གསལ་ལེ་རྒྱལ།
སྐྱོན་ཆ་ལ་མཛུབ་མོ་བཙུག་པ་དེས་ཁྱོད་ཀྱི་སེམས་ཤུགས་མ་ཆགས། ཁྱོད་ལ་སྐྱོན་ཡོད་པ་བདེན་ནའང་ནོར་འཁྲུལ་གཅིག་གིས་ཁྱོད་ཀྱི་ཡོན་ཏན་དང་བྱས་རྗེས་ཚང་མ་གསུབ་མི་ཐུབ། ཡིན་ནའང་ནོར་འཁྲུལ་གཅིག་ཐེངས་གཉིས་ལ་ཤོར་ཚེ་དེས་མི་མང་གི་ཡིད་ཆེས་བརླག་པའི་ཉེན་ཁ་ཡོད། མི་མང་གི་ཡིད་ཆེས་ནི་རང་ཉིད་སྐྱོབ་བྱེད་ཀྱི་མདའ་གྲི་མདུང་གསུམ་ཡིན།
ཕན་ཚུན་ཀྱི་སྐྱོན་ལ་སྐྱོན་བརྗོད་བྱེད་ཀྱིན་ཡོད་ཀྱང་བྱས་རྗེས་དང་ཡོན་ཏན་ལའང་གུས་བཀུར་དང་ཆེ་མཐོང་སྤྲོད་ཀྱིན་ཡོད། དེ་ནི་ང་ལ་གཞན་བཀུར་གྱི་བསམ་བློ་དང་རང་བཀུར་གྱི་འདུ་ཤེས་ཡོད་པས་ཡིན། དེ་བས་ངས་ཀ་བ་གླིང་ནས་ཀི་འདེབས་ཀྱིན་མེད་ལ་ཁ་བ་གླིང་ནས་ཧེའང་འདེབས་ཀྱིན་མེད།
དྲིལ་བསྒྲགས་པར་ཁ་གཉིས་ཡོད་པ་དེ་སྐྱོན་དུ་མཐོང་བ་བདེན་ན་གསང་ཉུལ་བར་རྣ་གསུམ་ཡོད་པ་དེའང་སྐྱོན་དུ་མི་མཐོང་ངམ། ཧེ་ཧེ། ད་མང་བོ་མི་བཤད། གང་ལྟར་ནོར་འཁྲུལ་གཅིག་ཐེངས་གཉིས་ལ་མི་འཆོར་བའི་རེ་བ་ཡོད། ནོར་འཁྲུལ་གཅིག་ཐེངས་གཉིས་ལ་ཤོར་ཚེ་ངས་ཁྱོད་ལ་བསམ་བློ་གཏོང་མི་ཐུབ་པ་མ་ཟད་ངས་ང་ལའང་གུས་བཀུར་བྱེད་མི་ཐུབ།
ཤར་ཁུག་མིན་པའི་ཤར་མིང་འཛིན་པ་ངས།།
ཤ་ཚའི་གཏམ་འདི་རྒྱལ་ས་རྡ་ས་ནས།།
ཤུགས་ཀྱིས་བསྒྲགས་ན་དོན་གྱི་བླུན་པོ་དག།
ཧོལ་གྱིས་འདྲོག་པར་དོགས་ནས་ཡུན་གྱིས་བྲིས།།
༢༤/༡༡/༢༠༡༧ ལ།
ཡག་པོ་བྲིས་འདུག
འབྲི་སྟངས་གསར་གཏོད་ཅིག
་
ཤར་ཁུག་དང་ནི་གསལ་ལེ་རྒྱལ་པའོ་བར། །
ཤ་ཚའི་གཏམ་ཞིག་བཞུགས་སྒར་དྷ་ས་དང་། །
ཡུལ་ལུང་ཀུན་དང་ཁྱད་པར་ཁ་བརྡ་རུ། །
ལན་ཅིག་བྲིས་ངས་ཀྱང་མཐོང་བགྱིན་འདུག
་
ཐེངས་གཅིག་ལ། ལན་གཅིག
རྡ་ས་ལ། དྷ་ས།
མཐོང་གྱིན་ལ། མཐོང་བགྱིན།
བྲིས་ན་མི་འགྲིགས་པ་ཅི་འདུག ལགས། གསུང་དང་།
གསལ་ལེ་རྒྱལ་པའོ་བར། །
འདི།
གསལ་ལེ་རྒྱལ་པོའི་བར། །
ཤར་ཤར་གཉིས་ཀྱི་འགལ་ཟླ་འདི། །
གསལ་ལེ་རྒྱལ་ལ་གསལ་ཁ་འདུག །
ཐར་ཉེར་བཏང་བའི་འཕྲིན་པ་དེ། །
ཐག་རིང་གན་ནས་བཀླགས་པ་མཚར།།
༄༅། ངོ་ཚ་གཏན་ནས་མེད་ཅིང། ངོ་རྒོལ་འཕྲེད་དར་འཕྱར་བ།
བཟང་པོའི་སྤྱོད་པ་བྲལ་ཞིང། ཡོན་ཏན་སྤུ་ཙམ་མི་འདུག་།
ཤིང་ཏོག་ཟ་འདོད་མིན་པར། ཡལ་ག་བཅག་འདོད་རེད་འདུག།
བཤད་དང་མ་བཤད་མི་འདུག། ག་ལེར་བཞུགས་རོགས་གནང་དང།