ཁྲོ་གཏུམ་གྱིས་བསྒྱུར།
ཕྱི་ཚེས་བཅུ་ཉིན་གྱི་འགྲོ་བ་མིའི་ཐོབ་ཐང་གི་ཉིན་མོ་ལ་འགྲོ་བ་མིའི་ཐོབ་ཐང་གི་འགན་འཛིན་གྱིས་ཆེད་དུ་བསྒྲགས་གཏམ་སྤེལ་བ་ཞིག
ཕྱི་ལོ་༢༠༡༤ ཟླ་༡༠ ཚེས་༡༢ ཉིན་རྒྱལ་སྤྱིའི་འགྲོ་བ་མིའི་ཐོབ་ཐང་ལས་ཁུངས་ཀྱིས་ས་ཕྱོགས་གང་དུ་ཡིན་རུང་ཉི་མ་རེ་རེ་ཡང་འགྲོ་བ་མིའི་ཐོབ་ཐང་བརྩི་སྲུང་གི་ཉིན་མོ་ཡིན་དགོས་པའི་རྒྱུ་མཚན་མངོན་གསལ་བྱེད་འདོད་དུ། གཤམ་གྱི་འཕྲིན་ཐུང་འདི་བརྒྱུད་དེ་འགྲོ་བ་མིའི་ཐོབ་ཐང་གི་སྤྱི་དམངས་ཡོངས་སུ་བསྒྲགས་གཏམ་ཞིག་སྤེལ་ཡོད་པ་དེ་ནི་འགྲོ་བ་མིའི་ཐོབ་ཐང་གི་འགན་འཛིན་གྱིས་བརྙན་ཐུང་ཞིག་དང་མཉམ་དུ་སྒྲོག་སྦྱོང་ཁྱབ་སྤེལ་བྱས་འདུག
འགྲོ་བ་མིའི་ཐོབ་ཐང་གི་འགན་འཛིན་ Zeid Ra’ad Al Hussein ལགས་ཀྱིས་འགྲེལ་བརྗོད་ལྟར་ན། ཕྱི་ལོ་༡༩༤༨ ཟླ་༡༢ ཚེས་༡༠ ཉིན་མཉམ་འབྲེལ་རྒྱལ་ཚོགས་ཀྱི་གར་སྟེགས་སྟེང་དུ་གཏན་འབེབས་བྱས་པའི་སྐབས་ཀྱི་བསྒྲགས་གཏམ་སྟེ་ལོ་རྒན་དྲུག་ཅུའི་ཡར་སྔོན་གྱི་འགྲོ་བ་མིའི་ཐོབ་ཐང་ཡོངས་ཁྱབ་གསལ་བསྒྲགས་ནང་གི་འོད་ཟེར་རབ་ཏུ་འཕྲོ་བའི་སྐད་ཆ་དང་པོ་དེ་ནི། ༼སྐྱེ་འགྲོ་ཡོངས་སྐྱེས་པ་ནས་རང་དབང་དང་འདྲ་མཉམ། ཆེ་མཐོང་དང་ཐོབ་ཐང་རང་ཆས་སུ་ཡོད་པ་ཞིག་ཡིན།༽ ཅེས་དང་།
གཅིག་བྱས་ན་མི་ཚང་མར་ཧ་ཅང་རྒྱུ་མཚན་ལྡན་ཞིང་ཡིད་དུ་འོང་བའི་འགྲོ་བ་མིའི་ཐོབ་ཐང་བསྒྲགས་གཏམ་གྱི་རྩ་དོན་ནང་དུ། བསམ་ཚུལ་འདྲ་མིན་ཡོད་མེད་ལ་མ་ལྟོས་བར་དཔལ་འབྱོར། སྤྱི་ཚོགས། ཆབ་སྲིད། རིག་གཞུང་། མི་སེར་ཐོབ་ཐང་བཅས་ནི་མངོན་འདོད་དང་བརྩི་འཇོག་གིས་བསྐྲུན་ཞིང་རང་དབང་ལྡན་པའི་མི་ཚེ་གང་གི་སྟེགས་བུ་ཞིག་ཡིན་པ་དང་། འདི་དག་ནི་རྒྱལ་ཁབ་ཅིག་ལ་དམིགས་སུ་བཀར་ནས་ཡོད་པ་མ་རེད་ལ། ཁོར་ཡུག་ཅིག་གམ། ཡང་ན་ཚོགས་ཁག་གང་རུང་ཞིག་ཏུ་གཏོགས་པའི་དམིགས་བསལ་ཅན་དང་གཤིས་སྤྱོད་ཡག་པོའི་ཆེད་དུ་ལེགས་སྐྱེས་སུ་སྤྲད་པ་ཞིག་ཀྱང་མ་རེད། དེ་བས་འདི་དག་ནི་འགྲོ་བ་མི་ཡོངས་ལ་ཁ་བྲལ་ཐུབ་མེད་པའི་བདག་དབང་ཞིག་དང་། དུས་ནམ་ཡིན་དང་ཡུལ་གང་དུ་ཡིན་པ། ལོ་རེའི་ཉིན་མོ་༣༦༥ ཆ་ཚང་ལ་ཡོངས་ཁྱབ་ཏུ་བདག་པ་ཞིག
འགྲོ་བ་མིའི་ཐོབ་ཐང་གི་འགན་འཛིན་གྱིས་བསྐྱར་བརྗོད་བྱས་པ་ལས་བསྒྲགས་གཏམ་འདི་ནི་འགྲོ་བ་མིའི་ཐོབ་ཐང་གི་རྩ་ཁྲིམས་ཀྱི་མ་ལག་ཡོངས་ཀྱི་སྙིང་བོ་སྟེ། ནོར་འཁྲུལ་བྱས་ཏེ་དྲང་བདེན་རྙེད་པ་དང་། རྒྱལ་སྤྱི་དང་རྒྱལ་ཁབ་སོ་སོའི་ངོས་ནས་འགྲོ་མིའི་ཐོབ་ཐང་སྲུང་སྐྱོབ་བྱས་པར་ཐུགས་རྗེ་ཆེ་ཞུས་པ་ཡིན།
གདལ་བཤིག་ནི་སྔོན་འགོག་དང་། རང་སྐྱོང་དང་རང་དབང་མཐར་སོན་བྱུང་ཞིང་། རང་དབང་ནི་མནར་གཅོད་དང་དྲང་བདེན་མིན་པའི་བཙོན་འཇུག སྲོག་ཐོག་དང་བཙན་བཀའ་གཏོང་བ། སྡུག་སྦྱོང་མནར་གཅོད་དང་རིགས་དབྱེ་འབྱེད་པ་ལས་འབྱུང་མི་ཐུབ་པ་ནི་མི་མང་པོ་ཞིག་གིས་བསམ་གྱི་ཡོད་རེད། དེ་ནི་ཧ་ཅང་ལེགས་ཤིང་བར་ཐག་ཉེ་བའི་ཤེས་ཡོན་དང་། དཔལ་འབྱོར་གྱི་གོ་སྐབས། སྲོལ་རྒྱུན་རིག་གཞུང་གིས་ཕྱུག་པ། དགོས་མཁོ་དང་མཐུན་པའི་ཐབས་ལམ། འཕྲོད་བསྟེན་ལྟ་སྐྱོང་བཅས་ནས་ཡོང་བ་ཞིག་རེད།
བསྒྲགས་གཏམ་རྒྱབ་སྐྱོར་འོག་ཡར་རྒྱས་སུ་འགྲོ་བཞིན་པ་དང་། འདི་ལོ་ནི་དྲག་སྤྱོད་པར་ཁ་གཏད་བཅགས་ནས་ལོ་འཁོར་༣༠ལོན་བའི་སྤྱི་སྲོལ་ཞིག་ཆགས་ཡོད་པ་དང་། འདི་ལོ་ནི་བྱིས་པའི་ཐོབ་ཐང་སྤྱི་སྲོལ་གཏན་འབེབས་གནང་སྟེ་མི་ལོ་༢༥ འཁོར་བ་དང་ཨང་གྲངས་༢༥ནི་བྱིས་པའི་ཐོབ་ཐང་གི་མཚོན་རྟགས་སུ་ཆགས་ཡོད།
ཕྱི་ལོ་༢༠༡༥ ནང་། འགྲོ་བ་མིའི་ཐོབ་ཐང་ཡོངས་ཁྱབ་གསལ་བསྒྲགས་ལ་རྒྱལ་སྤྱིའི་གྲོས་མཐུན་གནང་བའི་ཤུགས་རྐྱེན་ཆེ་ཤོས་སྤྲད་པ་ཐོག་མ་དེ་ཆགས་རྒྱུ་དང་། དེ་ཡིས་དུས་རབས་ཕྱེད་ཀའི་རིང་མི་རིགས་དབྱེ་འབྱེད་ཀྱི་སྒྲོམ་གཞི་ལས་ཡོངས་སུ་བརྒལ་བའི་རྒྱལ་སྤྱིའི་སྤྱི་སྲོལ་ཞིག་ཆགས་པར་བྱེད་རྒྱུ་དེ་ཡིན།
སྟོབས་ཤུགས་ལྡན་པའི་ཡོངས་ཁྱབ་གསལ་བསྒྲགས་འདི་ནི་འཛམ་གླིང་འགྱུར་འགྲོས་ཀྱི་བསམ་བློའི་ཁྱད་ནོར་ཞིག་ཡིན། དེ་ཡིས་ང་ཚོར་འགྲོ་བ་མིའི་ཐོབ་ཐང་ནི་མེད་དུ་མི་རུང་བ་དང་དུམ་བུར་བགོ་མི་ཐུབ་པར་ལོ་གཅིག་རིང་གི་ཉི་མ་༣༦༥ ཆ་ཚང་ལ་ཡོད་པ་ཞིག་དང་། ཉི་མ་རེ་རེ་ནི་འགྲོ་བ་མིའི་ཐོབ་ཐང་གི་ཉིན་མོ་ཡིན་ལ། ཉིན་གཅིག་གི་ནང་དུ་ང་ཚོས་མི་ཡོད་དོ་ཅོག་ལ་རང་དབང་དང་ཆེ་མཐོང་། འདྲ་མཉམ་ཐོབ་པར་ངེས་གཏན་བཟོ་བའི་ལས་འགན་དང་དུ་ལེན་དགོས་པ་རེད་ཅེས་འགྲེལ་བརྗོད་གནང་འདུག
དམག་ཆེན་གཉིས་པའི་འཇུག་འབྲས་དྲག་དམག་གི་གྱོང་གུན་ནས་འགྲོ་བ་མིའི་
ཐོབ་ཐང་ཟེར་བ་གཞི་ནས་སྙེད་པ་རེད་ཤེས་སོང་ངམ་།འགྲོ་བ་མི་ལ་ཐོབ་ཐང་
འདི་དང་འདི་ཡོད་པའི་ངོ་སྤྲོད་བྱ་རྒྱུའི་ལས་འགན་དེ་འཛམ་གླིང་མཉམ་སྦྲེལ་
རྒྱལ་ཚོགས་ལ་ཡོད་ཀྱང་ལག་ལེན་དང་འགན་སྲུང་དེ་རྒྱལ་ཁབ་སོ་སོར་ཡོད་ན་
རྒྱལ་ནང་གི་བདེ་འཇགས་དང་མང་ཚོགས་ཀྱི་འཚོ་བ་ལ་འགན་བཞེས་ནས་ལུང་པ་སི་སོའི་ནང་ཁྲིམས་དང་སྒྲིུག་གཞི་བཟོས་ནས་ལག་ལྟར་དགོས་པ་ལས་འགྲོ་བ་
མིའི་ཐོབ་ཐང་ཁ་་དང་ལག་ཏུ་ཉར་ཐུབ་ཙམ་གྱི་དོན་དག་འགྲུབ་རྒྱུ་མེད་་པ་མ་
ཟད་་མགོ་ལས་རྨ་ཆེ་བ་བཟོ་མ་སྲིད་པ་མིན་ན་ང་ཚོའི་ཟབ་་ཟབ་བྱ་དགོས་པ་ནི་།
རྐྱང་ཤ་འབྲོགས་རྗེས་ལ་བོང་བུ་འབྲོགས་།
གལ་ཆེ་བའི་གཏམ་ལ་ནན་གཏན་དགྱིས་།
ཟེེར་ཡང་ཟེར་ལ་བདེན་ཡང་བདེན་།
བདེན་པའི་བདེན་ངོ་སྤྲད་ཡོད་དོ་།
ྨ
་་་་་་་་་་་་་་་་་་་ ཕྱི་ལོ་༢༠༡༥ ནང་། འགྲོ་བ་མིའི་ཐོབ་ཐང་ཡོངས་ཁྱབ་གསལ་བསྒྲགས་ལ་རྒྱལ་སྤྱིའི་གྲོས་མཐུན་གནང་བའི་ཤུགས་རྐྱེན་ཆེ་ཤོས་སྤྲད་པ་ཐོག་མ་དེ་ཆགས་རྒྱུ་དང་། དེ་ཡིས་དུས་རབས་ཕྱེད་ཀའི་རིང་མི་རིགས་དབྱེ་འབྱེད་ཀྱི་སྒྲོམ་གཞི་ལས་ཡོངས་སུ་བརྒལ་བའི་རྒྱལ་སྤྱིའི་སྤྱི་སྲོལ་ཞིག་ཆགས་པར་བྱེད་རྒྱུ་དེ་ཡིན། ་་་་་་་་་་་་་་་་་