བཞག་ལྡོམ་ལྗང་ལོ།
སུ་ཞིག་གིས་གནད་དོན་གང་ཞིག་ལ་དཔྱད་པའམ་དབྱེ་ཞིབ་བྱེད་པ་ཡིན་ན། དེའི་བྱུང་རྐྱེན་དང་འབྱུང་ཁུངས་དངོས་འཚོལ་གྱི་ནི་གལ་ཆེན་པོ་ཡིན་པར་བརྟེན། ངས་དེ་རིང་སྤྱི་ཚོགས་སུ་བསམ་ཚུལ་སྣ་ཚོགས་ཤིག་ཆུ་བོའི་རྦ་རླབས་ལྟར་འཕྱོ་བཞིན་པའི་ཨ་རིའི་སྲིད་འཛིན་གྱི་Pardon power སྐོར་ལོ་རྒྱུས་སུ་བསྡུར་ཏེ་དཔྱད་པ་ཐུང་ངུ་ཞིག་དྲྭ་གྲོགས་ཚོར་བསམ་བློ་བརྗེ་རེའི་ཚུལ་དུ་གླེང་།
ཨ་རིའི་མངའ་སྡེ་སྤྱི་མཐུན་རྒྱལ་ཁབ་ཀྱི་མགོ་སེར་ཚོའི་ཕ་མེས་མང་ཆེ་བ་ཡོང་ས་ནི་ཡོ་རོབ་དབྱིན་ཇི་ནས་ཡིན་ཞིང་། ཁོང་ཚོ་ཡོང་སྐབས་ཡོད་ཚད་བོར་ནས་སྤྲང་འཁྱམས་ཅི་བཞིན་སླེབས་པ་མ་ཡིན་པར་རང་གི་རིག་གཞུང་དང་ལྷན་དུ་ཡོང་བ་ཡིན་པས། ཨ་རི་དབྱིན་ཇིའི་དབང་སྒྱུར་འོག་ན་ཡོད་དུས་སུ་དབྱིན་བློན་ཚོས་དབྱིན་ཇི་རྒྱལ་བོའི་ཁྲིམས་ལུགས་ནང་ཉེས་ཅན་པར་སྙིང་རྗེ་སྒོམ་པའི་ལུགས་སྲོལ་ཡོད་པ་དེ་ལག་ལེན་བྱས་བ་རེད། ཡིན་ཡང། རིག་གཞུང་གང་ཞིག་ལས་རིག་གནས་མ་ལུས་བ་དུས་དང་བསྟུན་ནས་འགྱུར་བ་མ་གཏང་ན་ཡང་དག་པ་ཡིན་དཀའ་བས། རྩོད་གླེང་ཆེ་བའི་སྲོལ་རྒྱུན་དེ་ཨ་རིའི་རྩ་ཁྲིམས་ནས་གཏན་དུ་ཁྱིམ་གཞི་མ་རྙེད་གོང་ལ་ཨ་རིའི་རྩ་ཁྲིམས་བཟོ་མཁན་ཚོའི་ནང་དུ་ལྟ་ཚུལ་སྣ་ཚོགས་བྱུང་བ་རེད། དཔེར་ན། Alexander Hamilton ནི་ལུགས་སྲོལ་དེ་ཁྲིམས་ཀྱི་ནང་དུ་བཞག་ན་བཟང་བར་འདོད་མཁན་ཡིན་ཞིང་། ཨ་རིའི་མངའ་སྡེ་Virginia་ཡི་འཐུས་མི་George Mason་ནི་Hamilton་གྱི་ལྡོག་ཕྱོགས་ཡིན་པ་མ་ཟད་དེས་མང་གཙོ་སྟོར་བཅོམ་བྱེད་ཀྱི་ལག་ཆ་འདོད་དེ་མིང་རྟགས་ཀྱང་བཀོད་ཡོད་པ་མ་རེད། གང་ལྟར། དབྱིན་རྒྱལ་ཀྱི་སྙིང་རྗེས་ཁྲིམས་ལུགས་དེ་ཨ་རིའི་རྩ་ཁྲིམས་ལས་ཉམས་ཆུང་ཚོའི་སྐྱབས་གནས་དང་ཨ་རི་བའི་ཁེ་ཕན་ལས། ཁྲེལ་གཞུང་དབེན་པའི་སྲིད་འཛིན་ཚོའི་སྦྱིན་བདག་དང་གྲོགས་པོ་རྣམས་ཀྱི་འཛོལ་ཆེ་བའི་ནག་ཉེས་ཁྲིམས་ཁ་ནས་སྐྱིད་ཉལ་ངང་རང་དབང་ཐོབ་བྱེད་ཀྱི་རིན་ཆེན་རིལ་བུར་གྱུར་འདུག།
སྲིད་འཛིན་ཚོར་ཁྲིམས་ཀྱིས་གནང་བའི་གྲོགས་སྐྱོབས་རིལ་བུ་དེ་ཨ་རིའི་སྲིད་དང་བོ་ George Washington་ནས་དེ་རིང་གི་ཨ་ཁུ་ཁྲོ་ཐུང་བར་དུ་གནད་དོན་འདྲ་མིན་ལ་བེད་སྤྱོད་བྱས་ནས་ཡོང་ཞིང་། གོམས་གཤིས་ལྟར་ན་སྲིད་འཛིན་ཚོས་རང་སྣང་གང་དྲན་ངང་རིལ་བུ་དེ་ནད་རྒྱ་སྨན་གཅིག་ལྟར་ཡོད་ཚད་ལ་སྤྲད་མི་ཉན་ཞིང་། ཆ་རྐྱེན་ངེས་ཅན་འོག་འགྲོ་དགོས་ཀྱི་ཡོད་པ་རེད། དཔེར་ན། གྲོཊ་སྐྱོབས་རིལ་བུ་དེ་དབུས་སྲིད་གཞུང་གི་ཁྲིམས་ལ་འགལ་མཁན་མ་གཏོགས་མངའ་སྡེའི་གཞུང་ཁྲིམས་ལ་ཁྱབ་ཀྱི་མེད་པ་མ་ཟད་ཨ་རི་བའི་འཕྲལ་ཕུགས་གཉིས་ཀྱི་ཁེ་ཕན་ཆེད་དུ་ཡིན་དགོས་ཤིང། དེ་བེད་སྤྱོད་གཏོང་སྟངས་ཀྱང་དབུས་གཞུང་ཆེས་མཐོ་ཉེན་རྟོག་ཁྲིམས་ཁང་གི་(Department of Justice The Pardon Attorney ) ཁྲིམས་དཔོན་ཀྱིས་ཞིབ་གཅོད་བྱས་སྟེ། མཐའ་མ་སྲིད་སྲིད་འཛིན་ལ་ཉེས་ཅན་པ་དེར་གྲོགས་སྐྱོབས་ཆ་རྐྱེན་ཚང་མིན་སློབ་སྟོན་བྱེད་དགོས་བ་རེད།
བཤད་བརྒྱུན་དུ་འགོ་ནས་བཀྲ་མ་ཤིས་ན་མཇུག་ནས་བཀྲ་མི་ཤེས་ཟེར་བ་ལྟར་བཟང་སྤྱོད་བོར་བའི་སྲིན་འཛིན་འགས་གྲོགས་སྐྱོབས་རིལ་བུ་ལག་ལྟར་བྱེད་ས་ནི་ཁོ་ཚོའི་དང་འབྲེལ་བ་ཡོད་པ་དག་དག་ཡིན་པ་ལས་ཉམས་ཆུང་ངམ་་ཆ་རྐྱེན་ཚང་བའི་་ཉེས་་པ་ཚོ་མ་ཡིན་པ་དཔེར་མཚོན་ཁ་ཤས་བཤད་ན།
༡༽ཨ་རིའི་ལོ་རྒྱུས་ལས་སྲིད་འཛིན་༡༧ པ་ Andrew Johnson ནི་མི་རིགས་དབྱེ་འབྱེད་མཁན་ཡིན་ཞིང་། ཁོས་གྲོགས་སྐྱོབས་རིལ་བུ་རིགས་རྒྱུད་དཀར་པོའི་ཕྱོཊ་ཞེན་ཅན་དང་ཨ་རིའི་རྒྱལ་ཁབ་ལས་ཁ་བྲལ་འདོད་མཁན་(Confederate congress) གྲོས་ཚོགས་འོག་མིའི་འཐས་མི་༨༦ ལ་སྤྱི་ལོ་༡༨༦༨/༡༢/༢༥་ཉིན་སྦྱིན་ཏེ། རྗེས་སུ་དེ་རྣམས་པས་སྣེ་ཁྲིད་ནས་མི་རིགས་དབྱེ་འབྱེད་ཁྲིམས་ Jim Crow་ གཏན་འབེབས་བྱས། ཁྲིམས་དེའི་འོག་ནས་མི་ནག་བ་གྲངས་ལས་འདས་བའི་སྡུག་བསྔལ་མྱོང་བ་རེད།
༢ ༽ Richard Nixon་ནི་ཨ་རིའི་སྲིད་འཛིན་༣༧་པ་ཡིན་ཞིང་། ཁོས་མང་གཙོ་ཚོགས་པའི་སྟེང་ཁྲིམས་འགལ་བྱས་བ་ཡོངས་གྲགས་ཀྱིས་Water gate འབོད་ཅིང་། ཁྲིམས་འགལ་དེ་ལ་བརྟེན་ནས་ཁོའི་སྲིད་ཛིན་ལས་དཀའ་ཐར་མ་ཕྱིན་གོང་ལ་ཕོ་བྲང་དཀར་བོ་ལས་ཐོན་དགོས་བྱུང་བ་རེད། དེའི་རྗེས་ཁོའི་སྲིད་འཛིན་གཞོན་པའི་ལས་ཐོག་གཉིས་པ་Gerald Ford སྲིད་འཛིན་༣༨་ལ་ཆགས་ཤིང། ཁོ་ནི་ཨ་རི་བས་འོས་འདེམས་མ་བྱས་བའི་སྲིས་འཛིན་ཁོ་ན་དེ་རེད། Nixon དང་ཁོ་གཉིས་གྲོགས་པོ་ཡིན་པས་ཁོས་ཆ་རྐྱེན་གང་ཡང་མེད་པར་གྲོགས་སྐྱོབས་རུལ་བུ་Nixon་ལ་སྤྱི་ལོ་༡༩༧༤/༩/༨་ལ་སྤྲད་དེ་རི་དྭགས་རྒྱ་ལས་ཤོར་བ་བཞིན་རང་དབང་ལོངས་སུ་སྤྱོད་པ་རེད།
༣༽ཁྲོ་ཐུང་(Trump)ནི་ཨ་རིའི་སྲིད་འཛིན་༤༥་བ་རེད་ལ། ཁོའི་ཉིན་རེ་འགྲོ་འདུག་སྤྱོད་གསུམ་ལ་བརྟེན་ནས་ཁོ་ནི་ཁྲིམས་ཁ་ན་དོགས་གཞི་སྣ་ཚོགས་ཀྱི་ཉེས་ཅན་པ་དང་ཁོའི་ནག་ཉེས་མི་ཉུང་བ་ཞིག་གི་བདེན་པ་ཕྱི་ལའང་ཤོར་ཡོད་པ་རེད། ད་དུང་ཁོ་ནི་རིགས་རུས་དབྱེ་འབྱེད་ལ་དགའ་བའི་དུས་རབས་ཉེར་གཅིག་བའི་སྲིད་འཛིན་ཞིག་ཀྱང་རེད། ཁ་གསལ་བཤན་ན་ཨ་རིའི་སྲིས་འཛིན་ཡོད་ཚད་ཀྱི་ངན་སྤྱོད་མ་ལུས་བ་ཁོ་ལ་འཛོམས་ཡོད་པ་རེད། གང་ལྟར་ལོ་ངོ་བཞི་ཙམ་ལ་ཁོའི་སྲིད་འཛིན་བྱེད་པའི་རིང་དུ་ཁོས་གྲོགས་སྐྱོབས་རུལ་བུ་ཉེས་ཅན་གྲོགས་པོ་ཚོར་བྱིན་དང་སྦྱིན་གྱི་ཡོད་ལ། མང་ཆེ་བ་ནི་ཁོས་རང་སྣང་གང་དྲན་ལ་བརྟེན་ནས་སྦྱིན་པ་ལས་ཁྲིམས་ཀྱི་འགྲོ་ལུགས་བཞིན་སྦྱིན་མེད། དེ་བས་རྫབ་ཆེན་ནི་ཉེས་ཅན་པ་མང་པོ་ཞིག་ཁོ་དང་ངན་པ་ལག་འབྲེལ་བྱས་ཏེ་ཁྲིམས་འགལ་བ་དག་དག་ཡིན་པ་མ་ཟད། ཁོ་དང་ཤ་ཁྲག་གི་འབྲེལ་བ་ཡོད་པའང་ནང་དུ་ཚུད་ཡོད།
དེའི་ཕྱིར། དབྱིན་རྒྱལ་གྱི་སྙིང་རྗེའི་གོམས་གཤིས་ནི་ཨ་རི་ནས་གྲོགས་སྐྱོབས་དང་བཟའ་སྐྱོབས་་རིལ་བུ་ལ་གྱུར་ཅིང་། བཟའ་སྐྱོབས་ནས་ཇག་སྐྱོབས་རུལ་བུར་གྱུར་ཏེ། དེང་སྐབས་ཨ་རི་ན་ཇག་དཔོན་དང་ཇག་ཕྲུག་ཚོ་སྤྱང་ལྟོགས་བཞིན་ཀུན་ན་རང་དབང་ངང་འདུར་རྒྱུག་བྱེད་ཀྱིན་འདུག་ཅིང་། འདུར་རྒྱུག་བྱེད་བཞིན་པའི་ཇག་པ་ཚོས་ཉིན་མོ་ཡིན་ཡང་ངོ་ཚ་མེད་པར་ཀུན་ཀྱི་མིག་ལམ་ནས་མང་གཙོ་འཕྲོག་བཅོམ་བྱེད་ཀྱི་ཡོད་པ་རེད། དེར་བརྟེན། ཨ་རིའི་ཡབ་མེས་(Framers of the constitution)ཚོས་གནང་བའི་གྲོགས་སྐྱོབས་རིལ་བུ་ཁྲོ་ཐུང་ལག་ནས་རུལ་སུངས་སུ་གྱུར་ནས་དྲི་མ་འཇིག་རྟེན་ཀུན་ལ་ཁྱབ་ཀྱི་འདུག