རབ་འབྱོར་ནས།
བོད་པ་ལ་ཤི་གོད་བྱུང་དུས་མེད་དུ་མི་རུང་བ་ནི་བླ་མ་ཞིག་གདན་འདྲེན་ཞུས་ནས་གཤིན་པོ་རྣམས་ཀྱི་རྣམ་ཤེས་འདྲེན་པ་དང་བསྔོ་སྨོན་བྱེད་རྒྱུ་དེ་རེད། དེ་ལ་བླ་མ་དེ་ཅི་ཙམ་གྱིས་ཆེ་ན་དེ་ཙམ་གྱིས་གདན་འདྲེན་ཞུ་མཁན་གྱི་བློ་ཁ་གང་གི་ཡོད་ལ། སེམས་ཀྱི་སྡུག་བསྔལ་ཇེ་ཆུང་དུ་འགྲོ་གི་ཡོད། བླ་མ་ཞིག་གདན་འདྲེན་ཞུ་བ་ནི་བོད་པ་ལ་མཚོན་ན་ཆོས་ལ་དད་མི་དད་པའི་དོན་དག་གཅིག་པོ་ཡང་མ་རེད། དེ་ནི་ཤུལ་ལུས་གསོན་པོ་རྣམས་ཀྱིས་གཤིན་པོ་ལ་ཕངས་སེམས་སམ་སེམས་ཀྱི་སྡུག་བསྔལ།
བརྩེ་སེམས་བཅས་སྟོན་སྟངས་ཤིག་ཏུ་ཡང་གྱུར་ཡོད།ད་རེས་ཡུལ་ཤུལ་མི་དམངས་ལ་༧གོང་ས་སྐྱབས་མགོན་རིན་པོ་ཆེ་དང་། རྒྱལ་བ་ཀརྨ་པ་ལྟ་བུ་ཞིག་ཆིབས་སྒྱུར་གནང་མཁོ་ཆེ་བ་འདི་འདྲ་ནི་ལོ་རྒྱུས་ཐོག་ལ་བྱུང་དཀོན་པོ་ཡིན་རྒྱུ་རེད། ཡུལ་ཤུལ་མི་དམངས་ཀྱིས་གཉེན་ཉེ་བེམ་པོ་ས་འོག་ནས་ལེན་ཞོར་དུ་རྒྱ་གཞུང་ལ་༧གོང་ས་སྐྱབས་མགོན་རིན་པོ་ཆེ་གདན་འདྲེན་ཞུ་བའི་ཞུ་འབོད་བྱས་ཡོད་སྐད་ལ། ༧གོང་ས་མཆོག་ནས་ཀྱང་དེ་མ་ཐག་ཕེབས་འདོད་ཡོད་ལུགས་ཀྱི་ལྗགས་ལན་གནང་ཡོད། ཡིན་ན་ཡང་རྒྱ་ཕྱོགས་ནས་དེ་ལ་ད་བར་དུ་གཞུང་འབྲེལ་གྱི་ལན་ཅི་ཡང་བརྒྱབ་མེད།ཕར་བལྟས་ན་རྒྱ་གཞུང་གིས་༧གོང་ས་མཆོག་གདན་འདྲེན་ཞུས་ཨེ་ཡོང་བསམ་གྱི་འདུག
རྒྱུ་མཚན་ནི་ས་ཡོམ་དང་རྒྱ་གཞུང་གིས་༧རྒྱལ་བ་རིན་པོ་ཆེ་ལ་འཛིན་པའི་ལྟ་སྟངས་དེ་གཉིས་ཀྱི་བར་ན་འབྲེལ་བ་ཅི་ཡང་ཡོད་པ་མ་རེད། སྤྱིར་བཏང་༧སྐྱབས་མགོན་རིན་པོ་ཆེས་བོད་ལ་ཕེབས་འདོད་ཅིག་སྟོན་གནང་སྐབས་དེ་ལ་ལན་རྩུབ་མོ་རྒྱག་རྐྱང་བྱེད་པ་ལ། ད་རེས་རྒྱ་གཞུང་ཁ་རོག་གེར་འདུག་པ་ནི་གཅིག་བྱས་ན་རྒྱ་གཞུང་གིས་ཡུལ་ཤུལ་མི་དམངས་ཀྱི་སེམས་ཀྱི་སྡུག་བསྔལ་ལ་བསམ་བློ་ཞིག་བཏང་བ་རེད། ཡང་གཅིག་བྱས་ན་སེམས་ཀྱི་སྡུག་བསྔལ་དེ་ཁོང་ཁྲོ་རུ་འགྱུར་བ་ལ་སྐྲག་པ་རེད།
ཡང་གཅིག་བྱས་ན་འདིའི་སྐོར་ལ་༧གོང་ས་སྐྱབས་མགོན་རིན་པོ་ཆེ་དང་རྒྱ་གཞུང་བར་ལ་གསང་འབྲེལ་ཞིག་འབྱུང་བཞིན་པ་ཡིན་ནམ།རྒྱ་གཞུང་ཁ་རོག་གེ་འདུག་པ་ལ་ཡང་རྒྱུ་མཚན་གཞན་པ་ཞིག་ཀྱང་ཡོད། དེ་ནི་རྒྱ་གཞུང་གི་ལག་འོག་ན་ཡུལ་ཤུལ་མི་དམངས་ལ་སེམས་གསོ་ཐེབས་པའི་བླ་ཆེན་ཞིག་གདན་འདྲེན་ཞུ་རྒྱུ་མེད་པ་དེ་རེད། སྤྱིར་བཏང་༧་རྒྱལ་བ་རིན་པོ་ཆེ་ནས་མར་ཡོང་ན་༧པཎ་ཆེན་རིན་པོ་ཆེ་དང་༧རྒྱལ་བ་ཀརྨ་པ་ལྟ་བུ་རེད། ༧རྒྱལ་བ་ཀརྨ་པ་ནི་ཕེབས་ཐབས་མེད་པ་སྨོས་ཅི་དགོས། ཡིན་ན་ཡང་རྒྱ་གཞུང་རང་གིས་ངོས་འཛིན་བྱས་པའི་པཎ་ཆེན་ཡང་སྲིད་དེ་རང་གི་ལག་ན་ཡོད་ཡོད་རེད། གདན་འདྲེན་ཞུ་ཆོག་ཆོག་རེད། ད་ནི་ཡང་སྲིད་དེ་ཤ་དར་ཁྲག་དར་གྱི་གཞོན་ནུ་ནི་རེད། ཆོས་ཀྱི་ཆོ་ག་ཕྱག་ལེན་ནི་ཤེས། ཡུལ་ཤུལ་ལ་འགྲོ་ཆོག་ཆོག་ཡོད་པ་རེད། དེ་ལྟ་ན་ཡང་རྒྱ་གཞུང་གིས་ད་རེས་ཡུལ་ཤུལ་ལ་གདན་འདྲེན་མ་ཞུས་པ་ནི་དེས་ཡུལ་ཤུལ་མི་དམངས་ལ་སེམས་གསོ་ཐེབས་མི་ཐུབ་པ་དེ་རྒྱ་གཞུང་གིས་ངོས་ལེན་བྱས་པ་ལྟ་བུ་ཞིག་རེད། གལ་སྲིད་རྒྱ་གཞུང་ལ་པན་ཆེན་ཡང་སྲིད་དེས་ཡུལ་ཤུལ་མི་དམངས་ལ་སེམས་གསོ་ཐེབས་པའི་ཡིད་ཆེས་ཤིག་ཡོད་པ་ཡིན་ན། ཡང་༧རྒྱལ་བ་རིན་པོ་ཆེ་ལ་ཚིག་རྩུབ་ཚ་བོ་འགའ་ཞིག་བརྗོད་ནས་པཎ་ཆེན་དེ་ཡུལ་ཤུལ་ལ་ཁྲིད་ཚར་བ་རེད། རྒྱ་གཞུང་གི་པཎ་ཆེན་ཁོང་ཡང་སྙིང་རྗེ། བོད་མི་དམངས་ལ་པཎ་ཆེན་རིན་པོ་ཆེ་ཧ་ཅང་དགོས་པའི་དུས་ཤིག་ལ། རང་ཉིད་ལ་དགོས་མཁོ་དེ་སྐོང་ནུས་མེད་པ་མཐོང་བཞིན་དུ་པཎ་ཆེན་གྱི་བཞུགས་ཁྲིའི་སྟེང་ལ་བཞུགས་རྒྱུ་དེ་ཡང་སྐྱིད་པོ་ཞིག་ཡིན་རྒྱུ་མ་རེད།
དགེ་འདུན་པ་ཚོས་ཕུང་པོ་སྤུངས་པའི་མདུན་དེར་སྨོན་ལམ་སྐྱོར་བའི་པར་རིས་དག་མཐོང་སྐབས་ང་ཚོ་ལ་ཡང་བློ་བདེ་བའི་ཁྱད་ཅིག་ཡོང་གི་འདུག ཨ་མདོའི་སྐད་དུ་བཤད་ན། མཁོ་སོད་རྒྱུ་ཞིག་འདུག མགུ་གང་རྒྱུ་ཞིག་འདུག མཁོ་སོད་ཤོས་དེ་ནི་ཉིད་ཀྱིས་གསུངས་པ་བཞིན་བླ་ཆེན་དག་ཕེབས་དགོས་པ་རེད། དེ་ཅི་ཤེས། དགེ་འདུན་པས་ཉེན་སྐྱོབ་ཀྱི་ལས་ཀ་ཡང་མཚམས་འཇོག་དགོས་པའི་བཀོད་ཁྱབ་བཏང་འདུག་ཟེར།
པན་ཆེན་རྒྱལ་མཚན་ནོར་བུ་ནས་སྒོར་ཁྲི་བཅུ་གནང་འདུག་
བོད
རེད་ཡ། ཡུལ་ཤུལ་གྱི་བོད་མི་འདས་གསོན་གཉིས་ཀར་ཆེས་དགོས་མཁོ་ཆེ་བ་ནི་སྐྱབས་འདྲེན་བླ་མ་དང་དགེ་འདུན་པ་རྣམ་པས་ཐུགས་གསོ་བསྔོ་སྨོན་གསུང་རྒྱུ་དེ་ཡིན་མོད། རྒྱ་གཞུང་པཎ་ཆེན་གྱིས་བོད་པའི་བླ་མ་ཁག་ཅིག་གི་མཉམ་པེ་ཅིང་དུ་མ་གཏོགས་ཆོས་ཕྱོགས་བྱེད་སྒོ་སྤེལ་ཐུབ་ཀྱི་མེད་པ་རེད། འདི་ལྟར་བོད་པ་ལ་ཕན་ཅི་ཐོགས། རྒྱ་གཞུང་ལ་ཡང་ཕན་མི་ཐོགས། ཁོ་མི་སྒེར་ལ་ཡང་ཕན་མི་ཐོགས། ད་ཅི་དྲགས།
སྐྱེ་རྒུ་མདོའི་ཤི་གསོན་གཉིས་ལ་ཁ་ཚ་དགོས་གཏུགས་ཀྱི་མཁོ་བའི་རེ་བ་སྙེག་ཅིག་བྱེད་ཡུལ་ནི་གོང་ས༧མཆོག་གཅིག་པུ་ཡིན་ལ། ཤི་གསོན་གྱིས་མྱ་ངམ་ཐང་ན་ཡང་ཉམས་ཐག་བོད་མིའི་ངུ་ངག་དང་མ་ནི་ཡིག་དྲུག་གི་རླུང་རྟའི་ཁྲོད་ན་རྒྱལ་བ་རིན་པོ་ཆེ་ལ་གསོལ་བ་དྲག་ཏུ་འདེབས་བཞིན་འདུག དེ་ལ་བལྟས་ན་ཡང་སྐྱབས་གཞན་ན་རེ་ས་མེད་པ་མཚོན་ཐུབ། གོང་ས༧ཡིད་བཞིན་ནོར་བུའི་ཤི་བོ་ལམ་སྣ་འདྲེན་པ་དང་གསོན་པོ་གདུང་སེམས་མཉམ་སྐྱེད་ཆེད་བཀའ་སློབ་གནང་ཡོད་པ་ཚང་མའི་མཁྱེན་གསལ་ལྟར། ད་དུང་ང་ཚོས་དངོས་གནས་ཀྱང་་ཕྱོགས་གང་ཅིའི་ཐད་ནས་རོགས་རམ་གང་ཐུབ་ཐུབ་གནང་ན་ཕན་རླབས་ཆེ་སྙམ།
སྐྱེ་རྒུ་མདོའི་ཤི་གསོན་གཉིས་ལ་ཁ་ཚ་དགོས་གཏུགས་ཀྱི་མཁོ་བའི་རེ་བ་སྙེག་ཅིག་བྱེད་ཡུལ་ནི་གོང་ས༧མཆོག་གཅིག་པུ་ཡིན་ལ། ཤི་གསོན་གྱིས་མྱ་ངམ་ཐང་ན་ཡང་ཉམས་ཐག་བོད་མིའི་ངུ་ངག་དང་མ་ནི་ཡིག་དྲུག་གི་རླུང་རྟའི་ཁྲོད་ན་རྒྱལ་བ་རིན་པོ་ཆེ་ལ་གསོལ་བ་དྲག་ཏུ་འདེབས་བཞིན་འདུག དེ་ལ་བལྟས་ན་ཡང་སྐྱབས་གཞན་ན་རེ་ས་མེད་པ་མཚོན་ཐུབ། གོང་ས༧ཡིད་བཞིན་ནོར་བུའི་ཤི་བོ་ལམ་སྣ་འདྲེན་པ་དང་གསོན་པོ་གདུང་སེམས་མཉམ་སྐྱེད་ཆེད་བཀའ་སློབ་གནང་ཡོད་པ་ཚང་མའི་མཁྱེན་གསལ་ལྟར། ད་དུང་ང་ཚོས་དངོས་གནས་ཀྱང་་ཕྱོགས་གང་ཅིའི་ཐད་ནས་རོགས་རམ་གང་ཐུབ་ཐུབ་གནང་ན་ཕན་རླབས་ཆེ་སྙམ།
རྒྱ་གཞུང་གི་པཎ་ཆེན།
རབ་འབྱོར་ལགས་ཀྱིས་གསུངས་པ་དེ་ག་རང་རེད། དངོས་གནས་བཤད་ན་རྒྱ་གཞུང་ལ་པཎ་ཆེན་རྫུན་མ་དེ་གོད་ཆགས་ཆེན་པོ་འདི་འདྲའི་སྐབས་བེད་སྤྱོད་གཏོང་བའི་གདེངས་ཚོད་ཀྱིས་འདང་གི་ཡོད་ནི་མ་རེད།
བོད་མིའི་སེམས་ནང་ཁོ་བར་ངོས་ལེན་མེད་པ་ཁོང་ཚོས་གསལ་བོར་ཧ་གོ་གི་ཡོད་པ་རེད། ལེགས་པར་བསམས་ན། པཎ་ཆེན་དེའང་ཡིད་སྐྱོ་དགོས་པའི་ཡུལ་རེད། བཟང་བཙོན་ལྟ་བུ་རེད།
རབ་འབྱོར་དང་རྔ་བ་རྒྱལ་ཁམས་པ་སོགས་ཀྱིས་གསུང་བར་རྒྱབ་སྐྱོར་ཡོད།
པཎ་ཆེན་རྫུན་མ་ཁོང་བཟང་བཙོན་རང་རེད་སྙིང་མ་རྗེ། ཁོང་ས་གནས་དེར་ཕེབས་འཇུག་རྒྱུའི་སྤོབས་པ་རྒྱ་རྒན་ཚང་ལ་ཡོད་ནི་མ་རེད། གལ་སྲིད་ཕེབས་ཀྱང་ཡུལ་མིའི་སྡུག་བསྔལ་སེལ་མི་ཐུབ་པ་མ་ཟད་ཡུལ་མིའི་སེམས་ལ་ཁོང་ཁྲོ་དང་གདུང་བ་ལྷག་མ་ཡོང་རྒྱུ་ཞིག་ལས་གཞན་གང་ཡོང་། དེས་ན་འདི་ནས་ང་ཚོས་་་་་༧གོང་ས་མཆོག་དང་བོད་གཞུང་གི་སྐུ་ཚབ་རེ་ས་གནས་དེར་བཏང་ཐུབ་ན་མི་དམངས་ཀི་སྡུག་བསྔལ་རེ་ཞིག་སངས་ཐུབ་པའི་རེ་བ་ཡོད་ནི་རེད་ལགས།