བསྟན་འཛིན་ནོར་འཛོམས། (དཔེ་སྟོན་སློབ་གྲྭ འཛིན་གྲྭ་༦ ཁ ལོ་ ༡༢)
ད་ལྟའི་ཏོག་དབྱིབས་གློ་ཚད་ནད་ཡམས་(Covid-19) འདི་ཐོག་མར་རྒྱ་ནག་གི་གྲོང་ཁྱེར་ཝུ་ཧན་བྱུང་བ་རེད་བརྗོད་ཀྱི་ཡོད།ནད་ཡམས་འདི་འཛམ་གླིང་རྒྱལ་ཁབ་ཚང་མའི་ནང་ཁྱབ་གདལ་འགྲོ་བཞིན་པ་ལྟར་རྒྱ་གར་ནང་དུའང་ཁྱབ་བཞིན་ཡོད་པ་ནི་ཞེ་སྣང་དང་དངངས་འཚབ་སྐྱེ་དགོས་པའི་གནས་ཚུལ་ཞིག་ཡིན།ནད་ཡམས་འདི་སྔོན་འགོག་གི་ཐབས་ཤེས་གཙོ་བོ་ནི་རང་ཁྱིམ་དུ་སྡོད་དགོས་པ་དང་ཕྱི་ལོག་ཏུ་འགྲོ་སྐྱོད་མ་བྱེད་པ་དང། ཅ་ལག་གང་བྱུང་ལ་ལག་པ་མ་རེག་རྒྱུ་སོགས་ཡིན། རྒྱ་གར་གཞུང་ནས་རྒྱལ་ཡོངས་སྒོ་རྒྱག་གི་ལས་འགུལ་ཞིགཕྱི་ཟླ་༣ཚེས་༢༥ནས་ཟླ་བ་༥པའི་ཚེས་༣བར་དང་།དེའི་རྗེས་ཐེངས་གཉིས་པ་དེ་ཕྱི་ཟླ་༥པའི་ཚེས་༤ནས་ཚེས་༡༧བར་རྒྱུན་མཐུད་ནས་སྤེལ་རྒྱུ་དང་ས་ཕྱོགས་གང་སར་དམ་བསྒྲགས་གནང་བ་ནི་འགོག་སྲུང་གི་ལས་འགུལ་ཞེ་དྲག་ཡག་པོ་བྱུང་བའི་ཚོར་སྣང་བྱུང་།ཧི་མ་ཅལ་མངའ་སྡེ་གཞུང་གི་ཆུ་ཚོད་༨ནས་༡༡བར་དང་དེའི་རྗེས་ཚོུད་༩ནས་༢པ་བར་བཟའ་ཆས་དང་ཅ་དངོས་སོགས་ཉོ་ཆེད་ཕྱི་ལོག་ཏུ་འགྲོ་ཆོག་པ་དང་ཅ་དངོས་ཉོ་སྐབས་མི་ཕན་ཚུན་བར་རྒྱང་ཐག་གང་ཙམ་བཞག་རྒྱུ་གལ་ཆེ་ཡིན་པ་བཀའ་ཁྱབ་གནང་སོང་། མཚམས་རེ་ཞོགས་པ་ཕ་མ་མཉམ་དུ་གསར་འགྱུར་བལྟ་སྐབས་རྒྱལ་ཡོངས་ལས་གྲྭ་མཚམས་འཇོག་བྱས་རྐྱེན་ཉིན་ལས་ལ་བརྟེན་ནས་ཐོག་འཚོ་བ་སྐྱེལ་མཁན་ལས་མི་རྣམས་ལ་ལས་ཀ་མེད་པ་དང་དངུལ་ཡོང་ཁུངས་མེད་པར་སོང་།བཟའ་རྒྱུ་མེད་པར་རྐྱེན་གྱིས་ལྟོགས་ཤི་བྱུང་བའི་གནས་ཚུལ་མཐོང་ཡོང་དུས་སེམས་སྐྱོ་བ་དང་སྙིང་རྗེ་སྐྱེས་སོང་།ང་ཚོ་བོད་པ་ནང་ཁུལ་ལ་དེ་འདྲའི་རྒྱུན་གཏན་གྱི་འཚོ་བའི་བརྒྱུད་རིམ་ལ་དཀའ་ངལ་འདི་ལྟ་བུ་མ་འཕྲད་པ་དང། གནས་སྟངས་ཞན་པོ་མེད་པ་ནི་གཙོ་བོ་རྒྱལ་དབང་རིན་པོ་ཆེ་མཆོག་གི་ཐུགས་རྗེ་བཀའ་དྲིན་ལ་བརྟེན་ནས་བྱུང་བ་རེད་བསམ་གྱི་འདུགརྒྱ་གར་གྱི་མི་སྣ་ཕྱུག་པོ་ཁ་ཤས་ཀྱིས་མི་དབུལ་པོ་རྣམས་ལ་ཟས་སྦྱིན་པ་གཏོང་བཞིན་འདུགསྐབས་དེ་དུས་དཔལ་འབྱོར་ནི་དགོས་གལ་ཆེན་པོོ་དང།རྒྱུན་གཏན་ནས་བག་མེད་ལོངས་སྤྱོད་མ་བྱེད་པར་གྲོན་ཆུང་བསྲི་ཚགས་བྱེད་དགོས་པའི་ཚོར་སྣང་ཤུགས་ཆེན་སྐྱེས་བྱུང་།སྤྱིར་བཏང་རྒྱ་ནག་ནང་ལ་སེམས་ཅན་འབུ་སྲིན་ལ་སྙིང་རྗེ་མེད་པར་གསོན་པོ་བཟས་པ་སོགས་བྱེད་ཀྱི་ཡོད་པས་རྒྱ་ནག་ནང་དང་རྒྱལ་ཁབ་གཞན་གྱི་མི་མང་པོས་ཐོག་མར་ད་ལྟའི་ཏོག་དབྱིབས་ནད་ཡམས་འདིའི་བྱུང་རྐྱེན་ནི་རྒྱ་མི་ཙི་ཙི་སྐམ་པོ་དང་བདག་མེད་སྲོག་ཆགས་རིགས་སྣ་ཚོགས་བཟས་པ་ལས་བྱུང་བའི་ནད་ཡམས་ཤིག་རེད། ཅེས་བརྗོད་ཀྱི་ཡོད་རེད། ཨ་མི་རི་ཀའི་ཚན་རིག་པའི་དོགས་གཞི་ལ་ད་ལྟའི་ན་ཚ་འདི་རྒྱ་ནག་གི་ཚན་རིག་བརྟག་དཔྱད་ཁང་ནང་རྫས་སྦྱོར་བརྟག་དཔྱད་བྱེད་སྐབས་ནོར་འཁྲུལ་ཤོར་བ་ནས་བྱུང་བའི་ནད་ཡམས་ཤིག་ཡིན་པར་ངོས་འཛིན་དང་དཔང་རྟགས་ཁུངས་བཙན་ཡོད་སྐོར་བརྗོད་ཀྱི་ཡོད། ང་ཚོའི་བོད་པའི་དགོན་སྡེ་གྲྭ་ཚང་ནས་རྒྱ་གར་ཡུལ་མི་སྐྱོ་པོ་རྣམས་ལ་བཟའ་ཆས་རིགས་སྦྱིན་པ་བཏང་བའི་གནས་ཚུལ་མང་པོ་མཐོང་ཐོས་བྱུང།དེ་མ་ཟད་འཕྲོད་བསྟེན་ལས་ཁུངས་ཀྱིས་ན་ཚ་སྔོན་འགོག་གི་ཆེད་
དུ་ཁ་རས་དང་ལག་ཤུབས།སྨན་གྱི་ཡོ་ཆས་རྣམས་མཐུན་རྐྱེན་གནང་བཞིན་ཡོད།བོད་མིའི་སྒྲིག་འཛུགས་བཀའ་ཤག་ནས་རྒྱ་གར་སྲིད་འཛིན་གྱི་ཐེབས་རྩ་ལ་ཧིན་སྐོར་འབུམ་༢༥ཞལ་འདེབས་གནང་ཡོད་པ་རེད།ད་ལྟའི་བར་དུ་ཏོག་དབྱིབས་ནད་ཡམས་རྐྱེན་གྱིས་མི་འདས་གྲོངས་སུ་ཕྱིན་པ་མང་ཤོས་ནི་སྟོབས་ཆེན་རྒྱལ་ཁབ་ཨ་རི་ཆགས་འདུགརྒྱལ་ཁབ་ཚང་མས་ནད་ཡམས་འདི་ལ་སྤྱོད་ཐབས་སྨན་ཁབ་བཟོ་རྒྱུའི་འབད་བརྩོན་གནང་གི་ཡོད་འདུགདེ་མ་ཟད་ངའི་པ་ལགས་ཀྱི་ཨིན་ཇེའི་དཔེ་དེབ་ཅིག་གི་ནང་ལ་སྔོན་མ་ཕྱི་ལོ་༡༩༡༨དང་༡༩པའི་ནང་རྒྱ་གར་ནང་ནད་ཡམས་ཞིག་གི་རྐྱེན་གྱིས་རྒྱ་གར་མི་ས་ཡ་གཉིས་ནས་གསུམ་བར་འདས་གྲོངས་སུ་ཕྱིན་པ་གསལ་འདུགང་རང་བསམ་པར་སྐབས་དེ་དུས་སྨན་བཅོས་མཐུན་རྐྱེན་འཛོམས་པོ་མེད་པའི་རྐྱེན་གྱིས་མི་མང་པོ་འདས་གྲོངས་སུ་ཕྱིན་པ་རེད་སྙམ།ད་ལྟའི་ནད་ཡམས་འདི་འཛམ་གླིང་མི་གྲངས་ས་ཡ་གསུམ་ལྷག་ལ་ནད་འདི་ཕོག་འདུགནད་ཡམས་འདི་རྐྱེན་གྱིས་སྔོན་མ་ནང་བཞིན་ཕྱི་ལོག་ཏུ་གྲོགས་མོ་མཉམ་དུ་རྩེད་པོ་རྩེད་རྒྱུ་དང་། ཕ་མ་
མཉམ་ཁྲོམ་རྭར་འགྲོ་རྒྱུའི་གོ་སྐབས་འདི་མི་འདུག་པས་མཚམས་རེ་ཉོབ་སྣང་དང་སེམས་གུ་དོག་པའི་ཚོར་སྣང་ཡོང་གི་འདུགདངོས་གནས་ང་ཚོའི་རྒྱུན་གཏན་གྱི་འཚོ་བ་ལ་འགྱུར་ལྡོག་ཆེན་པོ་ཕྱིན་སོང། གཟུགས་མཐོང་རླུང་འཕྲིན་ནང་ནད་ཡམས་ཕོག་པའི་ནད་པ་དེའི་རིགས་ལ་དབུགས་བྱིན་རྔུབ་ལ་དཀའ་ངལ་འཕྲད་དེ་ཤི་གསོན་དབྱེ་ཐག་མ་ཆོད་པའི་གནས་སུ་གྱར་དུས། སོ་སོའི་ཕ་མ་གཉེན་སྤུན་ཡང་ཐུག་འཕྲད་དུ་ཡོང་དགོས་བསམས་ཀྱང་ནད་གཞི་འདི་འགོས་སླ་བར་བརྟེན་ཐ་མའི་ཐུགས་འཕྲད་ཀྱང་བྱེད་མ་ཐུབ་པའི་གནས་ཚུལ་ཐབས་རྡུགས་དེ་འདྲ་རང་གཞན་སྐྱེ་འགྲོ་ཀུན་ལ་མ་འཕྲད་པའི་སྨོན་ལམ་དང་ནད་ཡམས་ཀྱི་བར་ཆད་འདི་ནས་མྱུར་དུ་གྲོལ་ཐུབ་པ་ཤོག དཀོན་མཆོག་མཁྱེན།