སྐྱོ་བྲག་དགའ་དབང་།
མི་རབས་རྒན་པའི་ལྷག་བསམ་དང་འབད་བརྩོན་ལ་བརྟེན་ནས། བཙན་བྱོལ་བོད་གཞུང་ཞིག་བཙུགས་ཐུབ་པ་ཙམ་དུ་མ་ཟད་རྒྱུན་ཡང་ད་བར་བསྐྱངས་པ་རེད། གཞུང་འདིའི་ཁ་ཐབས་དང་འཁོས་ཀ་བཟང་ངན་གང་ལྟར་ཡང། བོད་མི་རིགས་དང་རྒྱལ་ཁབ་ཀྱི་འགུལ་ཤུགས་ལྟེ་བ་ཡིན་པས་ང་ཚོ་ལ་ཧ་ཅང་གི་གལ་འགངས་ཆེ་མོད། མ་འོངས་པར་རྒྱུན་གནས་ཐུབ་མིན་ནི་རང་གི་ཁ་ཞབས་སུ་ཡོད་པའི་འབངས་མི་སེར་ཡོད་མེད་ལ་རག་ལུས་ཕྱིར། སྐྱབས་བཅོལ་བོད་མི་ཕལ་མོ་ཆེ་རྒྱལ་ཁབ་གཞན་པའི་མི་སེར་དུ་གྱུར་ཟིན་སྐབས། གཞུང་སྒེར་འབྲེལ་མེད་དོན་གཞན་དུ་སོངས་ཏེ། བོད་གཞུང་ནི་ག་ལེར་འཇའ་བཞིན་ཡལ་བའི་ཉེན་ཁ་ཡོད་པ་ཡིན།
ཡིན་ནའང། ཕྱི་རྒྱལ་དུ་གཏན་འདུག་མ་བྱས་པའི་བོད་པ་གང་མང་ཞིག་གིས་ཀྱང་། རྒྱ་གར་གཞུང་གི་ཁྲིམས་སུ་གསལ་བ་བཞིན། ཐ་ན་ཁྲིམས་གཏུག་ཡན་གྱིས་རྒྱ་གར་གྱི་མི་སེར་བཟོ་བཞིན་ཡོད་ལ། ཁག་ཀྱང་མི་འདུག །དཔེར་ན། དྷ་རམ་སཱ་ལའི་ཐོན་མཆན་(Exit Permit)དང་ཡོང་མཆན་(Return visa)ལྟར་ནའང་། ས་གནས་གཞན་ཞིག་ནས་ཆེད་དུ་ཡོང་སྟེ། ཞག་མ་བཅུ་གྲངས་ཤིག་གི་ཡར་རྒྱུག་མར་རྒྱུག་གི་འབད་བརྩོན་ཤ་ཐང་ཆད་པས་སྒྲུབ་དགོས།
མཚམས་རེ་དུས་ཚོད་ཀྱིས་དེད་དེ་འུ་ཐུག་ཡོང་བ་ན། ཧིན་སྒོར་སྟོང་ཕྲག་གསུམ་བཞི་རེའི་ལྐོག་རྔན་ནི་སྤྲད་ས་རྙེད་པའང་འགྲིག་སོང་བསམ་པ་ཡོང་གི་གདའ། ལྐོག་རྔན་སྤྲད་པ་ནི། རང་གཞན་གྱི་ཉམས་མྱོང་གང་ལ་བལྟས་ནའང་། འུ་ཐུག་དྲགས་པས་ཡིན་པ་ལས། སྒོར་མོ་མང་དྲགས་པས་རེད་མི་འདུག །
ཡང་རྒྱ་གར་ནང་དུ་ཚུར་བསླེབས་རྗེས་ཀྱང་སྐྱབས་བཅོལ་ལག་དེབ་(RC)ལེན་ལ་རྐང་བཙུགས་ནས་དྷ་རམ་སཱ་ལར་ཡོང་དགོས་ཤིང་། འདི་ཚོའི་དཀའ་ངལ་དང་འགྲོ་སོང་ནི་ལས་སླ་བོ་ཞིག་ཁྱོན་ནས་མ་རེད།
དཀའ་ངལ་མེད་པའི་ལམ་ཁ་ཞིག་ཡོད་ན། དེར་ཤར་བསྐྱོད་དགོས་པ་ནི། བདེ་བ་འདོད་ལ་སྡུག་བསྔལ་མི་འདོད་པའི་གང་ཟག་དག་གི་ངོས་ནས་གདམ་ང་མ་འཕྱུགས་པ་ཡིན་ཕྱིར། བོད་པ་མང་པོས་སྔར་ཡང་རྒྱལ་ཁབ་གཞན་པའི་མི་སེར་བཟོས་པ་རེད་ལ། ད་དུང་ཡང་མུ་མཐུད་ནས་བཟོ་ངེས་པ་ཡིན།
དེས་ན་དབུས་བོད་མིའི་སྒྲིག་འཛུགས་ཀྱི་ངོས་ནས། ཐོན་མཆན་(Exit Permit)དང་ཡོང་མཆན་(Return visa)ལྟ་བུ་དགོས་མེད་ཀྱི་དཀའ་ཚེགས་འདི་ཚོ་གང་མགྱོགས་སེལ་ཐབས་གནང་བ་ནི། གཞུང་སྒེར་གཉི་གར་ཕན་པ་ཡོད་པའི་ལས་དོན་ཁ་ཚ་དགོས་གཏུགས་མ་སྟེ། དཀའ་ངལ་མེད་ན་རྒྱ་གར་གྱི་མི་སེར་བཟོ་དགོས་ཅི་ཡོད། གལ་ཏེ་གཞུང་ངོས་ནས་དཀའ་ངལ་སེལ་ཐུབ་ཀྱི་མེད་ན། སྒེར་ངོས་ནས་དཀའ་ངལ་མེད་པའི་ལམ་ལ་མ་ཞུགས་རང་ཞུགས་ཆགས་ཀྱི་རེད།
དགའ་དབང་ལགས་ཀྱིས་གསུངས་པ་དེ་གར་རང་རེད། མགོ་བདེ་དྲན་རྒོད་ཚོས་གནའ་སྔ་ནས་རྐང་པ་གཉིས་གསུམ་བཙུགས་ནས་འདུག་ཡོད། ལས་ངན་པ་འབངས་མི་སེར་ཉམས་ཆུང་རྣམས་ཁ་སྟབས་སྐྱོ་བོ་ཐོག་ད་དུང་རེ་བ་ཅིག་གི་འོག་ནས་མགོ་འཁོར་བཞིན་ཡོད། སུ་ཡིན་ནའང་སྐྱིད་ས་བདེ་ས་ཅིག་ལ་འགྲིམ་རྒྱུ་དེ་བཤད་མི་དགོས་པ་རེད་མ་རེད་དམ།
རྒྱལ་ཁབ་གཞན་ཞིག་གི་མི་སེར་བྱས་ན་མ་བྱས་ན་ཡང་། ༧གོང་ས་མཆོག་གི་བཙན་བྱོལ་གཞུང་ནམ་ཡང་འཐོར་མི་སྲིད།
གོ་སྐབས་དང་ནུས་བ་ནི་ང་ཚོས་དངོས་བར་དུ་འཚོལ་དགོས། འདི་ནི་བོད་མི་རིགས་ཀྱི་རྨང་རྡོ་སྲ་བརྟན་དུ་འགྲོ་བའི་ལམ་ཁ་དང་དགྲ་ནག་པོའི་ཁ་སྔུན་ན་ངར་ངར་རྫིག་རྫིག་གི་གཟི་བརྗིད་འབར་བའི་ལམ་ཁ་ཡིན།
ཐོན་འཛུལ་ཆོག་མཆན་རྒྱལ་ཁབ་དེ་དང་དེས་སྤྲོད་དགོས་པ་ལས། དེའི་མགྲོན་པོ་ལ་སྤྲོད་དང་མི་སྤྲོད་ཀྱི་དབང་ཆ་སྤུ་ཙམ་མེད་པ་དེ་ཙམ་ཡང་མི་ཤེས་པའི་མཁས་འཆལ་འདི་ཚོ་ལ་ཉན་ལ་གད་མོ་གཏིང་ནང་སློང་།
འདི་ལྟ་བུ་ལས་འབྲི་མི་ཤེས་ན། དེའི་ཚབ་དུ་མ་ཎི་འདྲ་གདོན་པ་དང་། རང་ངོ་འདྲ་བསྐྱངས་ནས་བསྡད་ན་བཀའ་བརྒྱུད་གོང་མ་རྣམས་ཀྱིས་བཀའ་བཀྱོན་ནི་ཕེབས་དོགས་མེད།
འཛམ་གླིང་ཤར་ནུབ་ཀྱི་རང་བཙན་ཡོད་པའི་རྒྱལ་ཁབ་ག་འདྲ་ཞིག་ཡིན་རུང་ཐོན་འཛུལ་ཆོག་མཆན་མ་ཞུས་པར་འགྲོ་སའི་ལམ་མེད་པ་གཅིག་མཚུངས་
ཡིན་ས་རེད་ དེ་ལ་དབུས་བོད་མིའི་སྒྲིག་འཛུགས་གནང་རྒྱུ་ཨ་ཡོད་།
༅༅། ཐོནའཛུལ་ཆོག་མཆན་མིདགོས་པའི་བོད་གཞུང་ནས་གནང་དགོས་ཟེར་བ་འདི་ནི་བྲོད་ཁོག་རྒྱག་པའི་སྐད་ཆ་རེད། གནས་ཡུལ་རྒྱལ་ཁབ་ཀྱི་བདེ་སྲུང་གི་ཆེད་ཁྲིམས་སྒྲིག་བཟོས་ཡོད་པར་བརྟེན་
དེ་བོད་མི་རེ་དགའ་ལ་དཀའ་ངལ་འདུག་་་འདི་མེད་པ་བཟོ་དགོས་འདུག་བརྗོད་ན་ལྐུགས་པ་ཚོ་ག་རེ་ཟེར་གྱི་ཡོད་དམ་། སློབ་སྦྱང་རྩ་བ་ནས་མི་འདུག་ སོ་སོའི་བྲོད་ཁོག་རྒྱག་ཙམ་མ་གཏོགས་གཞན་པ་ཅི་ཡང་མི་ཤེས་པ། ལྐུགས་སྟོང་། ཀླད་སྟོང་རེད་ཟེར་གྱི་རེད་།
ཉི་མ་གཅིག་ཁ་ལག་ཟ་བར་དཀའ་ལས་འདུག་། བོད་མིའི་སྒྲིག་འཛུགས་ནས་ཁ་ལག་ཁའི་ནང་བླུགས་ཐབས་བྱེད་དགོས་འདུག་ཟེར་མདོག་ཁ་པོ་འདུག་ ཧ་ཧ་ཧ།
ཁྱོད་ཝྐྱོ་བྲག་དགའ་དབང་ལ་ཐོན་འཛུལ་ཆོག་མཆན་མི་དགོས་པ་བཟོ་དགོས་འདུག་ཅེས་
རྒྱ་གར་ཕྱི་སྲིད་ལས་ཁུངས་ལ་ཞུས་་་་་གཅིག་བྱེད་ན་ཁྱོད་ལ་དམིགས་བསལ་གནང་སྲིད།
ཨ་ ཁུས་མགོ་འཚོས་མིན་འདུག exit permit ཟེར་བ་འདི་སྒྲིག་ལམ་གསར་པ་ཞིག་རེད། ལོ་བཅོ་ལྔ་ལྷག་ཕྱིན་ཨེ་ཡོད། དེ་མི་དགོས་པ་བྱ་རྒྱུར་རྒྱ་གར་གཞུང་ལ་ང་ཚོའི་ངོས་ནས་རེ་བ་འདོན་རྒྱུ་ལོས་ཡོད། དེ་གཅིག་རེད།
ད་དུང་ (R.C.) ནང་ས་གནས་ནས་ནས་ཐོན་ཚེས་departure དང་འབྱོར་ཚེས་arrival འགོད་རྒྱུ་ཞིག་ཡོད། དེ་དངོས་སུ་ལག་ལེན་བཀལ་ན་སྐྱབས་བཅོལ་བོད་མི་རྣམས་བཟང་བཙོན་པ་ཞིག་དང་གཉིས་སུ་མེད། དེ་ལྟ་བུའི་ཕན་ཐོགས་མེད་ལ། དཀའ་ངལ་བཟོ་བྱེད། ལག་ལེན་མེད་པ། ཉེན་རྟོག་པར་དངུལ་ཤོར་ས་དེ་དག་དབུས་བོད་མིའི་སྒྲིག་འཛུགས་ནས་རྒྱ་གར་དབུས་གཞུང་ལ་ངེས་པར་རེ་བསྐུལ་ཞུ་དགོས་པ་མ་ཞུས་པའི་གནད་དོན་དག་རེད།
རྒྱལ་ཁབ་ཡོད་མཁན་ཚོར་ exit permit ཟེར་བ་གོ་མྱོང་ཡང་ཡོད་རྒྱུ་མ་རེད། དེ་ནི་ཆེད་དུ་སྐྱབས་བཅོལ་བ་ཚོར་དམིགས་ནས་བཟོས་པ་ཞིག་རེད། དེའི་སྐོར་གནམ་ཐང་གི་ཐོངས་མཆན་ཞིབ་འཇུག་པ་ནང་ནས་ཀྱང་རྒན་པ་ཚོས་མ་གཏོགས་གཞོན་པ་ཚོས་ཏག་ཏག་མ་ཤེས་པ་མྱོང་གྲུབ་རེད། དེར་བརྟེན་རྒྱལ་ཁབ་ཀྱི་མི་སེར་ཡིན་པའི་ཐོངས་མཆན་སྟེང་ཐོན་ཚེས་ཆོག་མཆན་exit permit ཟེར་བ་ཐོལ་པ་དེ་མེད་པ་མཁྱེན་པར་མཛོད།
རེད་དགའ་དབང་ཁོས་ད་ལན་བློ་ལ་བབས་པ་ཞིག་བཤད་འདུག་གོང་མཆན་རེ་འགས་མགོ་ཚོས་ལ་མ་ཚོས་བཤད་འདུག་ཐོན་ཡོང་གཉིས་ཀར་ཆོག་མཆན་དགོས་པ་སྐྱབས་བཅོལ་བ་ནང་ནས་རང་རིགས་གཅིག་པུ་མྱོང་དགོས་འདུག སྲིད་སྐྱོང་ནས་མགོ་བདེ་ལས་བྱེད་དཀྱུས་མ་ཡན་གཞན་གྱི་མི་སེར་བཟོས་དང་བཟོ་བཞིན་པ་རེད། བཙན་བྱོལ་གཞུང་འབངས་གཉིས་ཀར་བརྟན་ཚུགས་དགོས་ན་ཁ་ཚ་དགོས་གཏུགས་དཀའ་ངལ་དག་སྔོན་དུ་སེལ་གལ།