ཇོ་ཁང་མདུན་དུ་རང་ལུས་མེར་བསྲེགས།

Comments (12) on “ཇོ་ཁང་མདུན་དུ་རང་ལུས་མེར་བསྲེགས།”

1. ཨོྃ་མ་ཎི་པདྨེ་ཧཱུྃ། གཉིས་ཀ་ཨ་མདོ་ནས་རེད་ཟེར་གྱིན་འདུག

2. མི་གཅིག་ནི་ཨ་མདོ་འབོ་རའི་ཡིན་ལ་གཅིག་ནི་ཨ་མདོ་མགོ་ལོག་གི་རེད་ཟེར།

3. གནས་ཚུལ་གསར་སྤེལ་བྱས་པར་ཐུགས་རྗེ་ཆེ་ཞུ།
   གཅིག་ཨ་མདོ་མགོ་ལོག་གི་མ་རེད་ཨ་མདོ་རྔ་བ་ནས་རེད། གསར་ལམ་ཁག་དུ་འདྲ་མིན་བགོད་འདུག ང་ཚོས་འདི་ན་ད་ལྟ་གནས་ཚུལ་དངིའ་འཚོལ་བཞིན་པའི་སྒང་ཡིན། གང་ཙམ་ཤེས་ཀྱིན་འདུག་ལ་ད་དུང་པར་དང་གསལ་བོ་ལེན་བཞིན་ཡོད། འབྲེལ་བ་བྱེད་འདིད་མཁན་ཚོས་༩༩༠༠༩༧༡༩༣༡

4. ལྷ་ས་རུ་བོད་མི་གཉིས་ཀྱིས་རང་ལུས་མེར་བསྲེགས་བཏང་འདུག
   two Tibetan self-immolated in Lhasa
   གཅིག་ནས་འབོ་ར་ནས་ཡིན་ཞིང་རང་ལོ་༡༩ཙམ་རེད་འདུག་ལ། བོད་མི་གཞན་དེ་ནི་ཨ་མདོ་རྔ་བ་ནས་རེད་འདུག ཁོ་གཉིས་ནི་ལྷ་སའི་ས་ཁང་ཞིག་ཏུ་ལས་ཀ་མཉམ་དུ་བྱེད་ཀྱིན་ཡོད་པ་དང་རྒྱུན་ལྡན་གྱི་འཚོ་བའི་ཁྲོད་ནས་གྲོགས་པོ་ཡག་པོ་ཡིན་པ་མ་ཟད། ཡང་ད་ལྟ་ཁོ་གཉིས་ཀྱི་སུ་འདས་གྲོངས་སུ་ཕྱིན་ཡོད་མེད་དང་སུས་བཙན་ཁྲིད་བྱས་ཡོད་པ་སོགས་ཀྱི་གནས་སྟངས་ཤེས་གསལ་བོ་ཤེས་ཐུབ་ཀྱི་མི་འདུག
   https://www.facebook.com/tsering.kyi.5

5. ལྷ་ས་རུ་བོད་མི་གཉིས་ཀྱིས་རང་ལུས་མེར་བསྲེགས་བཏང་འདུགtwo Tibetan self-immolated in Lhasa
   དེ་རིང་ཞོགས་པ་འདི་ཀ་ཨ་མེ་རི་ཀའི་བོད་སྐད་རླུང་འཕྲིན་ལ་བོད་ནང་ནས་ཐད་ཀར་གནས་ཚུལ་འབྱོར་བ་ལྟར་ན། དེ་རིང་ཕྱི་དྲོ་ཆུ་ཚོད་གཉིས་པ་ཙམ་གྱི་གཡས་གཡོན་དུ་ལྷ་སའི་གཙུག་ལག་ཁང་གི་ཐང་ཆེན་དུ། བོད་མི་གཉིས་ཀྱིས་རང་ལུས་མེར་བསྲེགས་བཏང་ཡོད་པ་དང་།
   མི་གཅིག་གི་ལུས་ལ་མེ་ལྕེ་ཆེན་པོ་མཆེད་དེ་དེ་མ་ཐག་འདས་གྲོངས་སུ་ཕྱིན་པ་དང་གཅིག་དེ་འདས་གྲོངས་སུ་ཕྱིན་མེད་པར་ཉེན་རྟོག་པས་བཙན་ཁྲིད་བྱེད་ཡོད་འདུག
   གནས་ཚུལ་ཡོང་ཁུངས་ཀྱིས་བརྗོད་ན། དོན་རྐྱེན་བྱུང་ས་ནས་དངོས་སུ་མཐོང་མཁན་གྱི་བོད་མི་ཞིག་གིས་འདྲ་པར་བླངས་ཡོད་ཀྱང་ད་ལྟ་ལྷ་སའི་ཕྱོགས་ནས་ཁ་པར་དང་ཀློག་ཀླད་དུ་འདྲ་པར་དང་བརྙན་པར་གཅིག་ཀྱང་སྐུར་ཐུབ་ཀྱིན་མེད་པས་གནས་ཚུལ་ཁ་གསལ་ཕྱི་ལ་སླེབ་ཐུབ་ཀྱིན་མེད་པ་དང་ལྷག་པར་དུ་ལྷ་སའི་ཁུལ་དུ་ས་ག་ཟླ་བ་དང་སྟབས་བསྟུན་ནས་དམ་དྲག་སྔར་ལས་ཆེན་པོ་བྱེད་ཡོད་འདུག
   དེ་བཞིན་རྒྱནག་ནང་གི་ཝིས་པོ་དྲ་ཚིགས་སྒང་དུ། བོད་མི་ཞིག་གིས། ལྷ་སའི་གཙུག་ལག་ཁང་གི་སྒོ་མདུན་གྱི་དོན་རྐྱེན་དེ་ཞེས་ཚིག་རྔ་མ་བྲིས་པར་མིག་ཆུ་བཞུར་བཞིན་པའི་འགུལ་རིས་ཤིག་བཞག་ཡོད་པ་དང་། དེ་བཞིན་ཝིས་པོ་སྒང་གི་གླེང་མོལ་སྟེགས་བུ་རུ། བོད་མི་ཚོས་ལྷ་ས་རུ་དེ་རིང་དོན་རྐྱེན་བྱུང་བ་བདེན་པ་ཡིན་ཡང་ལྷ་སར་འབྲེལ་བ་བྱ་ཐུབ་ཀྱིན་མི་འདུག་ཅེས་ཁ་གཅིག་གྲགས་བྱེད་ཀྱིན་འདུག
   ཡང་བོད་མི་ཞིག་གིས་འདི་ཀ་རླུང་འཕྲིན་ཁང་ལ་ཡི་གེ་སྐུར་ཡོད་པའི་ནང་དུ། ༢༠༡༢ ལོ་ཟླ་༥ ཚེས་༢༥ སྟེ་དེ་རིང་གི་ཕྱོ་དྲོ་དུས་ཚོད་གཉིས་པའི་ཐོག ལྷ་སའི་གཙུག་ལག་ཁང་གི་སྒོ་དྲུང་དུ། གྲྭ་བཙུན་གཉིས་ཀྱིས་རང་རིགས་ཆོས་རིག་དང་བཅས་པའི་ཆེད་དུ་སྐུ་ལུས་མེ་སྲེག་བཏང་སྟེ་ཞི་རྒོལ་བྱེད་འདུག་ཟེར། མི་གཅིག་དེ་འདས་གྲོངས་སོང་ཚར་འདུག གཅིག་དེ་འདས་མ་ཐུབ་པར་ཉེས་རྟོག་པས་འཛིན་གཟུང་བྱས་སོང་། ཁོ་གཉིས་ཀྱི་ཕ་ཡུལ་གང་ཡིན་དང ་མཚན་ཅི་བཏགས་སུས་ཀྱང་ཧ་གོ་མེད་པར་མ་ཟད། གནས་ཚུལ་འདི་ད་དུང་མི་མང་པོས་ཤེས་ཚོར་བྱུང་མི་འདུག་པས་ཆེས་ཡིད་སྐྱོ་བའི་གནས་སོ། ཞེས་བྲིས་འདུག་ལ། ཡང་བོད་མི་ཞིག་གིས་ང་ཚོ་ལ་ངག་ཐོག་ནས་གནས་ཚུལ་མཁོ་སྤྲོད་བྱེད་དོན་ལ།

   རང་ལུས་མེར་བསྲེགས་གཏོང་མཁན་གཉིས་ཀྱི་ཁྲོད་ནས་གཅིག་ནི་བོད་མདོ་སྨད་བླ་བྲང་འབོ་ར་ས་ཁུལ་གྱི་སྤུས་ལུང་སྡེ་བ་ནས་ཡིན་ཞིང་།མིང་ལ་ཚེ་བརྟན་ཞུ་གིན་ཡོད་པ་དང་། ཁོང་གིས་ལྷ་ས་རུ་ཇ་ཁང་ཞིག་ཏུ་ཕྱག་ལས་གནང་གིན་ཡོད་འདུག ད་ལྟ་རང་ལོ་༢༡གཡས་གཡོན་ཙམ་ཡིན་འདུག ཡིན་ན་ཡང་བོད་མི་གཞན་དེའི་མཚན་དང་ཕ་ཡུལ་སོགས་ད་ལྟ་ཤེས་རྟོགས་ཐུབ་ཀྱིན་མེད་པ་རེད།
   ཡང་རྒྱལ་སྤྱིའི་རྒྱུགས་ཆེ་བའི་twitter དྲ་རྒྱ་སོགས་སུ་གནས་ཚུལ་ཐོན་པ་ལྟར་ན། དེ་རིང་ལྷ་ས་རུ་དོན་རྐྱེན་བྱུང་བ་བདེན་པ་ཡིན་ཡང་། དོན་རྐྱེན་ཅི་བྱུང་དང་གནས་སྟངས་ཅི་ཡིན་ཁ་གསལ་མེད་པས། twitterསྒང་དུ་བོད་དོན་ཐད་དོ་སྣང་བྱེད་མཁན་ཚོས་བློ་འཚབ་ཆེན་པོ་བྱེད་ཀྱིན་ཡོད་པ་དང་། ཡང་ད་ལྟའི་མི་སུ་ལ་ཡང་ལྷ་སའི་ཡུལ་མི་དང་ཐད་ཀར་འབྲེལ་བ་བྱེད་མ་ཐུབ་པ་དང་ཡང་གནས་ཚུལ་ཁ་གསལ་ཞིག་རག་གི་མེད་པ་རེད།
   དེ་བཞིན་དེ་རིང་ཞོགས་པ་འདི་ཀ་རླུང་འཕྲིན་ཁང་ནས་བཞུགས་སྒར་རྡ་རམ་ས་ལར་རྟེན་གཞི་བྱེད་པའི་འགྲོ་བ་མིའི་ཐོབ་ཐང་དང་དམངས་གཙོ་འཕེལ་རྒྱས་ལྟེ་གནང་ཁང་ལ་ལྷ་སའི་དམ་དྲག་གི་གནད་དོན་ཐད་ལ་བཀའ་འདྲི་ཞུས་སྐབས། འགན་འཛིན་གཞོན་པ་འཇམ་དཔལ་སྨོན་ལམ་གྱིས་རྒྱལ་ས་ལྷ་སའི་ཁུལ་དུ་ས་ག་ཟླ་བ་དང་སྟབས་བསྟུན་ནས་སྔར་ལས་ཀྱང་དམ་དྲག་ཆེ་རུ་བཏང་ཏེ་བོད་མི་ཚོས་རྒྱུན་ལྡན་ཆོས་ཀྱི་བྱེད་སྒོ་ཁག་སྤེལ་བར་ཡང་དཀའ་ངལ་མང་པོ་འཕྲད་ཀྱིན་པ་ངོ་སྤྲོད་ཞུས་སོང་།
   ཡང་ཕ་ཡུལ་དྲ་ཚིགས་སུ་གནས་ཚུལ་སྤེལ་བའི་ནང་དུ་ཡང་། གནས་ཚུལ་མཁོ་སྤྲོད་པ་ཞིག་ལ་དེ་རིང་ལྷ་ས་རུ་རང་ལུས་མེར་བསྲེགས་ཀྱི་དོན་རྐྱེན་བྱུང་བའི་གནས་ཚུལ་བོད་ནས་ཐད་ཀར་གནས་ཚུལ་འབྱོར་ཡོད་པ་གསལ་བོར་བྲིས་འདུག་ལ། དེ་བཞིན་དགུ་བཅུ་གསུམ་ཆབ་སྲིད་བཙོན་ཟུར་ཚོགས་པའི་ཚོགས་གཙོ་ཟུར་བ་ངགདབང་འོད་འབར་ལ་ཡང་བོད་ནས་གནས་ཚུལ་འབྱོར་བའི་ནང་དུ་རྒྱལ་ས་ལྷ་ས་ནས་དེ་རིང་མེར་བསྲེགས་ཀྱི་དོན་རྐྱེན་བྱུང་བ་གནས་ཚུལ་ར་སྤྲོད་བྱུང་ཡོད་འདུག
   ད་ལྟའི་ཆར་ལྷ་སའི་ཕྱོགས་ཀྱི་ཕྱི་འབྲེལ་རྒྱུད་ལམ་བཀག་འགོག་བྱེད་དེ་གནས་ཚུལ་གང་ཡང་རག་ཐུབ་ཀྱིན་མེད་ཀྱང་། རྒྱ་ནག་གི་གྲོང་ཁྱེར་ཁྲིན་ཏུའུ་དང་པེ་ཅིན་སོགས་སུ་ཡོད་པའི་བོད་མི་ཚོས་གནས་ཚུལ་རྒྱུས་ལོན་བྱེད་དེ་ད་ལྟ་མུ་མཐུད་ནས་དྲ་རྒྱའི་གླེང་སྟེགས་སོགས་སུ་གནས་ཚུལ་སྤེལ་གྱིན་འདུག
   སྤྱི་ལོ་༢༠༠༩ལོ་ནས་བོད་མདོ་སྨད་རྔ་བ་ཀི་རྟི་དགོན་པའི་དགེ་མདུན་པ་བཀྲ་བྷེ་ལགས་ཀྱིས། རང་ལུས་མེར་བསྲེགསབཏང་ཏེ་རྒྱ་ནག་གཞུང་གིས་བོད་ཐོག་ལ་འཛིན་པའི་སྲིད་ཇུས་དེར་ངོ་རྒོལ་བྱུང་བ་ནས་ད་ལྟའི་བར་དུ་བོད་ནང་དུ་རང་ལུས་མེར་བསྲེགས་གཏོང་མཁན་བོད་མི་༣༥་བྱུང་ཡོད་ལ། དེའི་ནང་དུ་གྲྭ་བཙུན། མི་སྐྱ། བུད་མེད། སློབ་མ་སོགས་ཚུད་ཡོད་པ་རེད།

6. འདིའི་སྐད་ཆ་འདི་ཚོ་ཕྲུག་གུའི་རྩེད་མོ་ལྟར་མ་རེད་ད། གནས་ཚུལ་ཁུང་སྐྱེལ་བྱེད་རྒྱུ་མེད་ན་གང་བྱུང་མ་གཏོང་རོགས་གྱིས།

7. གོང་གི་གནས་ཚུལ་འདི། མཛེས་མ་Tsering Kyi ཀྱི་ངོ་དེབ་ནས་བླངས་པ་ཡིན། འབོ་ར་ནས་ཡིན་པ་དེ་རང་ལོ་༡༩ཙམ་རེད་འདུག་ལ་བོད་མི་གཞན་དེ་ནི་ཨ་མདོ་རྔ་བ་ནས་རེད་འདུག ཁོ་གཉིས་ནི་ལྷ་སའི་ས་ཁང་ཞིག་ཏུ་ལས་ཀ་མཉམ་དུ་བྱེད་ཀྱིན་ཡོད་པ་དང་རྒྱུན་ལྡན་གྱི་འཚོ་བའི་ཁྲོད་ནས་གྲོགས་པོ་ཡག་པོ་ཡིན་པ་མ་ཟད། ཡང་ད་ལྟ་ཁོ་གཉིས་ཀྱི་སུ་འདས་གྲོངས་སུ་ཕྱིན་ཡོད་པ་སུ་བཙན་ཁྲིད་བྱེད་ཡོད་པ་སོགས་ཀྱི་གནས་སྟངས་ཤེས་ཀྱིན་མི་འདུག་ཅེས་མཛེས་མ་ཚེ་རིང་སྐྱིད་ཀྱིས་བཤད་འདུག
   མོའི་ངོ་དེབ་ཁ་བྱང་འདི་རེད། https://www.facebook.com/tsering.kyi.5

8. ཨ་ཤི་རེ་ཁེར་རོ། ཤི་དགོས་ནོ་གཅིག་པ་རེད། འབར་རྫས་་་་་་་
   རྒྱ་སྐྱག་དེ་ཚོ་ལ་སྐྱག་ཞིག་ཕུད་ཡོད་ན། ཚེ་རྡོ་སྲོག་རྡོ་བྱས་ནས་ང་ཚོའི་ཡུལ་ནས་གནས་ཞིག་བཙལ་ནས་འདུག་ཨེ་ཐུབ་ན། རྒྱ་སྐྱག་རེད་ཁྱི་སྐྱག་ལ་རྔ་མ་ཞིག་ཡོད་ནི་མ་རེད་ཟེར་ནས་སྔོན་མ་ཚོའི་ཁ་ནས་མང་པོ་གོ་མྱོང་ཡ།
   དཔའ་བོའི་གྲངས་ཀ་རྩི་རྒྱུར་དགའ་རེད། དཔའ་བོའི་གྲངས་ཀ་ཤོར་དུས་སྐྱོ་གི་ཡ། དམག་དཔོན་མེད་ལ་ཆོས་དཔོན་ཡོད་ན་ད་འདི་མོ་ཞིག་ལོས་ཡིན།

9. དྲ་གྲོགས་རྣམས་པ་ཚོ་ཅུང་ཞིག་སྒུགས་གནང་དང་གནས་ཚུལ་གསལ་བོ་ལེན་བཞིན་པའི་སྒང་ཡིན། གལ་སྲིད་ཡིན་ལ་མིན་ལ་ཞིག་བཤད་བསྡད་པ་ཡིན་ན་ཡག་པོ་མི་འདུག་པའི་འཁྱུག་ཙམ་སྒུགས་རོགས་གནང་།

10. ཉེ་བའི་ལོ་གཅིག་གཉིས་ནང་བོད་མི་གཞོན་སྐྱེ་བཞི་བཅུ་ལ་ཉེ་བས་རང་ལུས་མེ་རུ་སྦར་ནས་རྒྱ་གཞུང་ལ་ངོ་རྒོལ་བྱས་ཡོད། འདི་ནི་རང་རིགས་མི་རིགས་རྩ་དོན་དང་༸གོང་ས་མཆོག་རང་ཡུལ་དུ་གདན་འདྲེན་ཞུ་ཆེད་ཡིན་པ་ལས་རང་དོན་ཁོ་ནའི་ཆེད་མ་ཡིན། དེར་བརྟེན་ང་ཚོ་བཙན་བྱོལ་ལ་ཡོད་མཁན་ཚོས་རྒྱལ་གཅེས་དཔའ་བོ་དེ་དག་གི་ཞལ་ཆེམས་ལྟར་བསྒྲུབ་དགོས་པ་ནི་འོས་འགན་གཙོ་བོ་དེ་ཡིན། ཁོང་རྣམ་པའི་ཞལ་ཆེམས་གཅིག་མཐུན་ནི་རང་རིགས་མི་རིགས་རྩ་དོན་ཆེད་གཞིས་བྱེས་གཉིས་ཀྱི་བོད་མི་ཡོངས་རྫོགས་མཐུན་ལམ་རྡོ་རྩ་ཆིག་བསྒྲིལ་གནང་རོགས་ཅེས་པ་དེ་རེད། རྒྱུ་མཚན་དེ་ལ་བརྟེན་ང་ཚོས་ཁོ་རྣམ་པའི་ཞལ་ཆེམས་སྙིང་དབུས་སུ་བཅངས་ནས་དགྲ་ཕྱོགས་ཀྱིས་བལྟས་ན་དགའ་དགོས་པ་དང་། རང་ཕྱོགས་དག་ཡིད་མུག་དགོས་པའི་ང་ཚོའི་ཕྱོགས་དང་ཁོ་ཚོའི་ཕྱོགས་ཅེས་པའི་བསམ་ཚུལ་དང་འབོད་སྒྲ་མཚམས་འཇོག་དགོས་པའི་དུས་ལ་བསླེབས་ཡོད་པས་དེ་བཞིན་ཚང་མས་ཡིད་འཇགས་གནང་རོགས་ཅེས་སེམས་སྟེང་ནས་ཞུ།

11. BBC: དེ་རིང་རྒྱ་ནག་གཞུང་འབྲེལ་ཞིན་ཧ་གསར་ཁང་གིས་ལྷ་སའི་གཙུག་ལག་ཁང་མདུན་ནས་བོད་མི་གཉིས་ཀྱིས་རང་ལུས་མེར་བསྲེགས་བཏང་བ་གསལ་བསྒྲགས་བྱས་འདུག་ལ། བོད་མི་དེ་གཉིས་ནི་ཨ་མདོ་རྔ་བ་ནས་ཡིན་པའི་དར་རྒྱས་དང་ཨ་མདོ་བླ་བྲང་ནས་ཡིན་པའི་རྡོ་རྗེ་ཚེ་བརྟན་གཉིས་རེད། ཁ་སང་གཟའ་ཉི་མའི་ཉིན་གྱི་ཆུ་ཚོད་༢དང་སྐར་མ་༡༦་སྟེང་ཁོ་གཉིས་ཀྱིས་བར་བསྐོར་གླིང་ནས་རང་ལུས་མེར་བསྲེགས་བཏང་བ་དང་། སྐབས་དེར་ཉེན་རྟོག་པའི་མེ་བསད་དེ་སྨན་ཁང་དུ་ཁྲིད་ཡོད་འདུག་མོད་རྡོ་རྗེ་ཚེ་བརྟན་སྐུ་གྲོངས་ཡོད་འདུག་ལ་དར་རྒྱས་ལགས་སྐུ་གྲོངས་མེད་པའི་གནས་ཚུལ་བཀོད་འདུག

12. གསར་འགྱུར་བརྒྱུད་ལམ་ཁག་གང་ན་མ་བཀོད་པ་ཞིག་བཟོས་ནས། རང་ལུས་མེ་མཆོད་བཏང་མཁན་དེ་དག་ས་ཁུལ་ག་གེ་མོ་ཞིག་ནས་རེད་ཟེར་མཁན་འདི་རྣམས་ཀྱིས། སྐུ་གཤེགས་དཔའ་བོ་དང་ད་ལྟར་ཤི་གསོན་མི་ཤེས་གནས་སུ་གྱར་བའི་དཔའ་བོ་རྣམ་གཉིས་ཆེད་དུ་ལྷ་སའི་ཇོ་ཁང་མདུན་དུ་ཕེབས་ནས་མེ་མཆོད་བཏང་གནང་མཛད་པའི་ཀུན་སློང་དང་རྦད་དེ་འགལ་བའི་ཁུངས་མེད་ཀྱི་གསར་བསྒྲགས་སུ་འདོད།