ཐུགས་རྗེ་ཆེ། རྒན་བློ་བཟང་འཇམ་དཔལ་ལགས།

Comments (40) on “ཐུགས་རྗེ་ཆེ། རྒན་བློ་བཟང་འཇམ་དཔལ་ལགས།”

1. མི་རེར་བསམ་ཚུལ་རེ་ཡོད་པ་ནི་སྨོས་མེད་རེད། ཨ་མདོ་བ་ཚོ་གཞན་ལས་རིག་གནས་ལ་དོ་སྣང་ཆེ་བའང་དངོས་ཡོད་གནས་ཚུལ་རེད། བོད་ཀྱི་རིག་གནས་ལ་དོ་སྣང་མེད་པ་ལས་ཡིག་འཁྱོག་རེ་དང་རྩོམ་ཉག་ཉོག་རེ་འབྲི་ཐུབ་པའང་ངོ་མཚར་ཆེན་པོ་རེད་སྙམ། སློབ་སྦྱོང་ལ་ཡར་རྒྱས་ཡོད་པ་བཞིན། རྩོམ་ཡིག་འབྲི་བ་ལའང་ཡར་རྒྱས་ཡོད་པ་རེད། དང་བོ་ཉིད་ནས་ཡིག་སྐྱོན་དང་རྩོམ་སྐྱོན་གང་ཡང་མེད་པ་ཞིག་དགོས་ཟེར་ན་གད་མོ་ཤོར་བའི་ཡུལ་ཡིན་པར་མ་ཟད་མི་འདིའི་རིགས་ནམ་ཡང་ཤེས་རྒྱ་ཞན་པའི་སྐྱོན་ཡོད། རྩོམ་གྱི་བཟང་ངན་དང་ཡིག་སྐྱོན་སོགས་ལ་ཡར་རྒྱས་ཡོད་པ་རྩོམ་པ་པོས་མཁྱེན་པར་མཛོད།།

2. རྩོམ་འདི་ལྟ་བུ་བྲིས་ནས་དྲ་ཐོག་ནས་མཆན་གྲངས་མང་པོ་ཡོང་གི་རེད། དེ་ཡང་ཐབས་ལམ་ཞིག་རེད།

3. གུས་པས་ཀྱང་ལ་དག་པ་རྒན་བློ་བཟང་འཇམ་དཔལ་ལགས་མིག་ཡོད་ཀྱང་དམ་པ་ངོ་མི་ཤེས་པའི་དཔེ་ལྟར་བྱུང་སོང་བའི་དགོངས་འགལ་མེད་པ་ཞུ་རྒྱུ་དང་ད་དུང་ཡང་རྒན་ལགས་མཆོག་ནས་ལམ་སྟོན་མང་ཙམ་གནང་སྐྱོང་ཡོང་བ་ཞུ་

4. དྲྭ་གྲོགས་ཚོར་ཞུས་རྒྱུར། ཡིག་སྐྱོན་དང་རྩོམ་སྐྱོན་མི་སུ་འདྲ་ཞིག་ཡིན་ཀྱང་ཡོད་སྲིད་པ་རེད། འོན་ཀྱང་སེམས་ཤུགས་མ་ཆག་པར་མུ་མཐུད་ནས་བརྩོན་པ་བྱེད་རྒྱུ་ཅིས་ཀྱང་གལ་ཆེན་དུ་སྣང་ངོ། མཁས་པའི་གོང་ན་མཁས་པ་ཟེར་བའི་དཔེ་བཞིན་རྩོམ་སྙན་མི་སྙན་དང་། ཡིག་སྐྱོན་ཡོད་མེད་སོགས་མི་སུ་ལའང་ཡོད་སྲིད་པ་དང་ཡོད་ཀྱང་འོས་པ་ཞིག་རེད། ཡིན་ཡང་རྩོམ་སྐྱོན་དང་ཡིག་སྐྱོན་སོགས་སྣང་མེད་དུ་མི་འཇོག་པར་གོང་འཕེལ་དུ་གཏོང་དགོས་རྒྱུ་ཞུ་མ་དགོས་སོ། །

5. “སྙན་ངག་སྙན་རྒྱུ་མེད། དག་ཡིག་དག་རྒྱུ་མེད། ” སྐད་ཆ་འདི་ལ་བསམ་རྒྱུ་དང་ལེན་རྒྱུ་མང་ཙམ་འདུག་གོ

6. “སྙན་ངག་སྙན་རྒྱུ་མེད། དག་ཡིག་དག་རྒྱུ་མེད། ” སྐད་ཆ་འདི་ལ་བསམ་རྒྱུ་དང་ལེན་རྒྱུ་མང་ཙམ་འདུག་གོ

   ལ་དྭགས་པ་དེ་ལ་ཁུངས་འཁྱོལ་བ་ཅིག་བཤད་ཡ་མེད།

   སྔོན་མ་མ་ཤེས་ཤེས་མདོག་གིས་བོད་ཀྱི་བཀའ་བསྟན་ལ་འདི་མེད་ཀན་མེད་ཟེར་ནས། རང་ཉིད་བཀའ་བསྟན་བློར་འགྲོ་བ་ལྟ་བུ་མཁས་ཉམས་ཆེན་པོ་བྱེད་མཁན་ཞིག་ནི་རེད།
   ཉིན་ཞིག་ཀྱང་ཁོང་གིས་འདི་མེད་ཀན་མེད་ཟེར་དུས། ཨ་མདོ་བ་མཁས་པ་བསྟན་འཛིན་རབ་གསལ་ལགས་ནས་པར་ངོས་ལུང་འདྲེན་དང་བཅས་གསལ་བྱེད་གནང་བར་དགུན་གྱི་ཁུ་བྱུག་གི་བརྟུལ་ཞུགས་བླངས་པ་རེད།

   བོད་ཀྱི་རྩོམ་རིག་བཀླགས་མ་མྱོང་མཁན་ཞིག་ཡིན་ན་རྩོད་གཞི་འདི་ལྟ་བུ་ལ་ཐུག་པ་རེད། བོད་ཀྱི་ཡི་གེ་ཟེར་བ་དེ་བཀའ་འགྱུར་བསྟན་འགྱུར་ཙམ་མ་རེད། བཀའ་འགྱུར་བསྟན་འགྱུར་ན་ད་དུང་དོར་དགོས་པ་མང་བོ་ཞིག་ཡོད་པ་རེད། དེ་ཡོད་པས་བཀས་བཅད་ཐེངས་གསུམ་མཛད་པ་ལྟ་བུ་རེད།
   བོད་ཀྱི་རྩོམ་རིག་ཁྲོད་དམངས་ཁྲོད་རྩོམ་རིག ཚིག་རྒྱག ཁ་ཤགས། ལ་གཞས།
   གཞས་ཚིག་ལ་སོགས་པ་ཡོད་རེད། གཙུང་གི་སྐད་ཤས་ཆེ་བ་མི་ལ་རས་པའི་རྣམ་མགུར་ལྟ་བུ། ཁམས་ཀྱི་སྐད་ཤས་ཆེ་བ་གེ་སར་སྒྲུང་ལྟ་བུ། ཨ་མདོའི་སྐད་ཤས་ཆེ་བ་ཨ་མདོའི་ལ་གཞས་ལྟ་བུ།
   ལ་དྭགས་པ་ལྟ་བུས་འདི་འདྲ་གོ་མྱོང་མེད་ཅིང་། ལྟ་རྒྱ་ཁབ་མིག་ལྟར་དོག་པ་དང་རང་རློམ་ཆེ་དྲགས་པས་བོད་ལ་འདི་འདྲ་མེད་གན་འདྲ་མེད་འཛེར་ཞིག་ཁུངས་མི་འཁྱོལ་བའི་སྐད་ཅ་རྐྱང་རྐྱང་བཤད་པ་རེད།
   དེ་ནས་ཁོང་གི་བྲིས་རྩོམ་ཁག་ལ་ལྟོས་དང་བོད་ཡིག་མི་ཤེས་མཁན་ཞིག་གིས་བྲིས་པ་རང་ཡིན། ཁོང་གིས་ད་རུང་སོག་པོའི་དགེ་བཤེས་ལྟ་བུ་བོད་ཡིག་བོད་པ་རང་ལྟར་འབྲི་ཐུབ་པ་ཞིག་ཆགས་པ་འབད་འབུངས་བྱེད་དགོས་པར་འདུག་ཅེས་ཐེངས་མང་གཞེན་སྐུལ་བྱས་མྱོང་ལ་ད་རུང་ཡང་བྱེད་ཀྱིན་ཡོད་དོ།།

   ཨ་མདོ་བ་ཡིན་ཁུལ་རྩོམ་འདི་འདྲ་བྲིས་པ་ནི་དངོས་གནས་ངོ་གནོང་དགོས་པ་ཞིག་རེད། ༧གོང་ས་མཆོག་གིས་ནམ་རྒྱུན་སྡུག་གྱོང་རེད་གསུངས་གནངས་པ་བཞིན། ཨ་མདོ་བ་ཚོ་གླགས་མ་འཁེལ་ན་རྩོམ་འཁྱོག་འདི་འདྲ་བྲིས་ཏེ་ཉི་མ་བཏང་ནའང་རང་སེམས་སྐྱིད་པོ་ཆགས་སྲིད། ཧ་ཧ་ཧ་ཧ།

7. མི་ལ་རས་པའི་རྣམ་མགུར་གཙུང་གི་སྐད་ཤས་ཡིན་པ་ད་བར་གོ་མྱོང་མེད་ལ་གཙུང་སེར་བའི་ལུང་པ་ཡང་གོ་མྱོང་མེད་རང་གི་མི་ཤེས་གཞན་ལ་ཕྲག་དོག་ཧ་ཧ་ཀུ་རེ་ཡིན་ནོ་།།

8. ་་་་་་་་་་་་ དཔེར་མཚོན་སྡུག་ཤོས་གཅིག་ནི། རྗེ་བཙུན་ཙོང་ཁ་པས་མཛད་པའི་༼བྱང་ཆུབ་ལམ་རིམ་ཆེན་མོ་༽ཨ་མདོ་མཚོ་སྔོན་མི་རིགས་དཔེ་་སྐྲུན་ཁང་ནས་དཔར་མའི་ནང་ལ། ༼པ༽་ཡིག་མང་པོ་ཞིག་༼བ༽་རུ་བཅོས་ནས་ནོར་འཁྲུལ་མང་པོ་བཟོས་ཡོད་པར། བོད་གཞུང་ཆོས་རིག་ལས་ཁུངས་ནས་གསལ་བསྒྲགས་སྤེལ་ཏེ། འདི་རིགས་མ་ཡོང་བ་དགོས་པའི་ཞུ་སྐུལ་གནང་དགོས་པ་བྱུང་ཡོད། ་་་་་་་་་་་

9. (གཙུང་ཟེར་)བཅོས་རོགས

10. སྤྱིའི་ཆ་ནས་ལ་དྭགས་པ་བློ་བཟང་ལ་ཡི་རང་ཡོད་་་འོན་ཀྱང་ཁོང་གིས་བཅོས་པའི་དག་ཆ་སོགས་ལ་དེ་ཙམ་ཡིད་ཆེས་མེད་་་ཁོང་གིས་ཀྱང་ནམ་རྒྱུན་ཡིག་ནོར་གཏགས་ནོར་མང་པོ་བྲིས་འདུག་པ་མ་རེད་་་་གཞན་གྱི་རྩོམ་ཡིག་ལ་དག་བཅོས་བྱས་པའང་མང་དག་ཅིག་ཏག་ཏག་མེད་པས་དེ་ཙམ་ཞིག་རེད་འདུག་་་

11. ལ་དྭགས་པར་བསྔགས་བརྗོད་གནང་བའི་མོད་ལ་ལ་དྭགས་པ་དགའ་ནས་གྲགས་རྒྱུ་ཅང་མིན་འདུག ཧཧཧཧ ཡི་རང་ཞུ་བ་དང་ཆབ་ཅིག་ལ་དྭགས་པའི་གཞོན་སྐྱེས་ཚོར་ཕ་མེས་བོད་ཀྱི་རིག་གཞུང་བཟང་པོ་ཁྱབ་སྤེལ་གནང་ཐུབ་ན་ཕན་པ་དེ་ལས་ཆེའོ།།

12. བལ་ཡུལ་མཆོད་རྟེན་སྐོར་ལམ་གྱི་ཁྲོམ་ཟུར་ཞིག་ཏུ་ཚོང་ཁང་ཞིག་གི་སྒོ་བྱང་ལ་”གཡི་དང་བྱུ་རུ་ཚོང་རྒྱུ་ཡོད”ཟེར་བྲིས་པ་མཐོང་བས་ངས་དེ་མ་ཐག་ཡི་གེ་དེ་འབྲི་བ་པོ་ཨ་མདོ་བ་ཞིག་ཡིན་པའི་ཚོད་དཔག་བྱས།

13. དྲ་བའི་ཁོར་ཡུག་ནང་བདེན་པ་གསུངས་མཁན་ཉུང་ཉུང་རེད། ཡོད་ཚད་ཕྱོགས་ལྷུང་དང་ཕྲག་དོག ་སོགས་རེད། དེར་བརྟེན། མཆན་འདྲ་མིན་ཅི་འདྲ་ཞིག་བཏབ་ཀྱང་། དེ་ཙམ་གྱི་ཡིད་གཏན་འཕེར་བའི་སྐད་ཆར་བརྩི་གི་མེད་ཏ།

14. རྒན་ལ་དྭགས་པར་བསྔགས་བརྗོད་དང་བརྩི་བཀུར་ཡོད། འོན་ཀྱང་ཁོང་གི་རྩོམ་དག་ལ་ཡིག་ནོར་མང་བ་དང་། ཨུ་ཚུགས་ཚ་བོ་གཉིས་ལ་ནམ་ཡང་མོས་མཐུན་མེད། དཔེར་ན་དུས་ཀྱི་དགོང་དང་ཐུགས་དགོངས་སོགས་དག་ཅ་གཅིག་པར་ངོས་འཛིན་པ་སོགས་རེད། བརྡ་རྙིང་སོགས་ནས་དེ་ལྟར་ཡིན་སྲིད་ཀྱང་སྐད་ཡིག་ལའང་ཡར་རྒྱས་ཡོད་པ་རེད། ལས་དང་བོ་ལ་ཡིག་སྐྱོན་རྩོམ་སྐྱོན་གཉིས་ཀ་མེད་མི་སྲིད་པ་རེད། འོན་ཀྱང་ནོར་བ་ཐམས་ཅད་སྣང་མེད་དུ་མི་འཇོག་པར་གཟབ་གཟབ་དགོས་གལ་ཆེ། ལྷག་པར་མི་གཞན་གྱིས་སོ་སོའི་རྩོམ་ལ་ནོར་བཅོས་བྱས་པར་རྗེས་སུ་ཡི་རང་དང་བསྔགས་བརྗོད་བྱ་རྒྱུ་ལས་ཁོང་ཁྲོ་ངེས་པར་དུ་སྤང་དགོས། ད་མང་བོ་མི་བཤད། རྒན་སྐུ་ཚེ་ཞབས་པད་བརྟན་པའི་སྨོན་འདུན་བཅས།།

15. ཁྱོད་ཚོས་གཙུང་ཟེར་ཧ་མི་གོ་ན་གཤམ་གྱི་ཡི་གེ་དེ་དག་ཀློགས་དང་འབྲི་མཁན་གྱི་ཕ་ཡུལ་ཤེས་ཐུབ། ཞུང་གཙུང་མ། ཆུ་སྐྱུང་རྡུ་རྗེ་ཤུང་གདན། ཁུང་པ་ཕོ་གསར། ཨ་མདུ་ཚོ་ལ་ཆེ་ཚ་ལེ། རྒྱའུ་ཀོ་མ་པ་མཁྱེན་ནུ།

16. གོང་མཆན༡༥པ་འདིས་བརྡ་ཅི་ཞིག་སྟོན་གྱིན་ཡོད་དམ།

17. རྒན་ལ་དྭགས་འཇམ་དཔལ་སྐུ་ཚེ་བརྟན་ཅིང་སྐུ་གཟུགས་འཕྲོད་རྟེན་བཟང་པོ་ཡོང་བར་སྨོན་བཞིན་ཡོད། གཙོ་བོ་རྒན་མཆོག་གིས་སྐུ་ངལ་གསོ་ཞིང་ལམ་རིམ་སྒོམ་པར་སྐུལ་པར་ཡང་ཡང་ཞུ། སླད་དོན་གནམ་ལོ་གསར་ཚེས་ལ་རྒན་ལ་བཀྲ་ཤིས་བཀྲ་བདེ་ལེགས་ཞུ།

18. གོང་གི་མཆན་15 པ་དེས་བརྡ་གང་ཡང་སྟོན་རྒྱུ་མེད་ཀློང་ཆུང་ཁོ་པ་མི་སྒེར་གྱི་བརྡ་དག་རེད་ཧ་ཧ་

19. རྒན་ལ་དྭགས་འཇམ་དཔལ་ལགས། སྐུ་ཚེ་ཡུན་དུ་བརྟནད་ཅིང་། མུ་མཐུད་ཁ་བརྡར་ཕེབས་ཐུབ་པའི་སྨོན་འདུན་ཡང་ཡོད་ལགས།

20. ཚེ་ལྷག་དོན་ལྡན་དུ་འགྱུར་ཕྱིར། བོད་ཀྱི་ཆོས་སྐད་དེ་སྲུང་བ་དང་ཁྱབ་སྤེལ་བྱེད་དགོས་པ་ཡིན། ཁོ་བོའི་བྱེད་སྟངས་ལ་བོད་ཀྱི་མཁས་དབང་མང་པོས་བསྔགས་བརྗོད་མཛད་པར་མ་ཟད་ལོ་སྔ་མར་༧རང་རེའི་༧སྐྱབས་མགོན་བླ་མ་མཆོག་གིས། “ཉིད་རང་ལོ་གྱ་གཉིས་བར་ལྷག་བསམ་དང་སེམས་འཁུར་ཉམས་མེད་སྒོས་མི་ཚེ་བཟང་མཐར་འཁྱོལ་ཏེ་དོན་ལྡན་དུ་གྱུར་ཡོད།” ཅེས་བཀའ་ཤོག་འབྱོར། ད་ལན་ཤ་བོ་བཀྲ་ཤིས་མཆོག་གིས་བདག་གིས་བྱ་བར་དམིགས་བསལ་གྱིས་བོད་རིག་གཞུང་ལ་ཕན་ཐོགས་ཡོད་པར་ཕྱོགས་ལྷུང་མེད་པ་ཡ་རབས་གཟུར་གནས་ཀྱིས་ངོས་འཛིན་མཛད་པར་བཀའ་དྲིན་ཆེ་ཞུ་འོས་པ་ཡིན།
    ཡིག་ནོར་ཙམ་མ་ཡིན་པར་རང་སྡོད་གཙང་མ་བཟོ་དགོས་པ་རང་ཅག་གི་༧རྣམ་འདྲེན་བླ་མའི་ཞབས་ཀྱི་བཀའ་ཡིན་བསམས་ཏེ། སྔ་དྲོ་ལང་མ་ཐག་ཕྱི་ལོགས་ཁྱམས་སོགས་ལ་གད་ཕྱིས་བྱེད། ང་རྒན་གྱིས་དེ་ལྟར་བྱེད་པར་མཐོང་ནས། སློབ་གྲྭ་པ་གཞོན་པ་དགེ་སློང་དང་སྐྱ་བོ་རྣམས་ཀྱིས་གད་ཕྱིས་ལྷུར་ལེན་བྱེད་པས་སློབ་གྲྭའི་ཁྱམས་འདི་སྔར་ལས་གཙང་མ་ཆགས་པ་ལ་མིག་ལྟོས་བྱ་འོས་པ་ཞིག་ཏུ་གྱུར་པར་དགའ་སྤྲོ་ཆེའོ།
    འདི་ཙམ་མ་ཡིན་པར་ལ་དྭགས་སོགས་སུ་ཕྱིའི་ཁོར་ཡུག་གཙང་མ་བྱེད་ལུགས་ཕྲུ་གུ་རྣམས་ལ་སློབ་ཅིང་། ལྷག་པར་༢༠༠༦་གི་དབྱར་ཀར་བདག་ཅག་གི་སྣ་འཁྲིད་པ་ཨ་མདོ་དཀོན་མཆོག་ཚེ་རིང་གི་གྲོང་ཡུལ་བིས་མདོ་བདུན་ནང་གི་གཅིག་ཏུ་ཉིན་གཉིས་རིང་དེ་ཀའི་ཕྲུ་གུ་རྣམས་དང་མཉམ་དུ་གད་སྙིགས་ཀྱིས་གཡོགས་པའི་ལྕང་རྭ་གཉིས་གཙང་མ་བཟོ་བའི་གོ་སྐབས་བཟང་པོ་བྱུང་། ཨ་མདོ་པ་ཀུན་སེམས་བཟང་ཡོད་པར་མ་ཟད། རྗེ་ཙོང་ཁ་པ་དང་། ད་ལྟའི་རང་རེ་རྒན་པ་མང་པོས་དད་གུས་ཀྱིས་ཆོས་ཞུས་པའི་རྒྱལ་བ་པཎ་ཆེན་གཉིས་ཀྱང་ཨ་མདོ་རུ་འཁྲུངས་པའི་བྱིན་རླབས་ཀྱིས་ཀྱང་། ཨ་མདོ་པ་ཀུན་བོད་ཡིག་འབྲི་བ་ལ་བརྩོན་པ་ཆེར་བྱེད་པ་མཐོང་། མ་འོངས་པ་ན་ཨ་མདོ་ཆོས་ཀྱི་ཞིང་སར་གྱུར་ཏེ། བོད་ཀྱི་རིག་གཞུང་དང་ཆོས་སྐད་དག་ཆ་དང་བཅས་པ་རྗེ་གུང་ཐང་བསྟན་པའི་སྒྲོན་མའི་མཛད་པ་བཞིན་དུ་དར་ཞིང་རྒྱས་པ་ཡུན་རིང་དུ་གནས་པ། ཨ་མདོ་མཁས་པ་ཆེན་པོ་དགེ་འདུན་ཆོས་འཕེལ་གྱི་བཞེད་པ་ལྟར་འགྲུབ་པར་གྱུར་ཅིག
    ་
    འདི་ལ་བསལ་བྱ་ཅི་ཡང་མེད།
    གཞག་པར་བྱ་བ་ཅུང་ཟད་མེད།
    ཡུང་དག་ཉིད་ལ་ཡང་དག་ལྟ།
    ཡང་དག་མཐོང་ན་རྣམ་པར་གྲོལ།། ༢༡ །།
    ་
    ཅེས་པ་་མངོན་རྟོགས་རྒྱན་སྐབས་ལྔ་པ་དང་། མགོན་པོ་ཀླུ་སྒྲུབ་ཀྱི་རྟེན་འབྱུང་སྙིང་པོའི་མཇུག་ཏུ་ཡང་བཀོད་ཡོད་པ་རྣམ་རྟོག་སེལ་བ་ལ་མཆོག་ཏུ་གྱུར་པ་ཞིག་གོ
    དེ་ལྟར་ལགས་ཀྱང་འགའ་ཞིག་ཆགས་སྡང་གི་ལིང་ཏོག་གིས་རྣམ་དཔྱོད་ཀྱི་བློ་མིག་བསྒྲིབས་ཏེ། ཁོ་བོའི་སེམས་བཟང་གི་བྱ་བ་ལ་སྨད་སྒྲ་གཏོང་བས། ཁོ་བོས་བོད་རིག་གཞུང་ལ་ཞབས་ཏོག་ཞུ་བར་ཞུམ་པ་སྐྱེད་དུ་འཇུག་པ་དེ་སྙིང་རྗེ་བའི་གནས་སུ་གྱུར་ཅིང་། སྨད་སྒྲ་དེ་ཉིད་ཁོ་བོའི་བཟོད་པ་སྒོམ་པའི་ཡུལ་དུ་གྱུར་ཏོ།
    འོག་གི་བརྗོད་པ་དེ་ཁོ་བོས་མཐོང་ཡོད་པ་མ་དྲན་པས་སླར་ཡང་ཇི་ལྟར་བྲིས་པ་ལྟར་འབྲི་དགོས། འཐད་པ་དང་ལྡན་པ་ཡིན་ན་གུས་བཀུར་དང་། མི་འཐད་པ་དེ་འགོག་པའི་རིགས་པ་ལ་འབད་དགོས་པ་ཡིན། མཆན་ཡིག་ཨང་དྲུག་པ་པས་དེ་ལྟར་ཤེས་པར་གྱིས་ཤིག
    “ཨ་མདོ་བ་མཁས་པ་བསྟན་འཛིན་རབ་གསལ་ལགས་ནས་པར་ངོས་ལུང་འདྲེན་དང་བཅས་གསལ་བྱེད་གནང་བར་དགུན་གྱི་ཁུ་བྱུག་གི་བརྟུལ་ཞུགས་བླངས་པ་རེད།”

21. རྒན་འཇམ་དཔལ་ལགས་བོད་ཀྱི་རིག་གཞུང་ཐོག་ལ་བཀའ་དྲིན་ཤིན་དུ་ཆེ་བའི་མཁས་དབང་རྒན་གྲས་ཤིག་ཡིན། རྒན་ལགས་སྐུ་ན་གཞོན་སྐབས་བོད་དུ་སློབ་གཉེར་ལ་བྱོན་ནས་གདན་ས་བཀྲ་ཤིས་ལྷུན་པོའི་དཀའ་ཆེན་མཁས་དབང་མང་པོའི་ཞབས་ལ་གཏུགས་ནས་གཞུང་ཆེན་ཁག་དང་ཐ་སྙད་རིག་གནས་སོགས་ལ་སློབ་གཉེར་གནང་ཡོད། དེ་རྗེས་ཝ་ཎ་མཐོ་སློབ་དང་། ཨ་རིའི་སྐད་གྲགས་ཆེ་བའི་ཀོ་ལམ་བྷི་ཡ་སོགས་སུ་སློབ་གཉེར་གྱིས་མཁས་དབང་གི་ཕྱག་ཁྱེར་ཡང་བཞེས་ཡོད། རྒྱུན་གཏན་འཆད་རྩོད་རྩོམ་པའི་དུས་འདའ་བར་མ་ཟད་སྐུ་སྒེར་གྱི་ཕྱག་དངུལ་ཇི་ཡོད་ཀྱང་ཧི་མ་ལ་ཡའི་རི་ཁུལ་དུ་གནས་པའི་བོད་སྐད་ཀྱིས་ཁྱབ་པའི་ཡུལ་ལུང་སྤྱི་དང་བོད་ནང་བཅས་པར་ཤེས་ཡོན་གྱི་མཐུན་རྐྱེན་དུ་འབྱོར་འབུལ་གནང་གི་ཡོད། དྲང་པོ་བཤད་ན་མི་མི་དགའ་དབྱུག་པ་ཁྱེར་ན་ཁྱི་མི་དགའ་ཞེས་པའི་དཔེ་ལྟར་རང་གི་རིག་གཞུང་ལ་དུང་བའི་མཁས་དབང་ཁོང་ལྟ་བུས་དེང་སྐབས་ཀྱི་ས་ལེ་རྒྱལ་ཁ་ཤས་ཀྱི་མི་ཤེས་མདོག་གིས་སོ་སོའི་རིག་གཞུང་ལ་གཡོ་ལྷས་སྦྱིན་པར་དགག་པའི་གཡུ་རལ་ངོམ་པར་ཝ་སྐྱེས་ཅ་ཅོ་སྒྲོག་པ་ནི་རང་གི་དེ་ཉིད་སྟོན་པར་ཟད།

22. ང་ནི་རང་བཞིན་གྱིས་བློ་གྲོས་བརྟུལ་པ་ཞིག་ཡིན་ཀྱང་། བརྩོན་པས་བོད་ཀྱི་མཁས་པས་བསྒྱུར་པ་དང་། བྲིས་པའི་དཔེ་ཆ་རྣམས་རྟག་སྦྱོར་དང་གུས་སྦྱོར་གྱི་ཀློག བཀའ་བསྟན་གསུང་འབུམ་རྣམས་སུ་བྲིས་པའི་ཡི་གེའི་དེ་དག་ཆ་རྣམས་ཀྱི་རྗེས་སུ་འབྲངས་ཏེ་འབྲི་བར་བྱེད། རང་དང་གཞན་གྱི་ཡི་གེའི་དག་ཆ་ནོར་ཡོད་པ་ཀུན་ལ་འཛེམས་པ་མེད་པར་སེལ་ཐབས་བྱེད། བོད་ཀྱི་རིག་གཞུང་མི་ཉམས་པ་དེ་བོད་སྐད་དག་པ་ལ་རག་ལས། དོན་འདི་ལ་དགོངས་ནས། རང་ཅག་རྣམས་ཀྱི་རྣམ་འདྲེན་བླ་ན་མ་མཆིས་པ། ༧གོང་ས་སྐྱབས་མགོན་ཆེན་པོས་ཡི་གེ་འབྲི་ན་དག་པ་དགོས། དེ་མིན་མ་འདྲི་ན་ལེགས་པ་ཡིན། ཞེས་གསུངས་པའི་བཀའ་འཁྲུལ་མེད་ཡིན་པ་བདག་གིས་ཐོས། དེ་ཡང་༢༠༡༡་ལོར་ལ་དྭགས་གནུབས་རྭར་མཁས་པ་རྣམས་ཀྱིས་ཆོས་ཀྱི་བགྲོ་གླེང་མཛད་པར་བདག་གིས་ཡི་གེ་དག་པོར་འབྱུང་ཆེད་དུ། གནའ་བོའི་འབོད་ཚུལ་བཞིན་ཀློག་ཐུབ་བམ་མི་ཐུབ་ཅེས་དྲི་བ་འགོད་དུས། གོང་ན་༧རྒྱལ་བ་རིན་པོ་ཆེ་པད་དཀར་འཆང་དང་། རི་རྫོང་སྲས་རིན་པོ་ཆེ། དགའ་ལྡན་ཁྲི་པ་ཞབས་ལྷན་དུ་བཀའ་གྲོས་མཛད་པ་ན། དེ་ལྟར་གསུངས་པ་དེ་རི་རྫོང་སྲས་དགའ་ལྡན་ཁྲི་རིན་པོ་ཆེས་བདག་ལ་གསུངས་པ་དངོས་མ་ཡིན།
    ཁ་ཅིག་གིས་ཡི་གེ་ནོར་ཡོད་པ་འདི་དང་འདི་ཞེས་རང་ཉིད་ཀྱིས་བསྟན་མ་ཐུབ་ན། ཁ་སྒྲོག་སྡོད་པ་ལེགས། རང་བྱུང་རིག་པའི་རྡོ་རྗེ་མཆོག་གིས། “འོན་ཀྱང་ཁོང་གི་རྩོམ་དག་ལ་ཡིག་ནོར་མང་བ་དང་། ཨུ་ཚུགས་ཚ་བོ་གཉིས་ལ་ནམ་ཡང་མོས་མཐུན་མེད། དཔེར་ན་དུས་ཀྱི་དགོང་དང་ཐུགས་དགོངས་སོགས་དག་ཅ་གཅིག་པར་ངོས་འཛིན་པ་སོགས་རེད།” འདི་ལ་ལན། ཨུ་ཚུགས་ལ་བདེན་རྫུན་གཉིས་ཡོད། བདག་གི་ཨུ་ཚུགས་བདེན་པ་མ་ཡིན་པར་རྫུན་པར་བསྒྲུབས་ན། དེ་ལ་ངས་ཨུ་ཚུགས་རྒྱབ་ན་ང་ཉིད་རྨོངས་པ་ཡིན་པའི་རྟགས་ལས་གཞན་ཅི། དུས་ཀྱི་དགོངས་ལ་ཡང་ས་ཡོད་པ་བོད་ཀྱི་མཁས་པས་བྲིས་པའི་བསྟན་བཅོས་ཀུན་ན་ཡོད། དེ་དག་གི་དོན་བསྡུས་པ་དག་ཡིག་ཟ་མ་ཏོག་དང་། ངག་སྒྲོན་ལ་བསྟུན་དགོས་པ་བོད་རིགས་ཀུན་གྱི་ཁུར་ཡིན། དེ་ཡང་དགོངས་མོ་སྟེ། ཕྱི་དྲོ་དངོས་པོ་གང་ཡིན་གསལ་པོར་མི་མཐོང་བ་བཞིན་དུ། ཐུགས་ཀྱི་བཞེད་པ་གསལ་པོ་མེད་པ་ལ་དགོངས་པ་ཞེས་པའི་མིང་ཆགས། དགོངས་པ་དང་། དགོངས་མོ་གཉིས་ལ་མིང་མཐའ་འདྲེན་ཚུལ་ལ་ཁྱད་ཡོད་པ་མ་གཏོགས་དགོངས་ཞེས་རྩ་བའི་སྒྲ་ལ་ཁྱད་པ་གཏན་ནས་མེད། དེ་ཡང་དགོངས་པའམ་དགོངས་མོའི་སྐད་དོད། ལེགས་སྦྱར་དུ། སནྡྷི། སྟེ་མཚམས་སྦྱོར་བའི་དོན་ལ་འཇུག འདིའི་སྐབས་སུ་ཉིན་མོ་དང་མཚན་མོ་མཚམས་སྦྱོར་བའི་དུས་དགོངས་མོ་ལ་འཇུག མདོ་སྡེ་དགོངས་འགྲེལ་སོགས་ཀྱི། སནྡྷི། ཞེས་པ་བོད་སྐད་དུ་བསྒྱུར་པའི་བཞེད་པ་ལ་དགོངས་པ་ཞེས་མིང་ཚིག་ཆགས་པ་མེད་པར་འདོད། དེ་ཡང་ཉི་ཤུ་པའི་ཚིག་ལེའུར་བྱས་པ་ན།
    གཟུགས་སོགས་སྐྱེ་མཆེད་ཡོད་པར་ནི།
    དེས་འདུལ་བ་ཡི་སྐྱེ་བོ་ལ།
    དགོངས་པའི་དབང་གིས་གསུངས་པ་སྟེ།
    རྫུས་ཏེ་འབྱུང་བའི་སེམས་ཅན་བཞིན།། ༩ །།
    དེ་ཡང་སེམས་ཙམ་པས་ཕྱི་རོལ་དོན་དུ་གྲུབ་པའི་གཟུགས་སོགས་སྐྱེ་མཆེད་མེད་ཀྱང་བཅོམ་ལྡན་འདས་ཀྱིས་ཡོད་པར་གསུངས་པ་དགོངས་མོའི་གཟུགས་སོགས་གསལ་པོ་མཐོང་བ་མེད་པ་ལྟར་བཅོམ་ལྡན་འདས་ཀྱི་བཞེད་པ་ལ་དགོངས་པ་སྟེ་ཕྱི་དྲོ་ཞེས་སོ། སློབ་དཔོན་དབྱིག་གཉེན་གྱི་མཛད་པའི་ཉི་ཤུ་པ་རྩ་བ་དང་རང་འགྲེལ། སུམ་ཅུ་པའི་རྩ་བ་དང་། སློབ་དཔོན་བློ་བརྟན་གྱི་འགྲེལ་པ་བཅས་ལེགས་སྦྱར་དངོས་ཡོད་པ། མཁས་དབང་སྐུ་གཤེགས་ཐུབ་བསྟན་མཆོག་གྲུབ་དང་། རྒྱ་གར་སློབ་དཔོན་ཀློག་པ་གསུམ་པ་ཅན་གྱིས་ཧིནྡ་སྐད་བསྒྱུར་པ་བཞུགས། རྫུས་ཏེ་འབྱུང་བའི་སེམས་ཅན་བཞིན། ཞེས་པའི་དོན་དག་ད་བར་བདག་གིས་མ་ངེས་པས། བོད་ཀྱི་མཁན་མཁན་བཤེས་གཉེན་རྣམས་ཀྱིས་གསུང་གྲོགས་མཛད་ན། དགེ་བར་འགྱུར་རོ། ཁ་སྐད་དུ་ཡི་གེ་མང་པོའི་སྒྲ་ཟུར་འཐོན་དཀའ་བས་དེ་དག་དབྱུགས་པ་ལ་ཡར་རྒྱས་ཀྱི་མིང་ཚིག་ཏུ་འདོད་པ་ནི་ལག་པ་ཆག་པའི་མིའི་གཟུགས་ལ་ཡར་རྒྱས་སུ་འདོད་པ་དང་འདྲའོ།
    མིང་ཚིག་ཡི་གེ་མ་དག་པ་རྣམས་ལ་ཞུས་དག་མཛད་ན། བདག་གཞན་ལ་ཕན་པས་བཀའ་དྲིན་དུ་རྩིའོ།

23. བོད་ཀྱི་མཁན་མཁན་ཞེས་པ་བོད་ཀྱི་མཁས་པ་ཞེས་བཅོས་སོ། དེ་བཞིད་མ་དག་པ་ཞུས་དག་མཛོད།

24. དགོངས་པ་ཞེས་མིང་ཚིག་ཆགས་པ་མེད་པར་འདོད། ཅེས་པར་དགོངས་པ་ཞེས་མིང་ཚིག་ཆགས་པར་འདོད། དེ་བཞིན་ཞུས་དག་མཛད་ན་རང་གཞན་གྱི་ཤེས་རིག་འཕེལ་ལོ།

25. བཀའ་འགྱུར་ལ་ཞུས་དག་བྱས་ནས་ཕ་འོང་ཁ་བ་ཕ་འོང་གི་ནང་དུ་བཟང་བཙོན་ལ་བཅུག་པ་རེད་ཟེར། བདེན་པ་རེད་དམ།

26. ཕ་འོང་ཁ་བ་ཟེར་ན་སུ་རེད་ད་བར་དུ་གོ་མྱོང་མེད་

27. ཕ་བོང་ཁ་བ་ཞེས་པར་བཅོས་རོགས་ཞུ།

28. བཀའ་འགྱུར་ལ་ཞུ་གནང་མཁན་གཙོ་བོ་ནི་་དང་པོ་དེ་དགེ་བཤེས་རབ་ཚང་ཡིན་པ་འདྲ་རྗེས་མ་ཅོ་ནེ་དགེ་བཤེས་རིན་པོ་ཆེ་བློ་བཟང་རྒྱ་མཆོག་རེད་ཁོང་གདན་ས་བཀྲ་ཤིས་ལྷུན་པོར་དཔེ་ཁྲིད་གནང་བཞིན་དུ་ལྷ་སར་བཀའ་འགུག་གནང་འདུག

29. ལ་དྭགས་པས་ཁ་བརྡ་དྲ་ཚིགས་དེ་བཞིན་ཨ་མདོ་བའི་དྲ་ཚིགས་ཤིག་ཡིན་པ་ཤེས་ཡོད་ཚོད་འདུག ཨ་མདོ་ཡུལ་གྱི་ཆེ་བ་དང་། སྤྲེལ་ལད། དྲིན་ཆེན་བླ་མ་ཟེར་བ་སོགས་སྐབས་འཚོལ་གྱི་བསྔགས་བརྗོད་ལུང་པ་གང་བཤད་སོང་། ཧཧཧཧ།
    ཁྱོད་ཀྱིས་ཤེས་དགོས་རྒྱུར། ཨ་མདོ་བ་ཚོ་སྤྲེལ་ལད་དང་ཁ་སྟོང་པའི་བསྔགས་བརྗོད་དེ་ལ་དགའ་པོ་མེད་པ་ཤེས་ཡོད་ས་མ་རེད། དེ་ཤེས་པར་བགྱིས་ཤིག

30. ལ་དགས་པ་དེ་ལ།
    རྗེས་སུ་ཡི་རང་གི་ཡིད་རངས་ཇི་ལྟར་འབྲི་དགོས་པ་རེད།

    ཡིད་རངས་རེད་དམ། ཡི་རང་། ཡི་རངས་རེད། གང་རེད།
    རྩ་ཤེས་རེད་དམ། རྩེ་ཤེ་རེད།
    སངས་རྒྱ་བར་འགྱུར་རེད་དམ། འཚང་རྒྱ་བར་འགྱུར་རེད། ག་རེ་བྱས་ནས་རེད་དམ།
    ཚང་མ་ལ་རྒྱུ་མཚན་བཤད་རོགས། པོ་ཏོ་མགོ་མཁྲེགས་ལགས།

    འདི་ཙམ་ཡང་མི་ཤེས་པ་བོད་ཡིག་ལེགས་པོ་སྦྱོངས།
    ཕྱོགས་གཅིག་ཙམ་མ་ཤེས་ན་དེ་འདྲ་རེད་དོ།། ཕྱོགས་ཡོངས་ལ་བསམ་བློ་ཐོངས་ལོ།

31. ཨ་མདོས་སྤྲེལ་ལད་མི་ཤེས་ཟེར་ཏོག་ཙམ་འགྲིག་མ་སོང་། ཨ་མདོ་པ་དང་གཤིབ་མྱོང་མཁན་ཞིག་ན་ཧཧཧཧཧཛོ་ལེ་རེད།

32. གཏམ་རྙོག་མེད་པར་བོད་ལ་ཕན་པའི་ལས་བྱོས།
    འོག་གི་མིང་ཚིག་རྣམས་དག་པར་འབྲི་དགོས།
    ཨ་མདོ་བ།
    བགྱིས་ཤིག
    ལ་དགས་པ།
    ཡི་རང་། རྩེ་ཤེ་རེད།
    སངས་རྒྱ་བ། རོགས། པོ་ཏོ།
    ཐོངས་ལོ། འདིར་ཡོད་ལོའི་དོན་ཤོད་ཅིག
    ངའི་ཁ་སྐད་ཁྱོད་ཀྱིས་མི་ཤེས། ཁྱོད་ཀྱི་ཁ་སྐད་ངས་མི་ཤེས་པ་བདེན་ནོ།

33. ཡི་རང་་ལ་ཞུས་དག་མི་དགོས་སོ།

34. རྗེས་སུ་ཡི་རང་ནི། རང་ཡང་འཐུག་མེད་པ་དེ་ནི། གཞན་གྱི་ཡོན་ཏན་དགའ་བསུའི་བསམ་བློ་དང་། ཡི་རངས་པའམ། ཡིད་རངས་པ་ནི། རང་ཉིད་བློ་ཁ་འཚིམ་པ་ཙམ་ལ་གོ

35. ཀརྡོ་ལགས་སྔོན་མ་ཞིག་ལ་ངས་ལ་དྭགས་པར་སྐད་ཆ་ཅུང་ཆེ་ཙམ་བཤད་དུས་ཁྱེད་ཀྱིས་ང་ལ་བཀའ་བསྐྱོན་བཏང་བ་ཨེ་དྲན།
    རྗེས་སུ་ཡིད་རངས་སམ་ཡི་རངས་གང་རུང་འབྲི་དགོས་པ་སྔར་གྱི་མཁས་པའི་དཔེ་གཞུང་ནང་དུ་འདུག

36. ལ་དགས་པ་མགོ་མཁྲེགས་པོ་ཡིན་པ་འདི་ནས་ཤེས
    ཡི་རང་། ཡིད་རང་། ཡིད་རངས། ཡི་རངས། གང་བྲིས་ཀྱང་རུང་།
    ང་ཚོའི་བོད་ཡིག་ལ་བོད་ཡིག་ཐུང་དུ་གཏོང་ཡ་ཡོད་པ་རེད། དོན་དངོས་སུ་ཡིད་རངས་ཡིན་ནའང་། དེ་ལྟར་བྲིས་ན་ས་ཆ་མང་པོ་ཟིན་པས། ཡི་རང་བྲིས་ཀྱང་འཐུས་པ་ཡིན། ཡིད་བཏགས་ལ་ཡི་དྭགས་ཟེར་བ་སོགས་མང་།
    འདི་ལྟ་བུ་ནི་ལ་དྭགས་པས་ཚེ་གང་ལ་འདྲིས་ཆ་བྱས་ཀྱང་མ་ཤེས་པའི་བོད་ཡིག་གི་ཁྱད་ཆོས་ཡིན།
    པོར་རྡོ་མགོ་མཁྲེགས་ཟེར་བ་འདི་ལ་ཟེར་བ་ཡིན།
    ཁོ་ནི་སྣར་སྐྱིད་ལྟར་མི་ཚེ་གང་ལ་སྐུ་ཕྲེང་གི་ཕྲེང་འ་འཕ་ར་བཏགས་འཕྲེང་ཞེས་བཤད་པ་ལྟར་རེད།
    དེ་ལ་ཆོ་ཡོད་མ་རེད། འདི་ཚོར་ཕྱོགས་གཅིག་མ་གཏོགས་མི་མཐོང་བའི་ཀླད་རྒན་མགོ་མཁེྲགས་ཟེར་བ་ཡིན་

    ད་དུང་བཀའ་འགྱུར་རྣམས་སུ་འཚང་རྒྱ་འགྱུར་ཞེས་ཀློག་པ་ལས་སངས་རྒྱ་འགྱུར་ཟེར་བ་འབྲི་སྲོལ་གཏན་མེད།
    ངས་ནམ་རྒྱུན་ལ་དགས་པས་ཕྱོགས་གཅིག་མ་གཏོགས་མཐོང་གི་མ་རེད་ཟེར་བ་འདི་ལ་ཟེར་བ་ཡིན།
    ཁོང་གིས་དེབ་གཅིག་འདྲ་བལྟས། དེ་ནས་དག་ཆ་ཅི་ཞིག་མཐོང་བ་དེ་རང་སྣང་འདྲ་དག་བྱས་བསྡད་ཡོད་པ་རེད།
    འདི་ཙམ་ཡང་མི་ཤེས་པ། ཐབས་སྐྱོ།

37. ཁ་སྐད་དུ། པོ་ཏོ་དང་། པོར་རྡོའི་ཚབ་ལ། སྤོར་ཏོ་འདི་དག་ཆ་ཐག་ཉེ་བ་མི་འདུག་གམ། ད་དུང་དཔྱད་པར་གྱིས།

38. སློབ་དཔོན་བསོད་ནམས་རྩེ་མོ་༡༡༤༢་ནས་༡༡༨༢་བར་བཞུགས་པས། དིང་སང་རྒྱ་གར་ཁོངས་སུ་གནས་པའི་མངའ་རིས་མར་ཡུལ་དང་། བལ་ཡུལ་གྱི་ཁོངས་སུ་ཡོད་པ་འི་ལྷོ་མོན་ཐང་དང་། པཱ་ཀི་སྟཱན་ན་ཡོད་པའི་སྦལ་ཏི་དང་། ཤར་ཕྱོགས་ཁམས་རྒྱ་རོང་སོགས་བོད་ཀྱི་མཐའ་འཁོར་གྱི་ཡུལ་གྲུ་ཀུན་ཏུ་སྒྲ་གདངས་ཉམས་པ་མེད་པ་དང་། དབུས་གཙང་སོགས་སུ་བོད་སྐད་མིང་ཚིག་གི་སྒྲ་གདངས་ཉམས་རྒུད་དུ་འགྲོ་བར་གཟིགས་ཤིང་། མི་ཉམས་པའི་ཐབས་ལ་འབད་པར་མཛད་བཞིན་དགུང་ལོ་ཞེ་གཉིས་ལ་སྐུ་གཤེགས། སྐུ་ཚེ་རིང་པོ་བཞུགས་མ་ཐུབ་པ་དེ་བོད་སྐད་ཀྱི་སྒྲ་གདངས་ཉམས་པ་གསོར་ཐུབ་པ་ལ་གྱོང་གུད་ཆེན་པོ་བྱུང་། མཁས་གྲུབ་ཆེན་པོ་འདི་ཉིད་ཀྱིས་མཛད་པའི་བོད་ཀྱི་ཡི་གེའི་བཀླག་ཐབས་བྱིས་པ་བདེ་བླག་ཏུ་འཇུག་པ། གནའ་བོའི་ལུགས་སུ་བོད་ཡིག་ཀློག་པ་ལ་མེད་དུ་མི་རུང་བ་ཞིག་ཡིན། འདི་ཉིད་ལ་ཆོས་རྗེ་ས་པཎ་གྱི་འགྲེལ་པ་མཆིས། (མཚོ་སྔོན་མི་རིགས་དཔེ་སྐྲུན་སྤར་མ་)སི་ཏུ་སུམ་ཅུ་པ་ཤོག་གྲངས་༡༢༨་སོགས་ཀྱང་ཀློག་ཐུབ་ན། བོད་ཀྱི་ཡི་གེ་ཀློག་པ་དང་དག་ཆ་ལེགས་པར་འབྱུང་བ་ལ་ཕན་ནོ།
    དེས་ན་གོང་གསལ་ཡུལ་རྣམས་ཀྱི་བོད་སྐད་དེ་སྒྲ་གདངས་མ་ཉམས་པ་དེ་ཡིས་བོད་སྐད་ཡི་གེའི་དག་ཆ་རྣམས་ལེགས་པ་འབྱུང་བ་ལ་བོད་མི་གཟུར་གནས་རྣམ་དཔྱོད་དང་ལྡན་པ་རྣམས་ཀྱིས་གཅེས་སྤྲས་མཛད་པ་ལ་རྗེས་སུ་ཡི་རངས་ཏེ། མངོན་པར་བསྟོད་དོ།
    ངའི་གྲོང་ཡུལ་ཁ་སྐད་དུ། ཡིད་རངས་ཞེས་པ་ཐོས་པ་ལ་དཔགས་ན། ཡིད་ཅེས་པ་གྱུར་ནས་ཡི་རངས་ཞེས་ཆགས་པར་མངོན། ངའི་གྲོང་ཡུལ་ཁ་སྐད་དུ་ཡང་བདག་སྒྲ་དེ་ཆོས་སྐད་དང་མཐུན་པས། སུམ་ཅུ་པ་ན་བཤད་པ་ལྟར་འཐད་ལྡན་དུ་ཡོད་དོ། ། ཡིག་ནོར་དག་ལ་ཞུས་དག་མཛོད་ཅིག་ཅེས་སོ།

39. ང་ཚོ་དང་ཁྱོད་ཚོ་ཞེས་ཕྱོགས་འཐེན་པ་འཇབ་ཆུང་གི་སྐད་ཆ་ཡིན།

40. “ཡིད་བཏགས་ལ་ཡི་དྭགས་ཟེར་བ་སོགས་མང་།” འདི་ཉིད་རང་བཟོ་ཡིན་ནམ། ཡང་ན། ཁུངས་ཤིག་ཡོད། བཟོད་པའི་གཟི་བྱིན་གྱིས་ངའི་བཞིན་རས་ཡར་ངོའི་ཟླ་བ་ལྟར་མཛེས་པས་ཤེས་པར་འདོད་དོ།