རས་པ།
ཅིས་ཀྱང་སྙན་ངག་ཅིག་འབྲི་དགོས་པ་འདྲ
རང་སེམས་སྡུག་ནད་ཀྱིས་མནན་པའི
ངང་ཚུལ་འདི་ནི
རི་རབ་ཕྲག་སྟེང་ལ་ལྷུང་འདྲའི
ས་གཞིར་བརྩེ་བ་ཡོད་ཚད་ཀྱི་སྐྱེ་རྒྱུན་ཆད་འདྲའི
མགོ་བོ་དགྱེ་ཐུབ་ཀྱང་ནམ་མཁའ་སྔར་ནས་ཡལ་ཟིན་འདྲའི
དབྱར་གཞུང་གི་ལོ་མ་སེར་པོ་བྱེ་ཐང་དུ་འཁུར་འདྲའི
ཚ་བའི་ཁྲོད་ཀྱི་མེ་ལྕེ་འདྲ་བའི
སྟོང་སྣང་ཡོད་ཚད་སྐད་ཅིག་གིས་མཚོན་པར་བྱེད་པའི
སྙན་ངག་ཅིག ཅིས་ཀྱང་འབྲི་དགོས་པ་འདྲ
ཅིས་ཀྱང་འབྲི་དགོས་པའི་སྙན་ངག་དེ་ནི
རང་གི་ཤ་ལ་གཅུ་གཟེར་བརྒྱབ་འདྲའི
སྙིང་ལ་ཨི་ཁུང་ཕིགས་འདྲའི
མཁར་ཤུལ་གྱི་བསེར་བུའི་ཤུགས་སྒྲ་འདྲ་བའི
ཁེར་ཧྲང་གི་སྐྱོ་བ་ཡོད་ཚད་སྤུང་གསོག་བྱེད་པའི
སྲིད་པའི་སྐྱེ་རྒྱུན་གྱི་ཉེས་པ་དེ་ཡིན་ཨང
༢༠༡༣།༡༠།༢༥ལ།
འདི་ན་ཡང་སྙན་དངགས་ཀྱི་ལྕེབས་ཐག་ཅིག་དཔྱངས་འདུག
ཡང་ན་སྙན་དངགས་པ་གང་ཞིག་དམྱལ་ཁམས་ཤིག་ཏུ་ལྷུང་འདུག
གནའ་ནས་ད་ལ་ཐུག་གི་བར།།
གངས་ཅན་སྙན་ངག་སྨྲ་བ་དག།
སེམས་པ་བདེ་ཐང་མེད་འདྲ་བའི།།
སྨྱོ་རྟགས་མ་བསྟན་མཁན་ཞིག་མེད།།
སེམས་ངོ་མི་སྟོན་པའི་ཁ་དཀར་ངོ་དཀར།
ནང་སྙིང་ཞིག་ཡོད་པར་ཐེ་ཚོམ་ཆེ་བའི་ཕྱི་ལུས་མཛེས་པོ།
ལག་སྣེ་འདི་བརྩེ་བས་ཅི་ཙམ་བསྲངས་ཡང་།
ཁན་ས་རེ་ས་ཞིག་མི་ཉན་པའི།
དེང་སང་གི་དུས་ཚོད་ལ་དར་བའི།
སྙན་པའི་ངག་འདི་ལ།
དོན་གྱི་ཕུགས་ཞིག་ཡོད་དམ།
ཡིད་ཀྱི་དང་བ་དེ་འདྲེན་ནམ།
ངས་བརླགས་ཟིན་པའི་སྐར་ཆ།
ཁྱོས་ཉོ་འདོད་པའི་ནོར་བུ་ཡིན་ནམ།
ཡང་ན།
ཁྱོས་སྤྲད་པར་འདོད་པའི་སྤྲང་ཟས་འདི།
ངའི་ཡིད་ཁ་འདི། ངའི་ཡིད་ཁ་འདི་ལ་་་་་་་་་་་་་་་།
ཞ་ར་ཞིག་གིས་ཁ་དོག་དཀར་པོ་ཆོས་ཅན་ཟེར
ད་དུང་རྒྱལ་བོ་དེ་ཅིས་ཀྱང་སྨྱོ་ཆུ་འཐུང་དགོས་ཟེར
ང་ཚོད་ཚོད་ལ་དགོད་རྒྱུ་ཞིག་ཡོང་བར་རྒྱུ་མཚན་ལོས་ཡོད
སྙན་ངག་ཟེར་ཡང
རྨང་རྡོ་ཞིག་ཡིན
ཁྲག་དང་རུས་པས་བརྩིགས་པའི་སྟོང་སེམས་ཀྱི་ཕོ་བྲང་ཞིག་གོ
སུ་དང་སུ་ཞིག་ཆུ་བོ་ཆེན་པོ་ཞིག་གི་ཕ་རོལ་ཚུར་རོལ་ཡིན་པས
ཨམ་ཕྲག་སྟོང་བ་ཞིག་འཁྱེར་ནས་གཉེན་སྟོན་བྱེད་རྒྱུ་མ་ཟེར