འཇམ་གཅེས།
གླིང་ཚ་ལགས། ཁྱོད་ནི་མི་རིགས་ཀྱི་ཆེད་དུ་བརྩེ་བའི་བཟའ་ཟླ་དང་། གཅེས་པའི་བུ་ཕྲུག བཀའ་དྲིན་ཅན་གྱི་ཕ་མ་མིང་སྲིང་སོགས་ཡོད་ཚད་ནས་ཡོད་ཚད་བློས་གཏོང་ནུས་མཁན་གྱི་ཨ་མའི་བུ་རྒོད་ཅིག་ཡིན་ལ། ཁྱོད་ནི་ཁ་བཤད་ལག་ལེན་ནུས་མཁན་གྱི་དཔའ་རྒོད་འཐབ་རྩོད་པ་ཞིག་ཀྱང་ཡིན། ཁྱོད་ནི་སེམས་ཀྱི་ཚོར་འདུ་མགྲིན་པའི་ལམ་ཡངས་ནས་གྱེར་བཞིན། རིགས་ཀྱི་ལ་རྒྱ་སྨྱུ་གུའི་རྩེ་མོ་ནས་ཕྱུང་མཁན་གྱི་སྨྱུག་འཛིན་མཁན་ཞིག་ཀྱང་ཡིན།
ཁྱེད་ཉིད་དཔའ་བོ་ཁེར་རྒྱུགས་ཀྱིས་ལས་འགུལ་དངོས་སུ་སྤེལ་དུས་མིག་ཆུ་དང་ངུ་ངག་ལྷན་དུ་ཕེབས་སྐྱེལ་ཞུ་མཁན་ནི་དྲིན་ཅན་ཕ་མ་གཉིས་དང་སྲིང་མོ་སོགས་སྐྱེ་བོ་བརྒྱ་སྟོང་མང་པོ་བྱུང་མྱོང་ལ། དེ་བཞིན་འགན་ཁུར་གྱི་བསམ་བློས་ལྐུགས་ཤིང་། དྲང་བདེན་གྱི་བློ་མིག་ཞར་ར་ཅན་གྱི་སྐྱེ་བོ་ཁག་ཅིག་གིས་མི་འདོད་པའི་རྣམ་འགྱུར་དང་། ཟུར་ཟའི་ལམ་ནས་རང་མདོག་ངོ་མ་ཡང་བསྟན་མྱོང་།
མདོར་ན་དེ་རིང་ཁྱེད་ཉིད་ང་ཚོས་མིག་ལམ་ནས་བོར་ཏེ་ལོ་ངོ་ཧྲིལ་པོ་གཉིས་འཁོར་བའི་དུས་འདིར། ངས་ཁྱེད་ཉིད་གླེང་འདོད་ལ། ཁྱེད་ཉིད་བཙལ་འདོད། ཡིན་ཡང་ཅི་ཞིག་གླེང་དགོས་མིན་དང་། གང་ཞིག་ནས་ཇི་ལྟར་བཙལ་དགོས་མིན་ཡང་མ་ཤེས། ངོ་མ་ཡིན།
གླིང་ཚ་ལགས། ཁྱེད་ལ་བལྟས་ནས་ང་ངུས་མྱོང་ལ། ད་དུང་ཡང་ངུ་སྙིང་འདོད། ཁྱེད་རང་དྲན་ནས་ཡིད་སྨོན་ཡང་ཤོར་མྱོང་ལ། ད་དུང་ཤོར་བར་ངེས། ཡིན་ཡང་དེ་རིང་ངས་ཁྱེད་ཉིད་གླེང་དུས་མགྲིན་པའི་བུ་ག་འགག་འདུག་ལ། སྨྱུ་གུའི་སོ་ཁ་ཡང་འདར་གྱིན་འདུག ཡང་སྙིང་ངས་ཅི་ཞིག་དགོས་མིན་གཏན་ནས་མ་ཤེས།
གལ་སྲིད་ཁྱོད་འཇིག་རྟེན་འདིར་འཚོ་གནས་སུ་ཡོད་ཚེ། ཉིད་ཀྱིས་འདོད་པའི་དོན་རྣམས་གེགས་མེད་ཡིད་བསམ་ལྟར་འགྲུབ་པར་ཤོག་ཅིག་དང་། གལ་སྲིད་འཇིག་རྟེན་གཞན་དུ་ཕྱིན་ཟིན་ན་༼ཨོཾ་མཎི་པདྨེ་ཧཱུཾ་༽དང་ལྷན་དུ་བདེ་འགྲོའི་རྟེན་བཟང་རིམ་པར་བརྒྱུད་ནས་གཏན་བདེའི་གོ་འཕང་རིན་པོ་ཆེ་མྱུར་དུ་འཐོབ་པའི་སྨོན་ལམ་ཡོད། ངོ་མ་ཡོད། གླིང་ཚའི་ཕོ་རྒོད་ལགས། བུ་གཅེས་ལགས། རིགས་བཟང་ལགས། མཁྱེན་སོང་ངམ། གླིང་ཚ་ལགས།
གླིང་ཚ་རྒྱལ་གྱུར་ཅིག
ཕོ་རྒོད་གླིང་ཚ་རྡ་་རམ་ས་ནས་ཕེབས་སྐྱེལ་ཞུ་མཁན་གྱི་ཚོགས་པ་ག་གེ་མོ་མང་པོ་ཡོད་པ་དེ་ཚོ་ག་པར་ཡོད་། ད་གླིང་ཚ་འཚོལ་ལ་རྒྱུགསལུག་གི་ལུད་མ་ལ་ར་གི་ངོ་གསོ་གཏོང་མཁན་གྱི་ཚོགས་སྐྱིད་དེ་ཚོ་གཉིད་ཤོར་བ་མིན་འགྲོ་
དར་མ་ཁ་གཡང་ཆེན་པོ་དེ།་་དཔའ་བོ་དགྲ་ཁ་གཡུག་འདོད་རེད་ཟེར་བའི་གཏམ་དེ་བདེན་ཡང་བདེན་ལ་བདེན་པ་ཆེ།
ལམ་ཁ་གསུམ་ཙམ་ལས་ཡོད་མ་རེད།
༡༽ ཁོང་རྒྱ་གར་ནས་ཐོན་ལ་བོད་དུ་འབྱོར་ཡོད་པ་དང་བཙོན་ཁང་ཞིག་ལ་ཡོད་ངེས།
༢༽ ཁོང་རྒྱ་གར་ནང་གོམ་བགྲོད་བྱེད་བཞིན་སྐབས་རྒྱ་ནག་གིས་ཅག་ཚོགས་གང་རུང་མངག་ནས་གསང་བའི་ཐོག་གང་ཞིག་ལ་ཉར་ཡོད་པའམ་སྲོག་གཅོད་བྱས་བ།
༣༽ ཁོང་རང་ངོས་ནས་ལས་འགུལ་འཚམ་བཞག་ནས་གང་ཞིག་ན་ཁ་ཁུ་སུམ་པོར་འཚོ་བཞིན་པ།
བླ་མ་དཔོན་པོ་ཚོའི་བུ་རབས་ཚ་རྒྱུད་མིན་དུས་མི་ཞིག་འདི་ལྟར་བོར་འགྲོ་གི སྐུ་དྲག་མི་དྲག་ཚོའི་ཤ་དང་རུས་ལ་མ་གཏོགས་དུས་འབངས་མི་ཕལ་བ་ཞིག་གི་ཤི་གསོན་ཡང་ང་ཚོས་མི་ཤེས་གི ཁ་བདེ་ཁོག་བདེ་ཚོའི་རྒྱབ་ན་འ་མདའ་མེད་དུས་དཔའ་བོ་ཁེར་འགྲོ་ཞིག་གི་ཚེ་སྲོག་ང་ཚོར་མ་མི་མཁོ་གི “འཇིག་རྟེན་དཀར་ངོགས་འོག་འདི།། བདག་མེད་ཡོང་ས་མ་རེད།།”
གླིང་ཚའམ་བོད་ལྷ་ཀླུ་གཉན་གསུམ་ལགས། གོ་ཐོས་མེད་པར་གྱུར་སོང་བ་དེར། བློ་བདེ་པོ་རང་མ་བྱུང་། ཁོང་བདེ་འཚམས་ཡིན་པའི་རེ་བ་ཡོད། །
གླིང་ཚ་་བརྩེ་བའི་གཟའ་ཟླ་དང་ལྷན་སྐྱིད་ཉལ་བྱས་ཡོད་པ་ལ།་འུར་མ་སློང་་་་་
ཁོ་བདེ་བོ་རེད། དབུ་སེངྒེའི་གཡུ་རལ་དགུང་ལ་གཡུགས།།སེམས་ལ་རྒྱའི་མདུད་པ་ཧྲིལ་གྱིས་བསྒྲིལ།།་་་་་་་་
གླིང་ཚ་ལགས་། བཀའ་དྲིན་ཆེ། ཁྱེད་ཀྱི་མི་ཚེ་དང། ཁྱེད་ཀྱི་ཡོད་ཚད་བོད་མི་དམངས་ཀྱི་དོན་དུ་གཏང་བ་ནི་ནམ་ཡང་རྗེད་ཐབས་མེད།
Ranging ཁྱོད་ལ་བཟའ་ཟླ་གཟའ་རོ་ཞིག་ཡོད་པ་འདྲ།
དོན་ངོ་མ་ཅི་ཞིག་གི་དོན་དུ་གང་ཟིག་ནས་བརླགས་སོང་།
དཔའ་བོ་གླིང་ཚ་གླེང་མཁན་མང་མང་རེད།། དཔའ་བོ་གླིང་ཚ་འཚོལ་མཁན་ཉུང་ཉུང་རེད།།
ཨ་རོགས་ཚོ། གླིང་ཚས་མི་རིགས་ཀྱི་ཆེད་དུ་ལུས་སེམས་ལོངས་སྤྱོད་ནང་མི་དང་བཅས་པ་བློས་བཏང་སྟེ་རང་དབང་སྤྱི་རྒྱ་རང་གིས་བཅད་པ་རེད། ཁྱོད་ཚོས་འཚོལ་བས་རྙེད་འགྲོ་བ་དང་། མ་བཙལ་བས་བརླག་འགྲོ་བ་གང་ཡང་མེད་པའི་མི་རང་ཚུགས་ཅན་ཞིག་རེད། རྒྱུ་ཅན་རིག་ན་ཧེབ་ལང་མཁན་དང་། སྤྲང་པོ་རིག་ན་མིག་བཟུར་མཁན། དཔོན་པོ་རིག་ན་ལྕེ་བསྣར་མཁན་དང་། བླ་མ་རིག་ན་མགོ་སྐོར་བའི་མི་ཐེབ་ཅག་ཅིག་རྩ་བ་ནས་མ་རེད། ཁྱོད་ཚོས་གླིང་ཚ་ཚེ་རྡོར་ལ་ཤ་ཚ་མདོག་དང་ཇུས་མེད་ཇུས་གཏོགས་མ་བྱེད། ཁོས་ནམ་ཞིག་ས་གཞི་ཡིན་ཡང་གཤག་ནས་ཡོང་གི་རེད་ལ། ནམ་མཁའ་ཡིན་ཡང་རལ་ནས་ཡོང་གི་རེད། ལྟོས་བསྡད་ཨ། །