རིགས་སློབ། མཚོ་འགོ་འཇམ་དབྱངས།
–Just A moment ཞེས་པའི་དུས་དེབ་ནས་ཟུར་བཏོན་བྱས་ཏེ་བསྒྱུར།
ང་ནི་ངས་གང་ཞིག་བསམ་པ་དེ་ཡིན། བསམ་ཞིབ་ཀྱི་བརྒྱུད་རིམ་གྱིས་ཉིན་ལྟར་སེམས་ལ་དབང་བསྒྱུར་བྱེད་པ་མ་ཟད། ད་དུང་ནུས་ལྡན་གྱི་སེམས་ཏེ་དོན་དངོས་སུ་ལས་མེད་ངང་གནས་མི་སྲིད། ངའི་བསམ་པས་ཉེ་འཁོར་གྱི་ཁོར་ཡུག་དག་གསར་སྐྲུན་བྱས་པར་དྭོགས་པ་མེད། མཚམས་རེ་བསམ་བློའི་གྲུབ་འབྲས་འདི་དག་འཕྲལ་དུ་གསལ་པོར་ཡོང་བ་དང། མཚམས་རེ་གྲུབ་འབྲས་དེ་དག་ལག་ལེན་ནང་དུས་ཡུན་ཏོག་ཙམ་འགོར་གྱིན་ཡོད། གང་ལྟར་ཡང་བསམ་བློ་དེར་ནམ་ནུས་ཤུགས་བརྟན་པོ་དང་དོ་སྣང་སྤྲོད་དུས་བྱ་སྤྱོད་ཐོག་མངོན་པར་གསལ་ཡོང་བ་ནི་བདེན་པར་གནས་ཡོད། དེ་དག་ངའི་བྱ་སྤྱོད་ཀུན་གྱི་གཞི་རྩ་ཞིག་རེད། གལ་སྲིད་ངས་ངེས་པར་དུ་བསམ་བློ་གཏོང་དགོས་པ་དང། དེ་ལྟར་བསམ་པ་ལས་བྱ་སྤྱོད་བཟང་ངན་ཅི་རིགས་ཀྱིས་ངའི་ཉེ་འཁོར་གྱི་འཇིག་རྟེན་བཟང་ངན་སྣ་ཚོགས་སྒྲུབ། དེ་ལྟ་ན་ངོས་ཀྱིས་བསམ་པ་ལྷད་མེད་པ་དང་ཚད་མཐོའི་རང་བཞིན་ཅན་གྱི་བསམ་བློ་གཏང་ན་དོན་དང་ལྡན་ཏེ་ངས་བསྐྲུན་པའི་འཇིག་རྟེན་འདི་ལྷད་མེད་དང་བཟང་པོ་ཞིག་ཡོང་གི་ཡོད། ལྷད་མེད་ཀྱི་བསམ་བློ་ཟེར་བ་དེ་གང་རེད། གང་བསམ་པ་ཀུན་རྟོག་པ་ཡིན་པས་ཐོག་མ་མེད་པ་ནས་ལྷད་མེད་ཅིག་མ་ཡིན་པས། ལྷད་མེད་ཀྱི་བསམ་པ་ཞེས་པ་ནི་བདག་འཛིན་དང་། འཁོན་འཛིན། ང་རྒྱལ། ཕྲག་དོག འདོད་རྔམས་སམ་ཁོང་ཁྲོ་དེ་དག་ལས་བྲལ་བ་ཞིག་རེད། ལྷད་མེད་ཀྱི་སེམས་དེ་ག་དུས་ལག་ལེན་ནང་དུ་འཕོ་འགྱུར་ཕྱིན་པ་ཡིན་ན་བྱེད་པ་པོ་རང་ཉིད་ལ་ལེགས་བཅོས་བྱེད་པར་མ་ཟད། སྣོད་བཅུད་དེ་ལ་ཡང་ལེགས་བཅོས་བྱེད་ཀྱིན་ཡོད། དེ་འདྲེའི་ལྷད་མེད་ཀྱི་སེམས་དེའི་ནུས་པས་གཞི་བྱས་ཏེ་རང་ཉིད་ལ་ཆེ་མཐོང་གིས་བསྟོད་བསྔགས་ཐོབ་ཀྱིན་ཡོད། ད་དུང་སོ་སོའི་ཕྱོགས་མཐའ་ལ་རྒྱ་བསྐྱེད་པ་མ་ཟད་ཐམས་ཅད་ལ་བདེ་བའི་ཚོར་བ་འདྲེན་གྱིན་ཡོད། སེམས་སྐྱོ་དགོས་པ་ཞིག་ལ། ངས་བསྐྲུན་པའི་ཁོར་ཡུག་དག་ལས་ལྷད་མེད་ཀྱི་སེམས་དེ་འདྲ་ཞིག་སྐྱེ་རྒྱུ་ཧ་ཅང་གི་ཞན་དུ་འགྲོ་གི་ཡོད་པ་གསལ་པོ་འདུག མཐའ་སྐོར་གྱི་སྦག་བཙོག་དེ་དག་གིས་ནང་གི་བསམ་བློ་གཏོང་ཕྱོགས་དེ་ཡང་དག་པ་ཞིག་མེད་པ་གསལ་སྟོན་བྱས།
ཡི་ག་དག་ཆ་ལེགས་པས་དགའ། ད་དུང་ཡང་བཟང་ནས་བཟང་དུ་འགྲོ། ཡོང་ཞེས་པར་འོང་། ཞེས་ན་ཆོས་སྐད་དང་མཐུན། བྱེད་པར་མ་ཟད། ཅེས་པར་གཞན་ཕལ་ཆེ་བས་ར་སྒྲ་སྤངས་པ་ལྟར་མ་ཡིན་པར་བོད་སྐད་ཀྱི་དག་ཆ་ལ་རྩི་བ་ཡོད་པ་དེ། བོད་ལ་གུས་པའི་རྟགས་སོ།།
དེང་སང་ལྷད་མེད་པའི་བསམ་བློ་ཕར་བཏང་ན།
ཕྱིར་འཁོན་ལན་ལོག་མཁན་མང་གི་ཡ།དེ་ལས་