—རང་འཚོལ་གྱིས་བསྒྱུར།
དེ་རིང་ཞོགས་པར། འཛམ་བུ་གླིང་ལ་བྱམས་དང་། བརྩེ་བ་དང་། ཞི་བདེའི་གསུང་འཕྲིན་གནང་མཁན། བླ་ཆེན་ཆོས་ཀྱི་དབུ་ཁྲིད་དཔལ་ལྡན་ཏཱ་ལའི་བླ་མ་མཆོག་དང་བྷོ་པཱལ་(Bopal}ལ་མཇལ་འཕྲད་གནང་སྟེ་ཁོང་ལས་བྱིན་རླབས་ཞུས་པ་ཡིན།ཆོས་ཀྱི་དབུ་ཁྲིད་མཆོག་གིས་སངས་རྒྱས་བཅོམ་ལྡན་འདས་ཀྱི་སྐུ་བརྙན་མཇལ་རྗེས་བདག་ལ་བྱིན་རླབས་གནང་བྱུང་། ཁོང་གིས་བཅོམ་ལྡན་འདས་ནི་འཛམ་གླིང་ནང་གི་ཚན་རིག་པ་དང་ཤོས་དེ་ཡིན་པ་དང་། ཁོང་གི་གསུང་ཚང་མའི་ནང་ལ་ཆོས་ཀྱི་སྐོར་ཉུང་བ་དང་ཚན་རིག་གི་སྐོར་མང་བ་ཡོད་སྐོར་གསུངས་སོང་། བླ་ཆེན་དཔལ་ལྡན་ཏཱ་ལའི་བླ་མ་མཆོག་གིས་ཁོང་གི་དབུ་བདག་གི་མགོ་ལ་ཐུག་སྟེ། བརྩེ་བ་དང་། བྱམས་པ་དང་བྱིན་རླབས་གནང་བ་དེས་བདག་ཧ་ཅང་མགྲིན་པ་རྣོང་བ་དང་ཡིད་སེམས་འགུག་པ་བྱུང་། མ་ཟད། བདག་ཉིད་སྐལ་བ་བཟང་བས་དེ་རིང་ཁོང་དང་གནས་དོན་མང་པོའི་སྐོར་ལ་བགྲོ་གླེང་བྱུང་ལ། ལྷག་པར་དུ་ཁོང་གིས་ཁོར་ཡུག་སྲུང་སྐྱོབ་སྐོར་ལ་དམིགས་བཀར་གྱིས། འཛམ་བུ་གླིང་འདི་སྐྱབས་པར་ཁོར་ཡུག་སྲུང་སྐྱོབ་ནི་གལ་གནད་ཆེ་ཤོས་དེ་ཡིན་པར་གསུངས་སོང་། ཁོང་གིས་མདྷྱཔྲ་དེཤ་(Madhya pradesh)ལ་ཚེ་སྲོག་སྦྱིན་མཁན་རྒྱུག་ཆུ་ནརྨ་དཱ་སྲུང་སྐྱོབ་ཆེད་སྤེལ་བཞིན་པའི་”ནརྨ་དཱ་སྲུང་སྐྱོབ་ལས་གཞི་”ལ་ཐུགས་དགྱེས་པོ་གནང་སོང་ལ། ཀུན་དགའ་སྡེ་ཚན་གྱི་ལས་དོན་དང་སྐྱེས་མ་ནོར་ལྷ་{བུད་མེད་ནུས་སྤེལ་ལས་གཞི།}ལ་སོགས་པའི་ལས་འཆར་རྣམས་ལ་བསྔགས་བརྗོད་གནང་སོང་བས། ཁོང་གི་ཐུགས་རྗེ་བྱིན་རླབས་ཀྱིས་མདྷྱ་པྲ་དེཤ་ཡར་རྒྱས་ཀྱི་ལམ་བུ་ལ་སྔར་ལྷག་ཇེ་མྱུར་འགྲོ་གི་རེད་ལ། རྒྱུག་ཆུ་ནརྨ་དཱ་སྲུང་སྐྱོབ་ལས་གཞི་འདིའི་ཐོག་ང་ཚོ་ལེགས་འགྲུབ་ཡོང་ངེས་རེད།
མཆན།{རྩོམ་ཐུང་འདི་ནི་རྒྱ་གར་མདྷྱ་པྲ་དེཤ་(Madhya Pradesh)མངའ་སྡེ་བློན་ཆེན་ཤིབརཱཇ་སིངཧ་ཅོོཧཱན་{Shivraj Singh Chouhan}གྱིས་ཧིན་སྐད་ཐོག་བྲིས་ཏེ་ཁོང་གི་ངོ་དེབ་ནང་བཀོད་འདུག ཁོང་ནི་རྒྱ་གར་མི་དམངས་ཚོགས་པའི་{BJP}གནད་ཡོད་ཆབ་སྲིད་དབུ་ཁྲིད་ཅིག་ཡིན། ད་ལྟར་མངའ་སྡེ་དེའི་བློན་ཆེན་ལས་ཐོག་པ་ཡིན་ལ་། དབུ་ཁྲིད་སྙེམས་ཆུང་དང་མི་མང་ལ་སེམས་ཐག་ཉེ་བོའི་ཐོག་ནས་ཞབས་འདེབས་ཞུ་མཁན་ཞིག་ཡིན་པར་གྲགས། ཁོང་གིས་མངའ་སྡེ་དེར་ཡར་རྒྱས་ཤུགས་ཆེན་བཏང་དང་གཏོང་མུས་ཡིན་པ་སོགས་ཀྱི་སྙན་གྲགས་ཀྱང་ཆེན་པོ་ཡོད་ལ། མ་འོངས་པར་རྒྱ་གར་མི་དམངས་ཚོགས་པའི་{BJP} སྲིད་བློན་འོས་མིར་སླེབས་རྒྱུའི་རེ་བ་ཆེ་ཤོས་བཅང་སའི་དབུ་ཁྲིད་ཅིག་ཡིན་པར་ཡང་ངོས་འཛིན་བྱེད་ཀྱི་འདུག }