ཆོས་ལུགས་དང་མ་འབྲེལ་བའི་བཟང་སྤྱོད་ནི་བོད་པའི་སློབ་ཕྲུག་གི་ཆེད་དུ་མིན།

Comments (23) on “ཆོས་ལུགས་དང་མ་འབྲེལ་བའི་བཟང་སྤྱོད་ནི་བོད་པའི་སློབ་ཕྲུག་གི་ཆེད་དུ་མིན།”

1. རྩོམ་ཡིག་རིང་དྲག་ཏེ་ཀློག་ཐུབ་མ་སོང། ཁ་བྱང་ལ་ལྟས་ཏེ་སྐད་ཆ་ཞིག་བཤད་འདོད་བྱུང་། མ་གཞི་རྒན་ཚེ་བཀྲ་ཁྱེད་རང་གྲྭ་བ་ཞིག་རེད། དགོན་ནང་ནས་གྲོང་མཐར་ཉུལ་བའི་གྲྭ་བ་ཞིག་རེད། ཁྱེད་ཀྱིས་སློབ་མ་ཚོའི་སེམས་ཁམས་དང་གནས་བབ་ཤེས་ཀི་མ་རེད། མ་ཤེས་ན་དེ་དག་གི་སྐོར་ལ་སྐད་ཆ་བཤད་རྒྱུའི་འོས་འཚམས་ཡིན་མིན་ཡང་ཚང་མས་ཤེས་གི་རེད། ང་ཚོའི་སློབ་མ་ཚོ་བདག་པོ་རྒྱག་མཁན་ནི་༧གོང་ས་མཆོག་དང་ཕྱི་གླིང་བ་གཏོང་ཕོད་ཅན་དེ་དག་ཡིན་པ་ལས་གྲྭ་རྒན་ཆོས་ཚོང་རྒྱག་མཁན་དེ་དག་ནི་གཞལ་ནས་མིན། རྩ་བ་ཉིད་ནས་མིན། ཆོས་ཚོགས་གང་ཡང་རུང་བ་ཞིག་གིས་བཙལ་བྱོལ་དུ་སློབ་གྲྭ་གང་རུང་བརྒྱབས་སོང་བའི་སྐད་ཆ་གནའ་ནས་ད་ཐུག་གི་བར་དུ་མཐོང་མྱོང་མེད་ལ་གོ་མྱོང་ཡང་མེད། མེད་ན་སློབ་གྲྭ་ཚོ་སྒེར་བ་རེ་རེ་ཡིན། ཆོས་ཚོགས་ཚོ་གསོ་ཕྲུག་མིན། མིན་པའི་རྒྱུ་མཚན་གྱིས་xxxxxxཞུ་རྒྱུ་ཡིན། སློབ་གྲྭ་ནི་མ་གཞི་ནས་སྤྱི་ཚོགས་ཀྱི་མི་བཟོ་སའི་བཟོ་གྲྭ་དེ་ཡིན་པ་ལས་སྤྱི་ཚོགས་དང་རྒྱང་དུ་བཀྱེད་དེ་ཁེར་ལབ་རྒྱག་མཁན་དེ་དག་མིན། བྱས་ཙང་ང་ཚོས་སྤྱི་ཚོགས་འདི་དང་དུས་རབས་འདིའི་འགྲོ་སྟངས་འདུག་སྟངས་སློབ་དགོས་ཀྱི་ཡོད། དེ་དགོས་ན་ང་ཚོས་གནའ་སྒྲུང་ཞིག་ནེ་ཙོས་མ་ཎི་བགྲེང་བགྲེང་བྱས་བ་དེས་མི་འཐུས་པ་ཤེས་ཀྱི་ཡོད། ང་ཚོ་འཇིག་རྟེན་སྤྱི་མཐུན་ཞིག་གི་མི་ཚེ་ལ་མདུན་བསྐྱོད་བྱ་དགོས་པ་ལས་ཁ་འཐོར་ཡ་བྲལ་ཞིག་གི་ཁ་སྟབས་ལ་འཇུས་ཏེ་འདུག་ཚད་གཏན་ནས་མིན། དེ་མིན་ན་གོང་གི་༧གོང་ས་མཆོག་གི་ཆོས་ལུགས་དང་མ་འདྲེས་བའི་བཟང་སྤྱོད་ཟེར་བ་དེ་དུས་རབས་དང་མཐུན་ལ་གཞོན་ནུའི་སེམས་ཁམས་དང་ཡང་མཐུན་པའི་གཞལ་མཐའ་བྲལ་བའི་ལེགས་སྐྱེས་ཤིག་ཡིན་པས་ང་ཚོས་ནམ་ཡང་དེ་དང་དུ་བླང་བར་བྱའོ།།

2. ཆོས་ལུགས་དང་མ་འབྲེལ་བའི་བཟང་སྤྱོད་རང་རྒྱུད་ལ་སྨིན་དགོས་ན་ལྷ་ཆོས་དགེ་བ་བཅུ་དང་མི་ཆོས་གཙང་མ་བཅུ་དྲུག་ལ་སློབ་སྦྱོངས་བྱ་དགོས་པ་དེ་གལ་ཆེན་མ་རེད་དམ་?

3. ཁུངས་ལྡན་གྱི་བགྲོ་གླེང་ངམ་རྩོམ་སྒྲིག་ཤིག་བྲིས་འདུག། ཡིན་ཀྱང་ཁུངས་མེད་ཀྱི་སྒེར་ལ་དམོད་ཚིག་དང་འཐབ་འཛིང། འཐེན་ཁྱེར་གྱི་ངོ་རྒོལ་མང་ཙམ་འབྱུང་བ་ནི་གོར་མ་ཆག།

4. བོད་པ་ཆོས་དད་མེད་པ་ཚོར། ཆོས་དང་མ་འབྲེལ་བའི་བཟང་སྤྱོད་སློབ་སྟོན་ཁོ་ནས་ཕན་ངེས་ན་་་་་་

5. གཡག་ནི་གཡག་རང་རེད་ཧཧཧ

6. རྫ་ཡིས་བྲིས་པ་གཡག་གིས་ཁྱད་དུ་བསད། །
   གཡག་ལ་རྫ་རིའི་དགོས་པ་དེ་བས་ཆུང་། །
   གཡག་དང་རྫ་གཉིས་ནམ་ཡང་འདུ་མིན་པས། །
   གཡག་རྒན་སྤང་ལ་དོང་ན་ཅིས་ཀྱང་མཛེས། །

7. རྫ་ཚེ་རིང་བཀྲ་ཤིས།་ལགས།
   ༼བོད་པ་དང་བོད་པའི་སློབ་གྲྭའི་ཕྲུ་གུ་སོགས་ལ་ནི་བཟང་སྤྱོད་ཀྱི་སློབ་གསོ་གང་གནང་ཡང་གཙོ་བོ་་་ནང་ཆོས་་་རང་གི་་་་ཐོག་ནས་སློབ་གསོ་དར་སྤེལ་བྱེད་པ་དེ་ཧ་ཅང་་་འོས་མཚམས་་་ཡིན་ལ།༽
   བོན་ཆོས་དང་བན་ཆོས་གཉིས་ཀའི་ཐོག་ནས་་སློབ་གསོ་དར་སྤེལ་བྱས་པ་ཡིན་ན་འོས་མཚམས་མིན་པའི་མུ་ལ་འགྱུར་རམ། །

8. ཆོས་ལུགས་དང་མ་འབྲེལ་བའི་བཟང་སྤྱོད་སློབ་པའི་དགེ་རྒན་ཁོ་རང་ཆོས་ལུགས་ཀྱི་རྗེས་འབྲེང་མིན་མཁན་ཞིག་དགོས་དེ་མིན་ཧ་ཅང་གི་དཀའ་མོ་རེད། དཔེར་ན། བོད་ཀྱི་ལོ་རྒྱུས་བཞིན། བོད་ཀྱི་ལོ་རྒྱུས་ཕལ་མོ་ཆེ་བོད་པ་རང་ཉིད་ཀྱིས་བྲིས་པ་ཡིན་ཞིང་དེ་ཡང་བོད་ཀྱི་ཆོས་རྒྱུད་ཆོས་ལུགས་གང་རུང་ཞིག་གི་རྗེས་འཇུག་པས་བྲིས་པ་ཡིན་དུས། བོད་ཀྱི་ལོ་རྒྱུས་ཕལ་མོ་ཆེ་ལོ་རྒྱུས་འབྲི་བ་པོ་རང་ཉིད་ཀྱི་ཆོས་ལུགས་དང་ཆོས་རྒྱུད་ཀྱི་ཆོས་འབྱུང་རྣམ་ཐར་དང་དེ་དག་གི་ལོ་རྒྱུས་ལས་བཤད་པ་རྣམས་རྩལ་དུ་བཏོན་ནས་བྲིས་པ་ཞིག་ཏུ་གྱུར་ཡོད། དཔེ་དེ་བཞིན་བོད་ཀྱི་ཆོས་རྒྱུད་ག་གེ་མོའི་དགེ་རྒན་གྱིས་ཆོས་ལུགས་དང་མ་འབྲེལ་བའི་བཟང་སྤྱོད་ཅིག་ཤོད་མཁན་ཉིན་སྐར་ཙམ་མིན་ནམ།

9. ཆོས་ལུགས་དང་མ་འབྲེལ་བའི་བཟང་སྤྱོད་དང་ཆོས་ལུགས་དང་འབྲེལ་བའི་བཟང་སྤྱོད་ལ་ཁྱད་པར་ག་རེ་ཡོད་འབྲེལ་བཤད་གནང་མཁན་ཡོད་ན་དགའ་བསུ་ཡོད་།

10. འདིར་ཆོས་ལུགས་དང་འབྲེལ་མ་འབྲེལ་ནི། ཆོས་ལུགས་ནང་གི་དཀོན་མཆོག་དང་། ལས་འབྲས་སམ་སྐྱེ་བ་སྔ་ཕྱིའམ། དམྱལ་བ་དང་། ལྷ་ཡུལ། ཐར་པ་དང་ཐམས་ཅད་མཁྱེན་པ་སོགས་ལ། དད་པ་བྱེད་དགོས་པར་མ་བཤད་པའི་ཐོག་ནས་ཚེ་འདི་ནང་རང་ལ་ལེགས་ཉེས་བླང་དོར་བསྟན་ནས། བཟང་སྤྱོད་སྤེལ་ལ་བ་གོ་དགོས་སམ་སྙམ་ལགས། ད་དུང་དཔྱད་པར་མཛོད་ཅིག

11. ཆོས་ལུགས་དང་འབྲེལ་བའི་བཟང་སྤྱོད་ཡིན་ནའི་འདྲ། ཆོས་ལུགས་འབྲེལ་མེད་བཟང་སྤྱོད་ཡིན་ནའི་འདྲ། གང་ལྟར་མི་ཚེ་དོན་ལྡན་ཞིག་དགོས་ཚེ་མེད་དུ་མི་རུང་བའི་རྒྱུ་ཡིན། མི་དགེ་བ་བཅུ་ནི་ཆོས་ལུགས་ཁས་ལེན་དང་མི་ལེན་མཁན་ཚང་མར་གཅིག་མཚུངས་རེད་སྙམ།

12. རྒྱལ་བ་རིན་པོ་ཆེ་འུ་ཐུག་པ་རེད། ཁོང་འཁྲུངས་ནས་ད་བར་འཛམ་གླིང་གི་གནས་སྟངས་འདི་ཇེ་སྡུག་ཇེ་སྡུག་ལ་ཕྱིན་པ་རེད། ཆོས་གཅིག་པུ་བཤད་ན་ནང་པར་མ་གཏོགས་ཕན་ཐོགས་ཀྱི་མེད། བྱས་ཙང་ཁོང་ནི་བྱམས་སེམས་ཅན། མི་ཤིན་དུ་བཟང་པོ་ཞིག་རེད། རང་གི་ཆོས་ལུགས་ཀྱི་ཕྱི་ལ་ཡོད་པའི་མི་ཚོར་ཇི་ལྟར་ཕན་པ་བསྒྲུབ་དགོས་པ་ཉིན་ལྟར་བསམ་བློ་གཏོང་བཞིན། མཐར་ཐབས་ཤེས་འདི་ལས་མེད་པ་མཁྱེན་ནས། ཆོས་ལུགས་དང་མ་འབྲེལ་བའི་ཐོག་ནས་གཞན་ལ་སྙིང་རྗེའི་སེམས་ཤིག་བསྐྲུན་ཐུབ་ན་དེས་མིའི་བདེ་རྩར་ཕན་པ་ཡོད་པ་གཟིགས་ནས་འདི་གསུངས་པ་རེད་སྙམ།

    ངས་བལྟས་ན་ཁོང་གི་བྱ་ཐབས་དང་དགོངས་པ་འདི་གཅིག་པུས་ཁོང་ལ་ཞི་བདེའི་རྟགས་པ་ཞིག་སྤྲོད་དགོས་འདུག དེ་བཞིན་ཨོ་པ་མ་དང་གཞན་པ་ཚོར་ཞི་བདེའི་རྟགས་པ་སྤྲོད་པ་ནི་དགོས་པ་མིན་འདུག

    རྫ་རྒན་ལྡོམ་པོ་བཀྲ་ཤིས་ཚེ་རིང་ཟེར་བའི་མི་དེའི་རྩོམ་དང་སྒྲུང་རྒྱ་བོད་གཉིས་ཀའི་ནང་བཀླགས་མྱོང་། མི་དེ་ཡང་བོད་པའི་གྲྭ་པ་མགོ་མཁྲེགས་པོ་དེ་ཚོའི་ནང་གི་སྤྱི་ཚོགས་ནང་ལ་ཕན་པ་བསྒྲུབ་ཐབས་བྱེད་མཁན་ཞིག་རེད། ཁོ་བོད་ནས་ཡོང་ནས། ད་བར་མཐའ་གཅིག་ཏུ་བོད་སྤྱི་ལ་ཕན་པའི་ལས་ཀ་བསྒྲུབ་པར་འབད་བརྩོན་བྱེད་མཁན་ཞིག་ཡིན་པ་གསལ་པོ་འདུག

    ཁོ་ལྟ་བུའི་གྲྭ་པ་ལྡོམ་པོ་ག་ཚོད་མང་བ་ཡོད་ནའང་ང་ཚོར་ཕན་གྱི་འདུག ཀུན་སློང་ཞིག་འདུག ཐབས་ཤེས་གཅིག་བྱེད་ཀྱི་འདུག ད་དུང་ཁོས་སྡོམ་པ་ཞིག་ཉར་ནས་གྲྭ་ཆས་གཙང་མ་ཞིག་གྱོན་ནས་བསྡད་སོང་། དེ་མིན་སྐྱ་མིན་སེར་མིན་དེ་ཚོ་ངོ་མ་སངས་རྒྱས་བསྟན་པ་དང་བོད་པའི་དགྲ་བོ་རེད།

    ཁོ་ཤི་སོང་ན་ཉིན་གཅིག་ཁ་བརྡའི་ནང་མཁས་པའི་མིང་འཛིན་པ་ཚང་མ་ཐོན་ནས་ཁོ་ཡག་ཡག་ཁོ་འཇོན་འཇོན་བཤད་ཀྱི་རེད། ཁོའི་རྩོམ་དེ་དག་ལ་ལྟོས་དང་། སྤྱི་དོན་ཞིག་སེམས་ནང་ལ་འདུག

13. ༄༅། ཆོས་ལུགས་དང་འབྲེལ་བའི་བཟང་སྤྱོད་ཞེས་པ་ནི། ཆོས་ལ་ཡིད་ཆེ་བྱེད་མཁན་ཚོར་གོ་བ་དང།
    ཆོས་ལུགས་དང་མ་འབྲེལ་བའི་བཟང་སྤྱོད་ནི། ཆོས་ལ་ཡིད་ཆེ་ཡོད་མཁན་མེད་མཁན་་་
    འགྲོ་བ་མིའི་རིགས་ཚ་མས་་་བཟང་སྤྱོད་ལ་ཟེར་བ་ཡིན་སྙམ་མོ།
    གོ་ལ་འདིའི་ནང་ཆོས་ཁས་མི་ལེན་མཁན་དུང་ཕྱུར་་༡༠ལྷག་ཡོད་པ་དེ་ཚོ་ཚང་མས་ཡ་
    རབས་དང་བཟང་པོའི་སྤྱོད་པ་ལ་ངེས་པར་ཁས་ལེན་གྱི་ཡོད་པ་རེད། མིན་ནམ་་་ཡ།

14. གལ་ཆེན་པོ་ཞིག་གསུངས་འདུག། དེ་ག་རང་རེད། བོད་པ་ཞིག་ཡིན་ན་ནང་ཆོས་འབྲེལ་བའི་བཟང་སྤྱོད་སློབ་དགོས་བ་དེ་གལ་ཆེན་ནང་གི་དོན་ཆེན་རེད།
    བོན་པོ་ལགས། ནང་ཆོས་དང་འབྲེལ་བའི་བཟང་སྤྱོད་ཀྱི་ནང་ལ། བོན་ཆོས་དང་མི་འདྲ་བའི་བཟང་སྤྱོད་ངན་པ་གང་དག་འདུག། ནང་ཆོས་ཀྱི་བཟང་སྤྱོད་ལ་མ་འདུས་བའི་བོན་ཆོས་ཀྱི་བཟང་སྤྱོད་གང་དག་ལྷག་ཡོད་པ་རེད།
    རེ་རེ་བྱས་ནས་ཤོད་ཤོག། བྲིས་ཤོག། དེ་མིན་ན་ག་དུས་ཡིན་ན་ཡང་། ངན་པ་སྐྱོན་ཅན་དང་། སེམས་པ་སྡུག་ཅན་ཡིན་མདོག་གི་དཀྲུགས་གཏམ་བཤད་པ་ཉུང་ན་མི་བཟང་ངམ།

15. བོད་གཞུང་ཤེས་རིག་ལས་ཁུངས་ནས་ ༢༠༠༣ ལོར་པར་དུ་བསྐྲུན་པའི་་་་བཙན་བྱོལ་བོད་མིའི་གཞི་རིམ་ཤེས་ཡོན་གྱི་སྲིས་བྱུས་་་རག་ཟིན་གཉིས་པ་་་་ཞེས་པའི་དེབ་ཆུངདེའི་་ལྡེབ་མ་༡༣་ནང་འདི་ལྟར་བཀོད་གནང་འདུག

    ཀ༽ བོད་ཀྱི་སྲོལ་རྒྱུན་གྱི་ཤེས་ཡོན།

    ༤།༡ བོད་ཀྱི་སྲོལ་རྒྱུན་ཤེས་ཡོན་གྱི་འབྱུང་ཁུངས་གཙོ་བོ་གཡུང་དྲུང་བོན་དང་ནང་པ་སངས་རྒྱས་པའི་རིང་ལུགས་གཉིས་ཡིན་པས། དེ་དག་ནས་གསུངས་པའི་ནང་དོན་རིག་པའི་གཞི་ལམ་འབྲས་གསུམ་དང་ལྟ་སྒོམ་སྤྱོད་གསུམ་ནི་སྲོལ་རྒྱུན་ཤེས་ཡོན་གཙོ་ཆེ་བ་དེ་ཡིན།

    ༤།༢ བོད་ཀྱི་སྒྲ་དང་ཚད་མ། བཟོ་དང་གསོ་བའི་རིག་གནས་བཞི་ཡན་ལག་དང་བཅས་པའང་བོན་ཆོས་གཉིས་ཀའི་ནང་དོན་གྱི་ཤན་ཤུགས་ཆེན་པོ་ཡོད་པས་དེ་དག་གི་གོ་རྟོགས་ཀྱང་སྲོལ་རྒྱུན་ཤེས་ཡོན་ཡིན།

    ༤།༣ ཤེས་ཡོན་དེ་དག་གི་བརྒྱུད་ལམ་བོད་ཀྱི་སྐད་ཡིག་ནི། དར་འཕེལ་གྱི་དུས་ཡུན་རིང་ཡང་འགྱུར་འགྲོས་ཉུང་བ། ལེགས་སྦྱར་གྱི་རང་བཞིན་ཅན། བརྗོད་དོན་སྟོན་པའི་ནུས་པ་ཆེ་བ། སྐད་གཞན་གྱི་ནང་དུ་ཡོད་དཀའ་བའི་ཆེས་གཏིང་ཟབ་ཀྱི་རིག་པའི་གཞུང་ལུགས་མང་པོའི་བསྟི་གནས་སུ་གྱུར་པ་ཡིན་པར་མ་ཟད། བོད་ཀྱི་རིག་གནས་ཀུན་གྱི་ཚད་ནུས་ལྡན་པའི་གཞི་རྟེན་གཅིག་པུ་དེ་ཡིན། ། །

    དེ་སྔའི་བཙན་བྱོལ་བོད་མིའི་འགྲོ་སྟངས་སྡོད་སྟངས་ནི་འདི་འདྲ་ཞིག་ཡིན་ས་རེད། ཡིན་ནའང་རྫ་ཚེ་དང་གནམ་རྣམ་པ་གཉིས་ནས་དེ་ལ་བསྒྱུར་བ་གསར་པ་ཞིག་གཏོང་འདོད་པ་ཨེ་ཡིན་ནམ། ཡང་ན་འགྲོ་སྟངས་དེ་ལ་འདོད་པ་མེད་པ་ཡིན། ཅིས་ན་བོན་ཅེས་པའི་མིང་ཚིག་འདི་ཁར་མི་ལེན་ཚུལ་ལ་བལྟས་པ་ཡིན་ན། །

16. Bonpoལགས།

    དེང་སང་གི་སྤྱི་ཚོགས་དེ་འགྲན་བསྡུར་རང་བཞིན་གྱི་སྤྱི་ཚོགས་རེད། མང་བ་ཚོར་འཐོབ་འགྲོ་གི་ཡོད། ཉུང་བ་ཚོ་ཤོར་འགྲོ་གི་ཡོད། འབུ་ཆེ་བས་འབུ་ཆུང་བ་བཟའ་བ་དེ་རེད། ནང་པ་མང་ཡོད་སྟབས། ནང་པ་མང་དུ་འགྲོ་བ་དང་བོན་པོ་ཉུང་བས་བོན་པོ་ཉུང་དུ་འགྲོ་བཞིན་པ་དེ་འདྲ་རེད་བཞག རྒྱ་རིགས་མང་བས་རྒྱ་མི་མང་དུ་འགྲོ་བ་དང་བོད་པ་ཉུང་བས་བོད་པ་ཉུང་དུ་འགྲོ་བཞིན་པ་དེ་ལྟར་རེད།

    བོན་པོ་མི་བརྒྱ་ལྷག་ཙམ་གྱི་འདོད་པ་དེ་ནང་པ་ས་ཡ་དྲུག་ཙམ་གྱི་མགོ་ལ་གཡོག་པ་འདི་ཡང་བོན་པོའི་ཆོས་ནང་གསུང་པའི་ལས་རྒྱུ་འབྲས་དང་ཏག་ཏག་བསྡད་ཀྱི་ཨེ་ཡོད།

    བྱས་ཙང་ཉུང་བས་མང་བའི་རྗེས་སུ་འགྲོ་རོགས། ང་ཚོ་བོད་པ་ཉུང་བས་རྒྱ་མི་མང་བའི་རྗེས་སུ་འགྲོ་གི་ཡིན།

    དེ་ནས་ནང་པ་ཉུང་བས་ཡེ་ཤུ་མང་བའི་རྗེས་ལ་འགྲོ་དགོས་རེད། མང་བ་དེ་རྒྱལ་ཁ་རེད། ཉུང་བ་ནི་ཕམ་ཁ་རེད།

    ངས་བལྟས་ནས་ལོ་བརྒྱའི་རྗེས་ལ་ཡེ་ཤུ་དང་རྒྱ་མི་རིགས་ལས་གཞན་པ་ཚང་མ་གྲངས་ཉུང་མི་རིགས་ལ་འགྲོ་ས་རེད། དེའི་སྐབས་ལ་ང་ཚོ་གྲངས་ཆེན་མི་རིགས་ནང་ལ་འཛུད་ཐུབ་པ་བྱེད་པ་ནི་ད་ལྟའི་བོད་མི་རིགས་ཀྱི་ལས་འགན་རེད་སྙམས།

    དགོངས་ཚུལ་གསུངས་རོགས།

17. འཛམ་གླིང་འདི་ལོ་བརྒྱ་བར་གནས་ན་མང་ཤོས་དེ་ཁ་ཆེ་དང་དེ་ནས་ཡེ་ཤུ་ཆགས་ས་མ་རེད་དམ་?

18. ཆོས་ལ་མ་ལྟོས་པ་མ་ཡིན་པར། ཆོས་ལ་མ་བརྟེན་པའི་བཟང་སྤྱོད་ཅེས་གསུངས་པ་ལ་ལན་གཅིག་གསན་གཟིགས་གནོངས་དང་།
    https://www.youtube.com/watch?v=-igtmoNEnaM&index=3&list=PLE7Wm-v0hYnkLNvOcFbBDpH39BaeXJUkG

19. {ཆོས་ལུགས་དང་མ་འབྲེལ་བའི་བཟང་སྤྱོད་ནི་བོད་པའི་སློབ་ཕྲུག་གི་ཆེད་དུ་མིན།}
    ཞེས་རྩོམ་སྤེལ་གནང་མཁན་དང་དེ་བཞིན་དེ་ལས་འཕྲོས་ནས་ཞབས་ཀྱི་མཆན་སྤེལ་རྣམས་ནས་གཤམ་གྱི་བརྙན་འཕྲིན་ལས་རིམ་དག་ལ་གཟིགས་ཐུབ་ན་ལན་མང་དག་ཅིག་འདུག་སྙམ། ཐུགས་རྗེ་ཆེ།

    བརྙན་དང་པོ། https://www.youtube.com/watch?list=PLE7Wm-v0hYnkLNvOcFbBDpH39BaeXJUkG&v=Fn30JuTJ0uk

    བརྙན་གཉིས་པ། https://www.youtube.com/watch?list=PLE7Wm-v0hYnkLNvOcFbBDpH39BaeXJUkG&v=nY0qI3e1BOs

    བརྙན་གསུམ་པ། https://www.youtube.com/watch?list=PLE7Wm-v0hYnkLNvOcFbBDpH39BaeXJUkG&v=-igtmoNEnaM

    བརྙན་བཞི་པ། https://www.youtube.com/watch?v=kvzkvDTml24

20. བསམ་ཤེས་ལགས།
    ཁྱེད་ཀྱི་བཀའ་འདྲི་དེ་བདག་གིས་བཀླགས་ཀྱང་ལན་ཞིག་འདྲི་དགོས་བསམ་བཞིན་དེ་མུར་ལུས་སོང་བས། དགོངས་འགལ་མེད་པ་ཞུ།
    བོད་པ་ཚོར་ལ་རྒྱ་དང་སྙིང་ཁམས་ཡོད་ན་བོད་གངས་རིའི་ཞིང་ཁམས་སུ་བོན་པོ་ཉུང་དུ་རྩ་བ་ནས་འགྲོ་ལེ་མ་རེད། དེ་གཙོ་བོ་བོད་མི་ཚོས་འཇོན་སྟངས་དང་སྙིང་སྟོབས་ལ་རགས་ལུས་ཡོད། བོན་ཞེས་པ་འདི་ཆོས་ལུགས་གཅིག་པུའི་སྐད་ཆ་ཞིག་མ་རེད། བསམ་ཤེས་ན་བོད་སྲིད་པ་ཆགས་པ་ནས་ཡོད་བསྡད་པའི་བོད་མི་རིགས་ཀྱི་ངོ་བོ་དངོས་གནས་དེ་མཚོན་བྱེད་དང་སྙིང་ནོར་མཆོག་ཏུ་གྱུར་པ་གཅིག་པུ་དེ་རང་རེད།

    བོན་གྱི་འདོད་པ་དང་བན་གྱི་འདོད་པ་ཟེར་ནས། འདོད་ཚུལ་མཐུན་དང་མ་མཐུན་གྱི་སྐད་ཆ་གཅིག་པུ་མ་རེད། འདི་ནི་མི་རིགས་ཅིག་གི་ལོ་རྒྱུས་དང་རིག་གནས་རང་བཞིན་ཅན་གྱི་སྐད་ཆ་ཞིག་རེད། དྲང་བདེན་གྱི་ལམ་དུ་བསྐྱོད་ན་ཕན་ཚུན་འདོད་ཚུལ་གཅིག་ཏུ་གྲུབ་དགོས་ཀྱང། ཡིན་ནའང་དེ་ཞེ་དྲག་གི་ཁག་པོ་རེད། ཅིས་ན་ང་རྒྱལ་དང་རུ་ང་ཆེ་བའི་དན་རྟགས་མངོན་པར་གསལ་བས་སོ། །

    བོད་ཀྱི་རིག་གཞུང་དང་། བན་དེའི་རིག་གཞུང་གཉིས་འབད་དེ་ཁག་ཁག་རེད། འདི་གཉིས་མཉམ་བསྲེས་བྱེད་མི་རུང་། འདི་གཉིས་མཉམ་བསྲེས་བྱས་པའི་རྐྱེན་ལས་མངས་པོ་ཞིག་དུས་དེ་རིང་གི་བར་མགོ་འཐོམ་བཅུག་ཡོད། བན་དེའི་རིག་གཞུང་རྒྱ་གར་ནས་བྱུང་ཟེར་ནས་ཁྱེད་རང་ཚོས་སྐད་ག་ཚོད་བརྒྱབ་ནའང་རྒྱག་་ཆོག་པ་རེད། བོན་གྱི་ཕྱོགས་ནས་ཀྱང་རིག་གནས་ཁ་ཤས་རྒྱ་གར་ནས་བྱུང་ཡོད་ངེས། ཡིན་ནའང་བོད་ཀྱི་རིག་གཞུང་རྒྱ་གར་ནས་བྱུང་ཟེར་ནས་སྐད་ཆ་བཤད་པ་ཡིན་ན། དེ་བདེན་པ་རྩ་བ་ནས་མ་རེད་ལ་ཧམ་པ་ཆེ་ཐག་ཆོད་སོང་བའི་སྐད་ཆ་རེད། བསམ་ཞིང་བསམ་ན་བོད་མི་རིགས་ཀྱི་མ་འོངས་པའི་སོན་རྩ་ཆུང་ཆུང་ཚོ་ལ་ཧ་ལས་པའི་བརྙས་བཅོས་ཀྱང་བཏང་བ་རེད། ཡག་པོ་ཞིག་བྱེད་ཀྱི་ཡོད་ཟེར་ནས། བོད་སྲིད་པ་ཆགས་པའི་རིག་གཞུང་དང་ལོ་རྒྱུས་ཀྱི་ཁ་ཕྱོགས་དེ། རང་འདོད་སྒེར་བཙན་གྱི་དབང་དུ་སོང་ནས་དུམ་བུར་དུས་ནམ་ཡང་གཏོང་མི་རུང་ངོ། དལ་འགྲོའི་རྒྱུན་བཞིན་འོང་བའི་རང་བཞིན་གྱི་གནས་བབ་གང་ཡོད་པ་དེའི་མུར་བཞག་ན་ཧ་ཅང་ལེགས་པར་སེམས་སོ། །

    ཁྱེད་ཀྱིས་མི་གྲངས་མང་ཉུང་གིས་མང་བ་ནི་རྒྱལ་ཁ་དང་ཉུང་བ་ནི་ཕམ་ཁ་ཡིན་རབས་དང་། ཉུང་བ་ཚོ་མང་བའི་རྗེས་སུ་འགྲོ་དགོས་རབས་གསུངས་བཞག སྤྱིར་འཛམ་གླིང་སྤྱི་འགྲོ་ལྟར་ན་སྐད་ཆ་འདི་བདེན་མདོག་ཆེ་ནའང་། དུས་རབས་བརྒྱད་པ་དགུ་པ་ནས་མགོ་བཙུགས་ཏེ་་ཕྱི་ལོ་༡༩༥༩་ཡན་གྱི་བོད་རང་གི་དེ་སྔའི་དབང་བསྒྱུར་གྱི་ལམ་ལུགས་དེ་གཏོས་ཆེ་ས་ནས་འདྲ་མཉམ་དང་དྲང་བདེན་ཞིག་བྱུང་ཨ་ཡོད་ན། ཐ་ན་མི་ལོ་བརྒྱ་ཕྱག་མང་པོར་བོད་རྒྱལ་ཁབ་སིལ་བུར་ཐོར་ནས་བོད་མི་རྣམས་མགོན་མེད་སྐྱབས་མེད་དུ་ལུས་པ་རེད། དེ་རྗེས་བན་དེའི་བླ་མ་ཚོས་རང་ལ་འཁོར་ཚོགས་མངས་ཉུང་དང་དབང་ཆ་འཐབ་རྩོད་རྐྱང་རྐྱང་བྱས་ནས་ཉམ་ཐག་བོད་ཡུལ་ཟང་ཟིང་དང་ལང་ལོང་དུ་གནས་དགོས་ཐུག་ཡོད། དེས་མ་ཚད་སྒེར་གྱི་དགོན་བསྒྱུར་ཆོས་བསྒྱུར་ཆེད་དུ་ཕན་ཚུན་དམག་སྣ་འདྲེན་རེད་གྱིས་གསོད་རེས་ཀྱང་ཚད་མེད་བཏང་བའི་དངོས་བྱུང་ལོ་རྒྱུས་ཡོད། མཐའ་མ་བོད་ཡུལ་ག་བར་ཤོར་སོང། བོད་པ་ག་བར་སླེབས་སོང་། གནས་ཚུལ་འདི་འདྲ་ཞིག་གནས་བབ་ནས་མང་ཉུང་གི་སྐད་ཆ་བཤད་པ་ཡིན་ན་ང་ནི་ངོ་ཡང་ཚ་ས་རེད་དོ། རྐུ་མ་ཧམ་ཆེན་གྱི་སྐད་ཅ་འདྲ་པོ་རྩ་བ་ནས་མ་གསུངས་རོགས། ཐུགས་རྗེ་ཆེ་ཞུ། །

21. ངས་བལྟས་ན། རྫ་ཚེ་རིང་བཀྲ་ཤིས་ཀྱིས་བསམ་བློ་ཡག་པོ་བཏང་འདུག བོད་སྤྱི་སྒེར་གཉིས་ཀས་ཆོས་སྲིད་ཟུང་སྦྲེལ་གྱི་རིག་གཞུང་འདི་རྒྱུན་བསྐྱོང་དགོས་པ་ཞིག་མཐོང་གི་ཡོད་ན། བོད་པས་རང་གི་རྩ་ཆེའི་རིག་གཞུང་རྒྱུན་འཛིན་བྱེད་དགོས། དེ་དགོས་ན། བོད་ཕྲུག་ཚོར་ཆོས་ལུགས་དང་མ་འབྲེལ་བའི་བཟང་སྤྱོད་བསླབས་པས་གསེར་ལེན་རྒྱུ་ཡོད་སར་རག་ཉོ་རུ་འཇུག་པ་དང་མཚུངས་པ་མིན་ནམ། ད་བོད་ཡིག་ཀློག་དེབ་ནས་ཡོད་ཚད་ཆུ་ལྟར་སླ་རུ་སླ་རུ་གཏོང་ཐལ་ཤོར་བ་ད་དུང་མ་གཟིགས་སམ། ག་ལེར་ག་ལེར་བོད་པའི་སློབ་གྲྭ་ཁག་ཏུ་སྔ་དགོས་ཞལ་འདོན་ཡང་གསུང་མི་དགོས་པར་འགྱུར་སྲིད། དེང་སྐབས་སློབ་གྲྭ་ཁག་ཏུ་ཆོས་དགེ་ཟེར་བ་ནི་མེད་པར་བཟོས་ཟིན་འདུག མ་གཞི་དེང་སྐབས་མར་དང་ཞག་ཚིལ་རིགས་འཕྲོད་བསྟེན་ལ་གནོད་ཀྱི་ཡོད་པ་རེད་ཅེས་ཟེར་བ་ཡོངས་གྲགས་རེད་འདུག དེ་དང་འདྲ་བར་མ་འོངས་པའི་བོད་ཕྲུག་ཚོ་ལ་ཡང་ཤེས་རིག་གི་འཐུང་ཆུ་ཞག་ཚིལ་མེད་པ་འདི་འདྲ་ཞིག་གིས་གྲ་སྒྲིག་གནང་གིན་ཡོད་པ་འདྲ། ང་ཚོའི་འགོ་གཙོ་ཚོས་༧གོང་ས་མཆོག་གི་བཀའ་སློབ་དགོངས་དོན་ལས་བཀའ་སློབ་གང་ཞིག་གཙོ་བོ་བོད་པ་ཚོར་གསུངས་ཀྱི་ཡོད་དམ། ཡང་བཀའ་སློབ་གང་ཞིག་མགོ་སེར་སོགས་ལ་གསུང་གིན་ཡོད་མེད་སོགས་ཀྱིས་དབྱེ་ཞིབ་མི་བྱེད་པར་རི་བོར་ཅལ་འདྲོགས་རང་གནང་གིན་མི་འདུག་གམ།།

22. ཆོས་སྲིད་ཟུང་དུ་འབྲེལ་བ་མེས་སྤོའི་སྲོལ་།
    སྲོལ་བཟང་བརྒྱུད་ནས་བོད་ཀྱིས་ཆོས་སྲིད་དར་།
    དར་བ་ཡུན་དུ་མ་གནས་བོད་མིའི་ལས་།
    ལས་ངན་བསགས་པའི་འབྲས་བུ་དུས་སུ་སྨིན་།

23. མཁན་པོ་རྫ་ཚེ་བཀྲའི་དགོངས་ཚུལ་ལ་རྒྱུ་མཚན་ཆེན་པོ་འདུག