགེ་མཚན་ཆེ་བར་མཐོང་ངོ་།།
མངའ་རིས་སྤྱི་མཐུན་ཚོགས་པ་ལ་ལེ་ལན་ཡོད་མ་རེད། བྱེད་གཏེ་གཙོ་བོ་དེ་དབུས་གཙང་ཆོལ་ཁའི་མིང་འཁུར་ནས་ཉེ་ཆར་འོས་འདེམས་ཅིག་བྱས་ཟིན་པ་དེའི་ནང་ལ་ཞལ་འཛུལ་མུར་ལེ་བཞུགས་འདུག་ག་་་་་་་རེད་ད་ཁྱི་དང་ཞི་མི་རྐུ་མ་ཁ་མཚུངས་རང་རེད།
་ཧ་ཧ་་མངའ་རིས་སྤྱི་འཐུས་ཚོགས་པའི་ངོས་ནས་རྣམ་འགྱུར་སྟོན་སྟངས་འདི་ཡག་པོ་བྱུང་་། ཐུགས་རྗེ་ཆེ་ཞུ་རྒྱུ་ཡིན། སྟོད་མངའ་རིས་པའི་མི་རྣམས་ཉམ་ཆུང་ལ་དྲང་བདེན་ཅན་མང་། སྤེན་པ་ཚེ་རིང་གིས་དྲང་བདེན་ཅན་གྱི་རྒྱལ་གཅེས་པ་མངའ་རིས་ཀརྨ་ཆོས་འཕེལ་ལ་བརྙས་བཅོས་ག་ཚོད་བྱས་མ་སོང་ངམ། ཧ་ལམ་མིན་ན་གྲོས་འཚོགས་ནང་དུ་ཁ་ཡང་ཡག་པོ་གྲགས་བཅུག་གི་མེད་པ། བྱས་སྟངས་དེས་མངའ་རིས་མི་དམངས་ཀྱིས་སེམས་ལ་ཕོག་ཐུག་ཆེན་པོ་བཟོས་ཡོད་ངེས་ཡིན།
དབུས་གཙང་ཟླ་བ་རིང་ཚེ་ཡིས་དབང་ཤུགས་ཀྱི་འོག་ཏུ་་སྤེན་ཚེ་འོས་མི་བཏོན་པ་འདི་ལ་མངའ་རིས་མི་དམངས་ཀྱིས་ངོས་ལེན་བྱེད་དགོས་པའི་རྒྱུ་མཚན་སྤུ་ཙམ་མེད་པ། སྟོད་མངའ་རིས་འབྲོག་པ་ཉམ་ཆུང་རེད་བསམས་ནས་བརྙས་བཅོས་བྱས་བསྡད་པ་དེའི་མཇུག་འབྲས་རེད།
དེ་རིང་འདི་ནས་བཤད་ཆོག་པ་ཞིག་ནི་སྟོད་མངའ་སྐོར་གསུམ་གྱི་འབྲོག་པ་ཚོ་ཡང་མི་རེད་ཅེས་ཞུ་འདོད་བྱུང་། བཟང་པོ་ལ་བཟང་ལན་དང་ངན་པ་ལ་ངན་ལན་སྤྲོད་དགོས་པ་འདི་འཇིག་རྟེན་མི་ཆོས་ཀྱི་ཕྱོགས་ནས་བཤད་ན་ལུགས་མཐུན་རེད། ཡིན་དང་ཡིན། སྟོད་མངའ་རིས་པས་བྱས་སྟངས་ནོར་མ་སོང་། ཐུགས་རྗེ་ཆེ། དགའ་པོ་བྱུང་། འོས་བླུག་དུས་ཀྱང་སོ་སོས་འདོད་མོས་ལྟར་གནང་རོགས་བྱོས།
ད་རེས་སྐལ་བཟང་སྤེན་པ་ལགས་ཀྱི་དགོངས་ཚུལ་དེ་ལ་མོས་མཐུན་རྒྱབ་སྐྱོར་གཙང་མ་ཡོད། དབུས་བོད་མིའི་སྒྲིག་འཛུགས་ཀྱི་ཆབ་སྲིད་དབུ་འཁྲིད་སྲིད་སྐྱོང་འོས་མི་འདེམས་ཀྱི་ཡོད་པ་ལས་ནང་ཁུལ་རྙོག་ཁྲ་བཟོ་མཁན་ཆོལ་ཁའི་ཚོགས་གཙོ་འདེམས་ཀྱི་ཡོད་པ་མ་རེད། རྩ་བ་ཆོལ་ཁའི་ཚོགས་པར་ངོས་ལེན་དང་། གུས་བརྩི་ནམ་ཡང་མེད་མཁན་ཞིག་ཡིན ང་ཚོ་ཤ་ཁྲག་གཅིག་པ། སྐད་ཡིག་གཅིག་པ། ཆོས་ལུགས་གཅིག་པ། གོམས་གཤིས་གཅིག་པ། ལུང་པ་ཤོར་མཁན་གཅིག་པ། བཙན་གནོན་མྱོང་མཁན་གཅིག་པ་སོགས་གང་ཅིའི་ཐད་ནས་གཅིག་འགྱུར་ཡིན་པའི་མི་རིགས་ནང་ཁུལ་ལ་ག་རེའི་དོན་དུ་དབྱེ་འབྱེད་བྱེད་དགོས་འདུག་གམ། རྒྱལ་ཚོང་པ་མིན་ན་བསམ་བློ་ཡག་པོ་གཏོང་རོགས། བོད་སྤྱི་དོན་གྱི་ཆེད་དུ་རྩ་ཆེའི་ལུས་སྲོག་མེར་སྲེག་བཏང་མཁན་ཚོ་དུར་ཁང་ནང་དུ་མིག་ཆུ་བཏང་ནི་སྡོད་དགོས་པ་མ་བཟོ་རོགས།། ཐུགས་རྗེ་ཆེ།།
འདིའི་ཐད་མདོ་སྟོད་ཆུ་སྒང་ཚོགས་པ་ལ་མིག་དཔེ་ལྟ་རིན་བ་ཞིག་འགི ཁོ་ཚོས་སྲིད་སྐྱོང་དང་སྤྱི་འཐུས་བློ་ལ་འགྲོ་བ་རེ་འགའ་བདམས་ནས་མི་མང་མགོ་སྐོར་གཏོང་ཐབས་བྱེད་ཀྱིན་མེད། དབུས་གཙང་ཆོལ་ཁའི་དབུས་རྒྱུན་ཟེར་བ་དེས་ནམ་ཡིན་རུང་གཅིག་འདེམ་རྒྱུ་ཨེ་རག་བལྟས་ནས་དབུས་གཙང་མི་མང་བསླུ་བྲིད་གནང་ཐབས་སྒོ་དུ་མ་ནས་འབད་པ་ནི་མངོན་གསལ་དང་ཧམ་པ་ཇེ་ཆེ་རེད། འོན་ཀྱང་དབུས་གཙང་མི་མང་དེའང་མགོ་སྐོར་ཆོག་ཆོག་ཅིག་དང་ཆུ་སྣ་ག་ཁྲིད་བཟོ་ཆོག་ཆོག་ཅིག་གཏན་ནས་མེད་པ་ནི་མཁས་དབང་བློ་སེང་སྲིད་སྐྱོང་དུ་ལངས་ཐུབ་པ་དེ་ལས་དཔོག་ཐུབ། དབུས་གཙང་མི་མང་གིས་རྒྱབ་སྐྱོར་གཏན་ནས་མ་གནང་ཚེ་སུ་ཞིག་ཡིན་རུང་སྲིད་སྐྱོང་དུ་ལང་རྒྱུ་དེ་ནི་ཧ་ཅང་དཀའ་བ་ཞིག་ཡིན་པ་ཚང་མས་ཤེས་གསལ་རེད། དེར་བརྟེན། སླད་ནས་དབུས་གཙང་དབུས་རྒྱུན་ཟེར་བའི་མི་ངན་རེ་འགའི་བྱེད་ངན་ལས་མཚམས་ཞོགས།
ཐུགས་རྗེ་ཆེ་མང་གཙོའི་ཁྲིམས་དང་སྒྲིག་གཞི་ལ་བརྩི་བཀུར་ཞུས་ནས་གསུང་འདུག་། བཙན་བྱོལ་བོད་མིའི་འོས་བསྡུའི་སྒྲིག་གཞི་དང་སྲིད་སྐྱོང་དང་སྤྱི་འཐུས་ཀྱིས་འོས་བསྡུའི་སྒྲིག་གཞི་སོགས་ཀྱི་ནང་ཆོལ་ཁ་དང་ལུང་མཚན་གྱི་ངོས་ནས་སྲིད་སྐྱོང་དང་སྤྱི་འཐུས་ལ་འོས་མི་འདོན་ཆོག་པ་གསལ་མེད་ན་དབུས་ས་གཉིས་ཀྱི་འོས་བསྡུའི་ལས་བྱེད་ནས་ཞིབ་འཇུག་གནང་ནས་མི་དེ་ཚོར་ཉེས་ཆད་འགེལ་དགོས་པ་རེད་ལ་བཙན་བྱོལ་བོད་མིའི་བཅའ་ཁྲིམས་དང་བཙན་བྱོལ་བོད་མིའི་འོས་བསྡུའི་སྒྲིག་གཞི་སོགས་ལ་བརྩི་བཀུར་དང་ཡིད་ཆེས་བློ་འགེལ་གནང་མཁན་གྱི་བསམ་ཡོད་བོད་མི་ཚང་མས་དབུས་ས་གཉིས་ཀྱི་འོས་བསྡུ་ལས་ཁང་ལ་ཡིག་ངག་གཉིས་ནས་སྙན་འབལ་དགོས་པ་ནི་མང་གཙོ་དང་ཁྲིམས་ཀྱི་དབང་བརྒྱུར་ཟེར་བ་དེ་གལ་ཆེན་དོན་ཆེན་ཡིན་པའི་ངོ་སྤྲོད་ཞུ་འདོད་བྱུང་ལ་སྔོན་འགྲོའི་འོས་བསྡུ་མི་མང་ནས་མ་གནང་གོང་དུ་ཆོལ་ཁ་དང་ལུང་ཚན་
གྱི་མིང་ཁྱེར་ནས་འོས་མི་སྟོན་པ་འདིའི་གཞི་རིམ་མི་མང་གི་མང་གཙོའི་བསམ་སྤྱོད་རང་དབང་འདམས་བྱ་འདེམས་བྱེད་ལ་ཆེད་དུ་བརྡོ་ཕོག་བཏང་བར་ངོས་འཛིན་ཞུ་གི་ཡོད་། ཉེས་ཅན་ལ་ཉེས་པ་འགེལ་དགོས་པ་ནི་ཉེས་པའི་བུ་ལ་ཉེས་པ་མ་བཏང་ན་བྱེད་པོ་ཐམས་བཅས་ཉེས་པའི་རྒྱུ་རུ་འགྲོ་ཟེར་བ་དེ་དོན་དང་མཐུན་པ་ཞིག་མ་རེད་དམ་།
༄༅། ། “ ཆོལ་ཁའི་མིང་ཁྱེར་ནས་སྲིད་སྤྱི་གཉིས་ཀྱི་འོས་མི་མ་འདེན་རོགས་
” ཟེར་བ་འདི་བསམ་ཚུལ་དོན་གནད་ཅན་ཞིག་རེད་འདུག ཡིན་ན་ཡང་། ༼ དེང་སྤྱི་ཚོགས་ནང་དབུས་གཙང་མི་མང་ལྐུགས་པ་རེད་ཟེར་བ་ལ་སོགས་རྒྱུག་པ་ལེབ་བརྡུང་གི་ཚིག་མཚོན་མི་ཉུང་བ་ཞིག་བཏབ་པ་དང་གླེང་སློང་ཡང་མི་ཉུང་བ་ཞིག་ཡོང་གི་ཡོད། ༽ ཟེར་པ་འདི་རྩོམ་པ་པོ་རང་སྒེར་གྱི་རྟོག་བཟོས་གཤའ་མ་ཞིག་ཡིན་པ་ཟུར་བལྟས་ལེབ་མཐོང་རེད། ཨེ་རེད། རྩོམ་པ་པོས་རང་ཉིད་ལ་དྲི་བ་དྲིས་དང་ཤེས།
ཆོལ་ཁ་དང་ལུང་ཚན་ཤོག་བསྒྲིལ་གྱི་འོག་ཏུ་བཙན་བྱོལ་སྤྱི་ཚོགས་འདི་དུས་ནམ་ཡང་མང་གཙོ་དང་ཁྲིམས་ཀྱི་དབང་བསྒྱུར་ལ་ཁ་ཕྱོགས་ཐུབ་ཀྱི་མ་རེད་། ལྟོས་དང་སྤྱི་འཐུས་སྐབས་བཅུ་གཅིག་ནས་ད་ལྟ་སྐབས་བཅོ་ལྔ་བར་རང་འཇག་རེད་། ན་གཞོན་ཚོར་གོ་སྐབས་ནམ་ཡང་སྤྲད་ཀྱི་མ་རེད་། ང་ཚོའི་མང་གཙོ་དེ་མང་གཙོ་རེད་མི་འདུག་། གྲལ་རིམ་དམངས་གཙོ་རེད་འདུག་།
མདོ་ཁམས་ཆུ་སྒང་དྲུག་གིས་སྐབས་གསུམ་པའི་བཀའ་བློན་ཁྲི་པའི་འོས་མི་དང་། སྐབས་༡༥པའི་སྤྱི་འཐུས་ཀྱི་མི་འོས་བཏོན་ཡོད་རེད། ད་ལོར་ཡང་འདོན་འོང་གི་རེད་འདོད། ཅང་ཧ་མ་གོ་ན་་་་ཅིག་བཤད་ཀི་མ་འདུག
ད་ལོ་་མདོ་ཁམས་ཆུ་བཞི་སྒང་དྲུག་གིས་རྒྱལ་གཅེས་པ་ཀླུ་མཁར་བྱམས་ལགས་སྲིད་སྐྱོང་འོས་མིར་འདོན་ན་ཡག་པོ་འདུག བཙན་བྱོལ་ནང་དུ་མདོ་སྨད་པའི་མི་འབོར་ཉུང་ཉུང་རེད། མདོ་སྨད་པའི་རྒྱལ་གཅེས་ལྷག་བསམ་ཅན་ཚོ་སྲིད་ཁྲིའི་སྟེང་དུ་སླེབས་པར་རྒྱབ་སྐྱོར་ཞུ་ན་ཆོལ་ཁའི་མཐུན་ལམ་ལ་ཡང་ཕན་གྱི་རེད། ཀླུ་མཁར་བྱམས་མདོ་ཁམས་ཆུ་བཞི་སྒང་དྲུག་གི་མི་རེད། མ་ཟད་མདོ་ཁམས་ཆུ་བཞི་སྒང་དྲུག་གི་མི་རབས་གོང་མ་རྣམས་ཀྱི་མངོན་འདོད་ལ་རྡོག་རོལ་མི་གཏོང་མཁན་གྱི་མི་ཞིག་རེད། ཀླུ་མཁར་བྱམས་འོས་མིར་འདོན་ན་འོས་ཤིང་འཚམས་པ་རེད།
ཀླུ་མཁར་བྱམས་ལ་འོས་མིན་དེ་སྤྱིར་བཏང་རང་ནས་ཐག་བཅད་དགོས་ཡ་དེ་རེད། མདོ་ཁམས་ཆུ་སྒང་དབུས་ནས་བལྟ་ཕྱོགས་གང་ཡིན་ནམ་མ་གཏོགས་ཨ་རི་ནང་ཡོད་ཆུ་སྒང་ཚོགས་པས་ལམ་ཕྱོགས་དེ་རང་བཙན་འདོད་མཁན་ལ་མོས་པ་རྩ་ནས་ཡོད་མ་རེད། ཉེ་ཆར་ཨ་རིའི་ནང་གཞོན་ནུའི་ལབ་གླེང་སྐབས་དང་འབྲེལ་དུས་ཨ་རིར་ཡོད་པའི་ཆུ་སྒང་ཚོགས་པ་དེ་གཞོན་ནུའི་ལྟ་བ་ལ་དགག་ནས་གཞན་དེའི་ཕྱོགས་སུ་ལངས་ཡོད། སྐབས་དེའི་ས་གནས་རང་ལ་རྙོག་གླེང་དང་འབྲེལ་བས་རྗེས་སུ་འོས་འདེམས་བྱ་དུས་གནས་ཚུལ་ལ་གཟིགས་ན་ཆུ་སྒང་ཚོགས་པས་ཀླུ་མཁར་ལ་འོས་འདེམས་ཁག་པོ་རེད།
སྐུ་ངོ་ཀླུ་མཁར་བྱམས་ལ་འོས་འཕེན་མི་ནི་རང་བཙན་འདོད་མཁན་དག་ཡིན་དགོས་པ་རེད། འདི་ནི་ལོ་རྒྱུས་རང་བཞིན་གྱི་དཀྱོགས་འཚམས་ཤིག་དང་། བོད་ནང་གི་མི་རྣམས་ལ་བློ་ཕམ་བྱུང་དུ་མི་འཇུག་པའི་ཐབས་ལམ་ཡག་ཤོས་དང་། གོ་སྐབས་ལེགས་པོ་དེ་རེད། གསལ་པོར་ཞུས་ན། ཨ་འབྲུག་མགོན་པོ་བཀྲ་ཤིས་མཆོག་ནས་དབུ་ཁྲིད་པའི་རང་བཙན་རྩོད་མཁན་གྱི་མདོ་ཁམས་པ་དག་གི་རེ་བའི་ལྷག་འཕྲོས་ཀྱང་ཡིན།
མང་གཙོའི་ཁྲིམས་དང་སྒྲིག་གཞི་ཧ་མི་གོ་མཁན་གྱི་དྲ་གྲོགས་ཚོ་མང་པོ་བཤད་མ་བསྡད་སྲིད་སྐྱོང་དང་སྤྱི་འཐུས་ཀྱི་སྔོན་འགྲོའི་འོས་བསྡུ་མ་གནང་སྔོན་དུ་ཆོལ་ཁ་དང་ལུང་ཚན་ཚོགས་སྐྱིད་ཁག་དང་མི་སྒེར་སོགས་ནས་འོས་དམིགས་འདོན་པ་ཙམ་ལས་འོས་གཞིའི་འདོན་ཆོག་པའི་ཆ་རྐྱེན་དེ་བཅའ་སྒྲིག་ནང་གསལ་མེད་ན་འོས་བསྡུ་ལས་ཁང་ནས་ཐུགས་ཞིབ་ཟབ་ནན་གནང་དགོས་པའི་འབོད་བསྐུལ་ཞུ་འདོད་བྱུང་།