ཨ་མའི་གཅེས་ཕྲུག
ཧ་་་་་་་ ཧ་་་་་་་་ཧ་་་་་ད་ཅི་ཞིག་བྱ་གིན་ཡོད་དམ། ཞེས་པའི་སྒྲ་ཞིག་ཐོས་མ་ཐག་ང་རང་སྐྱིད་པའི་མལ་གཟན་ལས་དངངས་མ་སྐྲག་གིས་ཧོབ་ལངས་བྱ་གིན་ལག་གདགས་ཀྱི་དུས་ཚོད་འཁོར་ལོར་བལྟ་ཙམ་བྱས་པ་ན་ལས་ཀར་འགྲོ་བའི་དུས་ཚོད་ཟིན་ལ་ཉེ་འདུག བསྐྱར་དུ་བསམ་གཞིགས་ཤིག་བྱ་གིན་་་་ཨའོ་་་་་་དེ་རིང་ནི་རྒྱ་གར་གྱི་བདག་ཉིད་ཆེན་པོ་གན་དྷིའི་འཁྲུངས་སྐར་ཡིན་པས་ཚང་མ་གུང་གསེང་ཡིན་པ་གཞི་ནས་དྲན་པ་གསོས་ཏེ་སེམས་ལྷོད་ལ་བབས་ནས་སླར་ཡང་རྐྱོང་ཤད་ཅིག་དང་སྦྲགས་ཉལ་ཁྲིའི་སྟེང་ཨ་ལོག་ཅིག་བརྒྱབས་ཏེ་ཉལ་བ་ཡིན། གང་ལྟར་གུང་གསེང་གི་སྐབས་སུ་དུས་ཚོད་ཕྱི་པོ་ཉལ་རྒྱུ་ནི་ངའི་མ་བཅོས་གཤིས་སུ་གྲུབ་པ་ཞིག་ལགས་ན། དེ་རིང་ཡང་དེ་ལྟར་བྱ་རྒྱུ་ལས་མ་འདས། དེ་ནས་དུས་ཚོད་གཅིག་ཙམ་གྱི་རྗེས་ཉལ་གོས་དང་བྲལ་ཏེ་ཕྱི་རོལ་དུ་ཐོན་པ་ན་ནམ་རྒྱུན་གོམས་ལོབས་སུ་སོང་བ་བཞིན་དེ་རིང་ཡང་རང་གི་མིག་ཟུང་གཉིས་པོ་མདུན་ཕྱོགས་སུ་བལྟ་བར་ཐལ། དེ་ནི་ཁོང་དང་ངོ་ཤེས་པའི་དུས་དེ་ནས་བདག་ལ་ཚོར་ཤུགས་གསར་པ་ཞིག་གིས་སྣེ་དྲངས་ཏེ་བལྟ་འདོད་པ་དང་མཐོང་འདོད་པ་དེ་ཁོ་ན། ད་དུང་མདུན་ཕྱོགས་ནས་འཕྲོས་འོང་བའི་འོད་ཟེར་དེས་བདག་ལ་སྔར་མེད་ཀྱི་བདེ་བ་ཞིག་དང་སེམས་ཚོར་གསར་པ་ཞིག་སྦྱིན།
སྐབས་རེ་ཞིབ་ཏུ་བསམ་ན་དེ་ནི་བདག་གིས་ཡུན་རིང་རེ་སྒུག་བྱས་པའི་བདེ་སྐྱིད་ཀྱི་རྩ་བ་ཡིན་ནམ། ཡང་ན་སྔར་བྱུང་མ་མྱོང་བའི་སྡུག་བསྔལ་གྱི་རྒྱུ་ཞིག་ཡིན་པ་རང་ཉིད་ཀྱིས་ཀྱང་དབྱེ་འབྱེད་དཀའ། བདག་གིས་ཁོང་དྲན་ཞིང་ལོ་ཟླ་མང་པོ་འདི་ལྟར་རིམ་གྱིས་འདས་སོང་ལ་ད་དུང་དྲན་པས་གདུང་ཞིང་སྐྱོ་བས་མནར་བའི་མིག་ཆུའི་ཐིགས་ཕྲེང་སེམས་ཁོང་དུ་བཞུར་བ་གྲངས་ཀྱིས་མི་ལངས། ལྷད་མེད་ཀྱི་བརྩེ་སེམས་ཟབ་མོ་དེ་སུ་ཞིག་གིས་བདག་ལ་གནང་བའི་ལེགས་སྐྱེས་ཡིན་ནམ། ཉིན་མཚན་དབྱེར་མེད་དྲན་པས་གདུང་བ་སུ་ཞིག་གིས་བདག་ལ་བཏང་བའི་ཉེས་པ་ཡིན། དེ་ལྟར་ཁོང་ཉིན་གཅིག་ལ་མ་མཐོང་ཡང་དྲན་པའི་སེམས་ཀྱིས་བསྐུལ་ནས་ཟོས་པའི་ལྟོ་ལ་བཅུད་མེད་པ་དང་ཉིན་གང་པོ་སེམས་སྐྱ་སྟོང་སིང་སིང་ཞིག་གིས་དེ་མ་ཉིད་དུ་ཁོང་དང་མཇལ་རྒྱུ་བྱུང་ན་སྙམ་པའི་ཚོར་བ་ཞིག་རང་བཞིན་གྱིས་སྐྱེས་ཡོང་གིས། ད་ལྟ་བར་དུ་ཁོང་ནི་སུ་ཞིག་གིས་བཏང་བའི་ཕོ་ཉ་ཡིན་པ་མི་ཤེས་མོད། འོན་ཀྱང་བརྡ་ལན་ཙམ་ཞིག་གིས་བདག་གི་སེམས་པ་ཀློང་ཀློང་པོར་བཏང་། དེ་ནས་བཟུང་མདུན་ཕྱོགས་སུ་ཅི་ཞིག་ཡོད་པ་བཞིན་བདག་གི་མིག་ཟུང་ཡང་དེ་ཕྱོགས་སུ་བལྟ་བར་གོམས་གཤིས་སུ་གྱུར་འདུག ཨོ་་་་་་་དེ་དག་ལ་བསམ་གཞིགས་བྱ་གིན་གྲོད་ཁོག་ཡང་སྟོང་པར་ལྷག་འདུག ད་བསམ་བློ་ནང་ལ་བཀུག་ནས་ཞོགས་ཇ་ཞིག་བཟོས་ཏེ་རང་ལ་སེམས་གསོ་ཞིག་ཐོབ་ཆེད་དུ་རང་ཉིད་ཀྱི་དགའ་ཤོས་གླུ་གཞས་དེ་སྒྲ་སྒམ་ཆུང་ཆུང་དེ་ལས་གཏོང་འགོ་བཙུགས་པ་ཡིན་ལ་སྔོན་གྱི་འཆར་ཡན་གྱི་བསམ་བློ་དེ་ལས་གཡོལ་ཐུབ་ཙམ་བྱུང་།
དེ་ཤིན་ཏུ་ལེགས་ཆར་ཡན་གྱི་བསམ་སྤྱོད་དོར་ཐུབ་ན་ངག་དྲང་ཚིག་དང་ཡིད་རྣལ་མ་བྱ་སྤྱོད་
མ་བཅོས་པར་གནས་ཐུབ་པའི་མ་ཚད་བེད་མེད་ཀྱི་ལས་ལ་གཡེང་སྦྱོར་དེ་ཡང་ཞི་འགྲོ།།
འཆར་ཡན་ཞེས་པ་གང་འདྲ་ཞིག་ལ་གོ་དགོས་སམ། གསལ་བཤད་ཞུའོ།།
མེ་ཏོག་དཀར་པོ་ལགས། འཆར་ཡན་གྱི་བསམ་བློ་ཟེར་ན་རང་ཉིད་ཀྱིས་བསྒྲུབ་འོས་པའི་བྱ་བ་ལ་བསམ་བློ་རྩེ་གཅིག་ཏུ་གནས་མི་ཐུབ་པར་སེམས་རྒྱ་ཡན་དུ་སོང་བའམ་སེམས་གནས་ཚུལ་གཞན་ཞིག་ཏུ་གཡེང་པ་ལ་གོ་ན་འགྲིག
ཨ་མའི་གཅེས་ཕྲུག་མ་་་་་་་་་་་་་་་ཁྱེད་ཀྱི་་ཉིན་ཐོ་འདི་ལ་ཐེངས་གཅིག་ལྟས་བ་ཡིན་ཧ་ཅིང་གི་སྙན་པོ་འདུག་་་་་དེ་མ་ཟད་ཁྱེད་རང་ལ་བརྩེ་དུང་གི་ཚོར་ཤུགས་རྣོ་པོ་ཞིག་ཡོད་པའང་་གསལ་བོ་རེད་་་་་་་་་་་་དེར་བརྟེན་་་འཆར་ཡན་གྱི་འཇིག་རྟེན་ཁོ་ནར་མགོ་བོ་འཐོམ་པ་ལས་་་ངེད་གཉིས་ནས་འཇིག་རྟེན་གྱི་བརྕེ་དུང་དངོས་མྱོང་བྱས་ན་ཅི་འདྲི་འདུག་་་་་་་་་་་་་་་་གལ་ཏེ་་་་འདོད་པ་ཡོད་་་་་ངའི༷་ངོ་དེབ་ལ་ཕེབས་རོགས་ཞུ་་་་་་་་་་་་་་་་ཡ་ལན་ཞིག་་ངེས་པར་ངུ་ཡོད་པ་ཞུ་
ཨ་མའི་གཅེས་ཕྲུག་མ་་་་་་་་་་་་་་་་་་་་་་་་་་་་་་ལན་ཞིག་གནང་གི་མ་རེད་དམ་་་་་་་་་་་་་་་་་་ཁྱེད་ཉེད་མྱུར་ཏུ་མཇལ་བའི་སྨོན་ལམ་ལེན་བརྒྱར་ཞུ་ྲྲྲྲྲྲྲྲྲྲྲྲྲྲྲྲྲྲྲྲྲྲྲྲྲ