ཆོས་སྲིད་ཟུང་འབྲེལ་བྱ་ལ་བློ་མ་བདེ།

Comments (9) on “ཆོས་སྲིད་ཟུང་འབྲེལ་བྱ་ལ་བློ་མ་བདེ།”

1. ཆོས་སྲིད་ཟུང་འབྲེལ་བྱུང་ན་ཨེ་མ་ཧོ་ཞེས་བྱ་བ་བཞུགས་སོ།།

   དགོན་པའི་ནང་དུ་འཇིག་རྟེན་བཤད་པ་གཅིག །
   འཇིག་རྟེན་ཁྲོད་དུ་དམ་ཆོས་བཤད་པ་གཉིས། །
   གཅིག་གི་ཁྲིམས་ལུགས་ཅིག་ཤོས་ཕན་མཐོང་བས། །
   ཆོས་སྲིད་ཟུང་འབྲེལ་བྱ་ལ་ཨ་མ་ཧོ། །

   ཆོས་གོས་གོན་གིན་དམག་གི་ཁ་འཛིང་བཀག །
   སྲིད་འབྱོར་སྒྲུབ་བཞིན་ངེས་འབྱུང་མ་བརྗེད་སྒྲོགས། །
   ཁ་བཤད་ལག་ལེན་མཚུངས་ཤིང་ནང་མཐུན་གྱིས། །
   ཆོས་སྲིད་ཟུང་འབྲེལ་བྱ་ལ་ཨ་མ་ཧོ། །

   ཕྱི་ཡི་དགྲ་ལ་ཐུག་དུས་དཔའ་རྩལ་ངོམས། །
   ནང་གི་གཉེན་ལ་འཕྲད་དུས་བྱམས་བརྩེ་ངོམས། །
   ཕྱི་གནོན་ནང་རྒྱལ་ལུགས་གཉིས་ཆེན་པོ་སྟེ། །
   ཆོས་སྲིད་ཟུང་འབྲེལ་བྱ་ལ་ཨ་མ་ཧོ། །

   མཐོང་ཐོས་ས་ན་འདྲ་ཆགས་སྒྲོས་གཙང་ཅན། །
   སེམས་པ་ཙམ་གྱིས་ཞེན་ལོག་ཐམས་ཅད་བརླགས། །
   འཚེ་མེད་སྒྲ་སྒྲོགས་འཚེ་བ་ཁོང་ནས་ཕྱུངས། །
   ཆོས་སྲིད་ཟུང་འབྲེལ་བྱ་ལ་ཨ་མ་ཧོ། །

   ཁ་ནས་ཚད་མེད་བཞི་པོ་འདོན་བཞིན་དུ། །
   ལག་ལེན་རང་ཕྱོགས་ཁོ་ན་མི་བྲེལ་བ། །
   རྐང་གཉིས་ཡོངས་ཀྱི་གཙུག་ན་འགྱིང་བ་ཅན། །
   ཆོས་སྲིད་ཟུང་འབྲེལ་བྱ་ལ་ཨ་མ་ཧོ། །

   གཞན་ལ་ཆོག་ཤེས་བསླབ་བྱ་རྒྱུན་དུ་གནང་། །
   རང་ལ་སྲིད་འབྱོར་མ་ལུས་མི་མཁོ་མཁན། །
   བོད་ཀྱི་བླ་མའི་རྣམ་ཐར་རྫུ་འཕྲུལ་ཅན། །
   ཆོས་སྲིད་ཟུང་འབྲེལ་བྱ་ལ་ཨ་མ་ཧོ། །

   ཆེན་པོ་རྣམས་ཀྱིས་སྲིད་འབྱོར་མ་ལུས་ལ། །
   རང་དབང་བསྒྱུར་ཞིང་འདོད་ཡོན་དགྱེས་དགུར་རོལ། །
   གྲྭ་བཙུན་ཕལ་རྣམས་ཟས་ངོན་ཙམ་གྱིས་འཚིམ། །
   ཆོས་སྲིད་ཟུང་འབྲེལ་བྱ་ལ་ཨ་མ་ཧོ། །

   བླ་སྤྲུལ་ཆེད་དུ་མགོ་འབུལ་ལུས་འབུལ་ནུས། །
   དགོན་པའི་ནང་དུ་ཆོས་ཀློག་འཚམས་སྡོད་ཕོད། །
   ཆོས་དང་འཇིག་རྟེན་མ་ལུས་འབྱུང་བའི་གནས། །
   ཆོས་སྲིད་ཟུང་འབྲེལ་བྱ་ལ་ཨ་མ་ཧོ། །

   ཤཱཀྱ་ཐུབ་པས་སྐྱེ་འགྲོའི་དོན་དུ་གསུངས། །
   བོད་ཀྱི་བླ་མས་ཚེ་དང་སྒྲུབ་པ་མཉམ། །
   དགེ་བསགས་འོག་ན་སྡིག་གསོག་ཉུང་དུ་ཕྱིན། །
   ཆོས་སྲིད་ཟུང་འབྲེལ་བྱ་ལ་ཨ་མ་ཧོ། །

   སྡིག་པ་རྭ་ཙས་ཆོས་སྲིད་ཟུང་འབྲེལ་ལ། །
   བློ་སྙིང་མ་བདེར་བདེ་ཕྱིར་ངས་འདི་བྱས། །
   ཆོས་སྲིད་ཟུང་འབྲེལ་ད་ནས་མེད་འགྱུར་ན། །
   སྡིག་ར་ཀརྡོ་ང་གཉིས་པོ་བློ་མི་བདེ། །

   ཀརྡོས།

2. ཆོས་སྲིད་བཟུང་དུ་འབྲེལ་བ་མེས་སྤོའི་སྲོལ་།
   སྲོལ་བཟང་བརྒྱུད་ནས་བོད་ཀྱིས་བསྟན་སྲིད་དར་།
   དར་བ་ཡུན་དུ་མ་གནས་བོད་མིའི་ལས་།
   ལས་ངན་བསགས་པའི་འབྲས་བུ་དུས་འདིར་སྨིན་།

3. ཆོས་སྲིད་ཟུང་སྦྲེལ་རུང་ན་བདག་ཅག་གི། སྟོན་པས་འཇིག་རྟེན་སྤངས་པའི་དགོས་དོན་ཅི། གང་གི་རྗེས་འཇུག་རློམས་པའི་སྐྱེ་བོ་ཀུན། ཆོས་སྲིད་ཟུང་སྦྲེལ་མེད་པར་ཤེས་མཛོད་ཅིག།

4. ཆོས་སྲིད་ཟུང་འབྲེལ་བྱ་ལ་ཨ་མ་ཧོ། །
   འདི།
   ཆོས་སྲིད་ཟུང་འབྲེལ་བྱ་ལ་ཨེ་མ་ཧོ། །
   ལ་བཅོས་རོགས།

5. གློས་དང་གླེན་པས་ཆོས་སྲིད་བཤད་པ་དང་།།
   རྨོངས་དང་བླུན་པོས་མཁས་གཏམ་བཤད་པ་གཉིས།།
   ས་གཡོགས་གནམ་བསྒྲིབས་བྱས་ནས་འོང་བའི་དུས།།
   མཁས་ཤིང་འཛངས་པའི་མྱི་རྣམས་བློ་མ་བདེ།།

6. སྡིག་པ་ར་ཙ་དུག་གི་ལྕགས་སྡེར་ཅན།།
   ལུས་ཀྱི་ཤ་པགས་སྲབ་སར་གཟས་འོང་བར།།
   གངས་ཀྱི་རི་སུལ་གནས་བཅས་བྱིས་པ་འགས།།
   ད་དུང་རུམ་ཁ་ཕྱེ་ལ་བློ་མ་བདེ།།

7. ཆོས་སྲིད་ཟུང་དུ་འབྲེལ་ནས་བོད་ཀྱིས་ཆོས་སྲིད་བསྐྱངས་།
   ཆོས་སྲིད་ཟུང་དུ་འབྲེལ་ནས་འབངས་ལ་འཚོ་གནས་སྦྱིན་།
   ཆོས་སྲིད་ཟུང་དུ་འབྲེལ་ནས་བོད་ཀྱིས་སྟོབས་ཤུགས་རྒྱས་།
   ཆོས་སྲིད་ཟུང་དུ་འབྲེལ་ནས་བོད་རྒྱལ་འཛམ་གླིང་གྲགས་།

8. སྲིད་ཟུང་འབྲེལ་བློ་ལ་་མ་བདེ་ན་བློ་བདེ་བ་ཞིག་བཟོ་རྒྱུ་ཡོད་ན་ཁྱོད་རང་ནས་བཟོས་དང།
   བལྟ་ཆོག།

9. ཁམས་པའི་ཆོས་རྒྱུད་སྤྱི་འཐུས་རྣམས་ཀྱི་མ་རབས་ཐ་ཤལ་གྱི་བྱེད་བབ་ལ་ལྟོས་ནས་ཆོས་སྲིད་ཟུང་འབྲེལ་ལ་དགག་པ་དང་། ཆོས་ལུགས་ལ་དམའ་འབེབས་གནང་ན་མི་འགྲིག