བུ་དར་སེན་ཚ།
མཚན་མོའི་ཟླ་ངོགས་དུང་ཞེན་སེམས་པ་དེ།།
སིལ་སིལ་རླུང་བུས་དལ་གྱིས་ལྷོད་པའི་ཚེ།།
ཐན་བྱ་འུག་པའི་སྐད་ངན་དྲ་ངོགས་ཁེངས།།
བསྟན་བཤིག་ནག་པོ་རྒྱལ་བ་ཕྱོགས་རེའི་དོན།།
སྐར་ཚོགས་སྟོང་ཚོ་ནམ་མཁའི་མཛེས་རྒྱན་ཡག།
སྐར་མའི་འོད་ཀྱིས་མུན་ལམ་མ་སེལ་ཡང་།།
དཀར་ནག་ཉིན་མཚན་འབྱེད་པའི་མཚོན་རྟགས་ནུས།།
རིགས་ཞེན་མིག་ལྡན་ཕམ་པ་ལྟས་ངན་དོན།།
མཁའ་ན་སྤྲིན་ནག་ལང་ལོང་གཡོ་བའང་།།
ནམ་མཁའི་ལྷ་ཚོགས་མ་འཐད་རྣམ་པ་འམ།།
ཞེ་ནག་སྲིད་ཁྲིར་སྟེགས་པའི་དར་ནག་འདྲ།།
ནང་དཀྲུགས་གཏེར་དཔོན་མཁོ་བ་དུས་ངན་དོན།།
15/04/2021